Dream
Hey! အထီးကျန်ရင် အဖော်ပြုပေးမယ့် စာတိုတွေနဲ့ zodiac signတွေက ကြိုဆိုနေပါတယ်...။
Більше2 048
Підписники
+124 години
-17 днів
-3630 днів
- Підписники
- Перегляди допису
- ER - коефіцієнт залучення
Триває завантаження даних...
Приріст підписників
Триває завантаження даних...
" မတွေ့ခဲ့ကြရင် ကောင်းသား ( အခန်း - ၁၇ ) "
" အိမ့် အဆင်ပြေလား "
နေ့တိုင်းဖုန်းခေါ်ပြီး မေးလေ့မေးထရှိသည့် မာယာ ။
" ပြေပါတယ်ဟ နင်ကလည်း "
" စိတ်ကိုမေးနေတာ ၊ ကိုယ်ကိုမဟုတ်ဘူး "
" ပြေပါတယ်ဟ ၊ ငါမမှားဘူးလေ "
" အေး မှားတာ၊မမှားတာကိုမသိချင်ဘူး ။ နင့်စိတ်ထဲ တကယ်အဆင်ပြေလားပဲ သိချင်တာ "
" ပြေတယ်လေ "
" ဒီလိုလုပ် ၊ တစ်အောင့်နေရင် ငါလာခဲ့မယ် ။ နင်ကြိုက်တာငါဝယ်ကျွေးမယ်။ ဒီနေ့အတွက် ငါ့ပိုက်ဆံက နင်ကြိုက်တာစားဖို့ပဲ "
" မလိုပါဘူးဟ "
" လိုလို ၊ မလိုလို ။ ခဏနေရင်ငါလာခဲ့မယ်။ အဝတ်အစားလဲထား "
ဖုန်းချသွားသော မာယာ။ အိမ့်လည်း အဝတ်အစားလဲပြီး မာယာကိုစောင့်သည်။ 10မိနစ်လောက်နေတော့ မာယာမလာသေးသဖြင့် တိုက်အောက်ဆင်းစောင့်ဖို့ ကြံလိုက်သည်။ တံခါးဖွင့်လိုက်တဲ့အချိန် မြင်လိုက်ရတာ လှေကားမှာစောင့်နေသော ကောင်းစံ ။ သံပန်းတံခါးကို အိမ့် အမြန်ပြန်ပိတ်သည်။ တံခါးမကြီးကိုတော့မပိတ်ရသေးသဖြင့် အိမ့်နှင့်ကောင်းစံကြား သံပန်းတံခါးသာခြားသည်။
" ကျွန်တော် အရင်ရက်တွေက တိုက်အောက်မှာလာစောင့်သေးတယ်။ မတွေ့လို့ "
" တံခါးပိတ်လိုက်တယ်ဆိုတာ မင်းနဲ့စကားမပြောချင်လို့လေ ။ ပြန်တော့ "
" တစ်ခုခုအထင်လွဲနေတာနေမယ် ။ ကျွန်တော်ရှင်းပြပါရစေ "
" ဘာမှမလွဲဘူး "
အိမ့်တိုက်ခန်းထဲပြန်ဝင်ပြီး တံခါးမကြီးပါ ပိတ်ချလိုက်သည်။
" မမ အဲ့လိုမလုပ်နဲ့လေ "
သံပန်းတံခါးကိုထုရင်းအသံမြှင့်ပြောသော ကောင်းစံ ။
" ကျွန်တော် ဒီမှာ ကျွန်တော်ပြောချင်တာတွေအော်ပြောလိုက်ရမလား။ အခန်းနီးနားချင်းတွေပါကြားကုန်မှာနော် "
အိမ့်တံခါးပြန်ဖွင့်လိုက်သည်။ သံပန်းတံခါးတော့မဖွင့်ပါ။
" စကားပြောချင်ရင် cafe မှာစောင့်နေ ၊ လိုက်လာခဲ့မယ် "
ကောင်းစံ ခေါင်းညိတ်ပြီး လှည့်ထွက်သွားသည်။
___
" မာယာ နင်ရောက်လာရင် ခဏစောင့်။ ငါလုပ်စရာလေးရှိလို့ " ဟု မာယာကို လှမ်းဖုန်းဆက်လိုက်သည်။
အိမ့်နှင့်ကောင်းစံ ဆုံနေကျ cafe သို့ အိမ့်ခြေဦးတည်လိုက်သည်။
Cafe ထဲဝင်လိုက်တော့ " မမ ဒီမှာ " ဟု လက်လှမ်းပြသည်။
အိမ့် ကောင်းစံရှိသည့်ဝိုင်းကို လျှောက်သွားလိုက်သည်။
" ထ ၊ vip ခန်းကိုပြောင်းမယ် "
ကောင်းစံ အံ့ဩသောအမူအရာဖြင့်မော့ကြည့်သည်။
" မင်းပဲ စကားပြောချင်တာမဟုတ်လား ။ ငါအနေနဲ့ကတော့ လူကြားမခံချင်တဲ့စကားတွေပဲ ။ အခုဒီဝိုင်းမှာထိုင်မပြောနိုင်ဘူး။ ထ ။ vipခန်းယူလိုက်မယ် ။ "
အိမ့် cafe vip ခန်းယူလိုက်သည်။ အခန်းသဘောမျိူးဖြစ်ပြီး အထဲကအသံ ပြင်ပသို့ သဲ့သဲ့မျှပင် မကြားရချေ ။
" မမ ဘာလို့ အတည်ပေါက်ကြီးတွေလုပ်နေတာလဲ "
" ကဲ ပြော ။ မင်းပြောချင်တာဘာလဲ ။ "
" မမ ဘာကိုအထင်လွဲနေတာလဲတော့မသိဘူး "
" ဘာကိုမှအထင်မလွဲဘူး "
" ဟိုနေ့ညက ကိစ္စကြောင့်ဆိုရင်တော့ မမအပိုလုပ်နေတာပဲ "
" အပိုလုပ်တယ် ။ ကောင်းစံ မင်းကောင်မလေးရှေ့မှာ မင်းငါ့ကို ဖက်ခဲ့တာနော်! "
" ဖက်တော့ ဘာဖြစ်လဲ ။ နမ်းနေလို့လား "
" စကားကိုထိန်း "
" မမက အဲ့တာပဲ ။ တအား စည်းတွေ၊ဘောင်တွေကို အလေးထားလွန်းတာ ။ ကျွန်တော်က ခံစားချက်ကိုပဲဦးစားပေးတယ် "
" ဟုတ်တယ်လေ ။ အဲ့တာကငါပဲ ။ "
