إِنَّا لِلّٰه'

البنات اللي انضموا بارك اللّٰه فيكم وإن شاء اللّٰه يعجبكم محتوى أختنا أُمُّ مَارِيَّة، وهي هتبدأ تنشر حلقات صوتية لها هتفيدكم 🥰🫠💚 والسلام عليكم ورحمة الله وبركاته

الأخت أُمُّ مارية هتحذف هذه القناة وستكون متواجدة على قناة (أُمُّ مَارِيَّة) بعد فترة إن شاء اللّٰه تعالى. أنضموا لهذه القناة. 🌝💚💚💚

https://t.me/+gjfErdZpoEhhMjFk يَا ربّ، أَن تحفظ قلبَ هذا العبْد مِنَ الدُّنيا أن تعصمهُ منَ الفِتن، وتقيهِ شرَ نفسهِ ! "‏واحذَري يا بِنْتِي أن تَدُلي الناس علىٰ اللّٰـه، ثم تَفقدي أنتِ الطريق.")

. [ المجلس الثاني ] 📚 شرح كتاب الترغيب والترهيب للإمام الحافظ المنذري _رحمه الله_ 👌 كتاب ماتع جمع فيه مؤلفه جملة من الأحاديث النبوية عن كثير من الأعمال القلبية والعملية لشحذ الهمم نحو الالتزام بدين الله وزيادة الإيمان في القلب والجوارح. ✅ هلموا إلى تلك المجالس المباركة التي تنقلك من صخب الدنيا إلى رحابة القرب من الله والسكينة. ⏰  موعدنا [ الجمعة ] مَغْرِبًا. 🎙 البث المباشر على قناة [ تيسير علوم الشريعة ] فتابعونا 👇 https://t.me/MustafaZahr

