𝒘𝒂𝒓𝒎 𝒗𝒊𝒃𝒆𝒔 ♡

وبصراحة هما الاتنين غلطانين هي اتجوزته وعارفة انه انسان فري بيحب السهر كل يوم ووو بس عملت دور I can fix him وبرضو معرفتش تغيره هي قالت أنا حاولت حاولت انظمله حياته بس هو انسان بوهيمي في حاجات كتير متكلمتش عنها

على حساب انه عشوائي ومش مسؤؤل وردة بتحكي إنه يوم الفرح نسي انه هيتجوز وصحيح هو اللي سافر الجزائر الأول فحبها من أول نظرة وعشان كدا لما هي نزلت مصر راح اتقدم لبابا علطول وهي برضو كانت معجبة بيه بسبب حب ايه اللي انت جاي تقول عليه لما جات مصر كانت أول اغنية يا نخلتين في العلالي وردة برضو كانت بتغير موت ف سمعت شادية في الراديو وهي بتقول (خايفة تلاقي وردة تحلو في عينك تنساني) راحت هي قابلة لقى الوردة واحلوت في عنيه واتجوزها كمان😂 اتلقحي بقا

اوه ماي جاد كتبت كل دا المهم قصة تزعل بتزعلني أنا على المستوى الشخصي والاكتر جوزها ابو ولادها اللي اتجوزته وخلفت منه ومع ذلك محبتهوش وكانت بتفكر في بليغ هتقولولي ازاي هقولهم ( عملت اي فينا السنين غيرتنا لا فرقتنا لا ولا دوبت فينا الحنين) قلة ادب والله وبرضو بليغ الشايب دا بيبعت اغنية ليه وهي ست متجوزة ما يشوف حياته بقا ويسيبها لازم يكون في طرف ثالت يعني والله صعبة موت حد يتجوز حد وميكونش بيبادله نفس الاحساس

