News Of Myanmar

တရုတ်CCTVသတင်းဌာနကတဲလ်အဗစ်မြို့တွင်အီရန်ဒုံးကျည်ကြောင့်ပျက်စီးမှုများကိုရိုက်ကူးနေစဉ်အစ္စရေးစစ်တပ်ကရိုက်ကူးခွင့်ပိတ်ပင်လိုက်သည်။

အစ္စရေးနိုင်ငံတဲလ်အဗသ်မြို့တွင်သတင်းထုတ်လွှင့်နေသောCNNသတင်းထောက်ကိုအစ္စရေးစစ်တပ်ကဖမ်းဆီးပြီးကင်မရာကိုသိမ်းဆည်းလိုက်သည်။

အီရန်နိုင်ငံမြို့တော်တီဟီရန်ကိုအမေရိကန်နှင့်အစ္စရေးလေတပ်ကဗုံးကြဲနေသည်ကိုတွေ့ရစဉ်

ကိုလံဘီယာနိုင်ငံလက်ဝဲစွန်းသူပုန်ELNအဖွဲ့ကအစိုးရ၏ဘလက်ဟောက်တိုက်ခိုက်ရေးရဟတ်ယာဉ်ကိုတိုက်ခိုက်လိုက်သည်။

အီရန်စစ်ဘက်ရဲ့ ခေါင်းဆောင်မှုပိုင်း ခိုင်မာပုံနဲ့ တိုက်ခိုက်မှုမတိုင်ခင် ကြိုတင်ပြင်ဆင်ထားမှုတွေကို ဖော်ပြထားတာပါ။ "တပ်မှူးတိုင်းအတွက် အနည်းဆုံးဒုတိယတပ်မှူးသုံးဦးစီကို ကြိုတင်ခန့် အပ်ထားပြီးသားဖြစ်သည်" ဟု အီရန်ကာကွယ်ရေးဝန်ကြီးဌာန ပြောရေးဆိုခွင့်ရှိသူက ပြောကြားလိုက်ပြီး၊ ခေါင်းဆောင်များကို လုပ်ကြံသတ်ဖြတ်ရုံဖြင့် အီရန်နိုင်ငံ ပြိုလဲသွားလိမ့်မည်ဟု ထင်မှတ်ခြင်းမှာ "တွက်ချက်မှု မှားယွင်းခြင်း" သာဖြစ်ကြောင်း ဆိုသည်။ ထို့အပြင် အမေရိကန်နှင့် အစ္စရေးတို့၏ တိုက်ခိုက်မှုများ မစတင်မီ ကိုမ်းမြို့ရှိ 'ပညာရှင်များဆိုင်ရာ ကောင်စီ' (Assembly of Experts) အဆောက်အအုံကို ကြိုတင်ရွှေ့ပြောင်းထားခဲ့ကြောင်း Fars သတင်းဌာနက ဖော်ပြသည်။ NOM

