News Of Myanmar

ဒဂုံမြို့သစ် သုံးမြို့နယ်တွင် တန်ဖိုးသင့် အိမ်ရာစီမံကိန်း တင်ဒါခေါ်ယူ NOM၊ဒီဇင်ဘာ၂၊၂၀၂၅ ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)၊ ဒဂုံမြို့သစ်(ဆိပ်ကမ်း)နှင့် ဒဂုံမြို့သစ်(အရှေ့ပိုင်း)မြို့နယ်များတွင် တန်ဖိုးသင့် အိမ်ရာစီမံကိန်းများကို အစိုးရ- ပုဂ္ဂလိက အကျိုးတူ ပူးပေါင်း ဆောင်ရွက်ရန် ပြည်တွင်းကုမ္ပဏီများကို တင်ဒါခေါ်ယူထားကြောင်း ရန်ကုန်မြို့တော်စည်ပင်သာ ယာရေးကော်မတီကထုတ်ပြန်ထားသည်။အဆိုပါထုတ်ပြန်ချက်တွင်ဒဂုံမြို့သစ်တောင်ပိုင်းမြို့နယ်တွင် (၄)ခန်းတွဲ (၆)ထပ်တိုက် (၃၆)လုံးနှင့် Shop House အလုံး(၂၀)၊ ဒဂုံ မြို့သစ် (ဆိပ်ကမ်း) မြို့နယ်တွင် (၄) ခန်းတွဲ (၆)ထပ်တိုက် (၁၀) လုံးနှင့် ဒဂုံမြို့သစ်(အရှေ့ပိုင်း)မြို့နယ်တွင်(၄)ခန်းတွဲ (၆)ထပ်တိုက် (၄၅)လုံအပြင်Commercial Area ၂ ဒသမ ၇၃ ဧက အကောင်အထည်ဖော် ဆောင်ရွက်မည်ဖြစ်သည်။ တင်ဒါပုံစံကို ဒီဇင်ဘာ ၄ ရက်မှ ၁၈ ရက်အထိ ရောင်းချမည်ဖြစ်ပြီး ကျောက်တံတားမြို့နယ်၊ (၁၀)ထပ်ရုံး၊ ရှစ်လွှာ၊ အင်ဂျင်နီယာဌာန(အဆောက်အအုံ)၌ တင်ဒါတင်သွင်းရမည် ဖြစ်သည်။ တင်ဒါပုံစံနှင့်အာမခံကြေးငွေ တင်သွင်းရမည့် နောက်ဆုံးရက်မှာဒီဇင်ဘာ ၃၁ ရက်ဖြစ်ပြီး တင်ဒါပွဲကျင်းပမည့် နေ့ရက် ကို ကြိုတင်အသိပေးသွားမည်‌ဟုသိရသည်။

ဟောင်ကောင်မီးဘေးသေဆုံးသူထပ်တိုး NOM ပြီးခဲ့သည့်အပတ်ကလောင်ကျွမ်းခဲ့သောဟောင်ကောင်မီးဘေးတွင်သေဆုံးသူယ​နေ့အထိ၁၅၆ဦးရှိသွားပြီဖြစ်သည်။

ဒီဇင်ဘာလ၂ရက်နိုင်ငံတကာသတင်းတိုများ NOM ၁။ပါလက်စတိုင်းအလံကိုဆွဲနှုတ်သွားသောအစ္စရေးစစ်သားများမြေမြှုတ်မိုင်းထိပြီးတစ်စစီဖြစ်သွားသည့်ဗီဒီယိုကိုပါလက်စတိုင်းတို့ကထုတ်လွှင့်ခဲ့သည်။(ဗီဒီယို) ၂။ဥရောပ ဗဟိုဘဏ်သည် ယူကရိန်းအတွက် ယူရို ၁၄၀ ဘီလီယံတန်ဖိုးရှိ "ပြန်လည်ပြုပြင်ရေးချေးငွေ" အဆိုပြုချက်ကို အာမခံပေးရန် ငြင်းဆိုလိုက်သည်။ Financial Times ၏ ဖော်ပြချက်အရ ECB အရာရှိများက ဥရောပကော်မရှင်၏ အစီအစဉ်သည်ဘဏ်၏ တာဝန်ဝတ္တ ရားများနှင့် မကိုက်ညီဟု ပြောကြားခဲ့သည်။(ဓါတ်ပုံ) ၃။အိုင်ယာလန်နိုင်ငံတွင် သမ္မတနိုင်ငံသစ်လှုပ်ရှားမှုဟုခေါ်သော အုပ်စုသစ်တစ်ခုပေါ်ပေါက်လာပြီး ဒေသခံအရာရှိများကို "တရားဝင် ပစ်မှတ်များ" အဖြစ် တိုက်ခိုက်သတ်ဖြတ်မည်ဟုကြေညာခဲ့သည်။ ၄။ယူကရိန်းရှိဗြိတိန်စစ်ဘက်နည်းပြရော့စ်ဒေးဗစ်ကက်မိုးကိုထင်ရှားသောယူကရိန်းတက်ကြွသူသုံးဦးကိုသတ်ဖြတ်မှုဖြင့်ဖမ်းဆီးလိုက်သည်။ ၅။အမေရိကန်ဘဏ္ဍာရေးဌာနသည်ဘိုင်ဒင်အစိုးရနှင့် ပြည်နယ်အုပ်ချုပ်ရေးမှူး တင်မ်ဝေါ့ဇ် တို့၏ အညံ့ဖျင်းဆုံး စီမံခန့်ခွဲမှုအောက်တွင် မင်နီဆိုတာပြည်နယ်မှပြည်သူများ၏ အခွန်ငွေများကို အကြမ်းဖက်အဖွဲ့ အယ်လ်ရှဘက်ထံ သို့ လမ်းလွဲပို့ဆောင်နိုင်သည့် စွပ်စွဲချက်များကို စစ်ဆေးနေသည်။

