Samarqand viloyati Ekologiya boshqarmasi

🚯 Qachon chiqindi tashlash madaniyatini o‘rganamiz? Paxtachi tumani Sardoba MFY hududidagi mahalliy ko‘chasi yoqasining belgilanmagan yeriga shu mahallada yashovchi fuqaro J.Sh kundalik turmush jarayonida hosil bo‘lgan qattiq va qurilish chiqindilarni keltirib tashlatganligi holati kuzatildi. Holat Paxtachi tuman Ekologiya, atrof-muhitni muhofaza qilish va iqlim o‘zgarishi inspeksiyasi davlat inspektorlari tomonidan hududda olib borilgan nazorat reyd tadbirlari davomida aniqlandi. Shu bois, fuqaro J.Shga nisbatan MJtKning 91-moddasi prim1-qismiga muvofiq 680 000 so‘m miqdorida jarima qo‘llanildi. Shuningdek, atrofda tozalash ishlari olib borildi. 🔶 Hurmatli yurtdoshlar atrof-muhit muhofazasiga, uning orastaligiga barchamiz birdek masʼulmiz. Shunday ekan siz ham o‘z masʼuliyatingizni aslo UNUTMANG! Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

#Munosabat Ijtimoiy tarmoqlar orqali “Toyloq tumani “Xo‘jayuz”ning yuzi “pampersxona”(mi?)” mazmunida tarqalgan video murojaat yuzasidan Toyloq tumani Ekologiya, atrof-muhitni muhofaza qilish va iqlim o‘zgarishi inspeksiyasi davlat inspektorlari o‘rganish ishlarini olib bordi. Maʼlum bo‘lishicha, haqiqatda ham tumanning Hujayuz MFYga olib boruvchi mahalliy yo‘l chetlariga yaqin atrofda istiqomat qiluvchi mahalliy aholi tomonidan kundalik turmush jarayonida hosil bo‘lgan maishiy va qattiq chiqindilarni keltirib tashlashi oqibatida hududda sunʼiy chiqindixona paydo bo‘lganligi maʼlum bo‘ldi. Shu bois, davlat inspektorlari tomonidan maxsus texnikalar jalb etilgan holda hududda obodonlashtirish ishlari tashkil etilib, chiqindilar olib ketildi. Shuningdek, Xo‘jayuz MFY masʼullari va fuqarolari o‘rtasida tushuntirish ishlari olib borilganligini maʼlum qilamiz. Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

🌳🪓Daraxtni ruxsatsiz kesigani o‘ziga zarar keltirdi Kattaqo‘rg‘on tumani hududida reyd kuzatuvi olib borish jarayonida, Mullako‘rpa mahallasida yashovchi fuqaro E.M tomonidan mahalla hududidagi o‘sib turgan ikki tup tuya archa daraxtini o‘zboshimchalik bilan kesib tashlaganligi maʼlum bo‘ldi. Holat yuzasidan davlat inspektorlari tomonidan huquqbuzarga nisbatan MJtKning 79-moddasi 1-qismiga muvofiq maʼmuriy bayonnoma rasmiylashtirilib, 10 mln. 200 ming so‘m miqdorida jarima belgilandi. Shuningdek, kompensatsiya tarzida 10 tubdan manzarali daraxtlar ekish va 3 yil davomida parvarishlash vazifasi yuklatildi. 👉 Eslatma; bugungi kunda Respublikamizda davlat o‘rmon fondiga kirmaydigan daraxt va butalarning kesilishiga qarshi moratoriy joriy etilishi munosabati bilan daraxtlarni tegishli ruxsatlarsiz kesish qatʼiyan man etiladi. Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

💦🚘 Avtomobillarni yuvish shoxobchalari o‘rganilmoqda Narpay tumani inspeksiyasi davlat inspektorlari tomonidan tuman hududlarda joylashgan avtomobillarni yuvish shoxobchalarida o‘rganish va xatlovdan o‘tkarish ishlarini olib bormoqda. O‘rganishlar davomida avtomobillarni yuvish shoxobchalarining Ekologik meʼyoriy hujjatlari va suvdan maxsus foydalanish uchun ruxsatnomalari mavjudligi kuzdan kechirilib, kamchiliklar yuzasidan ko‘rsatmalar berib o‘tilmoqda. Shuningdek, davlat inspektorlari tomonidan avtomobillarni yuvish shoxobchalari sohiblariga ogohlantirish xatlari ham berilmoqda. Bugun, 6-may kuni ham tuman hududidan o‘tuvchi markaziy va ichki yo‘l bo‘ylarida olib borilgan nazorat tadbirlari davomida ham 10 ga yaqin avtomobillarni yuvish shoxobchalari ko‘zdan kechirilib, ekologik talab va tartib normalariga amal qilmay faoliyat olib borilayotganligi kuzatilgan shoxobchalar masʼullariga qonun talablariga muvofiq choralar ko‘rilib, tushuntirish ishlari olib borildi. Manba: Matbuot xizmati

