✍️ Jaydari Kopirayter | Kopirayting blogi

Shu pulni menga beringlar... Loyihalarda pul katta bo‘lgandan keyin shunday pulini to‘laydi, bo‘ldi, qolganining qizig‘i yo‘q. Eng qizig‘i, ba’zida ular o‘zlarining reputatsiyasi tushishiga pul to‘lashgan bo‘ladi. Shu banner taxminan 1 oydan buyon shu ahvol, endilikda ahvoli yana ham og‘irlashyapti. Shuni mas’ullardan kimdir kelib qarasa yoki shu ishni qilgan odamni topsa, shu kabi xatolar kamayarmidi. O‘zi kompaniyaning qanchalik puli ko‘p bo‘lmasin, reklamaga sarflangan pul qanchalik o‘zini oqlayotganiga qiziqish kerak, deb o‘ylayman. Baribir reklamaga aytaylik $ 500 ajratilyapti, shunga mas’ul insonga yana $ 50 ajratilsa, masala hal. Hozir esa bu reklamani ko‘rgan insonning ko‘ngli aynidi, reklamada esa yana urg‘uni chiroyli suratga olishga berishgan. Ehhh, yoshlar, yoshlar

Kelgan 100 lab xabarlar qiziq emas, agar u 11313 dan hisobingiz to‘ldirildi mazmunida bo‘lmasa

Siz “biz kitob o’qimay qo’ydik” demoqchisiz. Albatta millat taqdiri ilm va ma’rifatga bog’liq. Aks holda ilmlilar jamoasiga tobe bo’lib qolish hech gap emas. Menimcha nima bo’lganda ham kitob o’qish kerak. Juda ko’p va juda tez o’qishimiz kerak. Tajribamga ko’ra ayrim kitoblarni takroran o’qiganimda umuman boshqa ma’nolarni kashf etaman. Xuddi avval o’qimaganday tuyuladi. Keyin o’ylanib qolaman agar dunyoning qaysidir joyida men o’n martalab o’qiganimda kitobdan olgan mazmunni bittada tushunadigan odam bor. Shu insonlarni kashf qilishimiz uchun ham hammamiz yoppasiga kitob o’qishimiz kerak. Hazrat Husaynxon Qori Yaxyo Abdulmajiddan eshitishimcha Payg’ambarimiz Salohiddin Ayubiylardek insonlar yetishib chiqadigan darajadagi avlodni shakllantirgan ekanlar. Shu davrlarda insonlarning darajasi shunaqa ulug’ bo’lgan ekan. Faqat oralaridan kimlardir yaqqol ajralib chiqib qolgan. Biz g’ururlanib aytadigan bobolarimizning zamonlarida ham jamiyatdagi insonlarning ilmi yuqori bo’lgan. Kimdir kitob o’qib jamiyat ichida muvaffaqiyat qozonmagan shaxs sifatida qolishi mumkin. Lekin o’sha kimdir o’sha ilmlaridan o’qitib butun bir olimlar, ulamolar jamoasini shakllantirishi yoki shu olimlarni dunyoga keltirib o’qitishi, ta’lim tarbiya berishi mumkin. Nima bo’lishidan qat’iy nazar kitob o’qish va ilm olish biz uchun ustuvor bo’lishi kerak.