#إنتكاسة_الملتزمين_إجتماعيا_ودينيا.. #للناس_عامة_والملتزمين_خاصة.. 📝 من الظواهر الاجتماعية إللي بدأت تظهر بوضوح في مجتمعاتنا محاولة أن يتكلف كتير من الناس طريقة معينة في العيش والحياة .. الطريقة دي للأسف لا هو اتربى عليها ولا صفاته الشخصية ولا ظروفه الاجتماعية تسمحله بكدا .. باختصار الطريقة دي مش نابعة من جواه .. لكن هو بيحاول يظهرها للناس إللي حط نفسه أو عياله معاهم .. وفيه عدة مظاهر بتظهر فيها العقدة دي: 1️⃣ أولها: طريقة تربية الأبناء. ومن أكتر المظاهر اللي بيظهر فيها الأمر ده هي طريقة تربيتنا لأولادنا .. فيه (بعض) الناس بتحاول تربي عيالها على غير أخلاقها وميادئها وبيئتها اللي نشأوا فيها .. فتبص تلاقيه عاوز يعلم عياله في مدارس خاصة أو انترناشيونال ... إلخ (ودي طبعاً مش هي المشكلة إللي بتكلم عنها لا من قريب ولا من بعيد).. يارب كل واحد يعلم عياله حتى في مدارس على سطح القمر .. 👌المشكلة تحديداً إن الأولاد بيبدأوا يتأثروا بالبيئة المدرسية إللي عايشين فيها .. وبسلوكيات زملاءهم .. خصوصا الأخلاق والسلوكيات الغلط .. بدون إرشاد ومعالجة من الأب والأم .. بل ساعات بيبقى الوالدين نفسهم بيشجعوا ع كده .. زي مثلاً طريقة اللبس .. فتلاقي البنت حلوة وبقت عروسة كده ولسه بتلبس بناطيل .. ولسه كاشفة شعرها .. ولسه بتتهاون في الصلاة .. ولسه بتسمع أغاني مع صحباتها وبيتبادلوها ع هواتفهم .. إلخ وطبعا لو اتكلمت مع حد تنصحه .. أول حاجة يقولك لسه البنت مبلغتش. يا حاج: إنت لسه منتظر على ما تبلغ وتقولها غطي شعرك ؟!! وهو حضرتك فاكر أصلا إنك هتعرف تخليها تغطي شعرها ما بين يوم وليلة ؟!!! يقولك: طبعاً الكلام ده مفيهوش هزار عندي .. أنا حِمِش جداً. طيب وحضرتك فاكر إنها لو سمعت كلامك هتغطي شعرها زي ما ربنا قال ؟! ولا هتحط حتة خرقة لا تسمى حجاب ولا حتى ربع حجاب على شعرها عشان تخليك تسكت ؟! ولا هتلبس الطرحة على بنطلون بعد ما بلغت ؟! طيب والست المدام لما تقولك بلاش تعقيد للبنت .. مش شايف زميلاتها أد البقر الهولندي إزاي في تالتة إعدادي ولسه مغطوش شعرهم؟! وبعدين عاوزين نحافظ على صحة البنت النفسية .. لأحسن البنت يجيلها زُغُطَّة دينية تخليها تكره الدين وتُلحد .. مش لما تبقى مكشوفة الشعر والساقين والفخذين أحسن ما تُلحد يا حموكشة؟! .. أو أحسن ما يجيلها عقدة نفسية من الحجاب ؟! وبعدين إنت ناسي إن أمك أيام السبعينات كانت بتلبس ميني جيب وبعدين ربنا هداها في التسعينات ولبست جلابية .. وربنا كرمها وراحت سنة ٢٠٢٠ تعمل حِجَّة في شهر رجب وزارت الكعبة .. سيب البنت براحتها. وبعدين أنا عاوزه البنت تقتنع الأول .. ووو وسلسلة لا يعلمها إلا الله من التنازلات .. واحنا بقينا نشوف جيل أولاد الملتزمين عاملين إزاي في لبسهم وطريقة عيشتهم وأخلاقهم وتدينهم .. 2️⃣ ثانيها: كمان من المظاهر دي مخالطة مجتمعات طبقية عالية مُفَرِّطَة في دينها ، والتنازل عن كثير من أمور دينه إرضاء لهؤلاء أو تماشياً معهم .. وعدم الثبات على التدين. عاوز يظهر إنه كيوت وبيفهم في الإتيكيت .. وإنه مش متشدد (وخصوصاً الناس الملتزمة) .. وإنه مش مُتخلّف .. وأنه كمان مش معترض على كتير من أفكار الناس دي .. (إللي هي أفكار غلط ومخالفة لأبسط قواعد شريعتنا وديننا الجميل) 🎉 إللي هو عادي يلا نروح نحضر حفلة عيد ميلاد بتاع سُهَا بنت زرزور باشا .. إللي هي كبرت سنة وقرَّبت من ميعاد موتها ( بس يلا عادي موت إيه دلوقتي .. خلينا في الحفلة وبلاش كآبة) .. والمهم طبعا الأسرة الكريمة هتروح كلها .. ✓يا حاج: رايح فين ، مش إنت كنت بتقول عيد الميلاد حرام سنة ٢٠١٥ في شهر فبراير ؟! يقولك: يا سيدي أنا رايح بس عشان أفَرَّح العيال ، ومش بحتفل ولا حاجة.. وطبعاً المدام المنتقبة مش هينفع تروح بالملحفة ، ولا الإدناء ولا الكلام الواسع ده .. فتخلع الجوانتي بسم الشيطان أول حاجة وتكشف إيديها .. وبعدين عباية كاجوال مودرن ع أد القوام .. فيها شوية ترتر بيلمعوا كده .. ونقاب ٢٢ سم و١٥ مللي .. (وخد بالك من ال ١٥ مللي أهم من ال ٢٢ سم) .. ✓يا حاجة: راحة فين كده؟! العباية ضيقة؟ وإيديك مكشوفة؟ ونقابك صيني أوزعة وقصير مش مغطي حاجة؟! تقولك: أصل الإيد فيها خلاف .. والوجه فيها سماح .. والرِّجْل فيها خلخال .. والطويل بيكعبلني .. والواسع بيخليني زي الهابلة .. وتشد العباية عشان تبينلك إنها واسعة .. (متتشدش طبعاً عشان هي لازقة !!) وبعدين يا جماعة لازم نخالط الناس دي عشان نعرفهم إن التدين مفيهوش تشدد ولا انعزال عن الحياة .. وإن الالتزام حلو وجميل زي كحك العيد .. والحاجَّة طبعاً فاكرة إنها بتدعو للإسلام وهتعيد فتح الأندلس تاني ، وهي للأسف بتنزل في قاع التنازلات .. وعمَّالة تقلع في هدومها ودينها واحدة واحدة ومش واخدة بالها!!

