Məhbus Məktubu

Prezident İmaməli Rəhmanın imzaladığı qanuna əsasən Tacikistanda dini ekstemizmin qarşısının alınması məqsədilə hicaba qadağa qoyulub. T.me/Mehbus_Mektubu

Kamil Mahmudovla ailəsi 18 gündür əlaqə saxlaya bilmir Mayın 31-də saxlanıldığı 3 saylı Şüvəlan İstintaq Təcridxanasından 10 saylı cəzaçəmkə müəssisəsinə köçürülən Kamil Mahmudovla ailəsi heç cür əlaqə saxlaya bilmir. Ağır ürək xəstəsi olan həyat yoldaşının iyunun 18-də 10 saylı müəssisəyə görüş cəhdi də nəticəsiz qalıb. Xanımının bildirdiyinə görə iyunun 19-da ediləcəyi ürək əməliyyatı öncəsi həyat yoldaşını görmək üçün Kamilin köçürüldüyü 10 saylı müəssisəyə gəlib. Rəhbərliyə anladıb ki, o, əməliyyata hazırlaşır və bu, onun həyat yoldaşı ilə son görüşü ola bilər, deyə onun həyat yoldaşı ilə görüş imkanı yaradılmasını istəyib. Müəssisə rəhbərliyi isə artıq 18 gündür bura köçürülən və bu günə qədər ailəsi ilə telefon əlaqəsi belə qurmayan Kamillə bağlı heç bir məlumat vermədən görüşün mümkünsüzlüyünü bildirib. Xanımın həyat yoldaşı ilə telefon zəngi istəyi də rədd olunub.

Şərlənərək həbs edilən Seyyid Mirtofiqin Qurban bayramınızı təbriki: Qurban bayramı günü haqq yolunda qarşılaşdığı imtahanların çətinliyinə baxmayaraq böyük və misilsiz fədakarlıq nümayiş etdirən ata və oğul nümunəsi olan İbrahim (ə) və İsmail (ə) Peyğəmbərin fədakarlıqlarının Allah tərəfindən yüksək şəkildə qiymətləndirildiyi bir gündür. Ona görə də bu gün fədakarlıq günüdür. Fədakarlıq günü və Qurban bayramı  münasibətilə bütün xalqımızı, xüsusilə haqq yolunda fədakarlıq etdikləri üçün zindan guşələrində həbs həyatı yaşayan qeyrətli Əli şiələrini təbrik edirəm. Əzizlər, fədakarlıqlarınızın Allah dərgahında yüksək qiymətləndirilməsi ümidi ilə, bayramınız mübarək olsun! ©Seyyid Mirtofiq Hüseynov