የኛ ግጥሞች

#አዶት_የጠፋች'ለት በጭስ ተጨናብሳ ጥላሼቱን ለብሳ ቁንጅናዋ ባይታይ ቆሻ ከስላ ቢታይ ለሆዷ አይደለም ወይም ለእለት ጉርሷ ለኔ ይሁን አትልም አትሳሳም ለነፍሷ አንተ ተርበህ ቢታይ ቢርባት ነው እሷ አደፍሽ እንዳትያት አዶት አድፋ አታውቅም ልጇ አምረሽ ማየት ነውና የእናት ሕልም ጠላሁሽ አትበላት መውደዷ አያልቅም ውቡ መልኳ ጠፍቶ ምን እንኳ ባታምር እርምጃዋ ባይቀና ቢያንገዳግዳት ላንተ ማሰብ ስካር ከእኩዮችህ ፊት ልታያት ቢታፍር አልይሽ አትበላት አንተን ያላየቺ ቀን ሌቱም አይነጋላት ጥፍልኝ አትበያት ለራሷ አትኖርም መጠሪያም የላትም ስሟ ነው ያንቺ ስም የእንትና እናት ትባላለች የትም ጥፍልኝ አትበላት ሚትኖርው አንተ ሰጥታህ የሷን ሕይወት አንተም ትጠፋለህ ኣደይ የጠፋች'ለት አንቺም ትጠፍያለሽ አዶት የጠፋች'ለት(2x) ✍✍ ሣራ ይርጋ ***12/4/2015

በላነው ጠጣየው ከእንጀራ ከወጡ እግዛቤር ይስጥልን ሰንደቅ አይለውጡ የሚል ነው ነውጡ እኔ የምልሽ ውዴ የበላ በሙሉ ይዘምራል እንዴ እንደዛማ ቢሆን እንደዛ ከሆነ ሞሶሎኒ ባልባከነ ምንሽሩን በሰበረ ቁና ቀለብ በሰፈረ ።።።።።።። ጥጦስ ከሙሉ ግጥም የተቀነጨበ✍ https://t.me/etyop_poems

#ትካዜን_በብዕሬ ዛሬ በትላንት ነዶ ሲጨስ መንፈሴ በፍርሃት ሲታመስ ህልናዬ በጭንቀት ሲታረስ እንባዬ ከጎርፍ ልቆ ሲፈስ እህህ እያልኩኝ ስተክዝ ዓይኔን ፅልመት ውጦት በብርሃን ሲፈዝ ሰውነቴ እርቆኝ በራሴ እንዳላዝ ብርድ ብርድ ስሰማኝ ውስጠቴ ሲታረዝ የልቦናዬ ቁስል እያደረ ብሶ ሲመረቅዝ ከአንዱ ምናብ አድማስ ሌላኛውን ስመዝ አዕምሮዬ ሲታጨቅ በሃሳብ ልቤ ለሁለት ተከፍሎ ወዲያ ወዲ ሲሳብ ነፍሴ በሃዘን ታስራ ሰላምን ሲትራብ እህህ እያልኩኝ ስቆዝም መጎዜ ስያደክመኝ ሳዘግም ያልዘራሁትን ሳርም ያልታመመውን ሳክም ፍካቴ ረግፎ ስከስም ሕይወት ሲሆን እንደ ሕልም ስፅፍ ይቀለኛል እንዲህ ያለ ግጥም ትካዜን በብዕሬ ለእግዜሩ ነግሬ ✍✍ ሣራ ይርጋ

ግጥሞን ያድርሱን @bollaye

መቼ አለቀ ጉዴ መቼ ነው ያረረ ሳሳ ያልኩት ገመድ ደሞ እየከረረ ብቻውን የቀረ ዕጣው እዬዬ ነው የምድሩን ትቻለው ችግሬ ከሱ ነው አስረ ያዘኝ ብለው ልክ እንደ አንቀልባ አሻፈረኝ አለ እንዴት ሰውን ልባ ከፊትህ ቢያቅትህ ከኋላ እንኳን አርገኝ ያኔ ባንተ ግዜ ቀድሜ እንድገኝ ሰውም በሩን ዘጋ ሊተኛ እየዳዳው እኔ ክፍት አረኩት እንዳሻው ነው ዕዳው ችግሩን መልሶ ችግሩን ከቀዳው ማን ጠበቃ ሆኖ ማንስ ነው ሚረዳው አላወቁልኝም ወይም አልተግባባን የተለያየነው ሆዳችን ሲባባን ህመሜ ጠፍቷቸው በእጅ ቢዳብሱኝ ከሞት በረንዳ ላይ ደጃፍ አደረሱኝ ይብላኝለት እንጅ በምድር ለሚኖረው ቃል ሆኖ ተወልዶ ቃሉን ለሚሽረው ይብላኝለት እንጅ ውለታ ወዳዱን መቼም አያሳየኝ ወገን አከዳዱን ይብላኝለት እንጅ ላወቀው መንገዱን የማይመጣ የለም ከቻለው ሞገዱን መሔዴ ነው መሰል ደሞ አልኩ ቻው ቻው ቂም አልይዝም እኔ በዐለም መሠንበቻው እንዳይናድ እንጅ እንዳከስል ጉልቻው ካልተጠነቀቁ አይተርፍም ስልቻው ✍Eyuel........