أنا جاي عبالي احكيلكم قصة وردة و بليغ والمراسيل ( كوبري يعني) الست وردة وهي وردة فعلا وردة سمعت اغنية تخونوه لعبدالحليم واللي كان ملحنها بليغ حمدي فحبت اللحن جدا وقررت تنزل مصر عشان تقابله ويلحنلها الأغاني ومن هنا تبدأ المشاعر برضو تعاون فني و قصة حب والاستاذ بليغ بيروح علطول يتقدملها ( مش عاوزين نضيع وقت) بس ابوها بيرفضه لانه بوهيمي مش مسؤول عشوائي مش بتاع جواز اصلا كنت سمعت مرتضى منصور مرة قال انه بيته مفتوح لكله والست وردة ميعجباش الحال المايل هي عاوزة تستقر وبيت ودفا وامان وبعد الرفض وردة بتسافر وترجع بلدها وبيتقدملها ظابط جزائري وبتتجوزه وبتخلف ولدين وبتبعد عن الفن شوية ف عمنا بليغ بيزعل اوي عشان هي بعدت عنه وعن الفن هنا بقى بيبعت أول مرسال بصوت ام كلثوم ( بعيد عنك حياتي عذااب متبعدنيش بعيد عنك نسيت النوم واحلامه نسيت لياليه وايامه .. غلبني الشوق وغلبني غلبني ومهما اابعد حيرني) ام كلثوم نفسها مكنتش تعرف قالتله تعالى يالا يا بليغ عملتني أنا كوبري يابناالل وتمر السنين وتقرر وردة تنفصل عن زوجها وترجع مصر وترجع للغنى وتقابل بليغ ويشتغلوا مع بعض تاني والمشاعر ترجع تاني² ويلحن اغنية وحشتوني ( وحشتوني وحشتوني وحشتوني وحشتوا عيوني وفكرتوني باللي كان ) ودي كان حلاوة رجوعها لمصر طبعا الاستاذ ميسكتش فين بقا قصة رجوع حبنا أنا مقموص😔 فيلحن اغنية العيون السود ( وعملت اي فينا السنين عملت ايه فرقتنا؟ لا، غيرتنا؟ لا، ولا دوبت فينا الحنين السنين.. لا الزمان ولا المكان قدروا يخلوا حبنا دا يبقى كان الزمان .. وبحبك والله بحبك والله والله والله بحبك قد العيون السود بحبك وانت عارف مانت عارف قد اي كتيرة وجميلة العيون السود في بلدنا يحبيبي) واتجوزا عصافير الحب Oh my gosh المحب يصل🥹🥹 ونفس السنة لحن اغنية مالي عشان يبين للناس قد اي الحياة حلوة حبوا بعض يجماعة ( مالي وانا مالي وانا مالي بالاحزان أنا مالي عايشة في احلى ليالي ويا حبيبي الغالي بحبك اوي يعيوني بحبك مهما لموني ما يلوموا طب وانا مالي طبى وانا مالي ماااالي) بس للأسف ( مش آسف ولا حاجة ) وردة بتكتشف ان كلام باباها كان صح ومنطقي انه مش بتاع جواز ( قالك ايه مش بتاع جواز قالك ايه مش بتاع جواز) عشوائي يظهر فجأة يختفي فجأة وبالشهور وهي متعرفش عنه حاجة،، وردة تعبت وراحت المستشفى وبليغ ولا زارها ولا كلمها يطمن عليها ولا بعتلها حمام زاجل حتى بليغ وقتها كان في دبي بيكتشف فنانة تانية ( سميرة سعيد مش ميادى) مشغول يحبيبي بالشغل😔😔 فتفتح وردة المجلات فتلاقيه مشرف صفحة اولى فيجريدة الاهرام ( تجويد مني) صوره مع سميرة في كل حته هو مكنش بيخونها عاطفيا بس انسان مهمل مسألش حتى عنها خذلها كرامتها نقحت كلمت المحامي يمشي في اجراءات الطلاق فورا وانفصلوا بعد 6 سنين جواز الانفصال دا كان صدمه بالنسباله مكنش متوقع وخلاه في حزن شديد جدا وحاول يرجعلها بس هي كانت مصرة الحزن دا طلعولنا صوت ميادة والحان بليغ ف المهم بعد الانفصال وردة طلعت في برنامج ولما سألوها عن بليغ قالت مين دا معرفوش! ( جدعة يفنانة) رجع للمراسيل بقااا فلحن اغنية الحب اللي كان اشهر اغنية وغنتها ميادة ( كان يا مكان الحب مالي بيتنا ومدفينا الحنان زارنا الزمان سرق منا فرحتنا والراحة والامان، حبيبي كان هنا مالي الدنيا عليا بالحب والهنا حبيبي يا أنا يا أغلى من عنيا نسيت مين أنا؟ أنا الحب اللي كان اللي نسيته قوام من قبل الاوان نسيت اسمي كمان نسيت ياسلام على غدر الانسان والله زمان يا هوى زمان كفاية) وقفه يا مدحت وقفه😂 ولحن اغاني تانية كتير بس دا المشهور واعتقد مش عوايدك قولي مين غير عوايدك قولي مين قساك وغير حبي عندك ليها برضو وغنتها ميادة ولحنها بليغ ورغم كل دا وردة برضو محنتش ( حنيلي لا بوصيلي برضو لا ) هي عارفة انهم مش هينفع يعيشوا مع بعض تاني كزوجين لانهم مختلفين تماما واحدة عشوائي وواحدة نفسها في بيت بمعناه بقا فخلصنا هي عارفة هي عاوزة أي ووقفت ( اعملي انت كمان كدا ومتخليش مراية الحب عامية طول العمر ياختي) بس هما فضلوا اصدقاء وتمر سنين كتير وبليغ يحصله ازمة ويتعب فيسيب مصر ويسافر باريس عشان يتعالج وفي يوم من الايام بيكلم وردة ويفكرها باللي كان كان كاتب اغنية بودعك اللي كان قبل انفصالهم بايام بسيطة ومكنش كملها ولا لحنها وكان حالف مين يمين محد هيغنيها غيرها لمدة 12 سنة احتفظ بيها ليها وكلمها ويسمعها اللحن وعاوزها هي اللي تغنيه واول ما وردة بتسمع اللحن بتبكي ودا كان المرسال الأخير اللي بيودعه لوردة ولينا ( بودعك وبودع الدنيا معك جرحتنييي، قتلتنييي، جرحتني قتلتني جرحتني و غفرت لك، عجبتك؟ قسوتك بودعك من غير سلام ولا ملام ولا كلمة مني تجرحك)

العبث بتاع الافراح ربنا يهديهم أنا في من الايام كنت مؤسس هذا النادي في العيلة لدرجة ابويا واخواتي بيبقوا ناموا وقافلين البوابة وانا اللي افتحها وادخل بعد نص الليل الحمد لله ان ربنا هداني