အမြန်လမ်း၌ တစ်လအတွင်း ယာဉ်မတော်တဆမှုကြောင့် ရှစ်ဦး သေဆုံး၊ လေးဦးဒဏ်ရာရ NOM၊ဒီဇင်ဘာ၂၊၂၀၂၅ ရန်ကုန်- မန္တလေးအမြန်လမ်းတွင် ယခုနှစ်နိုဝင်ဘာလအတွင်း ယာဉ်မတော်တဆမှုကြောင့် သေဆုံးသူ ရှစ်ဦးရှိခဲ့ကြောင်း အမြန်လမ်းမီးသတ်တပ်ဖွဲ့၏သတင်းထုတ်ပြန်ချက်များမှသိရသည်။ ရန်ကုန်-မန္တလေးအမြန်လမ်းတွင်ယာဥ် မောင်းများအနေယာဉ်မောင်းချိန်ကြာလာသည်နှင့်အမျှ အိပ်ငိုက်တက်သည့် ပြသာနာကိုအထူးသတိထားပြီးသက်မှတ်ချိန်ထက်ပိုမမောင်းဖို့လိုပါတယ်ဟုလေ့လာသုံးသပ်သူတစ်ဦးကပြောသည်။ နိုဝင်ဘာလအတွင်း ယာဉ်မတော်တဆမှု ၅ မှုဖြစ်ပွားခဲ့ပြီး သေဆုံးသူ ရှစ်ဦး နှင့် ထိခိုက်ဒဏ်ရာရရှိသူ လေးဦးရှိ ကြောင်း စာရင်များအရသိရသည်။

တီးတိန်မြို့တွင် အင်အားအနည်းငယ်ရှိ ငလျင်လှုပ်ခတ် NOM၊ဒီဇင်ဘာ၂၊၂၀၂၅ တီးတိန်မြို့ကိုဗဟိုပြု၍ ယနေ့ ဒီဇင်ဘာ ၂ ရက်နံနက်၁း၂၅နာရီ ခန့်က အင်အားအနည်းငယ်ရှိ ငလျင်တစ်ခုလှုပ်ခတ်ခဲ့ကြောင်းမိုးလေဝသနှင့် ဇလဗေဒညွှန်ကြားမှုဦးစီးဌာနထံမှထုတ်ပြန် ထားကြောင်း သိရသည်။ အဆိုပါ ငလျင်လှုပ်ခတ်ခဲ့မှုအား တမူးမြေငလျင်စခန်းမှ တိုင်းထွာအရ တီးတိန်မြို့၏ အရှေ့မြောက်ဘက်(၁၃)မိုင် ခန့်အကွာအနက်(၆၄) ကီလိုမီတာကိုဗဟိုပြု၍ အင်အားရစ်(ခ်) တာစကေး(၄ ဒသမ ၉)အဆင့်ရှိ အင်အားအနည်းငယ်ရှိသော ငလျင်တစ်ခု ယနေ့ ဒီဇင်ဘာ ၂ ရက်နံနက် ၁ နာရီ ၂၅ မိနစ် ၆ စက္ကန့်ကလှုပ်ခတ်ခဲ့ကြောင်း သိရသည်။ "လှုပ်သွားတော့သိပါတယ်ဆက်ခနဲဆွဲခါလိုက်သလိုဘဲအကြာကြီးတော့မဟုက်ပါဘူး စက္ကန်ပိုင်းလောက်ဘဲကြာပါတယ်လူထိခိုက်မှုတွေပျက် ဆီး တာတော့အခုချိန်ထိတော့မကြားရသေးပါဘူးမရှိဘူလိုလည်းထင်ပါတယ်"ဟုတီးတိန်မြို့နယ်ရှိလူမှုကူညီ ရေးအသင်းတစ်ခုမှတာဝန်ရှိသူတစ်ဦးကပြောသည်။

ထရမ့်ဟာ ဗင်နီဇွဲလားကို စစ်သင်္ဘော ၁၁ စီးနဲ့ ဝိုင်းရံထားဖို့အတွက် အမိန့်ပေးလိုက်ပါပြီ။ အိမ်ဖြူတော်မှာလည်း အဆင့်မြင့်အစည်းအဝေးတခုကို ပြုလုပ်နေပါတယ်။ ဗင်နီဇွဲလားသမ္မတ မာဒူရိုအနေနဲ့ ရင်ဆိုင်မလား၊ ဒါမှမဟုတ် တိုင်းပြည်ကနေ ထွက်ခွာသွားမလားဆိုတာကို ရွေးချယ်ရတော့မှာပါ။ (Fox) NOM