တရုတ်၏ပင်လယ်အောက်စစ်ရေးစွမ်းရည်လျင်မြန်စွာတိုးတက်နေဟုအမေရိကန်ကိုသတိပေး အမေရိကန် အကြံပေးကော်မရှင်တစ်ခုက တရုတ်နိုင်ငံ၏ ပင်လယ်အောက် စစ်ရေးစွမ်းရည်များ လျင်မြန်စွာ တိုးတက်လာနေကြောင်း သတိပေးခဲ့ပြီး၊ လာမည့်လတွင် ကျင်းပမည့် အရေးကြီး ဆွေးနွေးပွဲမတိုင်မီ အမေရိကန်-တရုတ် ဆက်ဆံရေး တင်းမာမှုများ မြင့်တက်နေချိန်တွင် ပင်လယ်အောက် စစ်ရေး “အသာစီး” ကို ဆက်လက် ထိန်းသိမ်းထားရန် ပင်တဂွန်အား တိုက်တွန်းခဲ့သည်။ တရုတ်နိုင်ငံသည် ရေအောက်သင်္ဘောများ၊ ပင်လယ်အောက် ကေဘယ်ကြိုးများနှင့် ပင်လယ်ကြမ်းပြင် သတ္တုတူးဖော်ရေး လုပ်ငန်းများတွင် အလွန်အမင်း ရင်းနှီးမြှုပ်နှံထားပြီး၊ ထိုအရာများသည် ပင်လယ်အောက် စစ်ရေးကဏ္ဍတွင် အမေရိကန်၏ ဦးဆောင်နေရာကို လျော့နည်းစေနိုင်ကြောင်း US-China စီးပွားရေးနှင့် လုံခြုံရေး သုံးသပ်ရေး ကော်မရှင် (USCC) ၏ ကြားနာပွဲတွင် ကော်မရှင်အဖွဲ့ဝင်များနှင့် သက်သေပြောဆိုသူများက ပြောကြားခဲ့သည်။ အမေရိကန်သည် ပင်လယ်အင်အားကြီးနိုင်ငံအဖြစ် အရေးပါသော အသာစီးများကို ဆက်လက် ထိန်းသိမ်းထားသော်လည်း၊ အမေရိကန်နှင့် တရုတ်ကြား မဟာဗျူဟာယှဉ်ပြိုင်မှု တိုးမြင့်လာသည်နှင့်အမျှ ၎င်း၏ အနေအထားနှင့် အသာစီးများသည် လျော့နည်းသွားနိုင်ကြောင်း ထပ်မံပြောကြားခဲ့သည်။