" အဲ့တာကြောင့် စည်းကမ်းစာအုပ်ကြီးလို ကျွန်တော့်ကို အဆက်အသွယ်ဖြတ်တာလား။ ဘာမှမပြောမဆိုပဲ။ "
အိမ့် ဘာမှပြန်မပြောပါ။ စားပွဲဝိုင်းပေါ်က အငွေ့တထောင်းထောင်း coffee ခွက်ကိုသာ စိုက်ကြည့်နေသည်။
" မမ! ကျွန်တော့်ကိုကြည့်စမ်းပါ ။ ကျွန်တော့်မျက်လုံးတွေထဲကို မြင်အောင်ကြည့်စမ်းပါ ။ "
စားပွဲခုံကို တစ်ချက်ထုပြီး ပေါက်ကွဲမည့် အငွေ့တွေနှင့် ကောင်းစံ ။
" ကျွန်တော်လေ .. ကျွန်တော်မမကို ချစ်တယ်သိလား။ စတွေ့ကတည်းကနေ ချစ်တာ ။ မမ မယုံမှန်းသိပေမယ့် ကျွန်တော့်ရင်ဘတ်ကြီးတစ်ခုလုံးနဲ့ကိုချစ်တာ ။ မမကသာ မမြင်တာ ။ မမြင်ချင်ယောင်ဆောင်တာ "
ပြိုတော့မယ့်မိုးလို အသံနှင့် ကောင်းစံ။ အိမ့် ပြုံးပြီး ကောင်းစံကိုကြည့်သည်။
" ကောင်းစံ .. မင်းမှာကောင်မလေးရှိတယ်။ စကားကိုထိန်း "
" ကျွန်တော်ပြောနေတာ မမနဲ့ကျွန်တော့်အကြောင်းပဲ ။ တခြားဟာတွေ ခေါက်ထားစမ်းပါဗျာ။ ကျွန်တော်က မမကိုပဲ ဂရုစိုက်တယ် ။ မမဘာလို့ဘေးကဟာတွေပါလိုက်ထည့်နေတာလဲ "
ကောင်းစံအသံဟာ ပို၍တင်းမာလာသည်။ သို့သော် အိမ့်ကတော့ ညင်သာစွာပင် တုံ့ပြန်သည်။
" ကောင်းစံ မင်းက မင်းမျက်လုံးတွေကို မြင်အောင်ကြည့်ဖို့ပြောတယ်။ သေချာကြည့်စမ်းပါ။ မင်းရော ငါ့မျက်လုံးတွေကို သေချာကြည့်ဖူးလား "
အိမ့်ဟာ တဖြည်းဖြည်း လေးနက်သောစကားတွေကိုထုတ်ပြောလာသည်။
" ငါရော မင်းကိုမချစ်ခဲ့ဘူး ထင်လား။ ငါ့စိတ်ထဲမှာလေ မင်းမှမင်းပဲ ။ မိုးလင်းကနေမိုးချုပ်သည်အထိ ။ ငါမင်းအဖြေတောင်းတာ ရှောင်တယ် ။ မှန်တယ် ။ ဒါပေမဲ့ ဘယ်လိုလုပ်မလဲ ။ မယုံကြည်နိုင်တဲ့ အချစ်မျိုးကို ငါဘဝတစ်ခုလုံးမပုံအပ်နိုင်ဘူး ။ ငါအချိန်ပေးပြီး မင်းကိုလက်ခံနိုင်ဖို့ အကြိမ်ကြိမ်ကြိုးစားတာက မှန်သောစကားပဲ ကောင်းစံ။ စောင့်တယ် ။ ထပ်စောင့်တယ်။ ဒါပေမဲ့ မင်းကငါ့အတွက် ယုံကြည်နိုင်စေမယ့် အကြောင်းပြချက်မျိုး တစ်ခုမှမပေးခဲ့ဘူး "
" ကျွန်တော့်ကောင်မလေးကို အခုပဲ ဖြတ်လိုက်လို့ရတယ် "
အိမ့်ရယ်လိုက်သည်။ ရယ်ရင်း မျက်ရည်တွေကို မျက်တောင်ခတ်ကာ ပုတ်ထုတ်လိုက်သည်။
#forward_only
#fictional
#owner
❤ 19❤🔥 1🔥 1
Фото недоступнеДивитись в Telegram
နောက်နှစ်ရက်ဆို fictional က on fire တော့မယ် :3
#owner
🔥 20❤ 5💘 1
" မတွေ့ခဲ့ကြရင် ကောင်းသား ( အခန်း - ၁၆ ) "
" ဘာလို့ တော်တော်ကြီးဝေးတဲ့ bus ကားမှတ်တိုင်မှာ တစ်ယောက်တည်းရှိနေတာလဲ "
" 7နာရီလောက်က "
အိမ့်စကားခေတ္တရပ်သွားသည် ။
" ဖုန်းဝင်လာတယ် ။ ကောင်းစံကောင်မလေးစီက "
" ကောင်းစံကောင်မလေးက ? "
" ကောင်းစံကို ဖုန်းခေါ်မရလို့ ငါ့ကိုခေါ်တာ "
ဖြစ်ကြောင်းကုန်စင် မာယာကိုပြောပြလိုက်သည်။
___
သူငယ်ချင်းသက်တမ်းတော်တော်ကြာနေသည်နှင့်အညီ အိမ့်အကြောင်း မာယာသိသည်။ အိမ့်ဟာ ခေါင်းမာသည်။ နောက်တစ်ခုက အိမ့်ဟာ စည်းတွေကို ဂရုစိုက်သည်။ အိမ့်အများဆုံးပြောလေရှိသည့် စကားက " လောကမှာ စည်းဆိုတာရှိတယ် " ဆိုတဲ့စကားပင်။တစ်ဖက်သား ကိုယ်ရေးကိုယ်တာကို ဝင်စွက်ဖက်မိမှာမျိုးကို အိမ့်ဟာ အလွန်သတိထားသည်။
" အိမ့် ဒါနင့်အမှားမဟုတ်ဘူး "
" ငါ့အမှားပဲ ။ ငါလေ.. "
" မဟုတ်ဘူး အိမ့် ။ နင်စည်းတားခဲ့တယ်လေ ။ အဲ့ဒီစည်းကိုချိုးနေတာကောင်းစံ ။ နင်မဟုတ်ဘူး "
" ဒါပေမဲ့ မာယာရယ် ကောင်မလေးဘက်က ခံစားကြည့်စမ်းပါ "
" မခံစားပါဘူး ။ နင်ကငါ့သူငယ်ချင်းလေ ။ ငါ့သူငယ်ချင်းဘက်ကပဲ ငါခံစားပေးမှာ။ "
" နင် ငါ့ကိုအကြံမပေးတော့ဘူးလား ဘယ်လိုလုပ်မလဲဆိုတာ "
