жарық✨

бұрынғы заманым өлгенімше жетеді.

#байқайсыздарма? Қазір біз оқитын кітаптың тілі жеңіл, лажы болса жұқа, ішінде аз сөзге көп мағына сыйып тұрса дейміз... Сұраныс болған соң, соңғы шығып жатқан "бестселлер" кібаптың көбіі сондай. Тыңдайтын әннің мәтіні де солай, тым жеңіл, ырғақты... Ақшаға келгенде де аз жұмыс жасап, көп табыс тапқымыз келеді. Десе де біз жеңілге ұмтылған сайын біздің санамыз үшін бәрі ауырлап бара жатқан сияқты. Ақпараттық ағын жылдам ауысқандықтан жеңілге ұмтылған біздің бас қаңбақтай тұрақ таппай желге ұшып жүрген сияқты...

Қанат Тілеухан "Шатырдағы әйел" #неоқыдым Бұл жинақта "Қайтқан қыз", "Қараша", "Медаль", "Шатырдағы әйел", "Менің шешелерім", "Жезде", "Құдайдың үйі", "Әке күнделігі", "Көк кәстүм-шалбар", "Жерлеу", "Қарыз" және "Жаназа" атта повестьтері мен әңгімелері бар екен. Қанат ағаның мықты документалист екені, журналист екені баршаға аян шығар. Әңгімелері, сұхбаттары, деректі фильмі де ғаламторда бар. Бұрынырақ "Медалін" оқып едім. Кеше үйге жеткенше алғашқы 3 әңгімесін оқыдым. Түнімен жұмыс қарап, бір-екі сағат көзшырымын алдым да, тұрғаннан осы кітапты бас алмай оқып, аяқтадым. Бояусыз қазақ қоғамы, адамдардың жай-күйі, сезімдер, әрбірімізде бар, қалыптасып кеткен стереотиптерді де нәзік жеткізіпті. Тақырыптарының өзі ауызға жеңіл болғанмен, жүрекке ауыр. Қоңыр әңгіме оқығыңыз келгенде, шам жағып қойып оқитын кітап.📚

👥: Кітап оқуға қолым болмады. Мен: Кітап оқудан қолым босамады.

Бүгін кітап жәрмеңкесіне барғам. Бейнеде Қанат аға Тілеухан "Шатырдағы әйел" атты повесть және әңгімелер жинағына қолтаңба қойып жатыр. Ал "Ағыраптағы аты жоқ адам" романының авторы Қанат ағадан Әбілқайыр біраз сұрағыма жауап алдым... Жарты сағаттан аса сұхбаттастық. Соңғы жағында "Видеоға түсіріп алайын" дегенінде, бірден "Бейнеде шынайы болмаймын. Міңгірлеп қалам" дедім. Өтініш айтып, бәрібір түсіріп алды.🫠 Ал бұл бейнеде: "-Есіміңіз? -Аяла. -Біржанқызы емес пе? -Иә, Біржанқызы. (танығаны қызық сезім болғасын күлдім-ау) -Ә уже біліп жатыр." Әдемі естелік... Осында қалсын дедім.🫶✨️ 07.07.2024 жыл. 28 гвардияшы панфиловшылар саябағы

мен ауыр ойларды... қатені... күнәні... кінәні... көтеріп жүремін... мені де көтеріп жүреді жер күнде... мен осы ғаламға өзімді тануға келдім бе? өзімді табуға келдім бе... күз өтіп кеткендей. қыс та ертең өтеді.... о, тағы алданыш етеміз біз нені?! Жұлдыз Молдағали

Бірі – менде, бірі – ағашта, Қос жапырақ дір етті... Қуаныш Жазай

Жүрексіз бұл күн күлемін, жылап, Удан да бетер бал қайғым. Өтірік өмір сүремін, бірақ, Өтірік сүйе алмаймын. Қуаныш Жазай

Жол күтпеймін елеңдеп мен, Күтпес бізді, сірә, жол? Сен келмейсің. Келер Көктем – Менікі емес бірақ ол... Қуаныш Жазай