Доктор Аллерголог

🤧 Allergik rinit astmaga o‘tmasin! Agar sizda allergik rinit bo‘lsa, faqat simptomlarni vaqtincha bosish bilan cheklanib qolmaslik kerak. 🔬 ASIT — allergenga xos immunoterapiya allergiyaning sababiga ta’sir qiladigan, kasallik kechishini o‘zgartirishga qaratilgan davolash usulidir. 📚 Tadqiqotlarda ASIT olgan bemorlarda: • astma rivojlanish xavfi kamayishi mumkinligi; • ayniqsa bolalarda va kamida 3 yil davom ettirilganda profilaktik ta’sir kuchliroq bo‘lishi; • allergik rinit simptomlari va dori vositalariga ehtiyoj kamayishi ko‘rsatilgan. (PubMed) Agar astma allaqachon rivojlangan bo‘lsa, to‘g‘ri tanlangan bemorlarda ASIT asosiy davolashga qo‘shimcha sifatida simptomlar, dori ehtiyoji va ayrim astma ko‘rsatkichlarini yaxshilashga yordam berishi mumkin. (PubMed) ⚠️ Eslatma: ASIT hamma bemorga bir xil tarzda buyurilmaydi. Avval allergen aniqlanadi, kasallik turi va astma nazorati baholanadi. 🩺 Sizda allergik rinit bormi? Allergiya sababini aniqlash va ASIT sizga mos keladimi-yo‘qmi bilish uchun bizga murojaat qilishingiz mumkin. 📩 Konsultatsiya uchun @allergolog profiliga yozing

❗️NAMANGANDA — ALLERGOLOG QABULI! Allergiya bezovta qilyaptimi? 27-sentyabr kuni allergolog va klinik immunolog Jasur Davlatov Namanganda bemorlar qabulini o‘tkazadi. 🩺 Quyidagi kasallik va holatlarda murojaat qilishingiz mumkin: 🤧 Allergik rinit va konyunktivit 😮‍💨 Bronxial astma, allergik yo‘tal va nafas qisishi 😣 Urtikariya (eshak-yemi) va angioedema 🧴 Atopik dermatit va boshqa allergik teri kasalliklari 🍎 Oziq-ovqat allergiyasi 💊 Dori vositalariga allergiya 👶 Bolalar va kattalar qabul qilinadi. 📅 27-SENTYABR | 09:00–15:00 Manzil: Namangan sh., G'irvonsoy 11-uy Mo'ljal: «Anor Bank» ro'parasi 📞 Qabulga yozilish: +99895-4010606

🫁 BRONXIAL ASTMANI DAVOLASHDA ENG KO‘P UCHRAYDIGAN 7 TA XATO! ⚠️ Astma bilan og‘rigan bemorga dori yozildi. Ammo nega nazoratga erishilmayapti? Ba’zan muammo preparatda emas, balki davolash yondashuvida bo‘ladi. 👇 ❌ 1. Faqat salbutamolga tayanish SABA (salbutamol) simptomni tez yengillashtiradi, ammo yallig‘lanishni nazorat qilmaydi. 📌 Astma davolashida ICS saqlovchi terapiya muhim. ❌ 2. Ingalator texnikasini tekshirmaslik Bemor dori qabul qilmoqda, lekin uni noto‘g‘ri ishlatyapti! 🎯 Har bir tashrifda ingalatsiya texnikasini tekshirish kerak. ❌ 3. ICS terapiyasiga rioya qilmaslik Bemor simptomlar kamaygach, ingalyatsion kortikosteroidni o‘zboshimchalik bilan to‘xtatadi. ⚠️ Bu astma nazoratining yomonlashishiga olib kelishi mumkin. ❌ 4. Triggerlarni e’tiborsiz qoldirish 🌿 Allergiya, virusli infeksiyalar, tamaki tutuni va boshqa triggerlar hisobga olinmaydi. Bemorning individual xavf omillarini aniqlash muhim. ❌ 5. Tashxisni qayta baholamaslik Har qanday yo‘tal yoki xirillash — astma degani emas. 🔬 Zarur hollarda spirometriya va differensial diagnostika o‘tkaziladi. ❌ 6. Astma nazoratini baholamaslik Faqat bemorning «yaxshiman» degan javobiga tayanish yetarli emas. 📊 Simptomlar, tungi uyg‘onishlar, reliever ehtiyoji va zo‘rayishlar baholanadi. ❌ 7. Davolashni individual tanlamaslik Har bir bemorga bir xil sxema mos kelmaydi. 🩺 Yosh, simptomlar, o‘pka funksiyasi, xavf omillari va davolashga javob hisobga olinadi.