" သိသာနေတာပဲလေ။ နင့်စိတ်နဲ့ဆိုရင် ကောင်းစံကို အဆက်အသွယ်ဖြတ်တော့မှာမဟုတ်လား "
အိမ့်ရယ်လိုက်သည်။ အိမ့်ရယ်သည်မြင်ရမှ မာယာအသက်ကောင်းကောင်းရှူနိုင်သည်။
___
ထိုနေ့ညကတည်းက အိမ့်ဟာ ကောင်းစံကို online ပေါ်ရော ၊ content ကိုရော block list သွင်းလိုက်သည်။ အိမ့်လုပ်မှဖြစ်မည်။ ကြားသုံးကြားမဝင်ကောင်းသလို အိမ့်ကိုယ်တိုင်ကလည်း ဒီလိုအဖြစ်အပျက်မျိုးထဲမနေချင်ပါ။ အိမ့်မှာ စည်းဆိုတာရှိသည် ။
နှစ်ရက်လောက်အထိ မာယာဟာ အိမ့်နားလာနေပေးသည်။
" ရေချိုးတာသတိထားနော် ၊ နေမကောင်းထပ်ဖြစ်ရင် ငါရိုက်မှာ "
" အေးပါဟယ် ၊ ပြန်ပါတော့ "
" စာပို့ရင် ချက်ချင်းဝင်ကြည့်နော် "
" အေးပါဆို "
" ပြန်ပြီနော် ၊ တစ်ခုခုဆို လှမ်းခေါ်နော် "
" အေးပါ "
ပွစိပွစိမှာစရာရှိတာတွေမှာပြီး ပြန်သွားသောမာယာ။ တစ်ရက် ၊ နှစ်ရက်ကနေ တစ်ပတ်အထိ ကူးပြောင်းသည်။ အိမ့်ကတော့ assignment တွေလုပ်လိုက် ၊ par time job interview တွေဖြေလိုက်နဲ့ ကိုယ့်ကိုယ်ကို အလုပ်ရှုပ်အောင်လုပ်သည်။ ခဏလောက် ငြိမ်မိလိုက်တာနဲ့ စိတ်ဟာ ကောင်းစံစီရောက်သည်။
" ငါတို့ ဘယ်ကစမှားတာလဲ "
" Healing လုပ်ပေးချင်ပေမယ့် ငါကိုယ်၌ကိုက Trauma ပေးမိခဲ့လား " ဟုရောက်တတ်ရာရာလျှောက်တွေးသည်။
Bike သံကြားရင် နှလုံးသားတစ်နေရာက လှည့်လှည့်ကြည့်မိသည်။ " ချစ်ခဲ့လား " မေးရင် ချစ်သည်။ မယုံသည့်အတွက် ထုတ်မပြခဲ့ခြင်းသာဖြစ်သည်။ စည်းတားခဲ့ခြင်းသာဖြစ်သည်။ အိမ့်ကိုယ်တိုင်ကို Toxic ဖြစ်နေတာလား ဟုလည်းတွေးမိသည်။ ဘယ်ကဘယ်လိုစမှန်းမသိတဲ့ အချစ်ကို အိမ့်ဟာ လက်မခံနိုင်ပါ။ သို့ပေမယ့် အဆက်အသွယ်ဖြတ်တာကမှန်သည် ။ သမီးရည်းစားကြားထဲ ကြားဝင်ရလောက်အောင်အထိ အိမ့်ဟာ ကိုယ့်တန်ဖိုးကိုမချနိုင်ပါ။
___
" အရေးအကြောင်းရှာရင် မတွေ့တော့ဘူး "
အိမ့်တစ်ယောက် ပစ္စည်းပျောက်ရှာနေသည်။ အပြင်သွားမည်ဖြစ်၍ ငွေသားမကိုင်ဘဲ card ယူမည်လုပ်ကာမှ ထားနေကျ နေရာတွင်မတွေ့တော့ ။
Jewelry ဘူးထဲမှာများလားဆိုပြီး ဖွင့်ကြည့်ကာမှ တွေ့တော့သည်။
" အမလေး အခုမှတွေ့တယ် "
ပစ္စည်းရှာတွေမှ ကျေနပ်သွားသောအိမ့် ။ jewelry ဘူးကို ပြန်ပိတ်မည်ကြံကာမှ အကြည့်ဟာတစ်နေရာမှာရပ်သွားသည်။ လက်စွပ်ဘူးလေးတစ်ခု ။
" ငါဒါကိုမေ့နေခဲ့တာပဲ " ဟုတွေးလိုက်ပြီး လက်စွပ်ဘူးကိုယူကာ ဖွင့်လိုက်သည်။ ဖွင့်လိုက်သည်နှင့် လက်စွပ်နှစ်ကွင်း ပေါ်ထွက်လာသည် ။ အိမ့်စိတ်တွေလက်စွပ်ဝယ်ခဲ့သည် မှတ်ဉာဏ်စီပြန်ရောက်သွားသည်။
ထိုနေ့က မာယာနှင့်အတူ အပြင်သွားသောနေ့ဖြစ်သည်။ မာယာက ထုံးစံအတိုင်း ဟိုဝယ်ဒီဝယ်လုပ်ရတာကြိုက်သူ။ အခုလည်း " အိမ့်ရယ် ဒီက jewelry လေးတွေ တအားလှတာ " ဟုဆိုကာ fancy jewelry ဆိုင်ထဲ အိမ့်ကို ဆွဲခေါ်သွားသည်။
အိမ့်လည်း " ရောက်မှတော့ မထူးဘူး " ဟုသည့်စိတ်နှင့် ဟိုကြည့်ဒီကြည့် လိုက်စပ်စုသည်။ လက်စွပ်တွေ အစီအရီပြထားသည့် ကောင်တာမှာ အိမ့်ရပ်သွားသည် ။
လက်စွပ်ဟာ အပြင်ကရွှေရောင်ကိုမှ အလယ်ကနေ ငွေရောင်အကြောင်းလေး highlight ဖောက်ထားခြင်းဖြစ်သည်။
" အစ်မ စမ်းဝတ်ကြည့်လို့ရပါတယ် " ကောင်တာက ဝန်ထမ်းမလေးက အိမ့်စိတ်ကိုသိသည့်အလား ထုတ်ပြသည်။
" ဟိုဟာအစ်မ ဒီလက်စွပ်လေးကလေ couple ring လေးပါရှင့် "
Couple ring ဖြစ်ဖြစ်၊ဘာဖြစ်ဖြစ် အိမ့်တော်တော်ကြိုက်နေမိသည်။ ရုတ်တရက် ကောင်းစံမျက်နှာကို သွားပြေးမြင်သည် ။
" ယူမယ်နော် ညီမလေး "
ထိုလက်စွပ်ကိုဝယ်သည့်အချိန်တုန်းက ကောင်းစံ နှင့် အိမ့် ကြည်နူးနေသည့်ကာလဖြစ်သည်။ နောက်ပိုင်း ကောင်းစံဟာ အိမ့်စိတ်ကို အမြဲရှုပ်အောင်လုပ်လာသဖြင့် အိမ့်လည်း လက်စွပ်လေးကို မေ့လျော့ခဲ့သည်။
