ڤِينْكَا

إحنا مش داخلين مسابقة مين أكتر واحد مشاكله أكتر مش هنعلي على بعض كمان في الحزن!! كل واحد حزين بالطريقة لا أنت زيي ولا أنا زيك، لا أنت مكاني ولا أنا مكانك . فياريت تقدر حزن اللي قدامك يا إما تخرس خالص ومتندمهوش أنه أتكلم . بسنت سيد .

بس أنا كنت فاكر .... - شششششششش دا يعلمك إنك متفكرش وتتوقع أي حاجة من الكل حتى من نفسك . - الأيام مبتسيبش حد على حاله كله بيتغير . بسنت سيد .

كل حاجة تروح منك أتأكد أنها مكنتش تستاهلك أنت تستاهل الأحسن والأفضل، كمل طريقك واللي مكتوبلك هيجيلك هيجيلك . بسنت سيد .

الأصعب من شعور فقدان أي حد عزيز علينا هي وجود ذكرياته معانا . لا منك قادر تمسح حاجة وتنسى وتكمل ولا منك قادر تخلي كل حاجة وتدي لنفسك أمل إن كل حاجة ممكن ترجع . فتفضل متعلق بين النسيان وعدم النسيان وتعيش عمرك كله عايش حزين بسبب شخص . بسنت سيد .

لقد تُركت وتُرك قلبي بين فجوة الحزن العميق والصراعات التي لن تنتهي . بسنت سيد .

https://instagram.com/passantt_sayed?utm_medium=copy_link على فكرة اللي مش على الانستا فايته كتير🧘🏻‍♀

مش مهم اللي فات المهم اللي جاي . مش مهم اللي عدى المهم اللي هيعدي . أسرق الوقت قبل ما هو يسرق الشوية اللي فاضلين من عمرك . بسنت سيد .

تذكر يا بن آدم أنها فانية . فاعلم جيدًا أن الخطوة الواحدة التي ستُخطيها في طريق الدُنيا سوف تحدد طريقك في الآخرة . فاحسن أعمالك وكُن من الصابرين . بسنت سيد .

- الشخص المريض نفسي أو الحزين أو أي كان من الحالات دي هو واجب ومفروض عليه أنه يصلي ويذكر ربنا ويدعي بس هل دا كافي يخليه مبسوط بقى ويرجع إنسان طبيعي بحياة طبيعية؟؟؟؟؟! الإجابة هي لأ؛ هو محتاج بجانب المفروض عليه أنه يتكلم يطلع اللي جواه سواء لدكتور نفساني أو صديق أو أيا كان الشخص، محتاج يحس إن في حد سامع كل الخراب اللي جواه ويديه نصيحة أو يتكلم معاه يخرجه من اللي هو فيه أو يهون عليه ولو بكلمة أو حتى بحضن يحسسه فيه بالأمان وأنه مش لوحده . محتاج حاجات كتير أوي تعوضه عن كل ألم ووجع شافه في حياته سواء من مشاكل أهله أو شريك حياته أو صحابه أو مشاكل الحياة نفسها . - مفيش حاجة واحدة بتجيب نتيجة لا صلاة لوحدها هتنفع من غير معافرة ومقاومة ولا نصيحة هتنفع من غير وجود ربنا جواك . ودي النصيحة اللي حابة أوجها لأي حد عايز كل اللي حواليه يمشي بالصلاة والدين وبس مش دا اللي ربنا قال عليه وإلا مكنش هيبقى الأب سند لعياله وكل واحد يعتمد على نفسه، ومكنش الاصدقاء سبب في أن الإنسان ميحسش بوحدة وينتحر، ومكنش هيبقى في دكتور نفساني علشان يعالج أي حد مريض بالاكتئاب . افهموا الدين والحياة صح ممكن كلمة منك تنهي حياة إنسان وبكلمة تانية تديله الأمل ويعيش بقيت عمره على حروف بسيطة رنة في ودانه منك! . بسنت سيد .