❗️NAMANGANDA — ALLERGOLOG QABULI! Allergiya bezovta qilyaptimi? 27-sentyabr kuni allergolog va klinik immunolog Jasur Davlatov Namanganda bemorlar qabulini o‘tkazadi. 🩺 Quyidagi kasallik va holatlarda murojaat qilishingiz mumkin: 🤧 Allergik rinit va konyunktivit 😮‍💨 Bronxial astma, allergik yo‘tal va nafas qisishi 😣 Urtikariya (eshak-yemi) va angioedema 🧴 Atopik dermatit va boshqa allergik teri kasalliklari 🍎 Oziq-ovqat allergiyasi 💊 Dori vositalariga allergiya 👶 Bolalar va kattalar qabul qilinadi. 📅 27-SENTYABR | 09:00–15:00 Manzil: Namangan sh., G'irvonsoy 11-uy Mo'ljal: «Anor Bank» ro'parasi 📞 Qabulga yozilish: +99878-707-70-80

🚨 BOLANING LABI, QOVOG’I SHISHDI… DARROV “ALLERGIYA!” DEMANG! Ko‘z atrofi, lab yoki yuzning birdan shishishi — Kvinke shishi (angioedema) bo‘lishi mumkin. Lekin uning sababi har doim ham allergiya emas! 👇 🦠 1. Infeksiya — eng muhim sababchilardan biri Bolalarda virusli infeksiyalar angioedema va eshakemini tez-tez qo‘zg‘atishi mumkin. Oddiy shamollashdan keyin ham paydo bo‘lishi ehtimoli bor. 💊 2. Dorilar Ayrim antibiotiklar, og‘riq qoldiruvchilar va boshqa dorilar shish chaqirishi mumkin. 🍓 3. Oziq-ovqat allergiyasi Tuxum, sut, yong‘oq, baliq va boshqa mahsulotlar sabab bo‘lishi mumkin. Ammo “biror narsa yedi → labi shishdi” degani hali allergiya tashxisi emas. Ayniqsa reaksiya har safar aynan bir mahsulotdan keyin takrorlanishi muhim. 🤷‍♂️ Ba’zan esa aniq sabab topilmaydi — bu ham mumkin. ⏳ Odatda qancha davom etadi? O‘tkir angioedema ko‘pincha vaqtinchalik bo‘lib, bir necha soatdan 2–3 kungacha davom etishi mumkin. Gistamin bilan bog‘liq holatlarda zamonaviy antigistaminlar yordam beradi. 🚨 Ammo til yoki tomoq shishishi, nafas olish qiyinlashishi, xirillash, hushdan ketish kuzatilsa — zudlik bilan tez yordam chaqirish kerak. 👨‍⚕️ Kvinke shishi takrorlanayotgan bo‘lsa, sababini o‘zingizcha taxmin qilmang. Allergologga murojaat qiling. 🎯 Shishni yo‘qotish muhim. Ammo undan ham muhimi — uning sababini aniqlash! ✅ @allergiya

