Echoes by Hosha

لە گەورەترین ئەو زوڵمانەیی ئینسان لەخۆی ئەكات بچوك كردنەوەی ژیانیەتی ژیانی تۆ زۆر لەوە فراوانترە لەیەك بواردا بچوكی بكەیتەوە خوێندكاری پۆلی ١٢یت زۆر باشە ئەمە ڕێگایەكە بۆ سەركەوتن لەنێوان هەزاران ڕێگایی دیكە بۆچی وا مامەڵە ئەكەیت كە مادەم تۆ لە پۆلی ١٢ خراپ بوویت ئیتر ئەمە كۆتایی دنیایە ؟ دنیایی تۆ زۆر لەوە فراونترە بە شكستت لە ڕێگایەك خۆت تووشی هەزاران جۆری خەمۆكی بكەیت گەورە تر لە ژیانی خۆت بڕوانە سەركەوتن گرنگە نەك ڕێگاكەیی ئەگەر تۆ گڕی سەركەوتن لەناختا بێت هەر ئەگەیت پێی بە خوێندن نا بە شاگردی لەوێوە گەورە ئەبیت گەنجانێك ئەبینم دەسیان لە ژیانیان بەرداوە خۆی تەواو غەمگین و ڕووخاو پیشان ئەدات بۆ چی كاكە؟ وەڵا فڵان كەس ڕەفزی كردوم ! كاكی من عه‌شق گرنگه‌ نه‌ك كه‌سه‌كان تۆ ئەگەر گڕی عەشقت هەمیشە لەدلا بێت نەهێڵی بكوژێتەوە ئەگەیت بە خۆشبەختی شیوانا پیری رۆژێك له‌ رۆژان یه‌كێك له‌ خوێندكارانی خۆی بینی كه‌ له‌ گۆشه‌یه‌ك به‌غه‌مگینی لێی دانیشتووه‌ ، بۆیه‌ ئه‌ویش چوو بۆ لای بۆ ئه‌وه‌ی هۆكاری غه‌مگینێكه‌ی بزانێت خوێندكاریش وه‌ڵامی دایه‌وه‌و باسی له‌ بێ وه‌فای یاری كرد كه‌ به‌ جێی هێشتووه‌ و له‌گه‌ڵ كه‌سێكی تردا هاوسه‌رگیری كردووه‌ . شیوانا زه‌رده‌خه‌نه‌یه‌كی كردوو وتی: به‌ڵام چ په‌یوه‌ندییه‌ك هه‌یه‌ له‌ نێوان عه‌شقی ناخت و كچه‌كه‌‌ !؟ خوێنداكاره‌كه‌ش به‌ سه‌رسورمانه‌وه‌ وتی به‌ڵام گه‌ر ئه‌و نه‌بوایه‌ ئه‌و عه‌شق و هه‌یه‌جانه‌ی له‌ ناخمدا قوڵ ئه‌دات دروست نه‌ده‌بوو!؟ شیوانا وتی: چ كه‌سێك شتی وای وتووه‌ ؟ تۆ خاوه‌نی دڵ و به‌خشینی عه‌شقی هه‌ر ئه‌و ئاگری عه‌شقه‌شه‌ دڵی تۆی داگیر كردووه‌ ئه‌مه‌یان په‌یوه‌ندی به‌ كچه‌كه‌وه‌ نییه‌ عه‌شق لای تۆ وه‌ك زه‌وییه‌ك وایه‌ كه‌ دانه‌وێڵه‌ی له‌سه‌ر ئه‌روێت گریمان دانه‌وێڵه‌كه‌ كه‌ كچه‌كه‌یه‌ ئه‌وا له‌ هه‌ر زه‌ویه‌كدا بێت ئه‌روێ تۆش ئه‌توانی دانه‌وێڵه‌یه‌كی تر بروێنی تۆ بینیوته‌ دانه‌وێڵه‌یه‌ك له‌سه‌ر به‌ردێك بروێت نه‌خێر نه‌تبینیوه‌ مانای وایه‌ تۆ خاكێكی نه‌رمی شوێنی چه‌كه‌ره‌ی ده‌یان دانه‌وێڵه‌ی تری . بزانه‌ خواوه‌ند به‌ هێزی ره‌شه‌باكه‌ی چ دانه‌وێڵه‌یه‌ك بۆ ناخت ئه‌هێنێت تێیدا سه‌وز ئه‌كات وه‌ك چۆن پێشتر ئه‌و كچه‌ی سه‌وز كرد به‌ڵێ هه‌ر كه‌سێكی تر له‌ جیاتی ئه‌و كچه‌ بوایه‌ له‌م ئاگره‌ی عه‌شقه‌ی تۆدا به‌شدار ئه‌بوو