راجعين 🇸🇩 ❤️

بعيدا عن الزعل والسلبيات خليك مع ناس ما بستهلكو منك مشاعرك بغض النظر عن نوع العلاقة ويكون بيناتكم ماف باب للتبرير ومساحات واسعه للفهم الصاح الحياة أحلى من نقضيها تبرير مواقف عاوز تتقبلني ؟ اتقبلني زي ما أنا العلاقات الحلوة رضى ما إجبار.

بعيدا عن الزعل والسلبيات خليك مع ناس ما بستهلكو منك مشاعرك بغض النظر عن نوع العلاقة ويكون بيناتكم ماف باب للتبرير ومساحات واسعه للفهم الصاح الحياة أحلى من نقضيها تبرير مواقف عاوز تتقبلني ؟ اتقبلني زي ما أنا العلاقات الحلوة رضى ما إجبار.

"هي ما قالت لي وانا ما سألت " المبدأ ده بلخص حدود كلامي مع ناس كتير. عمري ما ضغطت على زول عشان أنتزع منه معلومة هو ما عاوز يقولها –مهما كنا قريبين– ح نرتاح ونريّح لو نسيب الناس تقرر عايزين يقولوا شنو ويسكتوا عن شنو .

صباح الخير لُطفاً❤ الراجل الكريم بياخد قلبي.. لما غنو قالو دا البضبح بقول حررم دا نوعي المفضل والابدي لا طول لا شكل لا ملامح ما بتهمني زي الصفه دي، انا قمت في بيت اهلو بكرمو الضيف وصغيرنا وكبيرنا عندنا الكرم طبع ما صفه عندي خالي بضربو بي المثل في الرجاله والكرم، بيتو ما حصل اتقفل ولا مالو قل لي زول قلت خالي عشان تعرفو اهلي من الجانبين قايمين ع الحاجه دي. ف اذا انا لما اعاين ليك كريم ولالا ما بعني عندك ولالا الراجل الكريم وااااااضح ي بنات ما دايره فلاحه كريم اليد والعطاء هو نفسه كريم المشاعر ‏شحيح اليد والعطاء هو أيضاً بخيل المشاعر❤

الحاسي بي السقط يتغطي والمعاجباهوو عشرتي يفكها خمستين

"تهادوا اللُّطف، الرفق واللين"💗

كلهم بتاعين مغارز ومطاعنات الا بتك ي امي بترمي الكلام ررررب🌚

قبل أن تحكم على إنسان، تذكّر أنك ترى جزءاً من حياته، لا الحكاية كاملة. قد ترى شخصاً تغيّر، ولا تعرف ما الذي مرّ به. وقد ترى شخصاً صامتاً، ولا تعلم كم من الكلام يختنق داخله. وقد ترى إنساناً أخطأ، ولا تعرف كم مرة حاول أن يكون أفضل. هذا لا يعني أن نبرّر الأخطاء، بل أن نكون عادلين في أحكامنا، رحماء في كلماتنا، وألا نجعل موقفاً واحداً يختصر إنساناً كاملاً. نحن جميعاً نحتاج إلى فرصة، وإلى من يفهم قبل أن يُدين. فكما تحب أن يستر الله عيوبك، لا تجعل عيوب الناس حديثك؛ فالدنيا لا تحتاج مزيداً من القضاة، بقدر ما تحتاج قلوباً تعرف الرحمة.

من أعظم ما قيل في الفراق : احظريني انتي أنا ما بقدر احظرك .. 🖇💜

- سنمشي دورب الحب قدماً قدماً = يعني ماعندك عربية؟!

نحن بنحب الراجل(الابجيقة)الدمو حار اما ال *Opend mind* بنصاحبهم زي اخواتنا🌚💔

فاضل يومين ويخلص شهر الوقوع في الحب 🥲🙂‍↕️

السلام عليكُم ورحمة الله وبركاتُه من خاوىٰ المُصلين صلىٰ ومن خاوىٰ المولين ولىٰ ومن نقل لك نقل عنك ومن حكىٰ لك حكى فيك. و عليه فمن خاوىٰ الفالحين أفلح ومن خاوىٰ المُصلحين أصلح ومن خاوىٰ الضالين ضلّ. المرء علىٰ دين خليله فلينظر أحدكم من يُخالل؟ رد السلام ثلاثُون حسنة وهنيئًا لمن فاز بها.

محتاجين دكتور نمشي ليهو أول ما نحس بي مشاعر انجذاب او تعلق تجاه زول، عشان نتأكد ده حب ولا فراغ عاطفي ساي. و لما ندخل العيادة يقول لينا امشي أفحص "البطين الأيمن " من القلب، و النتيجة تطلع المساء و يتصل عليك الدكتور وهو مبسوط و يقول ليك : "مبروك انت حبيب في الشهر الرابع"..

يستفزونك ليخرجوا أسوأ مافيك ثم يقولون: بررري منك ما قايلنك كداا

اكرر واقول ما تجركم العاطفه وتزعلو ع زول م دقا باب بيتكم ما تأذي نفسك ساي ماف زول حيحس بيك غير نفسك خليك قاهره وناهره وقشقشي دموعك دي و اعملي ليك كبايه شاي ف البرد دا واسفهييي حنانو.

#الوناس -ماعراس والبمسك يدك مابمسك يد ابوك فعلى البلوك وفعلى الهاشتاق ما عشان الميديا برضو (البتجاوز معاك بتجاوز ابوك ذاتووو ) ابقن واااااعيات و التمطر حصووو

‏هناك جملة مرعبة جدًا تقول: now you're just a stranger with" "all my secrets "والآن أنت غريب مع كل أسراري" التفكير في الأمر محزن جدًا، كيف لشخص شاركته تفاصيلك وأمورك الخاصه وأسرارك يصبح لاشيء يصبح غريبًا هكذا"

🚨 نداء إنساني عاجل لإنقاذ طفلة 🤍 طفلة عمرها ٤ سنوات تعرّضت لعضّة كلب، وتعاني من تشنجات وانخفاض في مستوى الوعي، مع اشتباه في التهاب السحايا والملاريا حسب التقارير الطبية. حالتها محتاجة رعاية طبية مكثفة وأدوية ضرورية، منها مضادات حيوية مثل Meropenem، ومضاد فيروسات Acyclovir، وأدوية للسيطرة على التشنجات مثل Phenytoin، وعلاج للملاريا مثل Quinine، بالإضافة إلى لقاح السعار والوقاية اللازمة بعد العضة حسب تقييم الأطباء. بنناشد أهل الخير يساهموا في تكاليف علاجها وأدويتها، فكل مساهمة مهما كانت بسيطة ممكن تصنع فرق في حياتها. والما قادر يتبرع، يساهم بالنشر. قيمة الحوجة: 180 الف جنيه سوداني 🏦 بنكك: 2683799 علي عصام الدين 📸 بعد التحويل رسلوا الاسكرين خاص 🤍 🤲🏻 ربنا يشفيها ويعافيها، ويجعل كل مساهمة في ميزان حسناتكم. ❤️ @doodey0911