٢5ّ

‏أمشي وقلبي سواة القدس محتلّي ‏عليك قلبي جريح و حالتي حاله ‏معقول يا سيِّد الخفرات ياخلي؟ ‏مستعمر القلب مايدري عن أحواله ‏أخذت قلبي تكرّم و أخذني كلي ‏يانور عيني سهوم الهجر قتّاله .

عفى الله عن جوفٍ به الحزن ماينشاف يكن الضيق في صدره ولا جاب له طاري .

عشّمت فيه الظن والظن به خاب ‏من وين أجيَب لخيبته ظن ثاني؟ .

دافعت عنك ولانفعني دفاعي ‏وسويت لك قيمه وكبّرت مركاك ‏وصدّيت عنك وحان وقت الوداعي ‏والدرس درسك والخطايا خطاياك ‏واليوم خليتك مطبٍ صناعي ‏أمر وأنته معترض واتعداك ‏وحنا وطينا فوق روس الأفاعي ‏وشلون ناقف عند مثلك وشرواك ؟ (:

لا بغيت أسج ولا أنبسط ساعه ‏دق قلبي من ورى حدب الأضلاعي ‏كنّ من بين الضلوع آلة طباعه ‏تشتغل لا نمت و أقوم مرتاعي . - سعد بن جدلان .

من جاء مرحب فيه والله يحييه واللي يروح الله يحفظه ويرعاه .

أنت ممرضني وأعرف المرض فيكم وفيّ ‏والهبوب البارده منك هبّت في حشاي ‏ليلي أسهر به وإلى جاء النهار أشلا شوي ‏مرةٍ أشلى ومرٍ يعاودني بلاي .

سامح الله واحدٍ قفّى ولا عنده رجوع ‏وواحدٍ جاه النصيب وراح يتبع غايته .

جعل الله يسامحه ويسّمح دروبه ‏خلاني أبيع خِلّاني وخَلاني .

ترفق على جوفٍ تلوى بك و مطيور ‏يا نبع الهوى الغربي بعد ديمةٍ حيّـه .

ماوادعتك وداع اللي سمح وموادع المجبور يبيّن خلّته لاضاق صدره وانكشف عيبه أنا وياك ما أخترنا نهاية دربنا المهجور خذلنا الحظ لا والله خذلنا الشك والريبه .

اللّيالي⁩ ⁦عيّفتني⁩ وأنا طبعي عيوف ‏لين نفسي فضلّت صبرها وسكاتها ‏شي من حدة مزاجي وشي من الظروف ‏متشبعٍ من ضجيج البشر و أصواتها .

آه⁩ ⁦ ياغفوات⁩⁦ الأسحار⁩ماقبل⁩ ⁦ الطلوع ‏وآه من شيٍ ذكرت وعلى بالي طرى .

آه⁩ ⁦ من⁩⁦ ضيم⁩⁦ الغرابيل⁩وصدوف الزمان ‏وآه ⁦ من⁩غدر اللّيالي وأبو خَدرٍ وساع ‏أجحد الضيقه بصدري وكن مالي لسان ‏وأصنع ⁦ من⁩الحزن ضحكه بقدر المستطاع .

لكنّي يادكتور جعلك ماتهون ‏أبيك كلمة راس دامك مابديت صورة عديل الرّوح عندك فالعيون ‏وأخاف تقطعها بموسك ماوعيت ‏ولاعليك أمر إطوها تحت الجفون ‏وعقبه لو تقطع عيوني ماشكيت .

‏أحيان أجيب لمخطي الراس تصحيح ‏وأحيان مدري عن خطاي وصحيحي ‏يالله بحظٍ ما يخليني أطيح ‏وإن طحت ماحدٍ يدري عن مطيحي .