ULUG'BEK HAMDAM ijodi

ЭРК ЮКИ Кеча – тутқунликда сўз малҳам эди. Бугун – эркинликда у сени яралайди. Кеча севги бахт эди, бугун уни меъдангга теккан эски либосдай ечиб итқитасан. Худди шундай, бахтли бўлиш орзуингни ҳам чиқариб отасан. Мусиқа, меҳнат, турли хил кўнгилочар ўйинлар ёки изтироб чекиш, ҳатто хотираларга берилиш жонингга оро кирмайди, киролмайди. Ҳаёт!.. У ҳам эскириб увадаси чиққанини ҳис қиласан. “Кийилмаган битта либос қолди!”, – дейсан ўзингга ўзинг – “ўлим!” Бироқ у ҳам ҳаётнинг давоми бўлса, аниқки, ундан ҳам маълум вақтдан кейин зерикасан. Воҳ, эрк!.. Буларнинг ҳаммаси сенинг ишинг, сенинг қилмишинг!.. Сен шунчалар оғир юксанки, ортга қайтиб кишанларни такрор кийгинг – бахтли бўлгинг, севгинг, севилгинг келади. Яна орзуларга толсам, қайноқ давраларга борсам, улардан тўйиб-чарчаб, сув бўйларида ёлғиз кезсам, дарднок ва қувноқ хотиралар тўпласам, дейсан... Ахир, улар эркнинг турли-туман кўйлаклари-да!.. Шунда сен эртанги тўйга янги кўйлагини ҳозирлаб қўйган болакайдек ҳис қиласан ўзингни... Ҳақиқий эрк кишанларнинг парчаланишидами ёки уларни қайта кийишда?.. – билмайсан, ҳеч қачон билолмайсан ҳам... “Қисмат” деган азим дарёда “бир сомон парчаси”дек оқиб бораётганингни ҳис қилиб турасан, холос... Дарёнинг бошқа отлари ҳам бор, масалан, эрк деган. Балки эрксизлик тўғрироқдир. Хуллас, тилингиз қайси бирига ётса, ўшани айтаверасиз. Биласизми, униси ҳам, буниси ҳам тўғрига ўхшаб тураверади... Қисқаси, кеча – тутқунликда сўз малҳам эди. Бугун – эркинликда у мени яраламоқда... 17.07. 2014

Dunyo tiz cho‘ksa-da, sen oyoqda tur, Dunyo kirlansa-da pok tut oningni. Toki nazar tashlab, u senga bir qur O‘rnidan tursin-u qoqsin changini. Ulug‘bek Hamdam, 2016. https://t.me/UlugbekHamdamijodi

Яхши бўлишнинг ўзи етарли эмас, ўзни ёмонлардан қўрий олиш ҳам керак.

Муаммога имконият деб қара!