نركز في البيك شوية . دي هدير واحدة بلوجر مشهورة جدا وكمان من الفيمنست، نزلت استوري انستجرام مضمونها أنها حزينة يعني، ودا كان رد حد من متابعيها عليها صلي واستغفري . كان رد هدير كالآتي هل دا حل للأمراض النفسية؟! . ناس كتير أوي مببتحبش تواجه الواقع وواخدين الدين بحدية لدرجة أنهم ممكن يسيبوا اللي قدامهم يموت لمجرد بس أنهم ماشيين ورا عقيدتهم . الحقيقة إن الصلاة وذكر الله فيهم طمأنينة كبيرة للقلوب وراحة نفسية دا غير إن دا فرض علينا . بس هل ياترى دا كفاية لوحده لأي حد حزين أو مريض نفسي يعمله ؟؟؟!! . طب نيجي نعاير الموقف من وجهة نظر تانية . - الشخص المريض بالقلب أو الكانسر أو أي مرض في الدنيا هل ينفع معاه أنه ياخد العلاج وبس؟! الإجابة لأ؛ ياخد العلاج علشان دا الطبيعي والمفروض عليه ولازم إجباري يعيش في راحة تامة علشان العلاج من غير راحة ومجهود مش هيجيب نتيجة .

اللي عايز القناة دي يبعتلي برايفت بسعر رمزي جدا . @passantsayed .

يمكن متكونش دي الحياة اللي إحنا كنا بتمناها زي ما في حاجات كتير أوي مجبارين نتأقلم عليها علشان مفيش في إيدنا حاجة نغيرها، بس الأكيد إن ربنا شايلنا الحياة اللي نستحقها عنده يا إما هتاخد وقتها وتيجي في الدنيا أو يمكن في الآخرة ونفضل طول عمرنا بنعاني! بسنت سيد .

كله يهون أهم حاجة الصحة، ولو الصحة مش موجودة هات صبار وأدفن نفسك مفيش وقت للتفسير . بسنت سيد .

أنا جاية أثير الجدل وأقول إني بحب الفيمنست جدا وبأيدهم فكريًا . بسنت سيد .

أنا اتعودت على كل حاجة وحشة تحصل وبقيت دايما بتوقع الأسوأ ودا مش علشان أنا شخص متشائم إطلاقا دا علشان أنا مشوفتش في حياتي حاجة عدلة غير البصيص . ودا للأسف بيخليني انبهر بالحاجات الطبيعية الكويسة اللي المفروض أصلا أنها تحصل مش تبقى حاجة واو . حاجة مؤسفة جدا إن الأسوأ يبقى العادي والعادي يبقى الشيء المبهر . أد إيه الواحد مفتقد كل حاجة حلوة وكويسة، أد إيه الواحد مفتقد إنه يتصدم بالوحش كل مدة ومدة وميبقاش دا العادي بتاعه!! . - الواحد نسي الحياة الطبيعية من كتر ما الحياة المؤسفة مغطية عليها . بسنت سيد .

المشكلة إن معظمنا في السن دا بما فيهم أنا عادي بيجي وقت علينا كدا والمود دا محدش بيطلع منه غير بالصلاة والقرءان والاشتغال على النفس بمعنى؛ حضرتك تهتمي بنفسك صحيا نفسيا شكليا معنويا ترجعي علاقتك مع صحابك عادي تحاولي تعيشي الحياة الطبيعية بتاعة أي بني آدم لو أنت بتدرسي خلاص الامتحانات فاضلها أسبوع يعتبر اجتهدي كويس وبعد م تخلصي اشتغلي سلي نفسك الشغل عمره ما كان عيب حتى لو مش محتاجاه دا اكتساب خبرة، اتعلمي حاجة من عالنت، فنني أكل، اشغلي نفسك طول اليوم علشان تحسي بمتعة الحياة الطبيعية طول ما أنت عايشة في الكسل دا كل حاجة هتبقى سودا ووحشة قدامك فعلا . لازم تطلعي من الدور دا علشان أنت كدا بتضيعي وقت وبيفوتك عمر وهتندمي إنك ممتعتيش نفسك بحاجات مش هتتعوض زي قعدتك مع أهلك وحبايبك وصحابك وحياتك الطبيعية اللي بتضحكي فيها مش متصنعة . اسرقي الوقت قبل ما هو يسرقك .

