Research Services

ملګرتیا د ژوند هغه قیمتي کاڼى دی چې د انسان زړه روښانه کوي، د ژوند سفر ته رنګ او خوند وربخښي. دا یوازې د خندا او خوشالۍ شریکول نه، بلکې یو داسې اړیکه ده چې په سختو او اسانو وختونو کې د انسان تر څنګ ولاړه وي، لکه د یوې پیاوړې کلا دیوال. ملګرتیا هغه پاکه مینه ده چې په بدل کې یې هیڅ توقع نه لري، اما د ژوند هره شیبه یې د باور، درناوي او قربانۍ په رنګ رنګینوي. ریښتینې ملګرتیا هغه ده چې په زړه پورې کیسې، خندا او خوبونه شریکوي، خو اصلي امتحان یې په سختو وختونو کې معلومېږي. یو ریښتینی ملګری هغه دی چې ستا په زخمونو باندې مرهم لګوي، نه مالګې. هغه ستا د ناکامۍ په وخت کې ستا لاس نیسي، ستا د غم په وخت کې ستا اوښکې پاکوي او ستا د بریا په وخت کې ستا سره په زړه پوره خوشالي کوي. دا ملګرتیا د ژوند هغه ډالۍ ده چې تاسې ته دا احساس درکوي چې تاسې په دې نړۍ کې یوازې نه یاست. ملګرتیا یوازې د وخت تېرولو لپاره نه ده، بلکې دا د ژوند یو بنسټ دی. یو ریښتینی ملګری ستا د شخصیت آیینه ده؛ هغه ستا نیمګړتیاوې په نرمۍ سره درته ښيي، ستا د خوبونو ملاتړ کوي او ستا سره په هره لاره کې اوږه په اوږه ګام اخلي. ملګرتیا تاسې ته هغه جرئت درکوي چې د ژوند له ننګونو سره مخ شئ، ځکه تاسې پوهېږئ چې یو څوک شته چې ستاسې تر شا ولاړ دی. راځئ، د ملګرتیا ارزښت وپېژنو او هغه خلکو ته قدر ورکړو چې زموږ په ژوند کې یې رنګونه زیات کړي. یو ریښتینی ملګری د ژوند هغه خزانه ده چې نه په پیسو اخیستل کېږي او نه په زور ترلاسه کېږي. دا د زړونو اړیکه ده چې په صداقت، وفادارۍ او مینه ولاړه ده. نو راځئ، خپلو ملګرو ته وخت ورکړو، د دوی قدر وکړو او د ملګرتیا دا سپیڅلې اړیکه نوره هم پیاوړې کړو. ځکه په ژوند کې که څه هم له لاسه ورکړو، خو یو ریښتینی ملګری موږ ته د ژوند هر رنګ او هر خوند بېرته راکوي!

قرانکریم د کمپیوټر سکرین لپاره کچیرې په هره اداره کې مو کار کولو، او کله نه کله درسره د تلاوت وخت پیدا کیدو، نو کولی شئ چې د ډسټآپ قران په نوم سره همدا اپلیکشن درسره کمپيوټر ته ډاونلوډ او ګټه ترې واخلئ. https://www.quranflash.com/desktop?en

دلته درې قسمه خلک ‌کامياب ګڼل کيږي: ۱:هغه خلک چې نړۍ ته لا تراوسه راغلي نه دي. ۲:هغه خلک چې له نړۍ تللي دي. ۳:هغه خلک چې له هيواده بهر دي. محمود الحسن دیویندی

که غواړې شات راټول کړې، نو د مچیو ځالو ته لغتې مه ورکوې. ـــ دېل کارنيګي

که ژوند درته ماتې درکړي الله ته سجده وکړه، او بریا خپله کړه.

د ژوند لنډې خبرې: نه دایمي خوشالي شته، او نه هم تلپاتې غم.