🍂 Kuz keldi — allergiya mavsumi yana boshlandi! Har yili kuzda: 🤧 aksirish, 👃 burun oqishi yoki bitishi, 👁 ko‘z qichishishi, 😮‍💨 yo‘tal va xirillash yana qaytadan boshlanadimi? Bunday holatda faqat simptomni bosuvchi dorilar bilan cheklanib qolish yetarli emas. Eng muhim savol: Allergiyani aynan qaysi allergen chaqiryapti? Agar sabab o'simlik changi yoki boshqa klinik ahamiyatli allergen ekanligi tasdiqlansa, ayrim bemorlarda ASIT — allergen-spetsifik immunoterapiya tavsiya qilinishi mumkin. 💉 ASIT nima? Bu organizmga sababchi allergenni nazoratlangan dozada berib, immun tizimining unga bo‘lgan ortiqcha reaksiyasini asta-sekin kamaytirishga qaratilgan davolash usuli. ASITning asosiy afzalligi — u faqat simptomni vaqtincha bostirmaydi, balki allergik kasallikning o‘z mexanizmiga ta’sir qiladi. ✅ simptomlar pasayadi/yo'qoladi ✅ dorilarga ehtiyoj kamayadi ✅ davolash tugagandan keyin ham uzoq muddatli foyda saqlanishi mumkin ❗️Lekin ASIT hamma allergiyaga ham qilinmaydi. Avval allergolog ko‘rigidan o‘tib, analizlar orqali haqiqiy sababchi allergenni to‘g‘ri aniqlash kerak. 🌿 Har kuz allergiyadan azob chekishni odatiy hol deb qabul qilmang. Balki bu safar faqat simptomni emas, sababini davolash vaqti kelgandir!

🇺🇿 Mustaqilligimizning 35 yilligi muborak! Aziz yurtdoshlar! Sizlarni O‘zbekiston Respublikasi Mustaqilligining 35 yilligi bilan chin qalbimdan tabriklayman! Har bir xonadonda sog‘lik, tinchlik va farovonlik, yurtimizda esa taraqqiyot va osoyishtalik bardavom bo‘lsin. Farzandlarimiz sog‘lom, bilimli va Vatanimiz kelajagiga munosib avlod bo‘lib ulg‘aysin! Mustaqilligimiz abadiy, xalqimiz doimo omon bo‘lsin! 🇺🇿 Hurmat bilan, Jasur Davlatov

🫁 Bolangizda obstruktiv bronxit tez-tez qaytalaydimi? Gripp vaksinasi foyda berishi mumkin! Kuz-qish mavsumida ayrim bolalarda deyarli har bir virusli infeksiyadan keyin xirillash, hansirash va bronxial obstruksiya boshlanadi. Bunday bolalarda grippga qarshi vaksina qilish kerakmi? 💉 Ha, ayniqsa tavsiya etiladi. Sababi oddiy: influenza (gripp) virusi bronxial obstruksiya va astma xurujini qo‘zg‘atuvchi viruslardan biridir. Tadqiqotlarda gripp vaksinasi bolalarda: 🔹 gripp bilan kasallanish xavfini kamaytirishi; 🔹 gripp sababli shifoxonaga tushishni ~53–57% gacha kamaytirishi; 🔹 astma/hirillashli bemorlarda gripp bilan bog‘liq og‘ir xurujlar va shoshilinch tibbiy yordamga ehtiyojni kamaytirishi ko‘rsatilgan. ❗️Lekin muhim nuqta: Gripp vaksinasi “obstruktiv bronxitga qarshi vaksina” emas. U eng asosiy rinovirus, RSV va boshqa viruslardan himoya qilmaydi. Ya’ni bolada obstruksiya umuman qaytalanmaydi, deb kafolat berolmaymiz. Ammo obstruksiyani qo‘zg‘atishi mumkin bo‘lgan muhim triggerlardan biri — gripp virusini kamaytiramiz.