အိမ့်လက်စွပ်နှစ်ကွင်းလုံးကို ယူလိုက်သည်။ ပထမတစ်ကွင်းက အိမ့်လက်သူကြွယ်နှင့် ကွက်တိဖြစ်သည်။ ကောင်းစံအတွက်ရည်ရွယ်ထားသည့်လက်စွပ်က အိမ့်လက်မနှင့် ပိစိလေးချောင်သည်။ သို့သော် ကျွတ်မကျနိုင်ပါ။ အိမ့်နှစ်ကွင်းလုံးဝတ်လိုက်သည်။
" Couple ring လည်း ဘာလို့တစ်ယောက်တည်း ဝတ်လို့မရရမှာလဲ "
#fictional
#forward_only
#owner
❤ 24🦄 2👍 1💅 1
" မတွေ့ခဲ့ကြရင် ကောင်းသား ( အခန်း - ၁၅ ) "
" Hello အစ်မ "
" ကောင်းစံကိုတွေ့ပြီနော် ညီမ။ စိတ်မပူနဲ့။ "
" အစ်မ location လေးပို့ပေးပါလား။ ညီမလာခဲ့မယ် "
" Okay "
Location ပို့ပြီးသည်နှင့် ဖုန်းပိတ်ပြီး ကောင်းစံဘက်ပြန်လှည့်လိုက်သည်။
" ကောင်းစံ မင်း cigarette သောက်တတ်တာလား "
ကျောခိုင်းဖုန်းပြောပြီး ပြန်လှည့်လိုက်တော့ မြင်ရသည့်မြင်ကွင်းက cigaretteကို ပါးစပ်မှာခဲထားသည့် ကောင်းစံ။
အဆုတ်ထဲက အငွေ့တွေကို အိမ့်ရှေ့ပြန်မှုတ်ထုတ်ရင်း
" မသောက်တတ်ပါဘူး ၊ အခုမှသောက်ကြည့်တာ ၊ မမ မကြိုက်မှန်းသိလို့လေ "
" ငါ့ကြောင့်လို့ဆိုလိုချင်တာပေါ့ "
" ဟုတ်တယ်လေ ။ ကျွန်တော့်ကို လတစ်ဝက်လောက် မဆက်သွယ်ဘူးလေ "
" အဲ့တာနဲ့ မင်းက cigarette သောက်တယ်ပေါ့ "
" ဟုတ်တယ်လေ "
" ကောင်းစံ မင်း cigarette သောက်တာ မင်းကိစ္စ။ ငါဘာမှမပြောဘူး။ ဒါပေမဲ့ ငါ့ကြောင့်လို့တော့ လာမစွပ်စွဲနဲ့ "
" စွပ်စွဲနေတာမဟုတ်ဘူး။ အတည် မမကြောင့် "
အိမ့်စိတ်ထဲ ကျင်'ခနဲဖြစ်သွားသည်။
" ဒါနဲ့ မမ ဘယ်သူ့ကိုဖုန်းဆက်နေတာလဲ "
" မင်းကောင်မလေးကိုလေ "
" သူနဲ့ဘာဆိုင်လဲ "
" မင်းကောင်မလေးက မင်းကိုဖုန်းခေါ်မရလို့ ငါ့စီဖုန်းဆက်တာ "
ဆေးလိပ်ကို အောက်သို့ပစ်ချလိုက်ပြီး တတ်နင်းကာ မီးသတ်လိုက်သော ကောင်းစံ။
" ခေါက်ထားစမ်းပါ မမရာ ၊ ဒီမှာမမ ကျွန်တော့်ကိုကြည့် "
အိမ့် ပခုံးနှစ်ဖက်ကိုကိုင်ပြီး ရီဝေနေသောမျက်လုံးများဖြင့်
" မမရှေ့မှာ ကျွန်တော်ရှိတယ်လေ ၊ ဒါနဲ့လုံလောက်နေပြီမဟုတ်လား "
ပခုံးပေါ်က ကောင်းစံလက်ကို ဖယ်ထုတ်လိုက်ပြီး
" ကောင်းစံ သတိထား ၊ မင်းပုံမှန်စိတ်မဟုတ်နေဘူး "
ရုတ်တရက် အိမ့်နားကနေခွာပြီး လူကူးတံတားအောက် ငုံကြည့်နေသည်။
" မမ သိလား ။ ကျွန်တော်သိတယ် ။ မမကျွန်တော့်ကို မယုံတာ "
" ကောင်းစံ အဲ့လိုကြီး အောက်ငုံ့ကြည့်မနေနဲ့ ။ မင်းကိုယ့်အရှိန်ကိုယ်မထိန်းနိုင်ဘဲ အောက်ပြုတ်ကျမယ် "
" ပြုတ်ကျသွားရင်ရော မမယုံမလား "
" ဘာတွေပြောနေတာလဲ ။ အဲ့နားကနေခွာ "
" မခွာချင်ပါဘူး "
" ကောင်းစံကလည်း လာပါ မမနားကို ၊ အဲ့နားက ခွာခဲ့ချည် "
အိမ့် အသည်းတွေတလှပ်လှပ်ဖြစ်နေသည်။ မတွေးကောင်းပေမယ့် ကောင်းစံ အိမ့်ရှေ့တွင် အောက်ပြုတ်ကျသွားမှာကို စိုးရိမ်မိသည်။
" မမ မကောင်းဘူးသိလား။ အသည်းနှလုံးမရှိဘူးမလား "
ကောင်းစံဘာပြောပြော အိမ့်ဆန့်ကျင်လို့မရပါ။ အတည်ခုန်ချတော့မယ့်အရိပ်အယောင်တွေ မြင်နေသည်။
" ဟုတ်တယ် မင်းမှန်တယ်။ အဲ့နားကသာခွာခဲ့ ။ စကားသေချာပြောမယ် "
အိမ့်ရဲ့ထောက်ခံသောစကားကြားမှ ထိုနေရာကနေခွာသော ကောင်းစံ။
" မမ ကျွန်တော်ပြောမယ် "
ထိုအချိန်တွင် ကောင်းစံ၏ ကောင်မလေးရောက်လာသည်။ ကောင်းစံကတော့ အိမ့်ကို မျက်နှာမူထားလို့ မသိပေမယ့် အိမ့်ကတော့ မြင်ရသည်။
" ကောင်းစံ မင်းကောင်မလေး မင်းအနောက်ရောက်.. "
အိမ့်စကားပင်မဆုံးလိုက် ။ ကောင်းစံရုတ်တရက် အိမ့်ကို ဖက်လိုက်သည်။ cigarette အနံ့တွေ ၊ alcohol အနံတွေ ..
