БСТ | Яңылыҡтар

Өфөнөң оператив хеҙмәттәре һыуға батып барыусыларҙы ҡотҡарҙы Күнекмә сценарийы буйынса юл-транспорт ваҡиғаһы һөҙөмтәһендә 2 машина зыян күрә: береһе яна, икенсеһе һыуға төшә. Тәҙрә аша сығып осҡан водителде ағым алып китә, ә пассажир салон эсендә ҡыҫылып ҡала. Шуға ла оператив хеҙмәттәргә тиҙ арала зыян күреүселәрҙе табыу, беренсе ярҙам күрһәтеү һәм янғынды һүндереү бурысы ҡуйылды.

Өфөлә йәшәгән ишле ғаилә Бөтә Рәсәй конкурсында еңеү яуланы Андрющенколар “Йыл ғаиләһе” тип иғлан ителде. Уларҙы Федерация Советының фән, мәғариф һәм мәҙәниәт комитеты рәйесе Лилиә Ғүмәрова тәбрикләне. Тантаналы сара Мәскәүҙә “Рәсәй” милли үҙәгендә үтте. “Андрющенколар һәм уларҙың балалары ҙур, татыу, ижади һәм интернациональ ғаиләнең иң яҡшы өлгөһө”, - тине сенатор. Ғаилә башлығы Ярослав махсус хәрби операция биләмәһендә хеҙмәт итә. Ул десант-штурм полкы яугиры.

Архангел-Красноусол юлы ремонтлана "Тормош өсөн инфраструктура" милли проекты буйынса эштәр Ғафури районында алып барыла. Еҙем-Ҡаран ауылы янында 5 километр тәртипкә килтерелә. Архангел-Красноусол юлынан ике район халҡы күпләп йөрөй. Бынан тыш туристар килә. Еҙем йылғаһы буйынса ял итеүселәр күп, - тип хәбәр итәләр Транспорт һәм юл хужалығы министрлығынан.

Грипп менән ауырыусылар һаны артыуы декабрь-ғинуар айҙарында фаразлана Ҡулланыусылар хоҡуҡтарын яҡлау хеҙмәтенең республика идаралығы етәксеһе Анна Казак шулай тип белдерҙе. Уҙған миҙгелдә иһә ауырыусылар март айында күп булған. Халыҡ киҙеүҙән прививка эшләтә ала. Иммунитет нығынһын өсөн 3-4 аҙна талап ителә, - тине Анна Казак. Башҡортостанда икенсе аҙна рәттән һалҡын тейҙереп ауырыу осраҡтарының кәмеүе теркәлә.

“Әй Йола” төркөмө башҡарыусылары телде һәм мәҙәниәтте һаҡлауға саҡыра Телде яҡшы белмәй, өндәрҙе яңылыш әйтә. "Әй Йола" төркөмө солисы Адель Шәйхетдиноваға төрлө тәңҡит һүҙҙәрен ишетергә тура килә. Уларға яуап итеп йәш йырсы социаль селтәрҙәге сәхифәһендә "...телде белеү - ул өҫтөнлөк. Ҙур уңыш!" тип яҙған. Күптәр башҡарыусыны күтәреп алды.

Шишмә районы Иҫке Ябалаҡлы ауылы халҡы фронт өсөн кәрәк-яраҡ әҙерләй Клубта селтәрҙәр, мәсеттә май шәмдәре , ә гаражда мейестәр. Шишмә районының Иҫке Ябалаҡлы ауылы халҡы махсус хәрби операцияға ярҙам итеү буйынса тотош бер кооперация ойошторған. Фронт кәрәк-яраҡтары әҙерләүгә һәр кем үҙ өлөшөн индерә. Нимә генә етештерһәләр ҙә уларҙы бер маҡсат берләштерә-яугирҙарға ярҙам итеү һәм Еңеүҙе яҡынайтыу.

Башҡортостандың иң тәмле икмәге Ҡырмыҫҡалынан юл ала Өй икмәге һымаҡ. Ҡырмыҫҡалы икмәге тураһында һәр кемдән быны ишетергә тура килә. Күптәр яратып ашаған тәмле икмәк Ҡырмыҫҡалы районы үҙәгендә һәм Прибельский ауылындағы цехтарҙа бешерелә.