⚠️ Kecha yegan ovqatingiz allergiya bermadi, bugun esa berdi. Nega? 🥜 Tasavvur qiling: siz ma’lum bir mahsulotni oz miqdorda yedingiz — hech qanday reaksiya bo‘lmadi. Boshqa safar xuddi shu miqdorni yedingiz va birdaniga toshma, shish yoki hatto anafilaksiya yuz berdi. Buning sabablaridan biri — KOFAKTORLAR bo‘lishi mumkin. 🧩 Allergiyada “threshold” degan tushuncha bor. Bu — organizmda allergik reaksiya boshlanishi uchun zarur bo‘lgan allergen miqdori. Ayrim holatlar bu chegarani pasaytirib yuboradi. Natijada oldin muammo tug‘dirmagan miqdordagi ovqat ham reaksiya chaqirishi yoki reaksiyani og‘irlashtirishi mumkin. 🔻 Thresholdni pasaytirishi mumkin bo‘lgan asosiy kofaktorlar: 🏃‍♂️ Jismoniy zo‘riqish — yugurish, sport, intensiv mashq 💊 Nosterioid yallig'lanishga qarshi dorilar — aspirin, ibuprofen, diklofenak, naproksen kabi preparatlar 🍷 Alkogol 🤒 Infeksiya va isitma — ayniqsa organizm kasallik bilan kurashayotgan paytda 😴 Uyqusizlik 😰 Kuchli stress va emotsional zo‘riqish 🩸 Hayz ko‘rish davri — ayrim ayollarda 🔥 Issiq muhit / tana haroratining oshishi 💧 Suvsizlanish 🫃 Oshqozon-ichak bilan bog‘liq ayrim holatlar — allergenning so‘rilishiga ta’sir qilishi mumkin 💊 Ayrim boshqa dorilar — individual vaziyatlarda reaksiyaga ta’sir qilishi mumkin Masalan: Bemorda bug‘doyga allergiya bor. 🥖 Bug‘doyli ovqat → hech narsa bo‘lmasligi mumkin. Ammo: 🥖 Bug‘doy + 🏃‍♂️ jismoniy zo‘riqish yoki 🥖 Bug‘doy + 💊 aspirin ichish yoki 🥖 Bug‘doy + 🍷 alkogol → allergik reaksiya, hatto ANAFILAKSIYA rivojlanishiga olib kelishi mumkin. Shuning uchun: “Men bu ovqatni oldin ham yeganman, hech narsa bo‘lmagan” deb — oziq-ovqat allergiyasini to‘liq inkor qilmaydi. Allergik reaksiya kuzatilganda faqat “Nima yedingiz?” deb emas, balki: 🔎 “O‘sha kuni sport qildingizmi?” 🔎 “Og‘riq qoldiruvchi dori ichdingizmi?” 🔎 “Alkogol iste’mol qildingizmi?” 🔎 “Infeksiya yoki isitma bormidi?” 🔎 “Uyqusizlik yoki kuchli stress bo‘lganmi?” degan savollar ham muhim. 🧠 Esda tuting: ba’zan allergik reaksiyani faqat ovqat emas, OVQAT + KOFAKTOR kombinatsiyasi yuzaga chiqaradi.

Atopik dermatitli bolaning terisi sog‘lom teridan nimasi bilan farq qiladi? Muhim jihati shundaki, Atopik dermatitda hatto toshmasiz, sog‘lom ko‘rinayotgan teri ham biologik jihatdan to‘liq sog‘lom emas. 👶 Sog‘lom terida: 🟢 Teri barrieri mustahkam 🟢 Suv yo‘qotilishi kam 🟢 Filaggrin va seramidlar yetarli 🟢 Allergen va mikroblarning kirishi cheklangan 🟢 Mikrobiom xilma-xilligi saqlangan 🔴 Atopik dermatitda: 🔻 Teri barrieri zaiflashadi 🔻 Filaggrin/barrier oqsillari kamayishi mumkin 🔻 Seramid va lipid tarkibi buziladi 🔺 suv yo’qotilishi oshadi → teri quriydi 🔺 Allergen va irritantlar osonroq kiradi 🔺 T2-yallig‘lanish (IL-4, IL-13) kuchayadi 🔺 S. aureus kolonizatsiyasi ko‘payadi 🔺 Qichishish → qashish → barrierning yanada buzilishi yuz beradi ♻️ Natijada patologik aylana shakllanadi: Barrier buzilishi → quruqlik → allergen/mikroblar kirishi → yallig‘lanish → qichishish va qashish → barrierning yanada buzilishi Atopik dermatit — shunchaki “teridagi toshma” emas. Bu, avvalo, teri barrieri va immun javob o‘rtasidagi murakkab kasallikdir. 👉 Shuning uchun emollientlar faqat toshmaga emas, butun quruq va atopik dernatitga moyil teriga muntazam qo‘llanadi.