اعملوا اللي عليكم واجتهدوا ومتقصروش وربنا عمره ما ضيع تعب حد حتى لو مختارش الطريق اللي أنتم عايزينه تيقنوا أنه هيحطكم في الطريق الصح اللي المفروض تمشوا فيه . ربنا معاكم جميعا ويفرح قلوبكم وقلوب أهاليكم يارب 🤲🏻🤍 أدعوا لكل طلاب الثانوية فضلا🤍

ثانيا بقى ودا الأهم . في بنات كتير أوي بتتعرض للتحرش من الجنسين وطبعا الأغلب من أشباه الرجال وبيسكتوا رد الفعل صادم، يا إما بيسيبوا المكان ويمشوا، وفي بنات بتخاف أصلا، وفي بنات بتخاف تحكي لأهلها يلوموا عليها هي سواء شكلها أو لبسها أو يشكوا فيها شخصيا . متسمحيش لحد يقولك ما أنت لو محتشمة مش هتسمحي لحد يبصلك اوعي تسكتي على الجملة دي حتى لو كانت من أهلك طول ما لبسك مش مبين مفاتنك! المجتمع والرجالة نفسهم بيلوموا على الست وبيسبوا المتحرش على أساس أنه إنسان بيعرف ربنا بيسيب المنقبة والمختمرة والمحجبة على أساس أنهم محترمين ويتحرش باللي بشعرها على أساس أنها شمال ودا تفكير وسخ ومهين لأن ببساطة معندهمش بربع جنيه عقل إن دا كائن متحرش لا هيفرق معاه كبير ولا صغير ولا تخين ولا رفيع ولا لابس أو قالع زي الحرامي بالظبط اللي بيسرق طفلة لابسة دهب أو ست كبيرة لابسة دهب النتيجة واحدة وهي امتلاك الدهب!!!!!!!!! . جسمك دا بتاعك أنت لوحدك يخصك أنت اضربي واشتمي وهزقي واضربي تاني واللي يقولك دا راجل كبير عيب هزقيهم هما كمان علشان في ناس برأس خنزير مش بتقتنع إن المسن أو الراجل اللي أد أبوكي يعمل كدا وإن أنت اللي بتتبلي عليه على أساس يعني الراجل بعضلات ومغري أوي . أنت اللي في الموقف يا تاخدي حقك وتسيبك من أي كلام وتبقى شجاعة وقوية يا تسكتي وتسيبي حقك وتفضلي عمرك كله ندمانة إنك مقدرتيش تحافظي على جسمك ونفسك .

أنا آسفة إني هقول المضمون بس علشان الكلام يفيد غيرها . «عن التحرش» أولا؛ هي فقدت جزء مهم جدا واكتفت أنها تقول للناس في حاجة إسمها أقلع اللي في رجلي وأدي بيه، في إيدين أضرب بالكف ألوح وش اللي تعدى على ملكي، مواقف التحرش بكل أنواعها سواء من ست أو راجل مش بس تلمي الناس أنت تاخدي حقك وبعدين الناس تاخده معاكي!! طبيعي الانهيار والصدمة اللي هيا فيها علشان دا رد فعل ردئ أوي وأي حد غيري هيشوف المسدج هيقول نفس الكلام، التحرش مبيفرقش بين واحدة بشعرها وجسمها باين من واحدة منقبة ولا مختمرة . الناس اللي بتقول ماهي لو الواحدة محتشمة محدش هيبصلها، حضرتك أصلا أنت لو متربي لو سوري قدامك من غير لبس مش هتبصلها وهتخاف ربك!! زي ما في مغتصبين كتير هتكوا أعراض أطفال كتير كان إيه المغري فيهم!! - اقعدي معاها واقنعيها أنها لازم تقول لأهلها أو فرد حتى خصوصا أنها حاجة ممستهاش بالعميق زي ما بتحصل لبنات كتير، وخلاص موقف وعدى والأيام هتنسي والمهم تخلي بالها وتخلي رد فعلها أقوى من كدا وبلاش فاقعة المرارة بتاعة أصلي بتكسف ازعق أصلي مبعرفش أصل مش عارف إيه اللي يقربلك باللي في رجلك حرفيا وحتى لو مقربش وعمل زي الموقف دا .