Иң яҡшы юлсыларға дәүләт наградалары тапшырылды Бүләкләү тантанаһы яҡынлашып килгән Юл хужалығы хеҙмәткәрҙәре көнө уңайынан үтте. Юлдарҙа уңайлы шарттар һәм хәүефһеҙлек тәьмин итеү тап уларҙың хеҙмәтенә бәйле. Һуңғы йылдарҙа республикала ҙур инфраструктура объекттары төҙөлә - Көнсығыш сығыу юлы, М-12 автомагистрале, Ағиҙел йылғаһы аша аркалы күпер. Уларҙың һәр береһе артында юл хужалығы эшсәндәрәенең тырыш хеҙмәте тора.

«Сәләмәт республика» акцияһы — төпкөлдәргә сифатлы медицина ярҙамы Төпкөлдә йәшәүселәргә - сифатлы медицина ярҙамы. Башҡортостанда етенсе йыл «Сәләмәт республика - сәләмәт төбәк» проекты тормошҡа ашырыла. Ошо ваҡыт эсендә күсмә медина бригадалары ике мең ярымдан ашыу ауылда булып, халыҡты ҡабул иткән. Урындарҙа ауырыуҙарҙы диагностикалауҙан тыш, кеше ғүмерҙәрен дә ҡотҡарырға тура килгән - быйыл ғына ике кеше ашығыс рәүештә дауаханаға оҙатылған, бер пациент билдәләре беленмәгән миокард инфарктынан ҡотҡарылған. Акцияның республика өсөн әһәмиәте тураһында киләһе репортаж.

Башҡортостан "Музей аҙналығы"на ҡушыла Ул 18 октябрҙән 24-енә тиклемдауам итә. Был көндәрҙә махсус хәрби операцияла ҡатнашыусылар һәм уларҙың ғаилә ағзаларына музейға инеү бушлайбула. Мәҙәниәт министрлығынан хәбәр итеүҙәренсә, осрашыуҙар, музей дәрестәре,лекциялар әҙерләнә, махсус хәрби операцияға бағышланған экспозицияларурынлаштырыла. Шулай уҡ патриотик фильмдар күрһәтеләсәк .

Башҡортостанда ҡулланыусылар хоҡуҡтары яҡланған Беҙҙең республикала ил төбәктәре араһында төҙөлгән рейтингта беренсе урын алған. Сауҙа һәм хеҙмәттәр министры Азат Асҡаров белдереүенсә, ҡулланыусыларҙы хеҙмәтләндереү сифаты 65 күрһәткес буйынса баһаланған. 9 айҙа 600-гә яҡын ялыу ҡаралған. 6 миллион һумдан ашыу суммаға матди ярҙам ҡайтарып бирелгән. Рейтингта икенсе урында Татарстан, өсөнсөлә Белгород өлкәһе.

Башҡортостанда йәшәүселәр иҡтисад буйынса диктант яҙҙы Быйылғы акция «Көслө иҡтисад-сәскә атҡан Рәсәй» девизы менән үтте. Майҙансыҡтарҙың береһе Өфө фән һәм технологиялар университетында ойошторолдо. Иҡтсади яҡтан үҙ белемен һынарға юғары һәм урта уҡыу йорттары студенттары менән бер рәттән бизнес-берләшмә һәм төбәктең төрлө ведомство вәкилдәре килде.

Бөрйән районы юбилейы уңайынан байрам тантаналары уҙҙы Бөрйән районы ойошторолоуға 95 йыл. Күренекле дата уңайынан районда байрам тантаналары уҙҙы, хеҙмәт уңғандары тәбрикләнде. Теманың дауамы киләһе яҙмала.

Ишембайҙа ирекмәндәр алғы һыҙыҡ яугирҙарына йылы кейемдәр әҙерләй «Йөрәк ҡушыуы буйынса». Ишембай ҡалаһы ирекмәндәре махсус хәрби операцияла ҡатнашыусыларға йылы кейемдәр, махсус форма тегә. Хәрәкәткә йәштәр ҙә, өлкәндәр ҙә ҡушылған. Цехтағы эш менән беҙҙең ижади төркөм дә танышты. Тулыраҡ киләһе яҙмала.

Баш ҡалала «Берҙәм Рәсәй» юғары партия мәктәбе филиалының өсөнсө семинары старт алды Уның эшендә Башҡортостан башлығы, «Берҙәм Рәсәй» партияһының төбәк бүлексәһе етәксеһе Радий Хәбиров та ҡатнашты. Вуз-ара кампустың Геном үҙәге майҙансығында ойошторолған сарала «Партияның урындағы бүлексәләрендә депутаттар берләшмәләре эше һәм команда төҙөү» темаһы ҡарала.