" ဒီတိုင်းလေး..မမကို ကျွန်တော့်အနားမှာပဲရှိစေချင်တာ ၊ ကျွန်တော့်အတွက်ဆိုပြီးလေ ၊ ကျွန်တော်တစ်ယောက်ထဲအတွက်ဆိုပြီးလေ ။ မမတစ်ယောက်ထဲကိုပဲရှိစေချင်တာ "
အိမ့် တွန်းလိုက်သည်။
" ကောင်းစံ မင်းကောင်မလေး မင်းနောက်ရောက်နေပြီ "
___
" မင်းတို့ Taxi နဲ့ပြန် ၊ ကောင်းစံအခြေအနေက bike မောင်းလို့မရဘူး ၊ အစ်မ Taxi ငှားပေးမယ် "
ကောင်းစံကတော့ သူ့ခန္ဓာကိုယ်တောင် ဟန်ချက်ညီအောင် မထိန်းနိုင်တော့သည့်အတွက် သူ့ကောင်မလေးက တွဲပြီးထိန်းထားသည်။ bus မှတ်တိုင်အထိတွဲခေါ်လာပြီး ခုံပေါ်ထိုင်ခိုင်းထားရသည်။ Taxi စောင့်နေတုန်း ကောင်မလေးက အိမ့်ကို လှမ်းလှမ်းကြည့်သည် ။
" အစ်မ သိလား "
ရုတ်တရက်စကားစလာသော ကောင်မလေး ။
" ဘာကိုလဲ "
" ကောင်းစံကလေ အစ်မပေါ်ခံစားချက်ရှိနေတာ "
အိမ့်မျက်နှာ ရှိန်းခနဲဖြစ်သွားသည်။
" ညီမသိတယ် ။ ဒါပေမဲ့လေ ညီမလည်း ကောင်းစံအပေါ် ခံစားချက်ရှိတယ် "
" ကောင်းစံနဲ့ အစ်မနဲ့က ဘာမှမဟုတ်ဘူး ညီမ "
ထိုအချိန်တွင် Taxi တစ်စီးရောက်လာသည်။ အိမ့်လှမ်းတားသည်။ ရပ်ပေးသည်။ အိမ့် Taxiခပါ တစ်ခါတည်းရှင်းပေးလိုက်သည်။ ကောင်မလေးက ကားပေါ်မတက်ခင်
" အစ်မ ထွက်သွားဖို့မလိုပါဘူး "
အိမ့်စိတ်ထဲတွေးနေသောအတွေးကို ဖမ်းမိသွားသည်။
" ကောင်းစံက အစ်မကို ညီမထက်ပိုလိုပါတယ်။ ညီမလည်း လက်ခံနိုင်ပါတယ် ဒါကို "
Taxi ထွက်သွားသည်လား ၊ မထွက်သွားသည်လား အိမ့်ဂရုမစိုက်နိုင်တော့ ။ အိမ့်ခေါင်းထဲ အတွေးတွေပြိုင်နေသည်။ " လောကမှာ စည်းဆိုတာရှိတယ် "ဆိုတဲ့ စကားသံဟာ အိမ့်ခေါင်းထဲ အထပ်ထပ်အခါခါ ပဲ့တင်သံဖြစ်ပေါ်နေသည်။ ဖုန်းဖွင့်ကာ content တစ်ခုကို နှိပ်လိုက်သည်။ ပြိုတော့မည့်မိုးအသံဖြင့်
" မာယာ ငါ့ကိုလာခေါ်ဟာ "
___
ညဘက်ကြီး အိမ့်ဖုန်းဝင်လာသည်နှင့် သူငယ်ချင်းကိုစိုးရိမ်သဖြင့် Taxi ငှားပြီး ချက်ချင်းရောက်ချသည်။ အိမ်ပြန်ရောက်သည်အထိ အိမ့်စိတ်ငြိမ်အောင် စောင့်ပေးသည်။ အတော်အတန်ကြာမှ အိမ့်နဖူးကို လာစမ်းကာ
" အိမ့် နင်အရင်ဆေးသောက်လိုက် ၊ ကိုယ်ပူချင်နေပြီ "
" အင်း "
" ညနေက ငါလာတုန်းကအကောင်းပါ ။ ဘာဖြစ်လို့လဲ။ "
#fictional
#forward_only
#owner
❤ 20🐳 1
Фото недоступнеДивитись в Telegram
ဒီအပတ်ထဲ fictional end ပါမယ်လို့ ။
တစ်ပတ်လုံးတင်ပေးမှာပါ xd
#owner
🥰 14❤ 7🦄 2👏 1
" မတွေ့ခဲ့ကြရင် ကောင်းသား ( အခန်း - ၁၄ ) "
အိမ့်ကိုတွေ့သည်နှင့် ပြုံးပြသော ကောင်းစံ။
" ဖုန်းခေါ်နေတာ ဘာလို့မကိုင်တာလဲ "
ကောင်းစံ သူ့အိတ်ကပ်ထဲက ဖုန်းကို ထုတ်၍ယူကြည့်သည်။
" Sorry မမ ၊ mute ထားမိတာ "
" မနေ့ညနေကကိစ္စဘာလို့ငါ့ကိုအသိမပေးတာလဲ "
" မမ သိသွားပြီကို "
" ငါ့အလုပ်မှာ မင်းသောင်းကျန်းသွားတဲ့ကိစ္စ ငါ့စီပြန်မရောက်ဘူးထင်နေတာလား "
" ကျွန်တော်မမှားဘူးမမ "
အိမ့်ရယ်လိုက်သည်။ စိတ်ကုန်သည်။ စိတ်တိုသည်။ ကောင်းစံကို စိတ်နာသည်။
" မင်းအဲ့လူကိုထိုးတဲ့ကိစ္စငါဘာမှမပြောဘူး ၊ ဒါပေမဲ့ မင်းနဲ့ငါက ဘာဆိုင်လို့လဲ "
" မမ ဘာကိုဆိုလို .. "
" ငါ့ဘဝထဲကိုဝင်စွက်ဖက်ရလောက်အောင်အထိ မင်းနဲ့ငါ ဆက်ဆံရေးက အဲ့လောက်မဟုတ်ဘူး "
" မမက အဲ့လိုထင်တာလား "
" ငါ့ပြဿနာငါ့ဘာသာရှင်းမယ် ။ ပြီးတော့ မင်းမှာ ကောင်မလေးရှိတယ် ကောင်းစံ "
" ကျွန်တော်ကောင်မလေးထားတာနဲ့ မမနဲ့ အနေဝေးစရာလား "
" ကောင်းစံ ! "
အိမ့်လေသံပုံမှန်ထက်ပိုမြင့်သွားသည်။
" လောကမှာ စည်းဆိုတာရှိတယ် ။ မင်းကောင်မလေးဘက်က စဉ်းစားကြည့်စမ်းပါ ! ။ "
" ကျွန်တော်ဂရုမစိုက်ဘူး "
" မင်း ဂရုမစိုက်ပေမယ့် ငါစိုက်တယ် "
" အခုမမက စိတ်ဆိုးနေတာလား "
Bike ကိုမှီထားရာကနေ အိမ့်စီ တစ်လှမ်းချင်းလှမ်းလာသော ကောင်းစံ။
" မဟုတ်ဘူး ။ စိတ်ပျက်တာ "
" ကျွန်တော် မမှားဘူးလေ ။ အဲ့လူကိုကအချိုးမပြေနေတာ "
" မင်းမှားတာ ငါ့ရဲ့ ကိုယ်ရေးကိုယ်တာကို respect မရှိတာ "
" မမကလည်း ကျွန်တော်က မမကိုခင်လို့လေ "
အိမ့်လက်ကို ဖွဖွလေးကိုင်ကာ ပြောသော ကောင်းစံ။