◾️ မုံရွာ-ပုလဲနယ်မှာ ဗိုလ်နဂါးကအလင်းဝင်သွားသလို၊ လက်ကျန် နယ်မြေတွေကိုလည်း တပ်မတော်က ထပ်ရှင်းနေတာရှိတယ်။ အလင်းမဝင်တဲ့သူတွေကျပြန်တော့လည်း NUG လက်အောက်ခံ PDF တွေက ဖမ်းဆီး၊ သတ်ဖြတ်နေတာရှိလို့ ပုလဲနယ်ဟာ အရင်ထက် တော့ ကစင့်ကလျားဖြစ်ကုန်ကြတာအမှန်ပဲ။ သတင်းတွေမှာ NUG လက်အောက်ကို ပူးပေါင်းပါတယ်လို့ ဘယ်လိုပဲဝါဒဖြန့်ပြောနေနေ…မလိုချင်လို့ရှင်းတဲ့တပ်ဖွဲ့ကို ချစ်ချစ် ခင်ခင်နဲ့ ပေါင်းစည်းဖို့ဆိုတာ ရေရှည် ဘယ်နည်းနဲ့မှ မဖြစ်နိုင်တော့ဘူး။ ------- ◾️ မနေ့က တကောင်းနဲ့ (၁၃)မိုင်အကွာမှာ ရှိတဲ့ မင်းကုန်း ကို တပ်က ရလိုက်တာရှိတယ်။ မင်းကုန်းဆိုတာက အိမ်ခြေ ၆၀ လောက်နဲ့ ဧရာဝတီမြစ်ကမ်းဘေးက ရွာကလေး။ ရှေ့ နည်းနည်း ဆက်တိုးရင်…တကောင်းလမ်းဆုံ၊ ပြီးရင်တော့ တကောင်းမြို့ကို ရောက်ပြီ။  သေချာတာကတော့…ဒီနှုန်းအတိုင်းဆက်သွားရင်…ဒီလထဲမှာပဲ တကောင်းမြို့ကို တပ်က ပြန်ရလိမ့်မယ်။ ဒါပေမယ့် အဓိက အဖြေက တကောင်းမဟုတ်ဘူး။ တကောင်းရဲ့ အပေါ်မှာ ရှိတဲ့ နီကယ်စက်ရုံက အဓိက အခရာဖြစ်တယ်။ ပြီးရင်တော့ ဒုတိယစစ်ရေးပစ်မှတ်က ထီးချိုင့်လာလိမ့်မယ်။ --------- ◾️ NUG က အစိုးရတစ်ရပ်ပါလို့ ဇင်မာအောင်တို့က ပုံဖော်နေပေမယ့် စစ်ရေးအတွက် အဓိက ကျတဲ့ ခေါင်းဆောင်မှုက မြေပြင်မှာ မရှိနေဘူး။ မရှိနေလို့လည်း SRA တပ်ကို အကျိုးစီးပွား အရ လုပ်ပိုင်ခွင့်တွေခွဲဝေပြီး ဟန်ပြပူးပေါင်းနေရတာတွေ့ရလိမ့်မယ်။ မတ္တရာစစ်မြေပြင်မှာ PDF ပေါင်း အယောက် ၁၅၀ ကျော် အလင်းဝင်ပြီးကတည်းက မန္တလေးမြောက်ဘက်တကြောက ဘာမှ ခုခံနိုင်တဲ့ အနေအထားလည်း မရှိတော့ဘူး။ -------- ◾️ ရခိုင်နဲ့ မကွေးအစပ်တွေမှာ စစ်ပြင်ကြတာကလွဲရင် တပ်မတော်မှာ ကြီးကြီးမားမား ထိပ်တိုက်တွေ့တဲ့ စစ်ပွဲမရှိတော့ဘူး။ သတင်းရရင် လေကြောင်း Air Strike လုပ်တယ်။ ဒီလောက်ပဲ။ တပ်မတော်ဟာ အလှည့်ကျ အနားပေး စနစ်ကို ဒီလတွေမှာ ကောင်း ကောင်းကြီး Rotate လုပ်လာနိုင်တာတွေ့ရပေမယ့် PDF တွေအတွက်တော့ ဘယ်ဘက်က မှ အကူအညီ မရနေတဲ့ အခင်းအကျင်းမျိုးတွေ့ရလိမ့်မယ်။ ပိုပြီးသဘောကျစရာ ကောင်းတဲ့ ကိစ္စတစ်ခုက NUG ရဲ့ ဒုတိယ ပါဂျောင် ဗားရှင်းဇာတ်လမ်းက သူတို့ထဲမှာ အတော်ကြီးထွားနေပုံရတယ်။  ဥပမာ- ရိုးရိုးတပ်ပြေးတွေကိုတောင် နေရပ်လိပ်စာနဲ့ ပုံ တွေ မီဒီယာပေါ်ဖွင့်ချလာကတည်းက တပ်မတော်ဘက်က ဖမ်းလည်း ဖမ်းပါစေ ဆိုတဲ့ အထိ နေစရာမြေမရှိအောင် စည်းပေါက်နေတာ တွေ့ရလိမ့်မယ်။ -------- ◾️ ဟုတ်၊ မဟုတ် မသေချာသေးပေမယ့် အစိုးရသစ်တက်လာရင် နိုင်ငံရေးအရ ပြည်တော်ပြန်ဝင်နိုင်ဖို့ NUG က ညှိနေကြတယ်ဆိုတဲ့ သတင်းတွေလည်း ရှိတယ်။ လက်ရှိ ပြန်လွတ်လာတဲ့ NLD ရဲ့ထိပ်ပိုင်းခေါင်းဆောင်တွေကအစ ဖမ်းဝရမ်းထုတ်ခံထားရသူတွေ ကိုတောင် အမှုပိတ်သိမ်းပေးပြီးပြီဆိုတော့…ပြည်ပမှာ အနေစားကြပ်တည်းနေတဲ့ သူတွေ လည်း ပြန်ဝင်နိုင်ဖို့ ချိတ်ဆက်နေကြတဲ့အသံတွေလည်း ကြားနေရတယ်။ ------------ ◾️ အဲ့တော့…NUG ဟာ တော်လှန်ရေးအတွက် ယုံကြည်ထိုက်ရဲ့လား၊ ဒီ ၅ နှစ်တာကာလ အတွင်းမှာ ဘယ်လို False Hope တွေပေးပြီး လူငယ်တွေရဲ့ ဘဝတွေကို ချနင်းခဲ့ပြီးပြီလဲ၊ လက်ရှိ မြေပြင်မှာ တိုက်နေတဲ့ အဖွဲ့တွေအတွက်ရော ဘဝအာမခံချက်ရဖို့ ဘယ်လို ကတိ ကဝတ်တွေ ပေးထားကြလဲ။ ငါတို့တော်လှန်ရေးကြောင့် တပ်မတော် တပ်ပျက်နေပြီလား။ ငါတို့တော်လှန်ရေးကပဲ ကျရှုံးနေတာလား…ဆိုတဲ့ မေးခွန်းတွေကို ကိုယ့်ကိုကိုယ် မညာ တမ်း ဖြေကြည့်ကြပေါ့။ တစ်ချို့ကိစ္စတွေက မရှက်နဲ့။ အသက်တွေက ဘယ်သူမှ အပိုပါ ကြတာမှမဟုတ်ဘဲ။ --------- (နရီမိုး)

