"Үлэ күүһэ" новости Горного улуса

🦆📸#нампишут Вот что обнаружила в только что добытой утке😨😨 Не могу понять, что это? Стоит ли есть?спрашивает наш читатель 🥵 @silatrudagorny

Сахалыы кэрэкэ тыллары түмтэ 👨‍👩‍👧‍👦"Туллукчаана" оҕо сайдар киинэ, эбээлэрэ, эһээлэрэ дьиэ кэргэни сомоҕолуур сахалыы кэрэкэ тыллары түмтэ. 🫶Бу көмүс тыллары күннээҕи олоххо туттуҥ, туһаныҥ, алаһа дьиэ иһигэр сахалыы толкуйу олохсутуҥ, дууһаҕытынан ылыныҥ, сүрэххитинэн сөбүлээҥ. ✍️"Далаһа" пресс-киинэ, Одуну. @silatrudagorny

📲Фотофакт: 🐷🐷Мытаахха "Дьиэ кэргэн экономиката" бырагыраама чэрчитинэн 16 сибиинньэ кэлэн, сайаапкалаах ыалларга түҥэтилиннэ. @silatrudagorny

📭📰Күндү ааҕааччыларбыт "Үлэ күүһэ" хаһыакка сурутуу ыытыллар. "Үлэ күүһэ" хаһыакка 2024 сылга сыл аҥаарыгар суруйтарарга тиэтэй 📰📰📰 Сыл аҥаарыгар-552,78 солк. Кумааҕы хаһыакка сурут - сонуннары көтүтүмэ✍️ ✅Почта, онлайн эбэтэр +7 (924) 168-02-35 бу номер нөҥүө суруйтарыаххытын сөп🙌 @silatrudagorny

Ийэ-аҕа педагогиката биһиги олохпутугар 👍Оҕолор сөбүлүүр идэлэрин талан, утуу-субуу бары үрдүк үөрэхтэри ситиһиилээхтик бүтэрбиттэрэ уонна оҕолонон-урууланан, билигин Бэрдьигэстээххэ үлэлии-хамныы сылдьаллар. Төрөппүттэрин курдук бэриниилээхтик, таһаарыылаахтык үлэлииллэр, кэнчээри ыччаттарын бэйэлэрин холобурдарынан иитэллэр. 👨‍👩‍👧‍👦🏠Мария Петровна Андреева, Егор Николаевич Чемезов дьиэ кэргэн оҕону иитиигэ сүрүн үгэстэрин, ийэ-аҕа педагогикатын сэргээн ааҕыҥ. Сиһилии ➡️https://сила-труда.рф/ije-a5a-pedagogikata-bihigi-olohputugar/ @silatrudagorny

#ыйытэппиэттиибит ⁉️Саҥа кэлбит автобустар хаһан сүүрэллэрий, ханнык нэһилиэктэргэ сылдьалларый? Ааҕааччыбыт ыйытыытыгар улуус баһылыгын солбуйааччыта Алгыс Стручков хоруйдуур: - Автобустар ГИБДД-га учуокка саҥа турдулар. Билигин даҕаны докумуонун, маршрутун оҥоруу процедурата элбэх. Былаан быһыытынан атырдьах ыйга үлэлээн саҕалыахтаахтар. Нэһилиэктэргэ барытыгар сүүрүөхтээх. Бу туһунан нэһилиэнньэҕэ хайаан даҕаны иһитиннэриэхпит. @silatrudagorny

😎☀️Лето - это время каникул и отдыха, и у подростков появляется много свободного времени. Многие из них в  этот период задумываются о возможности подзаработать. 👧💸👦А Вы знали что Управление центра занятости населения выдает материальную помощь подростку если он официально трудоустроился у ИП? - Рекомендуемый возраст для трудоустройства подростков - с 14 лет. - Материальная поддержка при трудоустройстве через Центр занятости может составить 6276,75 рублей. @silatrudagorny

Үөрэх кэмэ түмүктэнэр бу кэллэ. Маныаха төрөппүттэр сайыҥҥы кэмҥэ оҕолорун ханна сынньатар, тугунан дьарыктыыр туһунан толкуйдууллар. Бу туһунан редакциябытыгар даҕаны элбэх ыйытыы киирэр. Улуустааҕы үөрэх управлениетын сүрүннүүн специалиһа Аина Егорова маннык сырдатта: - Быйыл улууспутугар сайыҥҥы сынньалаҥҥа 830 оҕо лааҕырынан хабыллар. Оскуола үөрэнээччилэрэ 70 % лааҕырга сылдьыахтара. СВО төрөппүттээх оҕолорбутун 100 % хабар былааннаахпыт. Оскуолаларынан ыллахха, Сэмэн Данилов аатынан оскуола 120, Афанасий Осипов аатынан оскуола 80, Василий Филиппов аатынан улуустааҕы гимназия 40, Людмила Егорова аатынан Оҕону эбии үөрэхтээһин киинэ 60, кружковайга 120, ДШИ 40, ДЮСШ ый аайы 20-лии оҕону хабан үлэлиэхтэрэ. Нэһилиэктэринэн биирдии лааҕыр үлэлиэҕэ, ону таһынан агро хайысхалаах оскуолалар, "Эбэ", "Сокол" лааҕырдара, "Бэргэҥҥэ" сбордар былааннаналлар. Лааҕырга сылдьар оҕолор итии аһынан күҥҥэ иккитэ хааччыллаллар. Дьокуускайга, киин куораттарга, СВО, опека оҕолоругар путевкалар кэлэллэр. @silatrudagorny

🚑👨‍⚕️Бу күннэргэ улууспутугар Дьокуускайтан 2-ис нүөмэрдээх өрөспүүбүлүкэтээҕи балыыһа хирургтара үлэлииллэр. 🥼Кинилэр ыам ыйын 17 күнүгэр диэри олохтоохтору көрөн-истэн баран миэстэтигэр операция оҥоруохтаахтар. Мобильнай хирургтар былааннарынан 50 киһини эмтиэхтээхтэр. 🩸💉Сүрүннээн геморрой, варикоз, үөс тааһын ылыы операциятыгар болҕомто уураллар. @silatrudagorny

👨‍👩‍👧‍👦Дьиэ кэргэн күнүнэн итиитик-истиҥник эҕэрдэлиибит! Алаһа дьиэҕитигэр ил-эйэ уйаланнын, оҕо чуопчаарар саҥатынан туоллун. @silatrudagorny