အိမ့်ဒေါသထွက်သည်က ဒါတွေ။ မသေချာတဲ့ အရိပ်အယောင်ပြတာတွေ ။
" တော်ပြီ ကောင်းစံ ။ မင်း ငါနဲ့ ဝေးဝေးနေတာကောင်းမယ် ။ မမြင်ချင်ဘူး "
___
အိမ့်က မမြင်ချင်ဘူးပြောသည်နှင့် လှည့်ထွက်သွားသော ကောင်းစံ။ အဲ့ကတည်းက မတွေ့ဖြစ်တာ အခုဆို လဝက်နီးပါးရှိပြီ ။ ဒီနေ့မနက်ကျ ဘွား"ကနဲ တိုက်ရှေ့မှာ ပန်းစည်းကိုင်ပြီး ရပ်စောင့်နေပြန်သည်။
" မမ "
အိမ့် မသိချင်ယောင်ဆောင်ပြီး ဖြတ်လျှောက်သည်။
" မမကလည်း " ဟုဆိုကာ အိမ့်လက်ကို လှမ်းဆွဲသည်။
" လွှတ် "
" မမ မမြင်ချင်ဘူးဆိုလို့ ကျွန်တော် လဝက်လောက်ပျောက်ပေးပြီးပြီလေ "
" အဲ့တော့ ? "
" ကျွန်တော် တောင်းပန်ပါတယ် "
အိမ့်ဘာမှပြန်မပြောပါ။
" ဒူးထောက်တာလိုချင်တာလား မမက ။ ရတယ်လေ "
ဗြုန်းခနဲ ဒူးထောက်ဖို့ဟန်ပြင်သောကောင်းစံ။
" မလိုဘူးလေ "
" အခုမှပဲ အဖက်လုပ်တယ်ပေါ့ "
" တဇွတ်ထိုးမလုပ်စမ်းနဲ့ "
" ကျွန်တော်တကယ်တောင်းပန်တယ် မမ "
" ခွင့်လွှတ်ရမှာလား "
" ခွင့်မလွှတ်ချင်ဘူးလား "
အိမ့် ရယ်လိုက်သည်။
___
" နင်တို့ဟာက ရန်ဖြစ်လိုက်၊ပြန်ချစ်လိုက်ကြီး " ဟု မာယာက ပြောသည်။ အိမ့်ကတော့ ဘာမှပြန်မပြောခဲ့ပါ။ ဒီလောက်အဖြစ်အပျက်တွေဖြစ်သွားပေမယ့် ကောင်းစံကတော့ ဘာမဟုတ်သလိုအထာဖမ်းသည်။ သို့သော် အိမ့်ကတော့ ကောင်းစံကို သိသိသာသာ စည်းတားလိုက်သည်။
__
ရာသီအကူးအပြောင်းမလို့ အိမ့်နေလိုမကောင်းဖြစ်နေသည်။ မာယာကတော့ နေ့လည်လောက်က စိတ်ပူသဖြင့် လာကြည့်သွားသည် ။
" ကိုယ်ပူလာရင် ဆေးခန်းသွားနော် အိမ့် ၊ ခေါင်းမမာနဲ့ "
" အေးပါ ၊ ငါအဆင်ပြေတယ် ။ ပြန်ပါတော့ "
မာယာပြန်သွားသည်နှင့် ဟိုလုပ်ဒီလုပ်လုပ်ရင်း အချိန်ကုန်သွားသည်။ နာရီကိုလှမ်းကြည့်တော့ 7pm။Part time job ထပ်ရှာကြည့်ဦးမယ်ဆိုသည့်အတွေးနှင့် laptop ရှေ့ထိုင်ရုံရှိသေး ဖုန်းဝင်လာသည်။ unknown number ဖြစ်တာကြောင့် တွေဝေနေမိပေမယ့် ကိုင်လိုက်သည် ။
" Hello "
" အစ်မ အိမ့်မှူးလား မသိဘူး "
" ဟုတ်ပါတယ် "
" ညီမ ကောင်းစံ ကောင်မလေးပါ "
အိမ့်မျက်နှာရှိန်းခနဲဖြစ်သွားသည်။
" ဟိုဟာလေ ကောင်းစံ ညီမနဲ့ရန်ဖြစ်ပြီး bike နဲ့ထွက်သွားတာ ၊ ဖုန်းခေါ်တော့လည်းမကိုင်ဘူး "
" ကောင်းစံအိမ်ကိုရော ဆက်ပြီးသွားပြီလား "
" ဟုတ် ဆက်ပြီးသွားပြီ၊ မရောက်သေးဘူးတဲ့ ။ ပြီးတော့.. "
" ပြီးတော့ ဘာဖြစ်လဲ "
" ကောင်းစံ နည်းနည်းသောက်ထားတယ် ၊ အဲ့တာ အစ်မ ဖုန်းဆက်ကြည့်ပါလား ၊ အစ်မဖုန်းဆိုကိုင်လောက်မှာ "
" အိုခေ ၊ အစ်မဆက်ကြည့်ပေးမယ် "
ထိုကောင်မလေးဖုန်းချသွားသည်နှင့် အိမ့် ကောင်းစံကို ဖုန်းခေါ်သည်။ ချက်ချင်းမကိုင်၊ အတော်အတန်ကြာမှ ကိုင်သည်။ alcohol ဝေနေသည့် အသံဖြင့်
" Hello မမ "
" ဘယ်မှာလဲ "
" မမ ကျွန်တော်ပြောပြမယ် "
" ဘယ်မှာလဲလို့ "
" လူကူးတံတားပေါ်မှာလေ "
" မင်းကောင်မလေး ငါ့ကိုဖုန်းဆက်တယ် "
" မမ လာခဲ့ပါလား "
" ငါပြောတာနားထောင် ကောင်းစံ ၊ မင်းကောင်မလေးကိုဖုန်းပြန်ဆက်လိုက် "
" မမ မလာရင် ကျွန်တော် အောက်ကကားတွေကြားရောက်သွားလိမ့်မယ် "
ပြောချင်ရာပြောပြီး ဖုန်းချသွားသော ကောင်းစံ။ အိမ့် နာရီကို လှမ်းကြည့်သည် ။ ရှပ်အင်္ကျီ ထူထူထဲထဲ တစ်ထည်ကောက်ယူပြီး အပြင်သွားဖို့ဆုံးဖြတ်လိုက်သည်။
___
လူကူးတံတားပေါ်ရောက်သည်နှင့် ဟန်ချက်ညီအောင်မရပ်နိုင်သော ကောင်းစံကိုတွေ့လိုက်သည်။
" ကျွန်တော့် fav person ကြီး လာသားပဲ "
" ကလေးမဆန်စမ်းနဲ့ကောင်းစံ ၊ မင်းဘာဖြစ်လာတာလဲ "
" ဒီတိုင်း စိတ်ညစ်လို့ "
အိမ့် ဖုန်းထုတ်ကာ unknown number ကို ခေါ်လိုက်သည်။
" မမ ဘာလုပ်နေတာလဲ "
#fictional
#forward_only
#owner
❤ 23
" မတွေ့ခဲ့ကြရင် ကောင်းသား ( အခန်း - ၁၃ ) "
အိမ့် ပြန်ရောက်သည်နှင့် ဖုန်းကမ်းပေးသော ကောင်းစံ။
" မမ ဖုန်းလာတယ် "
အိမ့်လည်း ယူလိုက်ပြီ ကိုင်လိုက်သည်။
" Hello "
" အခုမှပဲ အသံကြားရတော့တယ် "
" အလုပ်မှာ ကိစ္စရှိလို့လား "
" မရှိပါဘူး ၊ ဒီတိုင်း ဆက်တာပါ ၊ စောနကကောင်လေးနဲ့ အိမ့်နဲ့က ဘယ်လိုဆက်ဆံရေးလဲ "
