KABAR KG

Таласта арашан породасындагы койлордун "сынагы" өттү Көргөзмөгө мындай породадагы койлорду баккан ар аймактын фермелери катышкан. Анда малдын салмагы ченелип, сырткы келбети, чоңдугуна жараша баа берилген. Байгеге эки автоунаа жана 300 миң сом коюлуп, мыктыларына кубоктор тапшырылган. Видео: Ала-Тоо24

6-июнь - Бүткүл дүйнөлүк зыянкечтерге каршы күрөшүү күнү Бүткүл дүйнөлүк курт-кумурскалар менен күрөшүү күнү 2017-жылы Кытайдын Курт-кумурскаларга каршы күрөшүү ассоциациясы тарабынан негизделген. Бул күндүн максаты – калктын саламаттыгын сактоодо курт-кумурскаларга каршы күрөшүүнүн маанилүүлүгүн коомчулукка түшүндүрүү.

Кутман таң, бурадар! Жакшы жатып, жай турдуңузбу? Бүгүн тоо этектеринде өткүн өтүшү ыктымал, дыйканчылык аймактарда күн ачык болот. Абанын температурасы Чүйдө 33, Ысык-Көлдө 24, Нарында 23, Таласта 30, Ош, Жалал-Абад, Баткенде 34 градуска чейин ысык болот. Борбор калаада күндүн табы +30...+32 градуска жетсе, Ош шаарында жамгыр жаашы ыктымал. Бирок 34 градуска чейин ысыйт. Чолпон-Ата шаарында өткүн өтүп, +21...+23 градус жылуу болору күтүлүүдө. Адам эң оболу өзүн-өзү акылы менен аңдап билмейин, Кудайдын улуулугун аңдап биле албайт. (Султан Раев)

Кыргызстанда гепатит менен ВИЧтин 90%ы талаптарга жооп бербеген жеке косметология жана стоматология клиникаларынан жугат. Бул тууралуу саламаттык сактоо министри билдирди. Алымкадыр Бейшеналиев өлкөдө гепатит менен жабыркаган 17 миң адам болсо, СПИД менен ооругандардын саны 13 миңге жетерин айтты. Ошондой эле министрлик учурда жеке стоматология жана косметологиялык клиникаларды текшерүүнү токтоткону маалым болду. “Лицензиясы жок 2080 стоматология жана косметология клиникаларын аныктап, документтерди укук коргоо органдарына өткөрдүк. Бирок алар бизге мындан ары пландык текшерүү жүргүзүүгө тыюу салып коюшту. Мындан улам биз министрлер кабинетине лицензиясы жокторго айып пулду жогорулатуу, текшерүү боюнча сунуш киргизип, кат жолдодук. Ал колдоого алынса, текшерүүлөр кайрадан жанданат”, — деди министр. Бейшеналиев жеке тиш дарыгерге барган учурда клиниканын лицензиясы, адистин билимин тастыктаган дипломдун бар-жогун текшерүү зарылдыгын эскертти.

Вандык кыргыздар: “Алайдык бир көрүп өлсөм деп айтышар эле” Түркиядагы вандык кыргыздардын урпактары жарым кылымдан кийин ата журту Алайга келип, тууган-туушкандарына, анын ичинде эки-үч жыл мурун Памирден көчүп келген боордошторуна жолугуп кетти.

❗️1-класска электрондук каттоо. Бишкекте мен-мен деген мектептер 1-этапта эле толуп калды Билим берүү министрлиги толгон мектептердин тизмесин жарыялады. ▪️№26 француз тилин тереңдетип окутууну камтыган гимназия-комплекси ▪️№70 мектеп-гимназиясы ▪️№29 мектеп-гимназиясы ▪️Г. Алиев атындагы № 20 мектеп-гимназия окуу-тарбия комплекси ▪️№13 англис тилин тереңдетип окутууну камтыган мектеп-гимназиясы ▪️Пушкин атындагы №17 мектеп-гимназиясы ▪️№62 мектеп-гимназия окуу-тарбиялык комплекси ▪️№ 37 мектеп-гимназиясы ▪️Ч. Айтматов атындагы №63 мектеп-гимназиясы ▪️Н. Гянджеви атындагы №103 жалпы орто билим берүү мектеби ▪️А. Токомбаев атындагы №24 мектеп-гимназиясы ▪️Т.Сатылганов атындагы №69 окуу-тарбия комплекси ▪️№33 мектеп-гимназиясы ▪️Р.Шүкүрбеков атындагы №38 мектеп-гимназиясы ▪️№100 жалпы орто билим берүү мектеби. Баса, 1-этап расмий катталган жери боюнча жүргөн. 3-июнда 2-этап башталды. Анда жашаган жерине карабай бош орундары бар мектепке катталса болот. Ал үчүн mektep.edu.gov.kg сайтына киресиз.

Кыргызстанда ажылык сапар башталды Зыяратчылардын алгачкы тобу (504 жүргүнчү) бүгүн “Ош” аэропортунан Ош — Медина багыты боюнча 3 каттам менен учуп кетти. Быйыл ажылык сапарга Кыргызстан үчүн 6 060 квота берилген. Зыяратчылардын 4 миңи Оштон учса, калгандары 5-10-июнь аралыгында Бишкектен учуп кетерин муфтияттан билдиришти.

Бул видео Сары-Челек көлүнө бараткан жолдо тартылган. Анда жүргүнчү унаанын терезесинен белинен чыгып алганын көрүүгө болот. Жол милициясы автоээнбаштыкка жол берген айдоочуну таап, ага 15 миң сом айып салды.

Айылда зээриккенде.

Эскерткиле эскерткиле эскертуу момундарга пайда берет 😁