နိုင်ငံတော်ကာကွယ်ရေးနှင့် လုံခြုံရေးတာဝန်များကို စွမ်းစွမ်းတမံ တာဝန်ထမ်းဆောင်ကြမည့် နိုင်ငံ့သားကောင်းများ၏ ပြည်သူ့စစ်မှုထမ်းသင်တန်းအမှတ်စဉ်(၂၀)သင်တန်း ဆင်းပွဲများ ကျင်းပပြုလုပ် မတ် ၃၊ ၂၀၂၆ NOM

🚨 Breaking News 🌟 - အစ္စရေးက အီရန်အဓိပတိခေါင်းဆောင်အသစ် ရွေးချယ်မည့် "ပညာရှင်များဆိုင်ရာကောင်စီ" ကိုပစ်မှတ်ထားတိုက်ခိုက် အစ္စရေး၏ နောက်ထပ်တိုက်ခိုက်မှုသည် အီရန်နိုင်ငံ၏အဓိပတိခေါင်းဆောင်အသစ်ကို ရွေးချယ်တင်မြှောက်ရန် တာဝန်ရှိသည့် ဥပဒေပြုအဖွဲ့အစည်းဖြစ်သော "ပညာရှင်များဆိုင်ရာ ကောင်စီ" (Assembly of Experts) ကို ပစ်မှတ်ထားခဲ့ခြင်းဖြစ်ကြောင်း အစ္စရေးအရာရှိများက ပြောကြားသည်။ အီရန်ဘက်မှ ကနဦးသတင်းရင်းမြစ်များ၏ အဆိုအရ အဆိုပါ အဆောက်အအုံအတွင်း၌ တိုက်ခိုက်ခံရချိန်တွင် မည်သူတစ်ဦးတစ်ယောက်မျှ ရှိမနေခဲ့ကြောင်း သိရသည်။ NOM

အီရတ်နိုင်ငံ၊ ကာဒစ္စတန်ဒေသမှ တူရကီနိုင်ငံ၊ စေဟန် ဆိပ်ကမ်းသို့ တင်ပို့နေသည့် ရေနံတင်ပို့မှုများ ရပ်ဆိုင်းသွားပြီဖြစ်ကြောင်း အယ်လ်ဂျာဇီးရား သတင်းဌာနက ဖော်ပြသည်။ NOM

စက်သုံးဆီ ခြိုးခြံချွေတာသုံးစွဲရေးအတွက် ပြည်သူသို့ အသိပေးကြေညာချက် နေပြည်တော်၊ မတ်လ ၃ ရက် NOM