" သိဖို့မလိုဘူးထင်တယ်နော် ၊ ပြီးတော့ အလုပ်ကိစ္စ မဟုတ်ရင် အိမ့်ကို ဖုန်းမဆက်ပါနဲ့ "
အိမ့် ဖုန်းချလိုက်သည်။
ကောင်းစံကတော့ မှိုရသောမျက်နှာဖြင့် ပြုံးစိစိ ။
___
ပိတ်ရက်ဖြစ်သဖြင့် အေးဆေးနေမည်ကြံကာမှ မာယာရောက်ချလာသည် ။
" အိမ့်ရေ ထထ ၊ ရုပ်ရှင်သွားကြည့်ရအောင် ၊ ငါလက်မှတ်ဘိုကင်ယူထားပြီပြီ "
" နင်ကလည်း ကြိုမပြောဘူး "
" ကြိုပြောရင် နင်က မလိုက်ဘူး လုပ်မှာလေ "
ရုပ်ရှင်ရုံက ပိတ်ရက်မို့ လူတွေရှုပ်နေသည်။
" များလိုက်တဲ့လူ ၊ အိမ်ပဲပြန်ရအောင်ဟာ "
" မရပါဘူးနော် "
" ဟဲ့ ဟဲ့ ဟိုကိုကြည့်စမ်း ၊ ကောင်းစံမဟုတ်လား "
မာယာညွှန်ပြသည့်နေရာကို ကြည့်လိုက်တော့ ကောင်းစံဖြစ်နေသည်။
" အေး ဟုတ်တယ် "
" လာလေ ၊ သွားစကားပြောရမယ်လေ ဒါမျိုးက "
မာယာ ခြေလှမ်းလှမ်းဖို့ပြင်ပြီးမှ ငြိမ်ကျသွားသည်။
" ဟဲ့ အိမ့် "
" အေး ငါတွေ့တယ် "
မြင်လိုက်ရသည့်မြင်ကွင်းက ကောင်းစံ၏ လက်မောင်းကိုတွဲလျက် ကောင်မလေးတစ်ယောက် ပေါ်ထွက်လာခြင်းဖြစ်သည်။ ထို့နောက် ကောင်းစံပါးကို နမ်းလိုက်ခြင်း ဖြစ်သည်။
" မာယာ ပြန်ရအောင် "
မာယာကလည်း အိမ့်စိတ်အခြေအနေကို နားလည်သည်နှင့်
" အေးပါ "
___
နောက်နေ့တွင် ကောင်းစံ၏ noti ဝင်လာသည်။
" မမ cafe လာခဲ့လေ "
အိမ့် သွားသည်။ အိမ့် ကောင်းစံကို ရှောင်ဖို့ ဘာအကြောင်းမှမရှိ။
" မမ ဟို Graphic designer လေ ၊ ဖုန်းထပ်ဆက်သေးလား "
" မဆက်ပါဘူး ၊ မင်းကဘာလုပ်မလို့လဲ "
" မဟုတ်ပါဘူး ၊ ကြည့်မရလို့ ၊ တခုခုမကောင်းတာခံစားမိနေတယ် "
" မနေ့က ရုပ်ရှင်ကြည့်လို့ကောင်းလား "
အံဩသော အမူအရာဖြင့်
" ဗျာ "
" မနေ့က ရုပ်ရှင်ရုံသွားခဲ့တယ်မလား ၊ ကြည့်လို့ကောင်းလားလို့ "
" မမ ကျွန်တော့်ကို တွေ့ခဲ့တာလား "
" မာယာလာခေါ်လို့ ၊ မင်းကိုရော၊ မင်းရဲ့ကောင်မလေးကိုပါတွေ့တယ် "
ကောင်းစံ ပြန်မဖြေတော့ချေ ။
" တွဲနေတာ ဘယ်လောက်ကြာပြီလဲ "
" နှစ်ပတ်လောက်တော့ရှိပြီ "
အိမ့်စိတ်ထဲ တင်းသွားသည်။ အိမ့်ကိုဖွင့်ပြောတာလည်း နှစ်ပတ်ပဲရှိသေးတယ်မဟုတ်ပါလား ။
___
ဒီနေ့လည်း ထုံးစံအတိုင်း အိမ့်အလုပ်ဆင်းသည်နှင့် ကောင်းစံ လာကြိုသည်။
" မမ တတ်လေ "
" မတတ်တော့ဘူး ၊ grab ခေါ်ထားတယ် "
" မမကလည်း နောက်ပြီ ။ ကျွန်တော်အမြဲလာကြိုနေကျကို "
" ကောင်းစံ မင်းမှာ ကောင်မလေးရှိတယ် ၊ ငါ့စည်းငါစောင့်တယ် ၊ နောက်နေ့တွေလည်း လာကြိုစရာမလိုဘူး "
" မဟုတ်ဘူးလေ မမကလည်း... "
ကောင်းစံစကားမဆုံးခင် ရောက်လာသော grab taxi ပေါ်တတ်သွားသော အိမ့် ။
" တစ်စုံတစ်ယောက်တော့ အပစ်ခံလိုက်ရပြီနဲ့တူတယ် "
ဖြစ်ရပ်တစ်ခုလုံးကို အစအဆုံးရပ်ကြည့်နေသော graphic designer ဆိုသူက ဝင်ရွဲ့သည်။
မီးဝင်းနေသော မျက်လုံးများဖြင့် ကောင်းစံ လှည့်ကြည့်လိုက်ပြီး
" မဆိုင်တာ ဝင်မပါနဲ့ "
" ဆိုင်တာပေါ့ ၊ အိမ့်က မကြာခင် ငါ့ကောင်မလေး ဖြစ်လာတော့မှာလေ "
ကောင်းစံ လက်သီးကို ကျစ်ကျစ်ပါအောင်ဆုပ်ပြီး bike ပေါ်က ဆင်းလိုက်သည်။
" စကားကို သတိထားပြောတာ ကောင်းမယ်နော် "
" အတည်ပြောနေတာ ။ အိမ့်မှူးလို မိန်းမတွေအများကြီး ငါတွေ့ဖူးတယ် ။ အစတော့ မူမယ် ။ ပြီးကျရင် သူတို့ပဲ ငါ့ကိုတမ်းတမ်းစွဲ ဖြစ်သွားမှာ ။ မယုံရင် စောင့်ကြည့်ပေါ့ ညီလေးရာ "
ပါးစပ်အရသာခံနေသော ထိုလူကြောင့် ကောင်းစံ ဒေါသ အဆုံးစွန်ရောက်သွားသည်။ ထို့အတူ ကောင်းစံ၏ လက်သီးကလည်း ထိုလူမေးရိုးနှင့် မိတ်ဆက်လေသည်။
___
ဒီနေ့ အိမ့် ရုံးစရောက်ကတည်းက လေထုက တစ်မျိုးဖြစ်နေသည်။ ဘာဖြစ်တာလဲ မေးချင်ပေမယ့် ရင်းနှီးသည့်သူသိပ်မရှိ။ တွေးနေတုန်း graphic designer က ရှေ့ရောက်လာသည်။ မေးရိုးတစ်ခြမ်း ယောင်ကိုင်းလျက် ။
" အိမ့် မင်းသိပြီးပြီလား "
" ဘာကိုသိရမှာလဲ "
" ဒီမှာလေ ငါ့မေးရိုး ၊ ငါ့မေးရိုးကိုကြည့်လိုက်စမ်းပါ "
ဘာမှမဆိုင် အိမ့်ရှေ့လာပေါက်ကွဲပြနေသော graphic designer ကို နားမလည်နိုင် ။
" မြင်တယ်လေ ။ ယောင်နေတာ ။ အဲ့တာ အိမ့်နဲ့ ဘာဆိုင်လဲ "
" ဘာဆိုင်လဲဟုတ်လား ။ ဟား ဟား
မင်းကို လာကြိုနေကျကောင်လေး ငါ့ကိုထိုးသွားတာကွ "