عندنا 3 عرايس في الحتة كل واحدة فرق بينها وبين التانية 20 يوم ومن عادات البلد قبل الفرح بيجيبوا صب يشغلوه قبل المناسبة بشهر بس دول لسه بادئين انهاردة الفرح يوم 20 فنخلص من دي ندخل على دي ودي وانا في النص حرفيا هتاكلوا دماغ ابويا المهم واحدة منهم فركشتهم اتمنى التانية تفركش هي كمان ( اختي) او يكتبلها الخير عاوزة تتجوزي لي؟ عشان البس اللبس الجديد دا كله حرفيا هبلة مش فاهمة حاجة

يارب ارزقني رزق حلال طيب تحبه و أحبه يارب يا كريم

يارب كل العلاقات تبقى مريحة زي كدا

يخواتي ادعوا لمحمود ربنا ينجيه من شر نفسه

أنا بحب الاندلس ( اسبانيا) جدا وبحب تاريخها وارضها وحكاياتها بإذن الله في يوم من الايام هكون قاعدة مع ولادي احكيلهم عن المجد والتاريخ

كنت بقرا قصه ابن زيدون ولادة بنت المستكفي من اولها لاخرها كنت بضحك عادي مش شايفة فيها حاجه تبكيني زي بقية القصص بتاعه الشعراء بل حسيت اتنين في مرحلة المراهقة وكبرياء انا بحب القصص دي بصراحه وقصص المغنيين زي بليغ حمدي و وردة فأنا مكنتش متأثرة اوي لحد ما قرات ان ابن زيدون مات و ولادة عرفت فهي زعلت وقالت مش مشكله يعني كام سنة وهموت انا كمان احصله عارفين ولاده عاشت بعده بكام سنه؟ 30 سنة تلاتنين سنة من الفقد والاشتياق من انتظار الموت الذي لا يأتي "اضحى التنائي بديلا عن تدانينا " نصب العاشقين اللي بيصور قصة الحب دي في قرطبة للنهاردة يدان يتدانيان، يكادان يتلامسان.. لكنهما لا يتعانقان ابدا واتكتب على الرخام بيتان لابن زيدون وبيتان لولادة وبيتا ولادة في غاية الروعة لانها بتكشف ليه حبها اللي مكنش باين ( لانها كانت راحت لواحد تاني كدا اسمه ابن عبدوس تثير غيرة ابن زيدون قط وفار حرفيا) أغار عليك من عيني ومني ومنك ومن زمانك والمكان ولو اني خبأتك في عيوني إلى يوم القيامة ما كفاني

المهم يخواتي في يوم من الايام مكملش شهر يعني كتبت بوست ونزلته هنا عن شخص ما ومسحته علطول عشان محدش يفتكرني هموت وانا اصلا كنت بتريق، الضهر سمعت بابا بيقول حاجة عنه والصراحة مش عارفة فرحت فيه ليه رغم الحاجة دي حصلت معايا بس باختلاف اني عارفة اخرتها اما الشخص دا ماطل هل كدا أنا مريضة ولا اي بوست همسحه برضو

أنا بعشق اللون الكحلي في اللبس وخصوصا الرجالي نقطة ضعفي حرفيا انا عاملة في دماغي ان في خطوبتي لون اللبس هيكون كحلي ف مأجلة اني أعمل اي حاجة باللون دا عشان يبقى different

الفون بتاعي من امبارح تقيييل وبيوقف ومش بيرضى يفتح ساعات وتقيييل حرفيا كدا في فتح الابلكيشن والكتابة قولت ادخل اشوف المساحة لقيتني مستخدمه كل دا🤡 يارب سامسونج الترا احدث حاجة من غير حول مني ولا قوة

بقول ل احمد الافوكادو طعمه عامل ازاي راح قايلي طعمه جرجير أعتقد احنا عندنا مشكلة وراثية في التذوق أنا برضو بقولهم ان الفجل دا طعمه برسيم لو أنا دوقته وزي ما حد يقول على ألمانيا طعمها بسلة بس في حاجة مشتركة ان احنا بنربط الطعم بحاجة نفس اللون بس الافوكادو لا بجد طعمه خطير وهو عصير بالعسل والمكسرات والراجل بيحطلي موز ومانجا وتفاح كمان عليه😋 من النعيم المعجل في الدنيا

واه دا الكارت بتاع الفرح اللي كنا طابعينه باسمي أنا ونادر عشان يروح الجيش ويرضوا ينزلوا اخويا اجازة