📱 "ယူအေအီးနှင့် ဘာရိန်းရှိ အမေဇုန် ဒေတာစင်တာ (Amazon Data Center) များ ဒရုန်းဖြင့် တိုက်ခိုက်ခံရ၊ Cloud ဝန်ဆောင်မှုများ ပြတ်တောက်" ယူအေအီးနှင့် ဘာရိန်းနိုင်ငံတို့ရှိ ၎င်းတို့၏ ဒေတာစင်တာ (Data Center) အချို့ ဒရုန်းဖြင့် တိုက်ခိုက်ခံခဲ့ရကြောင်း၊ ထို့ကြောင့် Cloud လုပ်ငန်းစဉ်များတွင် အနှောင့်အယှက်များ ဖြစ်ပေါ်ခဲ့ပြီး ဝန်ဆောင်မှုများ ပြန်လည်ကောင်းမွန်လာစေရန် "အချိန်အတော်ကြာ" ကြိုးပမ်းရဦးမည်ဖြစ်ကြောင်း အမေဇုန် (Amazon) ကုမ္ပဏီက တနင်္လာနေ့တွင် ထုတ်ပြန်ပြောကြားခဲ့သည်။ အမေဇုန်၏ Cloud ဝန်ဆောင်မှုလုပ်ငန်းစုဖြစ်သော AWS (Amazon Web Services) က ၎င်းတို့၏ အခြေအနေပြစာမျက်နှာ (Status Page) တွင် အောက်ပါအတိုင်း အသိပေးထားသည် - "ယူအေအီးနိုင်ငံရှိ ကျွန်ုပ်တို့၏ စက်ရုံနှစ်ခု တိုက်ရိုက်ထိမှန်ခဲ့ပြီး ဘာရိန်းနိုင်ငံတွင်မူ စက်ရုံတစ်ခု၏ အနီးအနားသို့ ဒရုန်းကျရောက်ပေါက်ကွဲခဲ့ခြင်းကြောင့် အခြေခံအဆောက်အအုံများအပေါ် ရုပ်ပိုင်းဆိုင်ရာ ထိခိုက်မှုများ ဖြစ်ပေါ်ခဲ့ပါသည်။" AWS ၏ ပြောကြားချက်အရ အဆိုပါတိုက်ခိုက်မှုများကြောင့် အဆောက်အအုံ တည်ဆောက်ပုံများ ပျက်စီးခြင်း၊ လျှပ်စစ်ဓာတ်အား ပေးပို့မှုစနစ် ပြတ်တောက်ခြင်း တို့ ဖြစ်ပွားခဲ့သည့်အပြင် အချို့နေရာများတွင် မီးငြှိမ်းသတ်မှုများ ပြုလုပ်ခဲ့ရသဖြင့် ရေကြောင့် ထပ်မံပျက်စီးဆုံးရှုံးမှုများ လည်း ရှိခဲ့ကြောင်းသိရသည်။ ယူအေအီးရှိ စက်ရုံအား တိုက်ခိုက်ခံရမှုသည် အမေရိကန် အခြေစိုက် နည်းပညာကုမ္ပဏီကြီးတစ်ခု၏ ဒေတာစင်တာ (Data Center) တစ်ခု စစ်ရေးအရ ပစ်မှတ်ထား တိုက်ခိုက်ခံရသည့် ပထမဆုံးသော သာဓကအဖြစ် မှတ်တမ်းဝင်သွားခဲ့သည်။ NOM

စက်သုံးဆီ ခြိုးခြံချွေတာသုံးစွဲရေးအတွက် ပြည်သူသို့ အသိပေးကြေညာချက်။ နေပြည်တော်၊ မတ်လ ၃ ရက်

အီရန်အတိုက်အခံနှင့် အစိုးရဆန့်ကျင်သူများ ပုံမှန်စုဝေးလေ့ရှိသည့်နေရာကို အစ္စရေးက ဗုံးကြဲတိုက်ခိုက် အစ္စရေးသည် အီရန်နိုင်ငံ၊ တီဟီရန်မြို့တော်ရှိ လာမစ်ဇ် ကဖေး (Lamiz Café) ဆိုင်ကို ဗုံးကြဲတိုက်ခိုက်ခဲ့ကြောင်း သတင်းအသစ်များအရ သိရသည်။ အဆိုပါကဖေးသည် အီရန်အတိုက်အခံများနှင့် အစိုးရဆန့်ကျင်သူများ ပုံမှန်စုဝေးလေ့ရှိသည့် နေရာတစ်ခုဖြစ်သည်။ 🧐 မှားပြီးကြဲမိတာလား? NOM