لێی گه‌ری با هاوسه‌رگیری خۆی بكات . بهێڵه‌ با كچه‌كه‌ بروات ئه‌م عه‌شقه‌ بۆ لای كچێكی تر ئاراسته‌ بكه‌ گرنگ ئه‌وه‌یه‌ گڕی ئه‌و عه‌شقه‌ هه‌ر له‌ ڵتا بهێڵێته‌وه‌ . گرنگ نییه‌ كه‌ مه‌عشوق كێ یه‌ گه‌ر كچه‌كه‌ رۆیشتووه‌ ئه‌وا ئه‌و په‌یامه‌ی ناردووه‌ كه‌ شایسته‌ی ئه‌م عه‌شقه‌ پاكه‌ی تۆ نییه‌ . باشتر له‌وه‌ چییه‌ ؟ كه‌واته‌ بهێڵه‌ با خاوه‌نی راسته‌قینه‌ی ئه‌م عه‌شقه‌ بۆ جارێكی تر بێته‌ پێشه‌وه‌ . له‌م جه‌نگه‌ی ئه‌وینه‌ی ئه‌مرۆماندا عه‌شق گرنكه‌ نه‌ك كه‌سه‌كان . كه‌ زه‌وی پان و به‌ به‌ره‌كه‌تی عه‌شقت راخست ئه‌وا ره‌شه‌بای پایزی هه‌ر سوچێكی ئه‌م زه‌وییه‌ به‌ دانه‌وێڵه‌یه‌ك تر پر ئه‌كاته‌وه‌ . ژیان هێندە بچوك مەكەرەوە لە كەسێكدا ئەو دڵخۆشی بەختەوەریەیی بە دوایدا وێڵی هەزار ڕێگا هەیە بۆ پێ گەشتنی ئەمە یەكێكیان بوو نەك هەمووی كەواتە بۆچی تێكڕایی ژیانت لێ تاڵ بووە ؟ ئەو جۆرە كەسانەی لەم حاڵەتەدان هیچ نیعمەتێكی خودا نابینن تەنها ئەو كەسە نەبێ كە لەدەستیان داوە ‎ ئینسانی واهەیە هەر ساڵی یەكەمی ناسینی جوانە و تایبەتە دواتر خراپ ئەبێت تۆ پێت وایە ئەم خراپیەیی كاتیە هەوڵی لەگەل ئەدەیت دەسبەرداری نابیت تا بەشكم وەك یەكەم جاری لێ بێتەوە بەڵام لە خاڵێكی نا ئومێدیا ئەگەیت بەو قەناعەتەی كە نا ئەم كەسە سروشتی ناشرینە ‎هیچ چارەسەرێك نیە بۆ گەڕانەوە بۆ ساڵی یەكەم چونكا ئەو ئەوساڵە لێی تێكچوە كە باش بووە كە خۆشەویست بووە لێی تێكچوە ئەگینا بە سروشتی ئەم كەسێكی بەد و خراپە كەواتە چ پێویست ئەكات كوێربیت لە ئاستی تێكڕایی نیعمەتەكانی ژیانت و خۆشبەختیت بەیەك بابەتەوە ببستیتەوە زۆر جار ئێمه‌ی ئینسان شتگه‌لێكمان هه‌یه‌ به‌ڵام نازانین كه‌ ئه‌وانه‌مان هه‌یه‌ ئه‌و شتانه‌ هه‌ر نابینین له‌به‌ر ئه‌وه‌ی وه‌ك تیشكێك نادرێته‌وه‌ ته‌نها ئه‌وه‌نده‌ پێویست ئه‌كات كه‌ كه‌میك تیشك بداته‌وه‌ بۆ ئه‌وه‌ی ئێمه‌ تێبگه‌ین كه‌ ئه‌و شته‌ی ئێمه‌ به‌ دوایدا وێڵین له‌ لامان ده‌ست ده‌كه‌وێت ئه‌و تیشكه‌ (ناسینه‌وه‌یه‌) ، (تێگه‌یشتنه‌) زۆر جار ئێمه‌ی مرۆڤ داخوازی شتێك ده‌كه‌ین كه‌ ئێمه‌ لای خۆمان هه‌مانه‌ بۆ نمونه‌ به‌خته‌وه‌ری ، به‌ بۆچونی من زۆربه‌ی مرۆڤه‌كان ئامرازه‌كانی به‌خته‌وه‌ریان هه‌یه‌ به‌ڵام ناتوانن بیبین و هه‌ستی پێ بكه‌ن له‌ خۆرا به‌ دوایدا وێڵن دلخۆشی و بەختەری بدۆزنەوە دڵنیابە لەژیانتانا هەیە #قەرەجاو