ဗြိတိန်ဗလီတွေမှာ နှစ်ပေါင်းများစွာ ဗလီဆရာအဖြစ် လုပ်ကိုင်ခဲ့ပြီး အစွန်းရောက်ဝါဒတွေကို ဟောပြောခဲ့တဲ့ Abdul Qadir Mumin ဆိုသူဟာ ISIS ခေါင်းဆောင်သစ်ဖြစ်လာတယ်လို့ ယုံ‌ကြည်ရကြောင်း ဆိုပါတယ်။ သူဟာ ဆိုမာလီယာတောင်တန်းဒေသတွေမှာ နေထိုင်ပြီး ကမ္ဘာလုံးဆိုင်ရာ တိုက်ခိုက်ရေးသမားများကွန်ရက်ကို စီမံခန့်ခွဲနေတယ်လို့ သိရပြီး ၂၀၂၄ အတွင်းမှာပဲ တိုက်ခိုက်ရေးသမားပေါင်း ၁၂၀၀ လောက်အထိကို တိုးချဲ့နိုင်ခဲ့တယ်လို့လည်း Daily Mail က ဖော်ပြခဲ့ပါတယ်။ ယိုယွင်းပျက်စီးနေတဲ့ ISIS ကို ပြန်လည်တည်ဆောာက်မှုတွေ မစတင်ခင် သူဟာ ဗြိတိန်ဗလီတွေမှာ ဆယ်စုနှစ်တခုကြာ အလုပ်လုပ်ခဲ့ပါတယ်။ ဆိုမာလီယာမှာ နေထိုင်ခဲ့ပြီး ပြည်တွင်းစစ်ကြောင့် ဆွီဒင်ကို ထွက်သွားခဲ့ပြီး အဲဒီကမှတဆင့် ဗြိတိန်နိုင်ငံ လက်စတာမြို့က Quba ဗလီမှာ တရားဟောဆရာဖြစ်သူလို့လည်း သိရပါတယ်။ NOM

ရုရှားတပ်ဖွဲ့တွေဟာ ယူကရိန်းရှေ့တန်းမြို့ဖြစ်တဲ့ Pokrovsk နဲ့ Vovchansk မြို့တွေကို သိမ်းပိုက်လိုက်ပြီး အခြားနေရာတွေဆီ ချီတက်နေပြီလို့ စစ်ဘက်ဆိုင်ရာအရာရှိတွေက ပူတင်ဆီ အစီရင်ခံခဲ့တယ်လို့ သိရပါတယ်။ နောက်ထပ်မြို့တွေတွေကို ထပ်မံသိမ်းပိုက်ဖို့ ပူတင်က ပြောဆိုခဲ့ပြီး အခုအောင်မြင်မှုအတွက်လည်း ချီးကျူးခဲ့တယ်လို့ ဆိုပါတယ်။ ယူကရိန်းဘက်ကတော့ ရုရှားလက်ထဲ ကျရောက်သွားတာနဲ့ ပတ်သက်ပြီး ပြောဆိုခြင်းမရှိသေးပါဘူး။ NOM

