نقطة تحول مع ياسـمـين 🩶

محتاجين كفن ف صلاه العصر تكلفة الكفن 350ج، و200ج غُسل ودفن. لو حد حابب يساهم يبعتلي ابعتلوا رقم الكاش من ستر مسلماً ستره الله يوم القيامة 🤍 @Habiba22244

العلاقة الوحيدة المضمونة في الحياة، هي العلاقة بالله عز وجل.. {يحبّهم ويحبّونه..} تقتربُ شبرًا فيقتربُ ذراعًا.. تقترب ذراعًا فيقتربُ باعًا.. تأتيه مشيًا.. فيأتيكَ هرولة.. تستغفره فيغفر لك ولا يبالي.. تسأله مضطرًّا.. فلا تخيب! وإن منع عنكَ حاجةً فما ذاكَ إلا ليصلحَك.. علاقةٌ مضمونة لا خذلان فيها .. كلّ علاقةٍ سوى علاقة الإنسان بربه، قابلة للاحتمالات، ولا ضمانة فيها.. وإذا كان الواحد لا يضمن نفسه فكيف يضمن غيره من الخلق..! كن مع الله واستغنِ بهِ.. ولن يفوتك في الدنيا شيء! •«من وجدَ الله فماذا فقد…»💚🫀

"ربّ إنّي لِما أنزلتَ إليّ من خيرٍ فقير". يا واسعَ الجُود، لا تُهذبني بالمنع!

أذكركم وأذكر نفسي بأحتساب الأجر في كل شؤون حياتنا وما نقدمه فيها من خير وأن يكون خالصاً لوجه الله.

في يوم كنت قاعدة في البلكونة اللي على الشارع ومشغلة أغاني وبعد شوية لاقيت أمي جاية من المطبخ عليا وشدت السماعة من وداني وزعقتلي، ساعتها كان وقت آذان العصر فقعدت تديني نصايح وإن لازم نصلي ونقرأ الأذكار وانا عمري ما كنت بسمعلها. أصل أنا قريتها مرة ومحصلش حاجة في يومي، وجربت مرة تانية وطنشتها وبرضو اليوم عدى عادي! وبسبب زن أمي قومت اتوضيت وصليت وقولت أجرب مش هخسر حاجة، ومسكت الأذكار لاقيتها كتير كسلت أقراها.. جيت أقفلها حسيت بتأنيب ضمير واختارت دعاء واحد منها وهو: " اللهم إني أسألك خير هذا اليوم وخير ما بعده وأعوذ بك من شر هذا اليوم وشر ما بعده. اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي فاغفر لي، فإنه لا يغفر الذنوب إلا أنت " وقومت أشيل الزبالة عشان أرميها لاقيت الدنيا حر جدًا وكان فيه شوية رز على الرخامة، حطيتهم في طبق وحطيت شوية مية في طبق تاني وربطتهم في البلكونة عشان العصافير ممكن متلاقيش حاجة تهوّن عليها حر الجو ووقفت راقبتهم من بعيد لاقيتهم يياكلوا وبيشربوا وبعدين يغسلوا راسهم ويطيروا.. بصيت في الشارع لاقيت بابا بيضحكلي ومبسوط إني بحاول أتغير فشاورتله وقفلت البلكونة ودخلت، هو كان قاعد في السوبر ماركت بتاعنا اللي قصاد البيت.. شوية ولاقتيه طالع بيقولي إنه شاف فار في الكاميرا بتاعت المحل وهو بيحاول يدخل من باب البلكونة، ولولا إني طلعت وحطيت أكل للعصافير كان دخل، وبعد كام يوم سمعت من جارتنا إن الفار دخل عندهم وكل هدومها.. وقفت مصدومة لإني كنت حاطة هدوم فرحي في الأوضة اللي على البلكونة دي وكان ممكن يبوظهالي! معقولة مجرد ما قريت ذكر واحد وقولت لربنا يبعتلي خير اليوم ويبعد عني شره بعد عني الخساير دي كلها اللي كانت هتحصلي قبل فرحي؟ وأبويا راجل على قده وجايب الهدوم دي بجمعيات كتير بيعملها مع صحابه! كان ممكن بابا ميشوفش الفار في الفيديو وكان ممكن أرجع أبعد عن ربنا تاني وأبطل قراية الأذكار.. لكن بعد ما عرفت اللي حصل وانا مبقتش بسيب فرض ومهما كان فيا لازم أقول أذكار الصباح والمساء، وكان لازم أفهم من زمان إن كل خطوة الإنسان بياخدها في طريق ربنا بتحميه من تعب وحزن وشر كان ممكن يحصله ويدمر حياته. حافظ على الأذكار حتى لو مش شايف أثرها.. لإنها بتحميك من حاجات لو حصلت مكنش قلبك قدر يعيشها ❤ وخليك دايمًا على يقين إن أي حاجة بتحصلك في يومك خير ما دام ماشي صح وأذكارك ساكنة قلبك. وتذكَّر ما ألهمك الله الذِكر إلا ليفتح عليك فتحًا عظيمًا ❤

إنما الأرواح على صفاء نواياها تتلاقى🤍🤍

💌 مين فينا يستاهل؟ بلاش حالة اليأس وجلد الذات اللي بتعيش فيها كل ما تقع وتفضل تقول: "أنا عارف نفسي.. مستاهلش توفيق ربنا" "أنا مش زي الناس اللي بتتغير وتنجح.. وهفضل فاشل" بس هو مين فينا يستاهل أصلاً؟ لو ربنا بيتعامل معانا بعدله ماكانش حد فينا قدر يكمل أي حاجة احنا كلنا ماشيين برحمته أنت مش مطلوب منك تبقى مثالي إنت بس محتاج تبقى صادق.. خد بالأسباب وراجع نيتك واستعن بالله واجتهد وخليك موقن إن كل شيء بيد الكريم سبحانه وتعالى ولن يضيع الله سعيك 🤍

في معانا حالة أم وابنها الاتنين عندهم مشاكل في الصدر وحساسية هما بيحتاجوا علاج وبخاج ب ٣٠٠ج لو حد حابب يساعد في الحالة دي يبعتلي وهبعتلو رقم الكاش @Habiba22244 ما نقص مال من صدقة.