#Munosabat Ijtimoiy tarmoqlarda Samarqandda qadimiy masjid oldidagi ko‘kargan daraxtning kesib ketilganligi to‘g‘risida maʼlumot tarqaldi. Holat yuzasidan Samarqand shahar Ekologiya, atrof-muhitni muhofaza qilish va iqlim o‘zgarishi inspeksiyasi shuni maʼlum qiladiki, Samarqand shahri Namozgoh MFYda yashovchi fuqaro U.Babayevning arizasiga muvofiq, mahalla hududidagi ikki tup chinor daraxtlarining biri batamom qurib qolganligi, ikkinchisi esa qisman quriganligi bois, 2024-yil 3-mayida xulosa xatiga muvofiq, 1 tup 50 sm chinor daraxti batamom qurib qolganligi bois tak qismidan va uning yonida turgan 1 tup 55 sm chinor daraxtini faqat yuqori qismi qurib qolganligi bois ustki qismi obodonlashtirish boshqarmasi xodimlari tomonidan belgilangan tartibda kesib olinganligini maʼlum qilamiz. Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

#Munosabat Ijtimoiy tarmoqlar orqali “Oqdaryo tumani Zarafshon daryosidan. Ko‘prikdan unchalik uzoq emas. Hozirda baliq ovlash taqiqlanganiga qaramay, brakonyerlar taqiqlangan usullardan foydalangan holda kunduzi baliq tutadilar” mazmunida xabar tarqaldi. Holat yuzasidan Oqdaryo tumani Ekologiya, atrof-muhitni muhofaza qilish va iqlim o‘zgarishi inspeksiyasi davlat inspektorlari tomonidan tezkor o‘rganish ishlari tashkil etildi. Aniqlanishicha, haqiqatda ham Samarqand tumani Ohalik MFYda yashovchi fuqaro A.Sh tomonidan qo‘lbola yasalgan to‘r bilan Qoradaryo daryosida yangidan qurilgan suv to‘g‘oni atrofida noqonuniy tarzda baliq ovlayotgan ekan. Shu bois huquqbuzar fuqaroga nisbatan MJtKning 90-moddasi 1- qismiga binoan, BHMning 10 barobarida jarima qo‘llanilib, ov mavsumi taqiqlangan davrda ov qilish mumkin emasligi to‘g‘risida ogohlantirishlar berilganligini maʼlum qilamiz. Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

#Munosabat Ijtimoiy tarmoqlarda Samarqand shahar “Yoshlik” Istirohat bog‘i hududidagi manzarali daraxtlar kesilganligi to‘g‘risida maʼlumot tarqaldi. Holat yuzasidan Ekologiya, atrof-muhitni muhofaza qilish va iqlim o‘zgarishi Samarqand shahar bo‘limi shuni maʼlum qiladiki, o‘rganish ishlari olib borilganda, bog‘ hududidagi hech bir archa kesilmagan, biroq  nomaʼlum shaxslar tomonidan istirohat bog‘i hududidagi vaqtincha saqlash chiqindixonasiga manzarali daraxtlarni kesilgan shoxlarini olib kelib tashlab ketganligi aniqlandi. Hozirda mazkur holat yuzasidan qo‘shimcha tarzda surishtiruv o‘rganish ishlari olib borilayotganligini maʼlum qilamiz. Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

#Jarayon 🌱Kattaqo‘rg‘on tumanida kanal va zovur yoqalarida yashil belbog‘lar tashkil etiladi Bu haqda tuman hokimi J.Tulqinovich Kadan va Mundiyon mahalla hududidan oqib o‘tuvchi Jumagul kanalida qurilishi taʼmirlash ishlarini kuzdan kechirish davomida taʼkidlab o‘tdi. Shuningdek, kuzatuvlar chog‘ida hududda olib borilgan qurilish, taʼmirlash ishlari jarayonida hosil bo‘lgan qurilish chiqindilarni bartaraf etilishi hamda kanalning muhofaza hududida "Yashil makon" umummilliy loyihasi asosida yangidan mevali va manzarali ko‘chatlar ekilishi va yashil belbog‘lar tashkil etilishi yuzasidan bajarilishi lozim bo‘lgan ishlar to‘g‘risida masʼullarga topshiriqlar berildi. Samarqand viloyati Ekologiya boshqarmasi matbuot xizmati Kanalga qo‘shiling👇👇 🕊Telegram|📱Facebook|📺You Tube|📱Instagram

#Tungi_reyd Samarqand viloyat Ekologiya atrof-muhitni muhofaza qilish va iqlim o‘zgarishi boshqarmasi xodimlari tomonidan viloyatning Urgut, Toyloq, Bulung‘ur va Jomboy tumanlari hududidan oqib o‘tuvchi Zarafshon daryosi O‘zbekiston Respublikasi Prezidentining 2024-yil 17-yanvardagi. “Suv havzalarida noruda materiallarni qazib olishni tartibga solish chora-tadbirlari to‘g‘risida”gi 14-son Farmoni ijrosini taʼminlash maqsadida, o‘tkazilgan reyd tadbiri davomida daryo o‘zanidan 2 nafar fuqarolar tomonidan o‘zlariga tegishli bo‘lgan ekskavatorlarda tegishli ruxsatnomalarsiz noqonuniy ravishda qum-shag‘al materiallarini qazib olayotganligi aniqlandi. Aniqlangan holatlar yuzasidan huquqbuzarlarga nisbatdan O‘zbekiston Respublikasi Tabiatni muhofaza qilish to‘g‘risidagi, yer osti boyliklari to‘g‘risidagi Qonunlari talablarini buzganligi sababli MJtKning 70-pr1-moddasi 1-qismiga asosan, har biriga 10 mln. 200 ming so‘mdan maʼmuriy jarimalar qo‘llanildi. Samarqand viloyati Ekologiya boshqarmasi matbuot xizmati

Ekologiya 24 #4may #uzbekiston24 Kanalga qo‘shiling👇👇 🕊Telegram|📱Facebook|📺You Tube|📱Instagram