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် ၂၀၂၅-ခုနှစ်၊ လဟယ်မြို့ပေါ်ရှိ မဲဆန္ဒရှင်ပြည်သူများ မဲစာရင်းပါရှိစေရေး၊ မကျန်ရှိစေရေးနှင့် မဲစာရင်းများပြည့် စုံမှန်ကန်စေရေးအတွက် မြေပြင်ကွင်းဆင်းစစ်ဆေးနေမှုများအား လိုက်လံကြည့်ရှု ဒီဇင်ဘာ ၂၊ ၂၀၂၅ စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌ၊ တိုင်းဒေသကြီးအဆင့် ဌာနဆိုင်ရာများ၊ ခရိုင်/မြို့နယ်ဒေသ စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌများ၊ ခရိုင်/မြို့နယ်ဒေသ ရွေးကောက်ပွဲကော်မရှင်အဖွဲ့ခွဲဥက္ကဋ္ဌနှင့် အဖွဲ့ဝင်များသည် ယနေ့နံနက်ပိုင်းတွင် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ရွေးကောက်ပွဲကော် မရှင်အဖွဲ့ခွဲနှင့် လူဝင်မှုကြီးကြပ်ရေးဝန်ကြီးဌာနတို့ ပူးပေါင်း၍ ၂၀၂၅-ခုနှစ်၊ ပါတီစုံဒီမိုက ရေစီအထွေထွေရွေးကောက်ပွဲ အောင်မြင်စွာကျင်းပနိုင်ရေးအတွက် နာဂကိုယ်ပိုင်အုပ်ချုပ် ခွင့်ရဒေသ၊ လဟယ်မြို့၊ တာလံရပ်ကွက်ရှိ မဲဆန္ဒရှင်ပြည်သူများမဲစာရင်းပါရှိစေရေး၊ မကျန်ရှိစေရေးနှင့် မဲစာရင်းများပြည့်စုံမှန်ကန်စေရေးအတွက် မြေပြင်ကွင်းဆင်းတိုက် ဆိုင်စစ်ဆေးနေမှုများအား လိုက်လံကြည့်ရှုခဲ့ကြပြီး ဒေသခံတိုင်းရင်းသားပြည်သူများအား ရင်းရင်းနှီးနှီး နှုတ်ဆက်ခဲ့ကြသည်။ ယင်းနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် လဟယ်မြို့၊ ပြည်သူ့အားကစားကွင်း မိုးလုံလေလုံအားကစားခန်းမ၌ အမှုထမ်းရပ်ကွက်တွင် ဒုတိယအကြိမ် မဲစာရင်းများ ကပ်ထားကြေညာထားရှိမှုအား ဒေသခံတိုင်းရင်းများနှင့် ပြည်သူများ မဲစာရင်းလာရောက်ကြည့်ရှုနေမှုများအား သွားရောက်ကြည့်ရှုအားပေးခဲ့ကြပြီး အဆိုပါ အားကစားခန်းမ၌ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့ရှိ ဒေသခံတိုင်းရင်းသားများနှင့် ပြည်သူများ ၂၀၂၅-ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲကြီးတွင် လွတ်လပ်စွာ ဆန္ဒမဲပေးနိုင်ရေးအတွက် MEVM မဲပေးစက်အသုံးပြု၍ ဆန္ဒမဲပေးနိုင်ရန်အတွက် စမ်းသပ်သရုပ်ပြ ဆန္ဒမဲပေးနေမှုများအား ကြည့်ရှုအားပေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့ပြီး မဲရုံမှူးနှင့်အဖွဲ့ဝင်များအား ရင်းရင်းနှီးနှီး နှုတ်ဆက်ခဲ့ကြသည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် လဟယ်မြို့၊ ၃ ဧက အကျယ်ရှိ မိုးဒန်းရေကန် ပြန်လည်တူးဖော်ပြီးစီးမှု၊ သန့်ရှင်းသာယာလှပရေးလုပ်ငန်းများ ဆောင်ရွက်ထားရှိမှုများနှင့် ဆိုလာစနစ်ဖြင့် လျှပ်စစ်မီးများ ဆောင်ရွက်ထားရှိမှုများအား သွားရောက်ကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့ပြီး ဒေသခံတိုင်းရင်းသားပြည်သူများအား ဖြန့်ဝေပေးမည့် ကုန်းမြင့်ကော်ဖီပျိုးပင် ၅၀၀၀၀(ငါးသောင်း) ပျိုးထောင်ထားရှိမှုများအား လိုက်လံကြည့် ရှုစစ်ဆေးခဲ့ကြသည်။ ဆက်လက်ပြီး တိုင်းဒေသကြီးဝန်ကြီးချုပ်နှင့် တာဝန်ရှိသူများသည် လဟယ်မြို့၊ အမျိုးသမီးအိမ်တွင်းမှုသက်မွေးလုပ်ငန်းပညာသင်တန်းကျောင်းသို့ရောက်ရှိရာ ဒေသခံ တိုင်းရင်းသား အမျိုးသမီးများအား အဆင့်မြင့်အိမ်တွင်းမှု စက်ချုပ်သင်တန်း အမှတ်စဉ် (၁၀)သင်ကြားနေမှုများအား သွားရောက်ကြည့်ရှုခဲ့ကြပြီး သင်တန်းသူများကိုယ်တိုင်ချုပ် လုပ်ထားသည့် အဝတ်အထည်များနှင့် သင်ထောက်ကူပစ္စည်းများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။ ယင်းနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် လဟယ်မြို့၊ ထေရဝါဒဗုဒ္ဓသာသနာပြု(ဗဟို)ကျောင်းသို့ ရောက်ရှိရာ ဆရာတော်ကြီးထံ လှူဖွယ်ဝတ္ထုပစ္စည်းများအား တာဝန်ရှိသူများနှင့် ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် လဟယ်မြို့၊ ပြည်သူ့ဆေးရုံကြီးသို့ရောက်ရှိရာ ဆေးကုသမှုခံယူနေကြသည့် ဒေသခံတိုင်းရင်းသားများအား အားပေးစကားများ ပြောကြားခဲ့ကြပြီး တာဝန်ရှိသူများနှင့်အတူ အဟာရဖြည့်စွက်စာများ လိုက်လံပေးအပ်ခဲ့ကြပြီး ဆေးရုံအုပ်ကြီးထံ ဆေးရုံဝန်ထမ်းများအတွက် ငွေကျပ် - ၁၀ သိန်းအား ပေးအပ်ခဲ့ကြောင်း သိရသည်။

KK Park နယ်မြေအတွင်းရှိ အွန်လိုင်းလိမ်လည်မှုနှင့် လောင်းကစားမှုများကျူးလွန်ရာတွင် အသုံးပြုသည့် အဆောက်အအုံ ၇ လုံး ဖြိုချဖျက်ဆီးပြီးစီး၊ ရွှေကုက္ကိုလ်နယ်မြေအတွင်းရှိ တရားမဝင်အဆောက်အအုံ ၁၃ လုံး ချိပ်ပိတ်သိမ်းဆည်းပြီးဖြစ်