ခရစ္စတီယာနိုရော်နယ်ဒိုလည်း စစ်ဘေးရှောင်လိုက်ရပြီ ရီယာ့ဒ်မြို့က အမေရိကန်သံရုံးကို ဒရုန်းတိုက်ခိုက်မှုလုပ်ခံရပြီးနောက် ဆော်ဒီကလပ် အယ်လ်နာဆာမှာ ကစားနေတဲ့ ခရစ္စတီယာနိုရော်နယ်ဒိုဟာ မိသားစုနဲ့အတူ ကိုယ်ပိုင်လေယာဉ်နဲ့ မက်ဒရစ်က နေအိမ်ကို ထွက်ခွာသွားခဲ့ပါပြီ။ အခြေအနေတွေ ပိုဆိုးလာရင် မိသားစုပါ အန္တရာယ်တောထဲ ရောက်မှာကို စိုးရိမ်ပြီး ဘေးကင်းရာကို ထွက်ခွာသွားခဲ့တာပါ။ တနည်းအားဖြင့် ရော်နယ်ဒိုလည်း စစ်ဘေးရှောင်လိုက်ရတာပါပဲ။ တိုက်ခိုက်မှုတွေက ပိုမိုပြင်းထန်လာနေပြီး တော်တော်နဲ့ ပြီးဆုံးမှာ မဟုတ်တာကြောင့် ဒီလိုမျိုး ထွက်ခွာခဲ့တာကလည်း သူ့အတွက် လုံခြုံစိတ်ချရမှာ ဖြစ်ပါတယ်။ ဒါပေမယ့် ဆော်ဒီလိဂ်ကတော့ ဆက်ကစားဦးမှာလား၊ ရပ်တန့်ထားမလားဆိုတာ မသိရသေးပါဘူး။ တကယ်လို့ ဆက်ကစားမယ်ဆိုရင် ရော်နယ်ဒိုက ဆော်ဒီကို ပြန်လာမှာလား၊ ကစားပေးဖို့ ငြင်းမှာလားဆိုတာကိုလည်း အတိအကျမသိရသေးပါဘူး။ News Of Myanmar NOM

အီရန်စစ်ပွဲတစိပတ်မပြည့်မီဗြိတိန်တွင်ဓာတ်ငွေ့စျေးနှစ်ဆနီးပါး၉၃%စျေးတက်သွားသည်။

🇨🇳🇮🇷🇴🇲 ပဋိပက္ခများ ပိုမိုကျယ်ပြန့်လာနေချိန်တွင် ပင်လယ်ကွေ့နိုင်ငံများအနေဖြင့် ပြင်ပဝင်ရောက်စွက်ဖက်မှုကို ဆန့်ကျင်ရန် စည်းလုံးညီညွတ်ရန် တရုတ်နိုင်ငံက တိုက်တွန်း အမေရိကန်-အစ္စရေးတို့၏ အီရန်အပေါ် တိုက်ခိုက်မှုများကြောင့် ဒေသတွင်း ပဋိပက္ခများ ပိုမိုကျယ်ပြန့်လာပြီးနောက် မတ်လ ၂ ရက်နေ့တွင် တရုတ်နိုင်ငံခြားရေးဝန်ကြီးက ပင်လယ်ကွေ့နိုင်ငံများအနေဖြင့် ပြင်ပဝင်ရောက်စွက်ဖက်မှုကို ဆန့်ကျင်ရန် စည်းလုံးညီညွတ်ရန် တိုက်တွန်းခဲ့သည်။ ပင်လယ်ကွေ့နိုင်ငံများသည် စည်းလုံးညီညွတ်မှုကို ခိုင်မာစေပြီး "၎င်းတို့၏ အနာဂတ်နှင့် ကံကြမ္မာကို ၎င်းတို့ကိုယ်တိုင် လက်ထဲတွင် ထားရှိရန်" အိမ်နီးချင်းနိုင်ငံများနှင့် ချစ်ကြည်ရင်းနှီးမှုကို တည်ဆောက်လိမ့်မည်ဟု တရုတ်နိုင်ငံက မျှော်လင့်ကြောင်း တရုတ်နိုင်ငံခြားရေးဝန်ကြီး ဝမ်ယီက အိုမန်နိုင်ငံခြားရေးဝန်ကြီးနှင့် ဖုန်းခေါ်ဆိုမှုတွင် ပြောကြားခဲ့သည်။ ထိုနေ့တွင်ပင် အီရန်နိုင်ငံခြားရေးဝန်ကြီး အဘတ်စ် အာရာချီနှင့် ဖုန်းခေါ်ဆိုမှုတွင် အီရန်သည် အမျိုးသားနှင့် လူမှုရေးတည်ငြိမ်မှုကို ထိန်းသိမ်းနိုင်သည့်အပြင် အိမ်နီးချင်းများ၏ တရားဝင်စိုးရိမ်မှုများကိုလည်း အလေးထားနိုင်သည်ဟု ယုံကြည်ကြောင်း ဝမ်က ပြောကြားခဲ့ကြောင်း သီးခြားကြေညာချက်တစ်စောင်တွင် ဖော်ပြထားသည်။

