القَمَر 💛🌘

كُل سنة وانتوا طيبين وبخير، عيد سعيد عليكم. 🌻♥️

مساء الخير 🌼 أنتَ هتعيش مرة واحدة ف لما تفرح فرح اللي حواليك، لما حد يزعلك عاتبه، لما تكون غالي عند حد حافظ على غلاوتك ومتضيعهاش، لما تتعلم حاجة جديدة من حد اشكره وخليك فاكر الجميل دة، لما حد يقدملك حاجة قول "شكرًا" مع كلمتين حلوين يمكن يفرقوا معاه ويشجعوه أنه يستمر ف الحلو اللي بيقدمه، اتعلم تجبر بخاطر اللي قدامك يمكن كلامك يخليه يحس أنه فيه حد بيحبه بعد رفضه من ناس معينة، متبخلش ف كلمة حلوة لحد. سيب أثر حلو ف حياة اللي يقابلك؛ لأن الأثر دة هو اللي هيبقىٰ بعدك. ل مريم ميلاد يوسف.

"أنا لا أكره أحدًا، حتى صديقي الذي خذلني لازلت أحبه؛ لكني لا أستطيع تقبله بجواري مرة أخرى". - فيكتور هوجو

البارت الأول من قصة (عُمر خورشيد) تخيل معايا لو ظهرلك جن وقالك أنت هتموت إزاي .. هو دة ممكن أصلًا؟! عُمر خورشيد هو ممثل وعازف جيتار ومنتج مصري، اتولد ف عابدين بالقاهرة. - لحظة هو إيه علاقة الممثل دة بالجن والموت؟! = اصبر يا صحبي وهقولك. - عُمر خورشيد طريقة مُوته كانت غريبة ومش مفهومة واللي لحد وقتنا الحالي متسجلة ضد مجهول، بس العجيب ف الموضوع إن الطريقة اللي مات بيها مكانتش غريبة بالنسباله؛ لأنه كان عارف هو هيموت إزاي. تعال نبدأ الحكاية عُمر خورشيد كان على تواصل مع العوالم الأخرى وكان من الناس اللي عندها شغف ناحية عالم الجن والأشباح؛ لكن دة كان سر ومحدش كان يعرفه غير ناس قريبة منه جدًا واللي منهم الكاتب "حسن الحفناوي"، على لسان حسن الحفناوي قال إنهم كانوا بيقعدوا بالساعات يتكلموا عن عالم الجن والأشباح، وكمان قال إن عُمر كان قريب جدًا من ربنا وكان حاطط مُصحف وسجادة صلاة ف المكتب بتاعه، (الحديث والتفاصيل الجاية هتلاقيها ف جريدة الكواكب واللي كاتبها هو حسن الحفناوي بنفسه). ف يوم عُمر كان موجود ف مكتبه وكان وقتها بيراجع سيناريو لفيلم جديد .. وفجأة النور قطع .. قام بكل تلقائية جاب كام شمعة علشان ينور المكتب علشان يكمل باقي شغله .. لقي أنه فيه تيار هوا بيخلي الشمع ينطفئ شمعة ورا التانية وعُمر كان بيولعها تاني؛ لكن الموضوع اتكرر كذا مرة ودة خلى عُمر يقول ف سره بهزار:- هو فيه عفريت هنا ولا إيه؟! بعدها سمع صوت عريض بيقوله:- لا يا عُمر أنا مجرد صديق! #Night_ghost

البارت الأول من سلسلة الرعب ل Night gost

الأيام الصعبة هتغربل اللمة اللى حواليك، هتلاقي صديق يخون وعدو ينقذك وبعيد يقرب لك وقريب يبعد عنك .. لكن الله هو السند الوحيد .. ✨🌘

https://www.facebook.com/groups/1746587932354738/?ref=share لو ليك ف الرعب وبتحب تقرأ عنه تعال هنا واستنىٰ اللي جاي.🔥

‏وحين سألتُها:- من تُفضل دوستويفسكي أم بوكوفسكي؟ قالت لي:- أنّها غير مهتمة بكرة القدم وتُفضل القراءة في أوقات فراغها !! أحمد خالد توفيق

مساء الخير 🌸 أعظم فترة هتعدي عليك ف حياتك، هي الفترة اللي لما تفوق فيها لنفسك وتعرف إن اللي كنت بتعمله قبل كدة أغلبه كان غلط، وتاخد وتدي مع نفسك ف حوار بيكون صعب وشبه الخناق بين العقل والقلب عن إزاي أصلح اللي فات دة؟! الحوار دة بيكون ليه نواتج سلبية زي الاكتئاب والزعل وإنك مش حابب كلام مع حد، أو معندكش طاقة نهائي لأي نقاش؛ لكن النتيجة النهائية هي إنك بتكسب نفسك من جديد ودة أهم وأحلى إحساس ممكن تحسه، وهو إنك فوقت لنفسك بعد توهان كبير. مريم ميلاد يوسف.

‏- عنيكي كلها ... = عارفة عارفة هتقولي كلها حزن. - لا، كلها غباء.