ယာမက်ကိုနိုင်ငံပြင်ပထွက်ခွင့်ပိတ် NOM အဂတိမှုဖြင့်ရာထူးမှနှုတ်ထွက်လိုက်ရသည့်သမ္မတရုံးဝန်ကြီးဟောင်းယာမက်ကိုနိုင်ငံတွင်းမှထွက်ခွာခွင့်မပြုရန်နယ်ခြားစောင့်တပ်များထံအမိန့်ရောက်လာကြောင်းယူကရိန်းမီဒီယာများကဖော်ပြသည်။

နိုင်ငံတော်တွင် ဖြစ်ပေါ်ခဲ့သည့် သမိုင်းကြောင်းများကို သင်ခန်းစာယူ၍ အနာဂတ်တွင် ခေတ်မီဖွံဖြိုးတိုးတက်ပြီး တည်ငြိမ်အေးချမ်းသည့် နိုင်ငံတော်ကိုပုံဖော် တည်ဆောက်ကြရန်ယာယီသမ္မတပြောကြား နေပြည်တော်၊ ဒီဇင်ဘာ - ၁

ရုရှားရေနံတင်သင်္ဘောများကိုမတိုက်ခိုက်ရန်အက်စ်တိုးရီးယားကသတိပေး NOM အက်စတိုးနီးယားERR သတင်းဌာန၏ ဖော်ပြချက်အရ ရုရှား၏ ရေနံတင် သင်္ဘောများကို တူရကီနှင့် နီးကပ်သော နေရာတွင် မကြာသေးမီက တိုက်ခိုက်မှုများ ဖြစ်ပွားပြီးနောက် ဘောလ်တစ်ပင်လယ်အတွင်းရှိ ရုရှားသင်္ဘောများကို မထိခိုက်စေရန် ယူကရိန်းအားအက်စ်တိုးနီးယားနိုင်ငံခြား ရေး ဝန်ကြီးက တိုက်တွန်းခဲ့သည်။ ဝန်ကြီး မာဂတ်စ် ဆက်ခနာက ထိုသို့သော လုပ်ရပ်များသည် "မပြတ်သားသော လုပ်ရပ်ဖြစ်မည်" ဖြစ်ပြီး ဒေသတွင်း အန္တရာယ်ရှိသော အရှိန်မြှင့်တင်မှုကို ဖြစ်စေနိုင်ကြောင်း ပြောကြားခဲ့သည်။ သူက ရုရှား၏ ဓာတ်ငွေ့နှင့် ရေနံပြည်ပပို့ကုန် ၆၀ ရာခိုင်နှုန်းကျော်သည် ဖင်လန်ပင်လယ်ကွေ့မှတစ်ဆင့် ရွေ့လျားနေပြီး ထိုကျဉ်း မြောင်း သော ရေလမ်းကြောင်းသည် ရေမိုင် ၆ မိုင်ခန့်သာ ကျယ်ဝန်းကြောင်း မှတ်ချက်ပြုခဲ့သည်။ ထိုနေရာတွင် ရုရှားရေနံတင် သင်္ဘောများကို တိုက်ခိုက်ပါက ဘောလ်တစ်ဒေသအတွင်း အခြေအနေ ရုတ်တရက် ပြင်းထန်စွာ အရှိန်မြှင့်တင်သွားနိုင်ကြောင်း သူသတိပေးခဲ့သည်။

ယူကရိန်း၏နံမည်ကျော်အဂတိမှုစတင်စစ်ဆေးနေသော်လည်းတရားခံမှာတိုင်းပြည်မှထွက်ပြေးပြီဖြစ် NOM ယူကရိန်းတရားရုံးတစ်ခုသည် နိုင်ငံတော်မှ ထွက်ပြေးသွားသော စီးပွားရေးလုပ်ငန်းရှင် တီမူရ် မင်ဒစ်အတွက် ကြားကာလ ပြစ်ဒဏ် ရွေးချယ်ရန်လုပ်ထုံးလုပ်နည်းများကို စတင်ခဲ့သည်။ မင်ဒစ်အတွက် နိုင်ငံတော်က ခန့်အပ်ထားသော ရှေ့နေတစ်ဦးက ကိုယ်စားပြုသည်။ ထိုရှေ့နေက သူ့အမှုသည်ကိုဆက်သွယ်၍မရကြောင်း ဝန်ခံခဲ့သည်။ ယူကရိန်းမီဒီယာများက မင်ဒစ်သည် အစ္စရေးသို့ ထွက်ပြေးသွားကြောင်း သတင်းထုတ်ပြန်ခဲ့သည်။ စုံစမ်းစစ်ဆေးသူများက သူ့ကို စွမ်းအင်နှင့် ကာကွယ်ရေးကဏ္ဍများတွင် ကြီးမားသောအဂတိလိုက်စားမှု စီမံကိန်းများ၏ အဓိက စီစဉ်သူအဖြစ် စွပ်စွဲထား သည်။