" ဟမ် "
" မင်းကြားတဲ့အတိုင်းပဲ "
" ထိုးသင့်လို့ထိုးတာနေမှာ ။ ဘာသွားပြောလိုက်လဲ "
" ဘာ!! ။ ထိုးသင့်လို့ထိုးတာ။ ငါပြောတာဆိုလို့ မင်းက ငါ့ကိုကြိုက်နေတယ်ဆိုတာပဲ "
" ဘာပြောတယ် "
" ဟုတ်တယ်လေ ၊ မင်းကမူနေတာမလား "
" ကိုယ့်ကိုယ်ကို သိပ်အထင်ကြီးမနေနဲ့ ။ လုပ်ဖော်ကိုင်ဖက်မလို့ စကားပြောရုံလောက်ပဲ ။ ကောင်းစံသာမထိုးရင် ရှင်ကျွန်မလက်ဝါးနဲ့ညားမှာ "
အိမ့်လှည့်ထွက်လိုက်သည်။ အထက်လူကြီးရုံးခန်းကိုသွားပြီး အလုပ်ထွက်စာတင်လိုက်သည် ။
___
ကောင်းစံကို ဖုန်းခေါ်သည်။ ဆက်သွယ်မှုဧရိယာပြင်ပရောက်နေပါသဖြင့်နှင့်ပဲ တိုးသည်။ အိမ့်တိုက်ခန်းရှေ့ရောက်တော့မှ ရပ်စောင့်နေသော ကောင်းစံကို တွေ့ရသည်။
#fictional
#forward_only
#owner
❤ 31
" ပြင်ညာရေး "
အခြေခံပညာ အလယ်တန်းကျောင်း တစ်ခုတွင် ဆရာမတွေ အမှတ်ခြစ်နေကြသည်။
" အစ်မရေ အစ်မ ငါးတန်းက ကလေးတွေ အဖြေလွှာကိုင်ရတာ မဟုတ်လား "
" ဟုတ်တယ် ညီမရေ "
" အဲ့ထဲ ကျွန်မကလေးတွေ ပါတယ် မမ "
" ဟုတ်လား ၊ ညီမက ခြောက်တန်းကလေးတွေ အဖြေလွှာကိုင်ရတာ မဟုတ်လား ၊ အစ်မကလေးတွေလည်းပါတယ် "
ကလေးတွေဆိုသည်မှာ သူတို့၏ ကျူရှင်ကိုတတ်သောကလေးတွေကို ရည်ညွှန်းခြင်းဖြစ်သည်။
" ပြစမ်းပါဦးအေ "
အဖြေလွှာတွေလဲကာခြစ်ကြသည်။
ခုံနံပါတ်နဲ့ နာမည်တွေကို stapler နဲ့ ညှပ်ပြီး အုပ်ထားပေမယ့် သူတို့ကလေးတွေ၏ လက်ရေးကိုတော့ မှတ်မိကြသည်။
" အော် ဒီကလေးကတော့ စာတစ်ကြောင်းကျန်ခဲ့တာ သနားပါတယ် " ဟု အသံပြုပြီး အသင့်ယူလာသော ဘောပင်ပြာကို ထုတ်ကာ ရေးပေးလိုက်သည်။
" ကလေးတွေ ရှပ်ပြာရှပ်ပြာနဲ့မို့ အစ်မရယ် "
" အစ်မကလေးတွေလည်း အဲ့လိုပဲဟေ "
စာခြစ်တဲ့ဆရာမတွေ ဘောပင်အနီပဲကိုင်ရတယ်ဆိုသည်ဟာ စကားသာသာဖြစ်သည်။ ကိုယ်ပိုင်ဆရာရှိသည့် အဖြေလွှာတွေဟာ အမြဲပြည့်စုံပြီးသား မဟုတ်ပါလား ။
" ဟယ် အစ်မ ဒီကလေးလက်ရေးက ဟိုဆရာမ သင်နေတဲ့ ကလေးလေ "
" ဟယ် ဟုတ်လား ၊ ပြစမ်းပါဦး "
" အမလေး ကကြီးကိုရေးထားတာ ဆက်နေသော ထဆင်ထူးနဲ့ နင်လားငါလားပဲ ၊ လျှော့ပလိုက်ဟေ အမှတ် "
" ဟုတ်ပ မမရယ် "
ပါတီမတူသဖြင့် အမှတ်တစ်မှတ်လျော့ပြန်သော အဖြေလွှာ ..။
" အမလေး ၊ အမှတ်ခြစ်ရတာ ပင်ပန်းလိုက်တာအေ "
" ဟုတ်ပ မမရယ် ၊ ဒါပေမဲ့ ကျွန်မကလေးတွေက အမှတ်တော့ကောင်းသားပဲ ၊ လျှမ်းတာလေးတွေ သနားလို့ ပြင်ပေးထားလိုက်တယ်မမရယ် ၊ ကလေးတွေလည်း ကြိုးစားခဲ့တာပဲလေ "
ကိုယ်ပိုင်ဆရာမရှိသော အဖြေလွှာတွေကတော့ ဒီတိုင်းငြိမ်ငြိမ်လေး ကျန်ခဲ့ရတာပေါ့ ။
___
ဆရာမတစ်ယောက်၏အိမ်တွင် စာကျက်သံများထွက်ပေါ်နေသည်။
တပည့်တွေကို စာသင်နေခြင်းမဟုတ်။ သူကိုယ်တိုင် အော်ကျက်နေခြင်းဖြစ်သည်။
" ဟာ ဆရာမ စာတွေကျက်နေတာလား "
ဘေးအိမ်က အိမ်နီးချင်းက အိမ်ရှေ့ လမ်းလျှောက်ရင်း အသံပြုသည်။ ထိုဆရာမ လက်ထဲက စာအုပ်ကို ချကာ အိမ်ပြင်ထွက်လာသည်။
" ဟုတ်တယ် အစ်ကိုရေ ။ ကျောင်းတွေပြန်ဖွင့်တော့မှာဆိုတော့ ကျွန်မတို့ သင်တန်းပေးခံနေရတယ် "
" အဲ့လို စာအော်ကျက်ဖို့လား "
" မဟုတ်ပါဘူး ။ essay ရေးဖြေရမယ်ကြားလို့ essay ကျက်နေတာ "
" ဆရာမကလည်း အဲ့ခါကျမှ ဒီတိုင်းချရေးလိုက်လေ "
" မရေးနိုင်ပါဘူးတော် ၊ အခုတောင်သင်တန်းပေးနေတာ meaning မသိတဲ့အလုံးတွေပါလာလို့ မနည်းမှတ်နေရတာ "
" ဘာတွေမလို့လဲ "
" audience တို့ ၊ artificial intelligence တို့ ။ ကျွန်မတစ်ခါမှ မကြားဖူးပါဘူးတော် "
နှစ်ရက်လောက်နေတော့ ထိုဆရာမအိမ်မှစာကျက်သံပျောက်သွားသည်။
ညနေတိုင်း လမ်းလျှောက်လေ့ရှိသော အိမ်နီးချင်းက
" ဆရာမ သင်တန်းပြီးသွားပြီလား "
" ပြီးသွားပြီရှင် ၊ essay ကတော့ ကွက်တိပဲ "
" ဘာခေါင်းစဉ်မလို့တုန်း "
" Memories of childhood မေးတာ၊ ကျွန်မက Family trip essay ကျက်ထားတယ်လေ ၊ အဲ့တာ ချရေးလာတယ် "
#sarto
#forward_only
#owner
🔥 33❤ 6🍓 3❤🔥 1🦄 1
Оберіть інший тариф
На вашому тарифі доступна аналітика тільки для 5 каналів. Щоб отримати більше — оберіть інший тариф.