All About Docs.collections ធនាគារឯកសារ

ប្រកាសអន្តរក្រសួង ស្តីពីការដាក់ឱ្យប្រើ “វិញ្ញាបនបត្រ និងសញ្ញាបត្រដែលពាក់ព័ន្ធនឹងការប្រឡងសញ្ញាបត្រ មធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ តទៅ ដែលមានដាក់ QR Code ស្តង់ដា” ដែលអាចផ្ទៀងផ្ទាត់បានតាមរយៈ “ថ្នាលផ្ទៀងផ្ទាត់ឯកសារ verify.gov.kh" តាមបន្ត https://t.me/+HFgVVdKoGS8zMWY9

✍️ ដើម្បីទទួលបានចម្លើយមួយដែលត្រឹមត្រូវ និងច្បាស់លាស់ ទាមទារឲ្យយើងទាំងអស់គ្នាចេះសួរ (Prompt) ទៅកាន់ AI ឲ្យបានត្រឹមត្រូវដូចគ្នា។ - ដូចនេះ តើគួរសួរ (Prompt) បែបណា ទើបអាចទទួលបានចម្លើយស្របតាមការចង់បានរបស់យើង? - 🗣 តោះមកអានពី របៀបនៃការបង្កើតសំណួរ (Prompt) សម្រាប់សួរទៅកាន់ AI ឲ្យបានត្រឹមត្រូវទាំងអស់គ្នា៖ - 1️⃣ បរិបទ៖ យើងត្រូវបញ្ចូលព័ត៌មានទាំងឡាយណា ដែលទាក់ទងនឹងសំណួរ ឬប្រធានបទដែលយើងចង់សួរ។ វានឹងជួយឲ្យ AI យល់អំពីប្រធានបទនោះ ហើយឆ្លើយតបនូវចម្លើយដែលសមស្របតាមការចង់បានរបស់យើង។ - 2️⃣ តួនាទី៖ ជាការស្នើរសុំឲ្យ AI ឆ្លើយតបក្នុងនាមជាអ្នកជំនាញម្នាក់ ស្របតាមប្រធានបទ។ ដូចជា ឆ្លើយតបក្នុងនាមជា គ្រូបង្រៀន ទីប្រឹក្សា អ្នកនិពន្ធ ម្ចាស់ក្រុមហ៊ុន ឬ ជាមេធាវី ដែលមានបទពិសោធន៍យូរឆ្នាំ។ - 3️⃣ កិច្ចការ៖ ជាការកំណត់កិច្ចការ ឲ្យបានច្បាស់លាស់សម្រាប់ AI ក្នុងសំណួររបស់យើង។ ដូចជា ឲ្យ AI សរសេរអត្ថបទ សង្ខេបសៀវភៅ ដោះស្រាយលំហាត់ ឬ ពន្យល់ពាក្យជាដើម។ - 4️⃣ បែបផែនចម្លើយ៖ ជាការស្នើរសុំឲ្យ AI ឆ្លើយតបមកវិញតាមទម្រង់ដែលយើងចង់បាន។ ដូចជា បែបផ្លូវការ ធម្មតា កំប្លែង ឬមនោសញ្ចេតនាជាដើម។ - 5️⃣ ពាក្យគន្លឹះ៖ ជាការស្នើរសុំឲ្យ AI ផ្តល់ចម្លើយដែលទាក់ទងនឹងពាក្យគន្លឹះផ្សេងៗដែលយើងចង់បាន។ ដូចជា សេដ្ឋកិច្ច សង្គម វិទ្យាសាស្ត្រ វិនិយោគ ។ល។ - 6️⃣ គោលដៅចម្លើយ៖ សូមបញ្ជាក់ឲ្យបានច្បាស់ ទៅកាន់ AI ថាចម្លើយដែលអ្នកចង់បាននោះ នឹងត្រូវប្រើសម្រាប់បង្ហាញទៅកាន់នរណា អាយុប៉ុន្មាន ចំណេះដឹងកម្រិតណា ឬក៏ចម្លើយនោះ អ្នកចង់បានសម្រាប់ទុកមើលខ្លួនឯងតែប៉ុណ្ណោះ។ - សរុបមកវិញ គន្លឹះទាំង ៦ ខាងលើនេះ នឹងជួយយើងឲ្យទទួលបានចម្លើយដែលល្អពី AI ស្របតាមការចង់បានរបស់យើង យ៉ាងពិតប្រាកដ! - ដើម្បីអាចយល់បានកាន់តែច្បាស់ សូមពិនិត្យមើលឧទាហរណ៍ខាងក្រោមនេះ ទាំងអស់គ្នា 👇 - ឧទាហរណ៍៖ លោកគ្រូផាត ជាគ្រូគីមីវិទ្យា គាត់ចង់ឲ្យ AI ធ្វើកិច្ចតែងការបង្រៀនមួយ។ ខាងក្រោមនេះជាគម្រូសំណួរ (Prompt) ដែលមានបញ្ចូលធាតុផ្សំទាំង ៦ ល្អសម្រាប់គាត់សួរ ឬស្នើរទៅកាន់ AI៖ - សួរស្តីខ្ញុំជាគ្រូបង្រៀន កម្រិតវិទ្យាល័យ មុខវិជ្ជាគីមីវិទ្យា នៅប្រទេសកម្ពុជា។ ក្នុងនាមអ្នក ជាអ្នកជំនាញក្នុងការរៀបចំកិច្ចតែងការបង្រៀនម្នាក់ សូមអ្នកសរសេរកិច្ចតែងការបង្រៀន មេរៀន អត្រាកម្ម បែប STEM រយៈពេល ២ ម៉ោង សម្រាប់សិស្សកម្រិតវិទ្យាល័យ ថ្នាក់ទី ១២ នៅប្រទេសកម្ពុជា។ ក្នុងចម្លើយនោះសូមបញ្ចូលព័ត៌មានទាក់ទងនឹងពាក្យគន្លឹះ "ចំណេះដឹងដែលសិស្សទទួលបាន" "ចំណេះធ្វើដែលសិស្សទទួលបាន" និង "ឥរិយាបទដែលសិស្សទទួលបាន" បន្ទាប់មក សូមផ្តល់ព័ត៌មានអំពី "សកម្មភាពបង្រៀន" ជាតារាងដែលមាន ៣ កូឡោន ដូចខាងក្រោម៖ ​​ - កូឡោនទី១៖ សកម្មភាពគ្រូ - កូឡោនទី២៖ ខ្លឹមសារមេរៀន - កូឡោនទី៣៖ សកម្មភាពសិស្ស ។ សូមផ្តល់ចម្លើយឲ្យបានលម្អិតសម្រាប់ព័ត៌មាននៅក្នុងតារាងនោះ។ - ដូចច្នេះ អ្នកទាំងអស់គ្នាអាចសាកល្បងយកគម្រូសំណួរខាងលើនេះ ទៅដាក់សួរក្នុង AI បាន។ ដូចជា ChatGPT, DeepSeek, Gemini ឬ Copilot ជាដើម។ - ដើម្បីយល់កាន់តែច្បាស់បន្ថែមទៀត យើងមកបំបែកសំណួរ (Prompt) ខាងលើនេះទាំងអស់គ្នា🔍 1️⃣ បរិបទ៖ [ សួរស្តីខ្ញុំជាគ្រូបង្រៀន កម្រិតវិទ្យាល័យ មុខវិជ្ជាគីមីវិទ្យា នៅប្រទេសកម្ពុជា។ ] 2️⃣ តួនាទី៖ [ ក្នុងនាមអ្នក ជាអ្នកជំនាញក្នុងការរៀបចំកិច្ចតែងការបង្រៀនម្នាក់ ] 3️⃣ កិច្ចការ៖ [ សូមអ្នកសរសេរកិច្ចតែងការបង្រៀន ... ] 4️⃣ បែបផែនចម្លើយ៖ [ ... ជាតារាងដែលមាន ៣ កូឡោន ... ] 5️⃣ ពាក្យគន្លឹះ៖ [ ... សូមបញ្ចូលព័ត៌មានទាក់ទងនឹងពាក្យគន្លឹះ ... ] 6️⃣ គោលដៅចម្លើយ៖ [ សម្រាប់សិស្សកម្រិតវិទ្យាល័យ ថ្នាក់ទី ១២ នៅប្រទេសកម្ពុជា ] - 🧑‍💻កុំភ្លេចសាកល្បងទាំងអស់គ្នា!