Admin.uz

Ўзбекистон мусулмонлари идораси мамлакат бўйлаб Қурбон ҳайити намозини ўқиш вақтлари ҳақида маълумот берди. Унга кўра, Тошкентда Қурбон ҳайити намози 16 июн, якшанба куни соат 05:10 да ўқилади. Қолган ҳудудлардаги намоз вақтлари билан суратда танишиб олишингиз мумкин.

🇦🇷Аргентинада эркак хавфсизлик воситаларисиз осмонўпар бинога чиқди Футболчи Лионел Мессининг формасини кийиб олган эркак Буэнос Айресдаги Globant биносига кўтарилган. Бундай ҳаракатларни такрорлаш тавсия қилинмайди!

⚡️Россиядан мигрантларни чиқариб юбориш режими жорий этилиши мумкин Давлат думаси тегишли қонун лойиҳасини биринчи ўқишда маъқуллади. Янги режим Россияда қонуний бўлиш ҳуқуқига эга бўлмаган хорижликларга нисбатан қўлланилади. Режим қўлланилган мигрантлар яшаш жойини ўзгартириши, машина ҳайдаши, мулк сотиб олиши, никоҳдан ўтиши ва пул ўтказмалари амалга ошириши мумкин бўлмайди.

Наманган ва Қаршидан Истанбулга авиақатновлар йўлга қўйилди. Намангандан ҳафтасига бир марта сешанба кунлари, Қаршидан ҳам ҳафтасига бир марта пайшанба кунлари амалга оширилади. Парвозлар Qanot Sharq компанияси томонидан A321 самолётларида бажарилади.

✈️Uzbekistan Airways Қурбон ҳайити муносабати ички йўналишларда рейсларни кўпайтирди Байрам муносабати билан қуйидаги йўналишларда қўшимча авиақатновлар жорий қилинмоқда: Тошкент - Наманган - Тошкент – 15 июнь; Тошкент - Бухоро - Тошкент – 15, 17, 18 июнь кунлари; Тошкент - Термиз - Тошкент – 15, 16, 17, 18 июнь кунлари; Тошкент - Самарқанд - Тошкент – 16 июнь кунлари; Тошкент - Урганч - Тошкент – 16, 18 июнь кунлари; Тошкент - Фарғона - Тошкент – 17 июнь кунлари.

Навоий кон-металлургия комбинати директори, техника фанлари доктори, профессор, "Дўстлик", "Фидокорона хизматлари учун" орденлари, "Ўзбекистон Республикасида хизмат кўрсатган саноат ходими" фахрий унвони соҳиби, "Ўзбекистон Қаҳрамони" Қувондиқ Санақулов бугун қутлуғ 67 ёшни қарши олибди.

«Notcoin» сотгани сабаб қамалган талабага Notcoin ҳамжамияти янги iPhone совға қилмоқчи Жамоа йигитни қандай топиш мумкинлигини сўраб твит ёзиб қолдирган. Термиз давлат университетининг 24 ёшли битирувчисига ноткоин сотган учун маъмурий қамоқ жазоси қўлланди. У крипто-активлар айланмаси соҳасидаги қонунчиликни бузганликда айбли деб топилган, талабани Samsung Galaxy A30 русумли телефони мусодара қилинган

16 июнь, Қурбон ҳайити кунида Тошкент метрополитени соат 03:00 дан 10:00 га қадар йўловчиларга бепул хизмат кўрсатади.

Табибимнинг ўзи бемор: Прокурор, терговчи ва адвокат қамоққа олинди ДХХ Жиззах вилояти прокуратурасининг бўлим прокурорини, Тошкентда Яккасарой туман ИИО ФМБ ҳузуридаги Тергов бўлими терговчиси ва 2 нафар суриштирувчисини ва Наманган шаҳридаги адвокатлар ҳайъати адвокатини тезкор тадбирлар вақтида қўлга туширибди.

Саудия Арабистони нефт долларидан воз кечишга қарор қилди: мамлакат АҚШ билан 50 йиллик нефт долларлари шартномасини узайтирмасликка қарор қилди. Шартнома муддати 2024-йил 9-июн куни якунига етган. Шартномани узайтирмаслик тўғрисидаги қарор Саудия Арабистонига нефт ва бошқа товарларни фақат АҚШ долларида эмас, балки Хитой юан, евро, иена ва юан каби бир нечта валюталарда сотиш имконини беради. Бундан ташқари, Bitcoin каби рақамли валюталардан фойдаланиш имконияти кўриб чиқилиши мумкин.