پرۆفیسۆر خالید موحه‌ممه‌د ساڵح

پێویستە سنوورێک بۆ دەسەڵاتی دەزگاکانی ڕاگەیاندن دابنرێت: ئەوەی لە دەزگاکانی ڕاگەیاندنی سەر بەدەسەڵاتی ئەم هەرێمە ڕوو دەدات لە دونیادا بوونی نییە، کە بێژەرێک ڕۆڵی توێژەر و لێکۆڵەر و پارێزەر و دادوەریش دەبینێت و بەر لەهەر ڕێکارێکی یاسایی ئەوان کەیسەکان یەکلا دەکەنەوە و هەندێک جار ڕای گشتی بە شێوەیەک ئاراستە و چەواشە دەکەن کە ئەگەر پاش لێکۆڵینەوەی دادگا دەرکەوت ڕووداوەکە بەو شێوەیە نییە دادگا بە ئاستەم دەتوانێت ڕاستییەکان بۆ ڕای گشتی ئاشکرا بکات؛ چونکە دەکەوێتە ژێر پرسیاری ئەو شەقامەوە کە پێشتر دەزگاکانی ڕاگەیاندن بەلا ڕێیاندا بردووە؛ بۆیە پێویستە سنوورێک بۆ کاری ڕاگەیاندن و ڕاگەیاندکاران دابنرێت. #پڕۆفیسۆر_خالید

چۆن مامەڵە لەگەڵ بۆچوونە جیاوازەکاندا بکەین؟ ئەرکی سەر شانی ئێمەی موسوڵمان ئەوەیە کە زۆر بە سنگێکی فراوان و بیرێکی کراوەوە مامەڵە لەگەڵ بۆچوونە جیاوازەکاندا بکەین و کامەیان بەڵگەی بەهێز تر بوو بە گوێی ئەوەیان بکەین، هەرکەس و لە هەرکوێ بێت گرنگ نییە، گرنگ گەیشتن بە ڕاستییە، ئەوەیش کە بەڵگەکەی لاوازە ڕێزی تەواو لە خۆی و بۆچوونەکەی بگرین و دوعای خێری بۆ بکەین، کە خوای گەورە لەسەر ئەرک و ماندووبوونه‌کەی پاداشتی خێری بداتەوە." #پڕۆفیس_خالید_موحەممەد #پەرتوکی_خەمێکی_لەبیرکراو