ကျောက်ဆည်မြို့နယ်၊ မြောင်းဦးကျေးရွာနေ ကျေးရွာအုပ်ချုပ်ရေးမှူးကို PDF အကြမ်းဖက်အဖွဲ့ကသတ်ဖြတ် NOM ဒီဇင်ဘာ ၁၊ ၂၀၂၅ မန္တလေးတိုင်းဒေသကြီး၊ကျောက်ဆည်မြို့နယ်၊ မြောင်းဦးကျေးရွာနေ ကျေးရွာအုပ်ချုပ်ရေးမှူး ဦးမြင့်ဝေ (၅၉) နှစ်သည် နိုဝင်ဘာလ ၃၀ ရက်နေ့ ည ၆ နာရီခွဲအချိန်၌ ၎င်း၏နေအိမ်မှ ကျေးရွာ၏ အနောက်ဘက် ၂ မိုင်ခန့်အကွာရှိလယ်ကွင်းသို့ ဆိုင်ကယ်ဖြင့် တစ်ဦးတည်းသွားရောက်စဉကျေးရွာ၏အနောက်မြောက်ဘက် ၁ ဖာလုံခန့်အကွာ အရောက် PDF အကြမ်းဖက်အဖွဲ့ က သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ဦးမြင့်ဝေတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။ News Of Myanmar NOM

ဟောင်ကောင်နှင့် မကာအိုအထူးဒေသသို ရောက်ရှိနေကြသည့် မြန်မာနိုင်ငံသားများ ကြိုတင်ဆန္ဒမဲပေးရမည့်ရက် ထုတ်ပြန်

ဒီဇင်ဘာလ၁ရက်နိုင်ငံတကာသတင်းများ NOM ၁။ပုပ်ရဟန်းမင်းကြီးလီယိုသည်ယနေ့လက်ဘနွန်နိုင်ငံဘေရွတ်မြို့သို့ရောက်ရှိသည်။(ဓါတ်ပုံ) ၂။၁၂ရက်စစ်ပွဲအတွင်းအီရန်ဒုံးပျံထိမှန်သွား သောအစ္စရေး သိပ္ပံနှင့်သုတေသနအဆောက်အဦပုံကိုမီဒီယာတွင်ဖော်ပြသည်။(ဗီဒီယို) ၃။ယူကရိန်းစစ်ဦးစီးချုပ်ဟောင်းလက်ရှိဗြိတိန်သံအမတ်ကြီးဇလူဇနီကနျူကလီးယားလက်နက်သည်သာယူကရိန်းနိုင်ငံလုံခြုံရေးကိုအာမခံချက်ပေးလိမ့်မည်ဟုပြောသည်။ ၄။အင်ဒိနီးရှားနိုင်ငံဆုမတြားကျွန်းမြောက်ပိုင်းတွင်မိုးသည်းထန်မှု​ေကြောင့်ျရကြီးပြီးမြေပြိုသဖြင့်လူ၆၀၀သေဆုံးပြီး၄၆၈ဦးပျောက်ဆုံးနေသည်။ ၅။ဗင်နီဇွဲလားသမ္မတမာဒူရိုကအမေရိကန်၏ခြိမ်းခြောက်မှုကိုကာကွယ်ပေးပါရန်ရေနံထုတ်လုပ်ရောင်းချသူများအဖွဲ့အိုပက်ကိုအကူအညီတောင်းလိုက်သည်။

Fahd Saleem နှင့် တာဝန်ရှိသူများ၊ တရုတ်ပြည်သူ့သမ္မတနိုင်ငံ၊ တရုတ်ပြည်သူ့လုံခြုံရေးဝန်ကြီးဌာန၊ ပြစ်မှုဆိုင်ရာ စုံစမ်းစစ်ဆေးရေးဌာနမှ ညွှန်ကြားရေးမှူး Mr. Zhou Zhen Jian နှင့် တာဝန်ရှိသူများ၊ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ခဲ့ကြပြီး  မြန်မာနိုင်ငံမှ  တာဝန်ရှိသူ တို့က သက်ဆိုင်ရာနိုင်ငံများမှ တာဝန်ရှိသူများထံသို့ ပြည်နှင်လွှဲပြောင်း လက်ခံရေးဆိုင်ရာ အထောက်အထား စာရွက်စာတမ်းများကို စနစ်တကျလွှဲပြောင်း ပေးအပ်သည်။ ၂၀၂၅ ခုနှစ်၊ ဇန်နဝါရီလ ၃၀ ရက်မှ ဒီဇင်ဘာလ ၁ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၁၂၉၄၅ ဦး ထိန်းသိမ်းနိုင်ခဲ့ကြောင်းနှင့် ယင်းနိုင်ငံသားအားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၀၁၉၀ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေ လုပ်ထုံး လုပ်နည်းများနှင့်အညီ စနစ်တကျ ပြည်နှင်လွှဲပြောင်း ပေးခဲ့ပြီး ကျန်ရှိသည့် ပြည်ပနိုင်ငံသား ၂၇၅၅ ဦးကို သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာ ထိန်းသိမ်း စောင့်ရှောက်ထားရှိသည်။ နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက် နေသူများနှင့် နောက်ကွယ်မှကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်းထန်ထန်အရေးယူနိုင်ရေး အိမ်နီးချင်းနှင့် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက် ရှိသည့်အပြင် အကြောင်းအမျိုးမျိုးကြောင့် ဒုက္ခ ရောက်နေကြသော နိုင်ငံခြားသားများနှင့် လူကုန်ကူးခံရသည့်  နိုင်ငံခြားသားများကို သက်ဆိုင်ရာ နိုင်ငံများသို့ အမြန်ဆုံး ပြည်နှင်လွှဲပြောင်းပေးနိုင်ရေး ထိရောက်စွာညှိနှိုင်း ဆောင်ရွက်လျက် ရှိကြောင်းသတင်းရရှိသည်။