ډېرې فشارونه زموږ خپله جوړونه وي: هغه کسان چې موږ یې نه خوښو، تعقیبوو یې. هغه یادونه چې موږ ته درد راکوي، راژوندي کوو یې. هغه خبرونه چې موږ خفه کوي، اورو یې. هغه موضوعات چې زموږ آرامتیا ګډوډوي، ورباندې خبرې کوو. ځان ته یو مثبت چاپېریال جوړ کړه، او د حضرت عمر بن خطاب دا خبره په یاد ولرئ له هغه څه ځان لرې کړه چې تا ته زیان رسوي. زهیرمل

خپل اولادونه په دې وپوهوئ چې پلرونه یې روپۍ په لارو کوڅو کې نه راټولوي، هغوی پرې خپله روغتیا له منځه وړي، خپل عمر پرې خوري، د خپل بدن غوښې پرې تویوي. لحاظ

کله چې داسې احساس کوې چې ټولې لارې بندې دي... د الله تعالی مهرباني به له هغه لارې در ورسېږي چې ته یې ناشونې ګڼې! له الله سره اوسه او له هېڅ شي مه وېرېږه... 💙

د سپي او زمري سيالي ژباړه:ف.مظلوم يار https://www.facebook.com/MazloumYar.Bahar/ یو وخت، د سپیو د منډې سیالي جوړه شوه، په سيالۍ کې دسپو د منډې تر څنګ، زمري هم د سیالۍ برخه وال و. دا د سپیو لپاره یوه غیر معمولي پېښه او صحنه وه، ځکه چې د سپیو د منډې سیالۍ عموماً د سپیو ترمنځ ترسره کیږي. د سیالۍ په پیل کې، سپیو د خپلې ټولو هڅو او قوت په ښکاره کولو کې پوره کوښښ وکړ. دوی د خپلو ځوانانو او زړو سپو تر منځ د منډې په میدان کې د فتحې لپاره هر څه ترسره کړل. زمری، چې د سیالۍ په څنډه کې ناست و، د خپلو غټو او قوي پښو سره يې یوازې د سیالۍ څارنه کوله. د زمري د موجودیت احساس د سپیو هڅې کمزورې کړې، خو سپو لا هم د خپل موخې ترلاسه کولو لپاره هڅه کوله. کله چې د زمري له خاونده پوښتنه وشوه، چې ولې دې زمري سیالي وبایلله؟ هغه په خندا ځواب ورکړ: کله کله، ځان تر ټولو ښه ثابتول د ځان د توهین په مانا وي. هر ځای او وخت د دې نه وي چې ته په کې خپل ځان پياوړی ثابت کړې. زمری پوهیږي چې د هغه قوت او ځواک یوازې د سیالۍ په میدان کې نه ، بلکې د هغه موجودیت او چوپتیا هم د هغه د عظمت نښه ده. د ځینو خلکو په وړاندې چوپتیا، د پوهې او درایت په مانا وي، چې د بې ځایه خبرو او سیالۍ يې ځان وساتې. د سپیو او زمري تر منځ یوه مهمه نقطه داده چې: سپي: د منډې په میدان کې د خپل قوت او هڅې په خاطر منډه وهي، د سیالۍ روحیه لري او د بریالیتوب لپاره هر څه کوي. - زمری: د خپل قدرت او مقام په خاطر، د سیالۍ په میدان کې یوازې ناست وي او د نورو د هڅو څارنه کوي. ځینې وختونه، د خپل وجود او مقام ساتل تر ټولو مهم وي. د سپیو سره یوازې سپي په منډه ښه ښکاري، نه زمري. د زمري فلسفه موږ ته ښیي چې د ځینو حالاتو په وړاندې چوپتیا غوره انتخاب دی او د ځان ثابتولو هڅه تل د بریالیتوب نښه نه وي. په ژوند کې هر وخت د بریالیتوب لپاره د منډو کولو اړتيا نشته، بل کې ځینې وختونه د پوهې او درایت سره چوپ پاتې کیدل هم غوره وي.

د کتاب نوم: نړيوال ادبي مکتبونه لیکوال: هیواد بریال کومکي حجم:2ام بي بڼه: PDF 📚کتابتون NH زموږ چینل درسره جوين کړئ. ↶ 🔍 @naseebullahqalamyar👇👇👇