صفحة الأستاذ بورويسة زكرياء

راح نقدملكم دورة مجانية قريبا ان شاء الله لفك شفرة عالم التداول و قيمة الرياضيات في عالم التداول راح نعطيكم حسب خبرتي المتواضعة و دخولي مجال التداول من الباب الواسع

سلااااام عليكم راني وليتلكم بعد غياب خفيف ان شاء الله راكم لاباس و راكم ملاح و راكم غاية و راكم انتيك توحشتكم كاش مانديرو حاجة في هذه الايام قولولي

انا هو آخر أستاذ يفتح التسجيلات و آخر واحد يغلق التسجيلات و الفاهم يفهم درك راني عطلة لمدة 2 شهرين و 10 أيام ديجا ني خايف يخلصو ليه ليه 🥲🥲 حابهم يطولو و نتوما وش رايكم ؟

لي سقاني قبل قالي أستاذ علاه قريت رياضيات و طب و هل عندهم علاقة بعضاهم اقول لك نعم لان في وقتنا الذكاء الاصطناعي يحتاج الرياضيات و الطب معا و ان شاء الله عندي عرض عمل مع ارقى الجامعات العالمية في مشروع للذكاء الاصطناعي الخلاصة انا درت لي عليا و شوف في الوقت لي يحتاجو لي مداير تخصصين معا و هاني لقيتها 🔥 سما جامي تقول حاجة معندهاش علاقة بحاجة خلاف لان ماتدريش العلم كيفاش يطور

و لاول مرة راح ندير انجاز كتاب مفصل في مادة الرياضيات راح يشارك فيه كل تلاميذي لي قراو عندي هذا المشروع بسيط لكنه نفيد جدا فكرة الكتاب هي ان الكتاب يغنيك عن دروس الدعم اطلاقا حتى و لو مكانتش عندك التحفيز بش تقرا في هذا الكتاب راح نجاوبو على كل الأسئلة لي نتوما تقولو عليها تافهة و تحشمو تسقسيو في كل الأخطاء لي يديروها المبتدئين فيه شجرة تنظملك افكارك فيه تاني الجانب النفسي و كيفاش تتحدى نفسك و تكون ضعيف في المادة و طور نفسك بيها المشروع ما يحبسش هنا بل راح بدوري نسجل فيديوهات طويلة فيها حل لكل الافكار و زيد تاني راح نديرو تطبيق ينظملك الدروس و التمارين الخاص بالكتاب و زيد تاني نديرو فيه الذكاء الاصطناعي يعني نتا تكتب السؤال تاعك و هو يجاوبك و يزيد يعطيك الطريق وين تروح تقرا مثلا الصفحة كذا او الفيديو كذا و يزيد يراسل الأستاذ و يحاول يعاونك على ايجاد جواب من الأستاذ و تاني امور ياتي الوقت المناسب و نخبروكم بيها هذا المشروع مستحيل نخدمو وحدي و انا كصاحب الفكرة حبيتكم نتوما تشاركو في هذا المشروع بعد الاصدار راح نحطو اساميكم كامل و اذا وصل هذا المشروع الى العالمية راح تستفادو ماديا تاني حنا ننتج الأفكار و الفكرة لاتموت ❤️

صحااا عيدكم تعيدو بالصحة و الهنا ربي يتقبل منا و منكم غفر الله لنا و لكم و ربي ينجحكم بالمعدل لي حابينو ❤️