Өфө үҙәгендә йәштәр өсөн креатив кластер булдырыла Өфө үҙәгендә йәштәр өсөн креатив кластер барлыҡҡа киләсәк. Радий Хәбиров Башҡортостан ҡалаларында йәштәргә үҙ проекттары өҫтөндә эшләү өсөн тейешле мөхит кәрәклеген белдерҙе. Гастрономия, музыка, мода һәм креатив индустрияларҙың башҡа тармаҡтарын берләштереүсе биләмәләр Бөрө һәм Стәрлетамаҡ ҡалаларында ла ойошторола. Был турала төбәк етәксеһе республиканың һөнәри колледж студенттары менән осрашыуҙа белдерҙе.

Башҡортостандан 4 уҡыусы “Иң яҡшы хат дәресе” конкурсында еңгән Ярышта йыл һайын мәктәп уҡыусылары һәм педагогтар ҡатнаша. Балалар тәҡдим ителгән темалар буйынса хат яҙа. Уҡытыусылар бындай дәрестәрҙе ойоштороу алымдарын күрһәтә. Бөтә Рәсәй конкурсында Борайҙағы 2-се мәктәп уҡыусылары Динара Сәйетғәлиева һәм Илдан Шәйҙуллин, Республика дистанцион белем биреү үҙәгенән Владимир Михайлов һәм Бишбүләк районы Дим ауылы мәктәбенән Екатерина Калмыкова лауреат булған. Ярышта барлығы 46 уҡыусы һәм 6 педагог еңгән. Улар араһында Курск, Белгород һәм Херсон өлкәләре уҡыусылары ла бар.

Быйыл республикала 1 миллион ярым сәйәхәтсе ял иткән Башҡортостан туристар һаны буйынса Волга буйы федераль округында 3-сө, Рәсәйҙә – 17-се урында тора. Эшҡыуарлыҡ һәм туризм министры Светлана Верещагина ошо турала белдерҙе. Беҙгә йышыраҡ Силәбе, Ырымбур, Свердловск өлкәләренән, Удмурт һәм Татарстан республикаларынан киләләр. Башҡортостанды дауаланыу маҡсатында һайлаусылар бар. Быйыл майҙан алып августҡа тиклем шифаханаларҙа 80 мең кеше һаулығын нығытҡан. Туризм өлкәһендә күрһәтелгән түләүле хеҙмәттәр, былтырғы менән сағыштырғанда, 15 процентҡа артҡан. Сәйәхәтселәр күберәк фәнни-популяр, сәнәғәт, таулы, йәйәүле һәм йылға маршруттарын һайлай.

Быйыл М-5, М-7 һәм Р-240 трассаларында 153 километр юл яңыртылған Республика юл хужалығы идаралығы менән берлектә Дүртөйлө һәм Илеш райондарындағы юлдар тәртипкә килтерелгән. Улар М-12 трассаһын һалғанда зыян күргәйне. Башҡортостан башлығы социаль селтәрҙәге сәхифәһендә ошо турала белдергән. “Республика биләмәһе аша 863 километр федераль трасса үтә. “Приуралье” автомобиль юлдары идаралығы уларҙы яҡшы хәлдә тоторға ярҙам итә. Өршәк, Ҡармасан, Саярыш һәм Ҡыуаш йылғаларындағы күперҙәр төҙөкләндерелде. 7 объектта эш дауам итә. Юл хәүефһеҙлегенә ҙур иғтибар бүленә. Йәйәүлеләр үткәүеле, кәртәләр ҡуйыла, яҡтыртыу системаһы урынлаштырыла. Был һөҙөмтә бирә. Федераль трассаларҙа юл-транспорт ваҡиғаларында һәләк булғандар кәмей”, - тип яҙған Радий Хәбиров.

Өфөлө мәктәп уҡыусыһы «Киләсәк ғалимдары» халыҡ-ара конкурсы финалына сыҡты Мәктәп партаһынан уҡ етди ғилми проекттарға. Өфөнөң 119 сы мәктәбе 11 класс уҡыусыһы Рамаҙан Йәнбәтов «Пилотһыҙ системалар» номинацияһында «Киләсәк ғалимдары» абруйлы халыҡ-ара йәш тикшеренеүселәр конкурсында ҡатнашып финалға үтә. Яңы инновацион проекттар авторы һәм уның остазы менән беҙҙең ижади төркәм дә осрашты. Йәштәргә техник һөнәр һайлауҙа яңы алымдар хаҡында киләһе яҙмала.