အွန်လိုင်းလိမ်လည်မှု (Telecom  Fraud)လုပ်ငန်းများအား ဆက်လက် စစ်ဆေး ဆောင်ရွက်လျက်ရှိပြီး မြန်မာနိုင်ငံအတွင်းသို့ တရားမဝင် ဝင်ရောက်လာသည့် တရုတ်နိုင်ငံသား ၁၃၁ ဦးနှင့် ပါကစ္စတန် နိုင်ငံသား ၃၀ ဦး တို့အားသက်ဆိုင်ရာနိုင်ငံများသို့  ထပ်မံလွှဲပြောင်းပေးအပ်   နေပြည်တော်၊ ဒီဇင်ဘာ ၁ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီမြို့-ရွှေကုက္ကိုလ်  နယ်မြေတွင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ အပါအဝင်  ဒုစရိုက်မှုများ ကျူးလွန်ခဲ့ကြသည့် ပြည်ပနိုင်ငံသား ၁၆၁ ဦးအား သက်ဆိုင်ရာနိုင်ငံများသို့ ထပ်မံ လွှဲပြောင်း ပေးခဲ့ပြီး ရွှေကုက္ကိုလ်နယ်မြေအတွင်းရှိ အွန်လိုင်းလိမ်လည်မှု လုပ်ငန်းများအား စစ်ဆေးဆောင်ရွက်လျက်ရှိသည်။ အဆိုပါ စစ်ဆေးခြင်းလုပ်ငန်းများကို ကရင်ပြည်နယ်အစိုးရအဖွဲ့ လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီးမင်းသူကျော်၏ ကြီးကြပ်မှုဖြင့် အမှတ်(၄၄၂)၊ နည်းဗျူဟာ စစ်ဆင်ရေး ကွပ်ကဲမှုအဖွဲ့မှ ယာယီနည်းဗျူဟာမှူး ဒုတိယဗိုလ်မှူးကြီး မြတ်မော်အောင်နှင့် တပ်ဖွဲ့ဝင်များ၊ ကရင်ပြည်နယ် ဒုတိယပြည်နယ် ရဲတပ်ဖွဲ့မှူး ရဲမှူးကြီးစိုးပိုင်နှင့် တပ်ဖွဲ့ဝင်များ၊ နယ်ခြားစောင့်တပ် (BGF) လုံခြုံရေးနှင့် စည်းကမ်းထိန်းသိမ်းရေး ကွပ်ကဲရေးရုံးမှ ဗိုလ်မှူးအဆင့်ရှိ နိုင်မောင်ဇော်နှင့် တပ်ဖွဲ့ဝင်များ၊ မြဝတီခရိုင် စီမံခန့်ခွဲရေးနှင့် အုပ်ချုပ်ရေးကော်မတီမှ အဖွဲ့ဝင် ဒုတိယဗိုလ်မှူးကြီး စံရွှေနှင့် ဌာနဆိုင်ရာ ပူးပေါင်းအဖွဲ့တို့က မြဝတီမြို့နယ်၊ ပူလွဲပူကျေးရွာအုပ်စု၊ ရွှေကုက္ကိုလ်မြိုင် ကျေးရွာတွင် အခြေပြု၍၁၈-၁၁-၂၀၂၅ ရက်နေ့မှ ယနေ့ထိ အွန်လိုင်းလိမ်လည်မှုလုပ်ငန်းများအား ဆက်လက်စစ်ဆေး ဆောင်ရွက်လျက်ရှိသည်။ ထိုသို့ ဆောင်ရွက်လျက်ရှိရာ ၂၀၂၅ ခုနှစ်၊ ဒီဇင်ဘာလ ၁ရက်နေ့တွင် အွန်လိုင်းလိမ်လည်မှု လုပ်ငန်းနှင့်ဆက်နွယ်သော အဆောက်အဦ ၆၁ လုံးအားစစ်ဆေးခဲ့ရာ ၂ လုံးမှာ အွန်လိုင်းလိမ်လည်မှု လုပ်ငန်းသုံး အဆောက်အဦများဖြစ်သည်ကို စစ်ဆေးတွေ့ရှိခဲ့ပြီး ၎င်းအဆောက်အဦများတွင် နေထိုင်မှု မရှိတော့ဘဲ ကြိုတင်ထွက်ပြေးသွားသည်ကို တွေ့ရှိရကာ ကျားဖြန့်လုပ်ငန်းသုံး ကွန်ပျူတာနှင့် ဆက်စပ်ပစ္စည်းများ၊ မိုဘိုင်းဖုန်း ဟန်းဆက်များကိုလည်း တွေ့ရှိခဲ့ခြင်းမရှိဘဲ တစ်ပါတည်း ဖြုတ်သိမ်းယူဆောင်သွားကြောင်း စစ်ဆေးတွေ့ရှိခဲ့သည်။ ဆက်လက်ပြီး ၁၈-၁၁-၂၀၂၅ ရက်နေ့မှ ၁-၁၂-၂၀၂၅ ရက်နေ့ထိ အဆောက်အဦ ၆၉၁ လုံး နှင့် ဂိုဒေါင် ၃ လုံးတို့အား