Basmah - Data- sem 6

اللي متاح معاه ورق سمستر 5 فيه بنت محتاجاه اللي متاح معاه يبعت على اليوزر دا @Z752l ، وكلنا بنهون على بعض باللي نقدر عليه

الحمد لله رب العالمين أنهم خلوا ال OSCE أول بأول لازم تفرحوا بخطوة زي دي ، والوقت معانا كويس نصيحتي كواحدة تحب لأصحابها اللي تحبه لنفسها ما تخليش الدراسة تيجي على حساب دينك والله إنه بركة رهيبة وراحة وسكينة ودا الأساس والأهم مش مجرد إضافة ، تاني اهم حاجة ذاكروا أول بأول والله السنة هتعدي اخف واحلى وهتحسوا بفرق كبير على المستوى النفسي والعلمي وعلشان تقدروا تطلعوا من السنة بأحسن ما يكون اتعلموا انكم تعملوا list كل يوم بالمطلوب وتحاسب نفسك عليها وتكون ذكي وانت بتحطها . ربنا يوفقكم جميعا ويسددكم ويرزقكم بركة الفهم وأخواتنا الوافدين والله اني حزينة ولكن ما تقلقوش ربنا هييسرها باذن الله حاولوا حد يمثلكم يروح لهم الكلية ولو محتاجين اي حاجه مننا ونقدر نقدمها ابعتولنا واحنا نكون معاكم

بسم الله الرحمن الرحيم السلام عليكم يا جنود قلعة الطب 🤍🫡 نأسف كالعادة على قطع آخر لويحظات الأجازة 🥹💗 قنوات أول سمستر فى سنة ٤ يا ٥٩ وبيكم وليكم ان شاء الله مكملين🤍 ربنا يجعله عام خفيف لطيف ونخرج منه جميعا محققين أهدافنا ومرضيين بإذن الله 💕 وانتَ معدى كدة #صل_على_الرسول وادخل بصابعك اليمين🙊💝 🔮 Basmah Data "7" 🔮 Basmah Mnemonics "7" 🔮 Basmah Quiz "7" 🔮 Basmah Quiz - Practical "7"

السلام عليكم ورحمة الله وبركاته في حالة لبنت عندها عشر سنين عندها ورم ف المعدة وبتابع في مستشفى الأطفال بالجامعة وأبوها شغال عامل باليومية وحاليا هي محتاجة حقنة سعرها ٣٥٠ ج كل ٣ أيام بالإضافة لمحاليل وعلاج تاني لأنها متوقفة عن الأكل والشرب الأيام دي وبتدخل مناظير وبتعمل تحاليل باستمرار بإذن الله هنساعدها بصدقة شهر ٨ فودافون كاش 01026061270

لأن زكاة العلم نشره . لاقيت ال 2 بلاي ليست دول النهارده ، وشوفت حاجات منهم ، من اعظم ما يكون الحقيقه ، عشان ف ناس بتسألني كتير تقولي انا وصلت ل رابعه وخامسه وحاسس اني مش عارف حاجه ف الطب وكل حاجه نظري . ال ٢ بلاي ليست دول فيهم الحالات اللي بتقابل الدكاتره وهما ف التكليف ، حالات الطواريء والاستقبال ، وحالات الاطفال العاديه ، وحالات كتير بتقابلنا ف حياتنا مع أهالينا . إن شاء الله تستفيدوا منهم جدا 1-https://youtube.com/playlist?list=PLdEtMNEmtC3HCRFd4RlLxX88CZsZaFt9x&si=s80Q5GHy5qwXKsql 2-https://youtube.com/playlist?list=PLdbDarq2VLKZhLspxwPRQhSOKfCJCLdbG&si=9g7JA840kJoAFKcZ

كدا انا قلقت عليكم طب اي رأيكم نعمل خطة كويسة وخفيفة ما نحسش بها خالص يا دوب عشر دقايق في اليوم مثلا لحد ما الدراسة تبدأ هنقسم مثلا احنا عاوزين نطلع بإي .. انا مثلا عاوزة ازود معلوماتي عن اكتر الحاجات المشهورة ، أنيميا وضغط وسكر والصداع والهبوط نحدد بس مصادر المعلومات اللي هتساعدنا في تعاملنا مع اللي حوالينا مش مجرد كلام نظري فإي رأيكم نكمل على كدا ؟

كتير منكم اكيد زيي ، بعد فترة الراحة والنقاهة من الدراسة وبدأنا نتقبل رجوع الدراسة في حياتنا تاني عادي محتاجين نثبت معلومات أساسية في مجالنا ونزود ثقافتنا عموما في المجال دا وكذلك ال skills فهل حد عنده طريقه كويسة وما تكونش مملة بردو أننا نزود الجانب دا في يومنا جنب الجانب الدين وباقي الجوانب