اثر♡

صباح الخير يا جميل.. انت مش ناقص علشان تحتاج لحد يكملك ، ولا انت مطفي علشان تحتاج لحد ينورك ، وتقع وتقوم وتقوم وتقع عادي متبطلش معافرة ومتيأسش اسند نفسك بنفسك متحتاجش لحد انت جميل ، جميل بكُل لغات العالم متخليش حد يهز ثقتك بنفسك🥺❤️❤️❤️❤️❤️❤️❤️❤️🌿.

امبارح بقول لواحد صحبي ربنا يسترها قالي يابني ربنا ساترنا قول ربنا يديم علينا ستره وبعدها قالي، احنا مش بس مستورين ستر وخلاص .. داحنا مستورين بالستر الجميل الي هوا ساترك وواضع عليك من رداء جماله عز وجل ف الناس تشوفك تفتكرك أقربهم لله واحب إلي الله منهم وفيك ما فيك من المعاصي والذنوب فاسئل الله العفو والعافيه وردد دائماً اللهم اجعلني خيراً مما يظنون .. واغفر لي ما لا يعلمون.♥️

بما إن النهاردة الجمعة ووقت مناسب جدًا نصلي على النبي يلا كلنا نصلي (الصلاة الإبراهيمية) بنية ربنا ييسر علينا وقت الامتحانات وتعدي الفترة دي واحنا مجبورين 💗 "اللهم صل وسلم على سيدنا محمد وعلى آل سيدنا محمد كما صليت على سيدنا ابراهيم وعلى آل سيدنا ابراهيم، وبارك على سيدنا محمد وعلى آل سيدنا محمد، كما باركت على سيدنا إبراهيم وعلى آل سيدنا ابراهيم في العالمين إنك الحميد المجيد".

مقفلة معاك صح خش صلي على النبى صدقني هترتاح 🤍

"لا تَحسَبوهُ شَرًّا لَكُم .. بَل هُوَ خَيرٌ لَكُم" - العلاقة اللي حاولت تحافظ عليها ومنجحتش - الإبتلاء اللي إنت فاكر أنه غضب من ربنا وإنه النهاية - البيت اللي فاكر إنه إتهد وحياتك وقفت بسبب الانفصال - الشخص العزيز عليك اللي فقدته أو ربنا توفاه - الكلية اللي عملت اللي عليك ومدخلتهاش في الأخر - الشغل اللي متقبلتش فيه وهتموت نفسك من الحُزن - الناس اللي بعدت عنك فجأة من غير ما تؤذيهم كل ده "لا تحسبوه شر لكم، بل هو خير لكم" "طول ما أنت بتعمل اللي عليك ومش بتؤذي غيرك ف أطمن إنّ أقدار ربنا كلها ليك خير، حتى لو لسه مش شايف الخير دلوقتي"بس هيجي اليوم اللي هتشوف فيه العوض والخير . إطمن ❤️

سورة الكهف فيها آية عظيمة بتقول: {وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا} والحقيقة دي من أقرب الآيات لقلبي. لأن حقيقي بيبقى صعب على الإنسان بنظرته الدنيوية المحدودة إنه يفهم كل اللي بيحصل حواليه أو يفهم الحكمة المستخبية وراء الابتلاء. فيا رب ألهمنا الصبر على ما لم نُحِط به خُبرًا وارضنا بقضائك حتى تظهر حكمتك في كل شيء ♥️

حابب أفكركم وأفكر نفسي بأن: 1- لو ليك خير في حاجة هتاخدها 2- أنت دلوقتِ في أفضل مكان ربنا عايزك فيه فـَ اعمل اللي عليك واجتهد عشان تحقق حلمك. 3- الضغوطات والمواقف الصعبة اللي بتتحط فيها ما هي إلا ابتلاء هيقويك فى المستقبل. وافتكروا دايمًا أن ربنا بيكتب لينا الأحسن طول الوقت🫶🏻"". صباحكم لطيف 💗

A sweet message for you ♥️ انت ما تعرفش إزاي ربنا هيغير المشهد عشانك، وإزاي هيعيد ترتيب الأقدار تلبية لندائك ورجائك وإلحاحك! "فَاسْتَجَبْنَا لَهُ".. دي لوحدها كفيلة إنها تجعل من المستحيل ممكن، ومن الصعب سهل، ومن البعيد قريب. فأبشر كده ثم أبشر عشان انت لجأت للذي بيده الأمر كله، للذي إذا أراد شيئًا قال له كُن فيكون : ))

بصوا .. هي كده كده صعبة! المذاكرة صعبة، الشغل صعب، والتعامل مع الناس صعب، وإن الواحد يعمل فلوس صعب، والجواز صعب، وإن احنا نروح الشغل كل يوم بردوا صعب. بس سيدنا عمر بن عبد العزيز قال جملة تكتب بماء الذهب.. قال: لو أن الناس كلما استصعبوا أمرًا تركوه، ما قام للناس دنيا ولا دين! فمينفعش نبطل نعمل حاجة أو نبطل نحاول عشان الحاجة دي صعبة، لأن هي دي الدنيا. فاحنا نعمل اللي علينا ونتوكل على الله، وربنا يسهّل لنا كل صعب. ♥️

إزيك .. أنا جاي إنهاردة أقولك زود شوية يقين في كرم ربنا وقلل شوية من حسبتك لكل حاجة .❤️