အီရန်အဓိပတိခေါင်းဆောင်လုပ်ကြံခံရမှုအပေါ် အိန္ဒိယအစိုးရ၏ နှုတ်ဆိတ်နေမှုကို ဆိုနီယာဂန္ဒီ ပြင်းပြင်းထန်ထန် ဝေဖန် အိန္ဒိယအမျိုးသားကွန်ဂရက်ပါတီ (INC) ၏ ဥက္ကဋ္ဌနှင့် ဝန်ကြီးချုပ်ဟောင်း ရာဂျစ်ဂန္ဒီ၏ ဇနီးဖြစ်သူ ဆိုနီယာဂန္ဒီက အီရန်အဓိပတိခေါင်းဆောင် လုပ်ကြံခံရမှုအပေါ် အိန္ဒိယအစိုးရက မည်သည့်တုံ့ပြန်မှုမျှ မပြုဘဲ နှုတ်ဆိတ်နေခြင်းကို ပြင်းပြင်းထန်ထန် ဝေဖန်ကန့်ကွက်လိုက်သည်။ ဆွေးနွေးညှိနှိုင်းမှုများ ပြုလုပ်နေစဉ်အတွင်း ယခုကဲ့သို့ လုပ်ကြံသတ်ဖြတ်မှုမျိုးသည် နိုင်ငံတကာဆက်ဆံရေးကို ပျက်ပြားစေကြောင်း သူမက အလေးပေးပြောကြားခဲ့သည်။ ထို့အပြင် နယူးဒေလီအစိုးရ၏ မလှုပ်မယှက် တုံ့ပြန်မှုမရှိခြင်းမှာ ကြားနေခြင်းမဟုတ်ဘဲ တာဝန်ယူမှု၊ တာဝန်ခံမှုမှ ရှောင်လွှဲနေခြင်းသာ ဖြစ်သည်ဟု ဆိုသည်။ ယခုကဲ့သို့ နှုတ်ဆိတ်နေခြင်းသည် အိန္ဒိယနိုင်ငံက အစဉ်တစိုက် စောင့်ထိန်းလာခဲ့သည့် နိုင်ငံတကာဥပဒေများနှင့် နိုင်ငံတော်၏ အချုပ်အခြာအာဏာဆိုင်ရာ မူဝါဒများကို ချိုးဖောက်နေခြင်းဖြစ်ကြောင်းလည်း သူမက ထောက်ပြခဲ့သည်။ NOM