ورب البيت الزوج الكريم لازم يقصقص من دقنه شويتين تلاتة أربعة خمسة لحد ١٦ .. عشان اللوك بتاعه يبقى مهندم وعسول .. عشان لو سعيدة هانم مرات زرزور باشا قابلته يبان كيووت كده ومش متشدد .. وطبعاً صاحبنا هيسلم على ربع النسوان إللي ف الحفلة بس .. أما ال٣ / ٤ الباقيين مش هيسلم عليهم عشان مش من المحارم زي الربع الأولانى بالظبط 🤔 .. بس الربع الأولانى لهم استثناءات (فالضرورات تبيح المحظورات) خلي بالك هو دارس فقه كويس .. 3️⃣ ثالثها: لن أعيش في جلباب أبي. صاحبنا عاوز يعيش في مستوى عالي .. يبقى عنده عربية بمليون ، وشقة ب ٢ مليون ، وحتة أرض ب ٣ مليون .. بس كده وهو المستوى العالي حرام يا مولانا ؟! طبعاً لأ مش حرام أومال إيه بقى ؟! ✓يا حاج:طيب هتعيش فيه إزاي يا عبشكور ؟ يقولك: هشتغل شغلنتين، و إضافي، والجمعة والسبت، والعيدين (الفطر والأضحى) .. يعني حوالي كده ١٥ ساعة في اليوم بس طول السنة !! ✓يا حاج: طيب صلاتك؟ وقرآنك؟ وذكرك؟ واعتكافك؟ ودروس العلم والتربية؟ وقيام الليل؟ ووو ... إلخ. يقولك: يعني أضيع عيالي ؟ ومعيشهومش عيشة كريمة زي الناس؟ ✓يا حاج: إنت كده هتضيع نفسك فعلاً .. وانت مش بتحاول تعيشهم عيشة كريمة لأ .. إنت عاوز تعيشهم عيشة على حساب دينك وآخرتك وآخرتهم !! فيه فرق بين واحد مرتبه ٥٠ ألف جنيه ف الشهر بيشتغل ٨ ساعات، أو هو مولود لناس أغنياء ، وربنا موسع عليه فده سهل يعيش ف مستوى عالي .. وبين واحد مرتبه ٧ آلاف جنيه وعاوز يخليهم ٢٠ ف الشهر .. مع إن كفايته ٧ بس .. فالأخير ده هيفضل مطحون .. عشان إيه ؟ عشان مش عاوز يعيش في جلابية أبوه عشان بس رفاهيات مش التزامات حقيقية .. دا فعلاً إللي هيضيع نفسه وهو مش داريان . عاوز أقولك: إن كل ما بتوصل لمستوى بتبص للي فوقه .. ومش هتشبع .. ومش هتعرف توقف نهمك ورغبتك .. وغريزتك مش هتسيبك تقف .. وهتلاقي نفسك مدفوع غصب عنك عشان تلبي (رفاهيات) ناس هيفروا منك في الآخرة .. [ إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ ] .. وافتكر الآية دي كويس. واعرف إن أولادك وأهلك لو وصلوا لمرحلة التنازلات صعب جدا يرجعوا تاني .. وهتعاني أشد المعاناة معاهم عشان ترجعهم للتدين الحقيقي .. دا لو انت عرفت ترجع أصلاً ، وربنا لطف بيك .. 🏊 وهتفضل تغرق في مستنقع التنازلات يوم بعد يوم .. لحد ما تبقى مسخ في صورة ملتزم أو ملتزمة .. ومش هتصحى غير في قبرك وتُربتك .. لا نفعك صبيان ولا بنات ولا زوجة ولا برستيج .. ولا كلاس عالي ولا واطي .. فوقوا يا جماعة قبل فوات الأوان 🔔 تنبيهات 🔔 ١_المنشور بيتكلم عن فكرة محددة ومعينة .. فرجاءً محدش يكلمنا في فكرة تانية. ٢_الناس إللي بتقبض أقل من ٥ آلاف جنيه ومش بيسعوا للزيادة تعالوا على جنب .. المنشور مش ليكم يا حبايبي. ٣_المنشور موجه لفئة محددة من الرجال والنساء ممن مَنَّ الله عليهم بشئ من الالتزام ولكن ضيعوه وما زالوا .. ٤_إوعى تقفل باب طاعة ربنا كان فاتحوهلك عشان شوية رفاهية زيادة .. وتتحجج بالظروف والغلاء .. إوعى .. هتندم والله. 🫒 خلاصة المنشور 🫒 عيش كويس .. بس مش على حساب دينك .. ومتخليش أي بيئة ولا أي حد يأثر على التزامك والتزام عيالك .. وافتخر بالتزامك وتدَيُّنَك قدام أي حد .. وارفع راسك بدينك .. الناس كلهم مهما علوا شوية عبيد لله .. فمتتنازلش عن شيء من دينك والتزامك واعرف إنه نعمة من الله .. متفرطش فيه عشان خاطر حد .. ( وانتي كمان يا حاجَّة) كتبه/ مصطفى زهر

مَنْ أراد أن يضع نتيجة في المسجد فليضعها خالية من الدعاية والإعلان عن مهنة أو مُنتَج أو مكان .. إلخ .. وأسوأ من ذلك كله أن يكون عليها صورة شخص .. ينبغي أن تُصان المساجد وبيوت الله عن ذلك العَبَث .. #احترموا_بيوت_الله

♦️ الدورة الثانية بفضل الله تعالى ستكون في مادة الفقه ، وسيتم فيها شرح كتاب: [ الفقه الميسر ] على عدة مراحل تيسيرا على الطالبات. 📚 المرحلة الأولى سيتم فيها شرح كتاب (الطهارة والصلاة والصيام). ♦️بداية الدورة السبت القادم الموافق/ ٦ رجب ١٤٤٤ ه‍ ٢٨ يناير ٢٠٢٣ م ♦️ رابط القناة للالتحاق ... 👇 https://t.me/albdayafyalaqyda