စစ်ဆေးပြီးစီးခဲ့ပြီး ၎င်းအဆောက်အဦများနှင့် ဂိုဒေါင်အတွင်းမှ ကွန်ပျူတာ/ မော်နီတာ ၃၃၁၀ လုံး၊ မိုဘိုင်းဖုန်း ဟန်းဆက် ၂၁၈၇၀ လုံး၊ Star Link ဘန်း ၁၀၂ လုံးနှင့် Router ၂၂ လုံးတို့အား စစ်ဆေးတွေ့ရှိခဲ့ပြီး ၎င်းတို့အနက်မှ ၂၂-၁၁-၂၀၂၅ ရက်နေ့တွင် ကွန်ပျူတာ/ မော်နီတာ ၂၆၅၃ လုံး၊ မိုဘိုင်းဖုန်း ဟန်းဆက် ၂၁၇၅၀ လုံးနှင့် ၂၈-၁၁-၂၀၂၅ ရက်နေ့ တွင် ပိုင်လော့မိန် KTV ၌ ကာစီနိုလောင်းကစားခုံ ၆၃ လုံးအား ဖျက်ဆီးခဲ့ပြီးဖြစ်၍ ကွန်ပျူတာ ၆၅၇ လုံး၊ မိုဘိုင်းဖုန်း ဟမ်းဆက် ၁၂၀ လုံး၊ Star Link ဘန်း ၁၀၂ လုံးနှင့် Router ၂၂လုံး တို့အား ထိန်းသိမ်းထားရှိသည်။ ဆက်လက်၍ ၁၈-၁၁-၂၀၂၅ ရက်နေ့မှ ၁-၁၂-၂၀၂၅ ရက်နေ့ထိ အဆောက်အဦ ၆၉၁ လုံးနှင့် ဂိုဒေါင်  ၃ လုံးတို့အား စစ်ဆေးခဲ့ပြီးဖြစ်ပါသည်။ အဆိုပါ အွန်လိုင်းလိမ်လည်မှု လုပ်ငန်းတွင် အသုံးပြုခဲ့သော စုစုပေါင်းအဆောက်အဦ ၁၄၁လုံးအား ချိတ်ပိတ်သိမ်းဆည်း ဆောင်ရွက်ခဲ့ပြီး ကျန်အဆောက်အဦများ ချိတ်ပိတ်သိမ်းဆည်းခြင်းလုပ်ငန်းကို ဆက်လက် ဆောင်ရွက်သွားမည် ဖြစ်သည်။ ကရင်ပြည်နယ်၊ မြဝတီမြို့-ရွှေကုက္ကိုလ် နယ်မြေတွင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ အပါအဝင်  ဒုစရိုက်မှုများ ကျူးလွန်ခဲ့ကြသည့် တရုတ်နိုင်ငံသား ၁၃၁ ဦး နှင့် ပါကစ္စတန်နိုင်ငံသား ၃၀ ဦးစုစုပေါင်း ပြည်ပနိုင်ငံသား ၁၆၁ တို့အား ယနေ့တွင်မြန်မာ-ထိုင်း အမှတ်(၂)ချစ်ကြည်ရေးတံတားမှ တစ်ဆင့်သက်ဆိုင်ရာနိုင်ငံများသို့ လူသားချင်း စာနာ ထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကိုရှေးရှု၍ ဥပဒေ လုပ်ထုံး လုပ်နည်း များနှင့်အညီ ထပ်မံ လွှဲပြောင်းပေးသည်။ အဆိုပါ ပြည်နှင်လွှဲပြောင်းပေးမှုလုပ်ငန်းများစနစ်တကျရှိစေရေးနှင့် အဆင်ပြေ ချောမွေ့ စေရေးအတွက် မြဝတီ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဌ ခေတ္တခရိုင် အုပ်ချုပ်ရေးမှူး ဦးစိုးလှိုင်နှင့် တာဝန်ရှိသူများက ဌာနဆိုင်ရာများနှင့်တွေ့ဆုံကာ စာရင်းဇယား၊အချက်အလက်များ ကိုက်ညီမှုရှိရေးနှင့် ပြည့်စုံမှန်ကန်မှုရှိရေးတို့ကို လိုက်လံကြည့်ရှုစစ်ဆေးပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးသည်။ ထို့နောက် ပြည်နှင်လွှဲပြောင်းပေးအပ်ပွဲကို ဆက်လက်ကျင်းပခဲ့ရာ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ခရိုင်ဦးစီးမှူး ဒုတိယညွှန်ကြားရေးမှူး ဦးကျော်ကျော်သန်းနှင့် တာဝန်ရှိသူများ၊ ထိုင်းနိုင်ငံဆိုင်ရာ ပါကစ္စတန်နိုင်ငံသံရုံးမှ First  Secretary  Mr.