ڤِينْكَا

صباح الخير . هتتعدل واللي جاي كله خير ❤️

معقول الرجالة قيمتها في المجتمع قليلة لدرجة إن كل اللي بيتخطفوا ستات!! ولا يمكن المجتمع بيعاني من خلل فبيعملوا توازين بأنهم يقضوا على الستات!! بسنت سيد .

😂😂😂

خلينا متفقين أن أي علاقة بيدخل فيها طرف تالت بتبوظ حتى لو كان الطرف دا متدخل للتصالح . - العلاقات مبتستمرش غير لما بيكون بابها مقفول على أطرافها الأساسيين فقط، وأسهل وسيلة لهدمها وجود الطرف التالت في حياة حد فيهم أو في حياتهم هما الاتنين . بسنت سيد .

أنا قلبي مدابش في هواك بس . - أنا قلبي داب في هواك وفي ضحكتك وفي حنيتك وفي عيونك! بسنت سيد .

يا حبيبُ عمري السابق والقادم والحالي . يا حبيبُ كل الأوقات . أُحبُك . بسنت سيد .

عندي تفاصيل كتير أوي في حياتي طفولية وبسيطة وصغيرة هي سبب لسعادتي زي إني أرسم وردة، أسقي زرعة، ألون شجرة! بس للأسف السعادة دي مش بتدوم علشان أنا معنديش اللي أشاركه أصغر تفاصيلي اللي بتبسطني فبفقد شغفي وبسكت . بسنت سيد .

تجربة شخصية كدا . النهاردة كنت رايحة الامتحان متوترة بحكم إني هكمل غصب عني وخايفة بقى وكدا . المهم ركبت العريبة وقربت أوصل الجامعة لقيت السواق وقف يفول العربية ونزل وساب أغنية لمصطفى كامل بتقول وأنا هشرب المر لوحدي ليه أشربه معايا . مكنتش دي المشكلة معايا خالص، المشكلة إن الشاب اللي كان قاعد جمبي قعد يعيط بإفراط . وأنا أهديه واللي قدامي يهديه والأغنية شغالة وأنا خايفة والسواق مش موجود والناس اللي قاعدة قدام في ماية المخلل والشاب يعيط وأنا تكة وكنت هعيط لعياطه . المهم خلاص ونزلت وخدت نفس عميق علشان أعدي الطريق بتركيز فالطريق لقيته واقف فبعدي بين العربيات لقيت الشاب اللي ورايا بيقول لبنت في التليفون «لو مدلعتش عليكي هتدلع على مين يعني» . وحقيقي كان هاين عليا أرمي نفسي قدام أي عربية وأخلص خصوصا بعد ما أنتبهت إن اليوم كان تلات ودا من أكتر الأيام التقيلة على قلبي 🥲 أد إيه الواحد بيعاني من العالم الخارجي بجد أرحمونا بقى😂

- أنا أتعلقت وهويت وحبيت بس أتغدر بيا! بسنت سيد .

أنا مببيعش ولا بنسى . كل حد بيدخل حياتي ويمشي أو حالنا يتغير بيسيب فيا أثر سواء بلإيجابي أو بالسلبي بيفضل في ذاكرتي . ولا بيهون عليا العشرة ولا عُمر هان عليا، اللي بيتعلق بحد مبينسهوش، واللي بيحب حد مبيكرهوش . بسنت سيد .

بس أنا جمبك . - وأنا مش عايزة حد جمبي، أنا هقدر أسند نفسي بنفسي، أنا أعيش عمري كله بواجه الحياة بطولي أحسن ما أميل على حد وأعيش ندمانة العمر كله إني سندت على كتف غير كتفي . بسنت سيد .

متنسوش دعائكم لطلاب الثانوية العامة والثانوي الأزهري . لحد سنة ٢٠٢٠ وما قبل كان كل الناس بتهتم تذكرهم في دعواتهم كل ليلة وكل لحظة وكل المساجد في كل الأوقات وكل يوم في صلاة الفجر من شهر رمضان وحقيقي أنا من ضمن الناس اللي كانت بتستنى تسمع الدعوات دي علشان آمن وراهم . السنة اللي فاتت والسنة دي حقيقي هما مظلومين جدا لأنهم منسيين من فقة كبيرة أوي حتى محدش أفتكرهم في رمضان اللي فات واللي قبله . ياريت كل واحد يعرف حد في ثانوي يهون عليه بجد حتى لو بكلمة واحدة بس، نظام التعليم وحش وهي مش سنة زي أي سنة في ناس بتعتبرها نهاية المطاف وفي ناس واخداها عادي، إحنا كل اللي نعمله نقدملهم الكلمة الحسنة وبس والباقي على ربنا ❤️ ربنا معاكم جميعا ويفرح قلوبكم يارب وأهم حاجة اللي يعدي مترجعوش ليه خلاص ركزوا في اللي بعده وإن شاء الله خير يا جامدين أنتم أدها ❤️❤️💪🏻 «ياريت كل طلاب الثانوية العامة هنا يكلموني لما يجيبوا النتيجة مهما كانت في مفجأة هتبقى مستنياكم» ❤️💪🏻

مفيش أسوا من إحساسك وأنت خارج متأكد من سؤال وحيد عامله صح وتتصدم في الآخر إن أنت حمار مخطط وإجابتك غلط فيبقى كل الامتحان محلول بالبركة . بسنت سيد .

في المشاكل العائلة والأسرية بوجه عام الصغيرين دايما بيتاخدوا بذنب أهاليهم حتى لو ملهومش دخل ودا سبب كافي لتفكك أي روابط كانت موجودة . بسنت سيد .

في حد معين كدا عايزة أقوله أنت كنت حظ فعلا؛ بس حظ أسود ومهبب وخرا على دماغي . بسنت سيد .

ليت الشباب يعود يوما . - يابنتي ما أنت لسا في بداية الشباب! بجد؛ أومال مالها الحياة بتعاملني أكن عندي ٦٠ سنة ليه؟! .

ليس أنا من أراد كل هذا؛ بل نفسي المهزومة هي التي وضعتني إجبارًا . بسنت سيد .

جماعة ياريت مفيش ولاد تدخلي برايفت سواء فيس أو تليجرام علشان أنا خلقي ضيق وبهزق أي حد ملزق تمام . ياريت كل راجل يصون كرامته مني ونكتفي بتبادل الدعم والاحترام من بعيد لبعيد . أنا مش بتاعة تعارف والله يا جماعة أنا بتاعة تهزيق فلو عايز تهزق نفسك يسطا تعالالي🤍