ماذا بعد! 🖤

تُعرف المحبة بمن لا يقسو في غضبه ولا يعاقب بمنع محبته.

‏فَلا أنا مُفصِحٌ عَمّا أُعانِي ‏ولا وَجعِي عَلى صَمتي يَزولُ"

النهاردة كنت كويس قدام الناس، بس مكنتش أنا، ومش عارف امتى هكون كويس وأنا.

‏حتى الأُلفة التي كانت بيننا ، تلاشت.

المره دي نهاية محارب ،مش استراحة محارب❤️‍🩹.

وعليكم السلام ورحمه الله وبركاته ،هو ممكن مش قصده يزعلك ،انتي بتقولي حنين وطيب،يعني ممكن يكون بينكشك ،ودي طريقة حب عادي ،باباكي بيحبك والله جداً كمان،انتي بس خدي الدنيا معاه بسلاسه وهزار وشوفي هو عاوز ايه واعمليه ،ربنا يحفظهولك ويصلح حاله يا رب❤️.

انتي بتيجي الإعدادات اللي ع اليوتيوب وبدوري هتلاقي إن شاء الله ،مش المهم فتره طويله جداً بتذاكري ومش مستفاده ،المهم الاستفاده،انتي اول م تلاقي نفسك بتهربي م المذاكره ،استعيذي بالله من الشيطان وقولي اللهم بك نستعين ف اعني،وادعي وأقرأي آيتين قرآن ،وافتكري حلمك ،وشجعي نفسك بطريقه حلوه ،يعني مثلاً ذاكري ساعه إلا عشر دقايق وخدي ريست عشر دقايق،متسمعيش فيديو ولا حاجه ،وتبعدي عن الريلز نهائي حتى لو قدامك،اول م تشوفيه قولي لأ لما اخلص واكافئ نفسي بكام فيديو ،اول قولي لأ حلمي اولى وفرحة اهلي🤍.

1-ع صراحه مينفعش تبعتي لينك ،بعد الابديت لو بعتي لينك مبيوصلش. 2-انتي تستاهلي كل خير،بس هو مش نصيبك وانتي معرفتيش تختاري ،ربنا دايما بيختار لينا الخير دايما ،ومش عشان تجربه فاشله يبقى احنا مش حلوين،انتي دلوقتي عشان ف الصدمه لكن لما تفوقي هتعرفي أنه دا الخير وأنه هو ميستهلش حبك ،وانه ربنا يعوضك عوض كبير جداً.

بخير الحمدلله ،ربنا يوفقك ويجبر بخاطرك ،بصي طالما هو اعترف وأخواته عارفين وانتي بتقولي أنك مصاحبهم جامد،يبقى لمحي ليهم أنه مفيش مشاعر من ناحيتك ليه ،يعني مثلاً تقولي أنا مش بحب حد،وتقولي ف وسط الكلام كدا أنه اخوهم زي اخوكي بالظبط،يعني كلام يوضح بأنك رافضاه،وهما هيفهموا وهيقولوا لاخوهم عشان الاحراج وكدا وأنه الموضوع ميطولش ويتعشموا.

بحارب الوقت و أحلامي و عمري و أفكاري ، ترى أربعة على واحد مش رجولة والله .

ولا أدري بأي إتجاهٍ أسير ،فـ يارَبِّ وكلتك امري كُلّه❤️‍🩹.

الرزق لا يُؤخذ بالمنازعة؛ بل يسوقه الله من أوسع أبواب اللطف واليُسر والرضا والسلام.

لا حول ولا قوة إلا بالله بجد،ربنا يهديه ويصلح حاله والله ،ادعيله وادعي أنه ربنا يتمم فرحتك ع خير ويجعلك زوجك صالح مصلح حنون ،وحاولي تتجاهلي ع قد م تقدري ،عارفه انها صعبه جداً الحقيقه ،بس انتي قدها ولولا قدها لولا ربنا حطك فيها،يا رب يحفظلك مامتك يهدي سر بيتكم ،ويتمم فرحتك ع خير يا رب 🤎.

هي هي نفس الزنقه لأ و أشد م الزنقه اللي فاتت ،حقيقي إنسانه بتموت ف زنقة الكلاب.

الصداقة مع حد سوي نفسياً، لين، سهل و عاقل من مكتسبات الحياة فعلاً.

قوليله موافقه انك تتقدم،بس مش هتكلم معاك تاني غير لما تبقى بينا حاجه رسمي،هما دول الكلمتين اللي تقوليهم وتبقى مصره عليهم.

ماله دا بجد ؟ دا مش طبيعي ،مش فكرة أنه مش حنين لأ دا مش طبيعي،يعني ايه أخته بتموت قدامه وهو لا يبالي ،ولا أخته بتعيط وهو بيضحك ؟ حقيقي ربنا يصلح حاله،بس انتي ادعي بجد والله الدعاء بيغير كل حاجه ،ويا رب ربنا ميحوجكيش لحد نهائي،وهتبقي بخير متقلقيش مش هيكون عندك حاجه وحشه،هو بس من الضغط الفتره دي ف الدنيا مش مظبوطه معاكي ،ربنا يوفقك ويجبر بخاطرك ويعافيكي.

انتي ف الحاله دي محتاجه تغيري صحابك ،مش انتي اللي تتغيري،انا بحب الإنسان اللي بيدعم جداً ،لان كل حاجه مأجور عليها ،بس انتي اللي معرفتيش تصاحبي،ابعدي عنهم حتى لو روحك فيهم،انتي حقيقي لازم تتقدري،لازم نستغنى اللي مش مدينا مكانتا ولا عارفه القيمه،اتعودي تبعدي ،هتلاقيهم ظطبوا معاكي ،حتى لو مظبطوش هما أساساً ميستهلوش وجودك ،وجودك غالي عليهم.

مسج مدت ايديها عليا والله ❤️‍🩹. ادعي ربنا كتير ،اطلبي م ربك يحنن قلبه ويصلح حاله ،وكمان انتي حاولي تصاحبيه وتبقي هاديه،ومتتعصبيش لما يطلب حاجه . حقيقي بحس الام عليها ذنب كبير ف الموضوع دا،ف الغالب هي اللي بتخلي الاخ عصبي أو ميعبرش عن حبه لأخته.

البنات لا تحب التلميح، التلميح ليس من شِيَم الرجال. كما قال المنفلوطي: " يُعْجبني من الفَتَى الشَّجاعة والإقدام، ومن الفتاة الأدبُ والحياءُ، لأن شجاعة الفتى مِلاكُ أخلاقه كلِّها، ولأن حياء الفتاة جمالها الذي لا جمال لها سواهُ." 💗