BlogerUz | ортга йўл йўқ!

Эрон президенти Иброҳим Раисий ва вертолетда бўлганларнинг ўлими расман тасдиқланди. 63 ёшли Раисий 2021 йилдан мамлакат президенти эди. Раисий ўта консерватив сиёсий қанотга тегишли эди. У Ғарб билан муносабатларда қатъий позицияни эгаллаганди, шу билан бирга Эрон ядровий келишувининг тикланишига қарши чиқмаганди (Теҳроннинг ядровий фаолиятини чеклаш мажбурияти эвазига санкцияларни босқичма-босқич бекор қилиш). Эрон Конституциясига кўра, 68 ёшли вице-президент Муҳаммад Мухбар мамлакатнинг вақтинчалик президенти бўлади. Мухбар ҳам Раисий каби мамлакатнинг олий диний раҳбари оятуллоҳ Сайид Али Хоманеийга яқин саналади. Эронда янги президентлик сайловлари 50 кун ичида бўлиб ўтиши керак. @blogeruzofficial

Бугун Наманган шаҳрида анъанавий тарзда ўтказиладиган 63-Халқаро гуллар фестивали старт олади. Ҳар йилги анъанага содиқ қолган ҳолда бу галги анжуман ҳам гуллар билан безатилган автомашиналар карвони билан бошланмоқда. Вилоятнинг “ҳаво дарвозаси” олдидан 200 дан ортиқ турли хил маркадаги автомобиллар гулларга бурканган ҳолда ҳаракатланди.  Бу бетакрор композициялар фестивалнинг ўзига хос ташриф қоғозларидан бирига айланган. @blogeruzofficial

Сурхондарёда қизил чироқда ҳаракатланган Cobalt ёш боланинг ўлимига сабабчи бўлди 2024 йилнинг 17 май куни Музработ тумани «Дарбанд» МФЙ ҳудудидан ўтувчи йўлда 24 ёшли ҳайдовчи М.Б. ўзига тегишли бўлган Cobalt русумли автомашинасида тезликни ошириб, ўрнатилган светофорнинг тақиқловчи ишорасида ҳаракатланади. Натижада йўлнинг ўнг томонидан чап томонига югуриб ўтмоқчи бўлган 3 нафар вояга етмаган болалардан икки нафарини туртиб кетади. Йўл транспорт ҳодисаси оқибатида 2012 йилда туғилган Р.М. олган тан жароҳати билан туман Тиббиёт бирлашмасининг жонлантириш бўлимида вафот этади. Қолган икки нафар вояга етмаган болаларнинг саломатлиги яхши, ҳозирда яшаш хонадонида. @blogeruzofficial

#туҳфа Байрамга байрамлик 🌴ОКМК томонидан Ўзбекистон кончилик ва металлургия саноати ходимлари куни байрами арафасида ҳар йили шаҳар аҳли ва комбинат ишчи-ходимлари учун байрамда ўзига хос туҳфа ҳозирланади. 🌴 Охирги 3 йил мисолида кўрадиган бўлсак, 2022-йил Ангрен кон бошқармаси Олтин саралаш фабрикаси 2-сонли технологик чиқинди тўплаш омбори, Мис эритиш заводининг Ҳаво тақсимлаш станцияси ва Тошқолларни майдалаш участкаси ва "Баҳор" меҳмонхонасининг очилиши, 2023-йил  “Суюрлитепа ёдгорлиги” кўргазмаси ҳамда жорий йилда комбинат ҳомийлигида янгитдан барпо этилган “Қурувчилар боғи” фойдаланишга топширилди. 🌴 7,5 гектарда 3150 туп дарахт кўчатлари, 25000 туп гуллар, комбинат тарихи ва фаолияти ҳақида маълумот берувчи паннолар бўлган “Қурувчилар боғи” олмалиқликлар учун муносиб совға. @blogeruzofficial

Тошкент кўчаларидаги одатий кунлардан бири Пойтахт марказида автомобиллар пиёдалар ўтиш жойларига қўйиб ташланганини кўриш мумкин. @blogeruzofficial

Шавкат Мирзиёев ва Анвар Иброҳим икки мамлакат расмий делегациялари иштирокида музокара ўтказдилар. Унда Ўзбекистон президенти сўнгги 16 йилда илк бор ўтказилаётган ушбу олий даражадаги ташриф икки томонлама муносабатлар тарихида янги давр очаётганини таъкидлади. Ўзаро савдо ҳажмининг келгусида ҳам ўсишини таъминлаш ва кўрсаткичларини мувозанатлаштириш, йирик қўшма лойиҳаларни амалга ошириш муҳимлиги таъкидланди. Ушбу саъй-ҳаракатларни қўллаб-қувватлаш мақсадида мамлакатимиз Ўзбекистон-Малайзия саноат зонасини ташкил этишга тайёр экани таъкидланди. Савдо-иқтисодий ҳамкорлик кун тартибини тизимли кенгайтириш мақсадида амалдаги Савдо бўйича қўшма қўмитани Ҳукуматлараро комиссияга айлантириш ва унинг биринчи йиғилишини жорий йилда ўтказиш зарурлиги таъкидланди. "Марказий Осиё + АСЕАН" форматида ташқи ишлар вазирлари мулоқотини тузиш таклифини кўриб чиқиш ташаббуси билдирилди. @blogeruzofficial

Айни пайтда Тошкент ҳавосининг ифлослиги бўйича дунёда 4-ўринда турибди IQAir порталига кўра, бугун, 17 май куни соат 8:15 да Тошкент ҳавосида майда ПМ2,5 дисперс зарраларининг концентрацияси 160 мкг/м3 ни ташкил этган – бу “зарарли” таснифдаги кўрсаткич ҳисобланади. Жаҳон соғлиқни сақлаш ташкилотига кўра, ҳаво ифлосланиши кўрсаткичлари орасида саломатлик учун энг катта хавф туғдирадигани айнан ПМ2,5 дисперс зарраларидир. @blogeruzofficial

“Тошкент вилояти сув таъминоти” МЧЖ ўзи истаган вақтда бутун вилоятни сувдан узиб қўяверадими? ❗️Сўнгги вақтларда Тошкент вилоятида аҳолини тоза ичимлик суви билан таъминлашда бир қатор муаммолар кузатилмоқда. ✔️ Шу ўринда халқимизнинг "Ош тиқилса, сувга чоп, сув тиқилса, гўрга чоп", — деган гапи беҳос қулоғингиз тагида жаранглайди. Маъжозий маънода айтадиган бўлсак, “Тошкент вилояти сув таъминоти” МЧЖнинг бир қанча мактаб, боғча, поликлиника ва санаторийларни сув тизимидан узиб қўйганини "гўрга чоп" қабилидаги ишга менгзаш мумкин. 🪠 Эй, ҳожатбарор Шавкат Нишонов, ўзингиз ўчирган ОКМК санаториясидаги соғлиғини тиклаш учун даволанаётган инсони-азизларнинг "ҳожат"ларини ҳам тозалайсизми? Йўқ! 🚰 Шундай экан, одамларнинг ичимлик сувлари жўмрагидан қўлингизни олинг. 🔗 Батафсил бу борадаги мақола билан танишинг. @blogeruzofficial

Қисқа муддат ёққан ёмғир доимгидек Тошкент кўчаларини сувга тўлдиришга улгурди. @blogeruzofficial

Марс юзаси ва қизил сайёранинг товушлари Curiosity марсоходининг янги видеосида. @blogeruzofficial