Inson yaxshi ko‘rgan ishini qilib rivojlanmaydi Yaxshi ko‘rgan ishni qilish kerak, gap yo‘q, lekin muammoli tarafi, yaxshi ko‘rgan ishingiz Sizni qiymamaydi, charchatmaydi, bu esa o‘sishingizga halaqit beradi. Insonning tabiati shunaqa, u og‘riq bilan rivojlanadi. Og‘riq yo‘qmi, demak, inson katta ehtimol bilan o‘sishdan to‘xtab qolgan yoki juda sekin o‘syapti. Bunda 3 yil oldin kitob o‘qigan, sertifikat, diplomlari bor insonlarni muvaffaqiyatli, deb o‘ylardim. Shu sababli shunaqa insonlar jamoasini topib, ular bilan birga ma’lum vaqt o‘tkazganman. O‘sha payt kitobxonlar ichida bitta daho qiz bor edi. Kallasi kompyuter edi, kitobni o‘qimasdi, yodlab olardi. Kitobxon sifatida mening kumirim shu qiz bo‘lgan. Mana oradan 3 yil o‘tdi. Shu qiz bahosi taxminan 1-2 million turadigan kitobxonlik tanlovida layk yig‘ish uchun hammaga iltimos qilib yuribdi. Eng qizig‘i, xuddi shu ishni 3 yil oldin men ham qilardim. Aynan shuning uchun layk, pm yig‘ib yutiladigan tanlovlarni yomon ko‘raman. Chunki bu loyihalarda faqat men yutaman, qolgan bilimi, aqli, harakati bor insonlar chetda qolib ketaveradi. Bu o‘yinlarda 3 kishi: loyiha tashkilotchisi, loyiha homiysi va g‘irrom o‘ynagan o‘yinchi yutadi. Hozir gap bu o‘yinlarda emas, hali ham shu o‘yinlarda qatnashib yurgan kitobxon tanishimda. Men o‘zimni zo‘rman demoqchi emasman, lekin aniq bo‘lmagan 1-2 million so‘m uchun 1 oy vaqtim, energiya va mehnatimni ajratmayman. U esa hali ham shu o‘yinlardan nimadir umid qilib yuribdi. Hamma muvaffaqiyatli insonlar kitob o‘qiydi, lekin kitob o‘qigan hamma ham muvaffaqiyatli inson bo‘lolmaydi. Bu mavzuga yana to‘xtalamiz. Hozir aytmoqchi bo‘lganim, nima demoqchiligimni o‘zim ham bilmayman. Shunchaki uyqum kelmayapti, shu sababli Siz ham o‘ylab uxlay olmang, deb shu postni yozdim xolos)

Bitta bola xira ko‘cha chirog‘ida konspekt yozib o‘tiribdi, borib nega yozayotganini so‘radim. Institutiga kerak ekan. Bolaning ko‘zi ishib ketgan, ko‘zini ocholmayapti ham. Eng qizig‘i, universitetda o‘qigan paytlarim shunaqa ko‘z nurlari sarflangan taxminan 500 kg daftar, mustaqil ishlarni makalaturaga olib chiqib berishga shaxsan o‘zim qarashganman. Bu gapim bilan hech mima demoqchi emasman. Shunchaki xayrli tun tilagan holda Sizga beriladigan yangi kunda sog‘liq, energiya va vaqtingizni muhimroq ishlarga sarflashingizni tilab qolaman.

Alo? — Assalomu alaykum Men ... ning bosh menejeriman, kursda o‘qiydigan bo‘ldingizmi? — Yo‘q O‘qimaysizmi? — Ha O‘qiysizmi? — Yo‘q Iye, o‘qiysizmi yoki o‘qimaysizmi? — Yo‘q, kursda o‘qimayman | Ha, kursda o‘qimayman 🤔🤔🤔 xo‘p P. S. Nega o‘qimayman, nima sababdan bu qarorga keldim, buning hech operatorga qizig‘i yo‘q 😑

Suvlarning jildirashi, qushlarning sayrashi va tabiatning go‘zal ovozi o‘z yo‘liga, lekin bu ovozning ham o‘ziga yarasha gashti bor a?)

220 ta zal topib, kelishishning iloji bormi? — Albatta, buni 1fit isbotladi. Alifboni biladigan kopirayter topishnichi? — Lekin bu juda qiyin ish, buni ham 1fit isbotladi.

Bejizga kopirayter xalq ichida nima bo‘layotganini bilishi shart deyilmagan. Google kompaniyasining o‘rniga Apple yoki boshqa biron bir kompaniyani yozish mumkin edi, lekin kopirayter janoblari Google'ni yozganlar. Google brat esa boykotga uchragan. IT sohasida hamma ham boykotga juda jiddiy qaramaydi, lekin ozgina bo‘lsa ham cheklashga harakat qilishadi. Aynan shu boykot mavzusi tufayli juda ko‘p xodimlar almashib ketdi. Shaxsan mening o‘zim ham Yandex'ga kirib, Google deb yozardim. Chunki Google menga foydalanishga juda qulay, boykot olgandan keyin esa Yandex ishlatyapman. Vaholanki, men mehri daryo yoki vijdonli pro max emasman. Endi shu mavzuga jiddiy qaraydiganlarni tasavvur qilib ko‘ring, ishidan voz kechib yuborishga tayyor turgan payti shu reklamani qilayotgan universitetda o‘qiydimi? Undan ko‘ra bu hayotdan diplomsiz o‘tib qo‘ya qoladi. Shu sababli yozilgan sarlavhalar haqida har taraflama qayta-qayta o‘ylab ko‘ring. Amity universitetiga esa xalqni tushunadigan #kopirayter_kerak