في قوله تعالى: 🤩وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَونًا وَإِذَا خَاطَبَهُمُ الجَاهِلُونَ قَالُوا سَلَامًا🤩 ‏ هل وجهتنا هذه الآية إلى باب عظيم في الأخلاق والسلوك وتربية النفس وتزكيتها؟ ‏ والبعد عن الغرور والعجب، والتوجيه إلى التواضع، والبعد عن الإستكبار. ‏ هذه الآية فيها من أسلوب التعامل مع الآخرين مايعجز عن وصفه وشرحه المُجلدات من الكتب .

‏[ أ/ آمال إبراهيم كمال ]

حتى لو صفحة واحدة، أو ربع حزب، المهم يكون ليكِ لقاء يومي مع كلام ربنا. مع الوقت ستشعرين ببركة في يومك، وراحة في قلبك، وقوة في إيمانك. لا تنتظري الهمة لتأتي، ابدئي ولو بالقليل، فـ أحب الأعمال إلى الله أدومها وإن قل.

يارب يا واسع يا لطيف !♥️

من أركان الدعاء: علو الهمة في الطمع في الله. سيدنا موسى عليه السلام طمع، فقال: ﴿رَبِّ أَرِنِي أَنْظُرْ إِلَيْكَ﴾ . وسيدنا سليمان عليه السلام طمع، فقال: ﴿رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي﴾. أنت ليه طلباتك صغيرة؟ ليه مستصعب الحاجة الكبيرة على ربنا؟ اطلب مشروع عظيم.. اطلب هداية أولادك كلهم.. اطلب الشفاء مهما قال الناس إنه مستحيل.. وقال النبي ﷺ: «إذا سألتم الله فاسألوه الفردوس؛ فإنه أوسط الجنة وأعلى الجنة». وأول اسم عرّفنا الله به في أول ما نزل من القرآن هو: ﴿اقْرَأْ وَرَبُّكَ الْأَكْرَمُ﴾. اطلب على قد كرمه سبحانه، لا على قد خيالك أنت، وأحسن الظن بربك، فإن الله عند حسن ظن عبده به. #أسرار_استجابة_الدعاء #علو_الهمة #حسن_الظن #حازم_شومان

✨ صباح الخير ✨ من امبارح أسعار حاجات كتير زادت... الكهرباء، والمواصلات، وغيرها من الاحتياجات اليومية. وده معناه إن الاعتماد على مصدر دخل واحد بقى صعب، ولازم كل واحد فينا يفكر من دلوقتي في تطوير نفسه. اتعلم مهارة جديدة، أو حرفة، أو حتى ابدأ تتعلم حاجة تقدر تزود بيها دخلك بطريقة حلال. الاستثمار الحقيقي هو استثمارك في نفسك. الظروف بتتغير، واللي بيتطور هو اللي بيقدر يواكبها. ربنا يرزقنا جميعًا رزقًا حلالًا طيبًا مباركًا فيه، ويغنينا بفضله عمن سواه. 🤲🌿

ادعو لي خالتي بالرحمه والجنه 🤲💔

🔥 في مرحلة ما… ستدرك أن الاستنزاف لا يأتي فقط من الأشياء التي تفعلها. بل من الأشياء التي تتحملها كل يوم. كلام تتغاضى عنه. مواقف تكتمها. مشاعر تؤجل مواجهتها. كل واحدة تبدو صغيرة وحدها. لكن تراكمها يصنع ثقلًا هائلًا. ولهذا، أحيانًا لا تحتاج أن تضيف شيئًا جديدًا إلى حياتك… بل تحتاج أن تتوقف عن حمل ما لم يعد لك.

أهل الخير.. ❤️ في سيدة أرملة كبيرة في السن تعيش مع ابنتها، وظروفهم صعبة جدًا، ومهددين بعدم القدرة على سداد إيجار البيت. قيمة الإيجار 1000 جنيه، وبفضل الله تم جمع 500 جنيه، ويتبقى فقط 500 جنيه حتى يكتمل المبلغ. لو 5 أشخاص فقط ساهموا بـ100 جنيه، أو أي مبلغ على قد الاستطاعة، ربنا يجعلها في ميزان حسناتكم اللي حابب يساعد يبعتلي وهبعتلو رقم الكاش ❤️ @Habiba22244

"خصص لك وقتًا تقرأ فيه كل يوم وردًا من القرآن، لا تتركه أبدًا.. ‏اقرأ بنية العمل به، وطلب الهداية، ونيل الأجور، والاستشفاء من الأدواء والهموم والغموم، وبنية نزول السكينة وغشيان الرحمة، واقرأ حتى يحبك الله وتكون من أهله وخاصته ".

يارب أدركني .. لو لاقيتك على هذا أخشى أن تعذبني. يارب أنا لا أجدُ بين جوَانِحي إلا قطعةَ حَجر لكني أريد وجهك وإن كنت كاذبًا في إرادتي فارزقني الصدق الشيخ : سمير مصطفى