ခရမ်းမြို့မှ အမျိုးသမီးတစ်ဦးစျေးသွားရာမှ ပြန်ရောက်မလာပဲ ပျောက်ဆုံးနေ NOM၊မတ်၃၊၂၀၂၆ ရန်ကုန်တိုင်း၊ ခရမ်းမြို့မှ အမျိုးသမီးတစ်ဦးဖေဖော်ဝါရီ ၁၄ ရက်တွင် စျေးသွားရာမှ ၂ပတ်ကျော်ကြာသည်အထိ ပြန်ရောက်မလာပဲ ပျောက်ဆုံးနေကြောင်း ၎င်း၏ခင်ပွန်းဖြစ်သူက ပြောသည်။ “စျေးသွားမယ်ဆိုပြီးထွက်သွားတာပါဖုန်းလည်းပါမသွားဘူး။ကျွန်တော်တို့လင်မယားချင်းလည်း စကားများရန်ဖြစ်တာလည်းမရှိပါဘူး အခုကလေးတွေကဝမ်းနည်းပြီးအတော်နေမကောင်းဖြစ်နေကြတယ် ဒါကြောင့်ကျေးဇူးပြုပြီးကူညီပေးကြပါ။တွေ့တဲ့လူအမြန်ဆုံးဆက်သွယ်အကြောင်းကြားပေးကြပါ”ဟု ပျောက်ဆုံးသူ၏ခင်ပွန်း ပြောသည်။ အဆိုပါ ပျောက်ဆုံးသူမှာ ခရမ်းမြို့၊အမှတ် ၁၀ ရပ်ကွက်နေထိုင်သူ အသက် ၃၁ နှစ်အရွယ်ရှိ ဒေါ်နှင်းအိဖြိုး (ခ) ချစ်စုမဖြစ်ပြီး ကလေး ငါးဦး၏ မိခင်ဖြစ်ပြီး၎င်းသည် ပြီးခဲ့သည့် ဖေဖော်ဝါရီ ၁၄ ရက်၊နံနက် ၈ နာရီခန့်တွင် စျေးဝယ်ရန်ထွက်သွားရာမှ ယနေ့ အထိပြန်လည်ရောက်ရှိလာခြင်းမရှိကြောင်းသိရသည်။

စဉ့်ကူးမြို့နယ်တွင် လျှပ်စစ်ဓာတ်အားဖြန့်ဖြူးပေးနိုင်ရေး ကြိုးပမ်းဆောင်ရွက်လျက်ရှိ မတ် ၃၊ ၂၀၂၆ မန္တလေးတိုင်းဒေသကြီး စဉ့်ကူးမြို့နယ်တွင် မြို့နယ်အတွင်း လျှပ်စစ်ဓာတ်အားဖြန့်ဖြူးပေးနိုင်ရေးအတွက် မန္တလေးလျှပ်စစ်ဓာတ်အားပေးရေးကော်ပိုရေးရှင်း၊ စဉ့်ကူးမြို့နယ် လျှပ်စစ်မန်နေဂျာရုံးမှ မြို့နယ်လျှပ်စစ်မန်နေဂျာနှင့်ဝန်ထမ်းများက ဆောလျင်စွာ ပြုပြင်ဆောင်ရွက်လျက်ရှိသည်။ ထိုသို့ လုပ်ငန်းများဆောင်ရွက်ရာတွင် ဖေဖော်ဝါရီ ၂၁ ရက်က 33/0.4 KV 315 KVA ထရန်စဖော်မာတစ်လုံးအား ယာယီတပ်ဆင်ဆောင်ရွက်ခဲ့ပြီး ဌာနဆိုင်ရာ၊ ဆေးရုံနှင့် စာသင်ကျောင်းများကို ကနဦးဓာတ်အားပေးနိုင်ခဲ့ကြောင်း၊ ဖေဖော်ဝါရီ ၂၆ ရက်တွင် 33/11 KV 10 MVA ကွက်သစ်-၂ ပင်မဓာတ်အားခွဲရုံကိုပြုပြင်၍ စဉ့်ကူးမြို့နှင့်ပတ်၀န်းကျင်ကျေးရွာများအား လျှပ်စစ်ဓာတ်အားဖြန့်ဖြူးနိုင်ရေး ဆက်လက်ဆောင်ရွက်လျက်ရှိကြောင်း၊ မတ် ၂ ရက်အထိ စဉ့်ကူးမြို့ပေါ်ရှိ 11KV ဓာတ်အားလိုင်းများပြုပြင်ခြင်းလုပ်ငန်း ၆၀ ရာခိုင်နှုန်းခန့် ပြီးစီးနေပြီဖြစ်ကာ မကြာမီကာလအတွင်း ဓာတ်အားသုံးစွဲသူမိဘပြည်သူများထံ လျှပ်စစ်ဓာတ်အား အပြည့်အဝဖြန့်ဖြူးပေးနိုင်တော့မည်ဖြစ်ကြောင်း သိရသည်။ NOM