🤧 Burun bitishi va tinimsiz aksirish bezovta qiladimi?

😣 Teringizda qichishuvchi toshmalar, eshak-yemi tez-tez paydo bo'ladimi?

😮‍💨 Bronxial astma, nafas qisishi, xirillash yoki allergiyaga bog'liq yo'tal bilan qiynalasizmi?

❗️Allergiya belgilarini e'tiborsiz qoldirmang! 🗓 24-iyul kuni Namangan shahridagi «Dr. Muyassar» klinikasida allergolog va klinik immunolog Jasur Davlatov tomonidan konsultatsiya o'tkaziladi. Qabul quyidagi muammolar bo'yicha:

✅

Allergik rinit

✅

Allergik konyunktivit

✅

Krapivnitsa (eshak yemi)

✅

Bronxial astma

✅

Atopik dermatit (diatez)

✅

Oziq-ovqat allergiyasi

🗓 Sana: 24-iyul (juma) ⏰ Vaqt: 07:00–15:00 👶 Bolalar va kattalar qabul qilinadi. 📍 Manzil: Namangan sh., G'irvonsoy 11-uy 🏦 Mo'ljal: «Anor Bank» ro'parasi 📞 Qabulga yozilish: +99878-707-70-80

🥹 Yaxshi kunlar yaqin…

❌ Umumiy IgE pasayganiga qarab “allergiya tuzaldi” deb xulosa qilish mumkin emas Ba’zi bir allergiyani faqatgina IgE deb biladigan hamkasblarimiz shunaqa Do/Posle natijalar bilan odamlarni chalg’itishmoqda. 1 oy oldin: umumiy IgE ≈ 1300 kME/L 1 oy keyin: umumiy IgE ≈ 207 kME/L Bu juda katta pasayish (taxminan 84%), lekin buni quyidagicha talqin qilish kerak: ✅ Bu ijobiy o‘zgarish, ammo kasallik tuzalganini isbotlamaydi. Umumiy IgE organizmning umumiy allergik moyilligini ko’rsatadi, lekin: simptomlarning og’irligi bilan har doim ham mos kelmaydi, davolash samaradorligini kuzatish uchun ishonchli marker hisoblanmaydi. Allergiya nazoratga olinganini asosan: bemorning shikoyatlari kamaygani, burun, ko‘z, teri yoki astma simptomlari yo‘qolgani, o‘pkaning funksiyasi (astmada), kerak bo‘lsa, spetsifik IgE yoki boshqa tekshiruvlar bilan baholanadi. Yana bir muhim jihat Bu ikki tahlil ikki xil laboratoriyada bajarilgan. Turli laboratoriyalar turli analizator va reagentlardan foydalanishi mumkin. Dinamikani baholash uchun odatda bir xil laboratoriyada tekshirish ma’qul.

❗️Yangilik: Allergologiya fanidan ilk kursimga start berdim! Bundan 10-20 yil avvalgi bilimlar tez eskirib qolmoqda. Yangidan-yangi ma’lumotlar aniqlanmoqda. Zamonaviy shifokor esa bir zumga ham to’xtab qolmasligi shart! ➖ Allergologiya va klinik immunologiya fani bo’yicha o’z bilimlarini yangilamoqchi/mustahkalamoqchi bo’lgan shifokorlarni kursga taklif etaman.

Dalillarga asoslangan allergologiya kursi 1.0

📌 Darslar 1.5 oy davom etadi 🗓️ 20-iyuldan boshlanadi! Batafsil ma’lumot:

Hozirgi issiq hammasimas! Yangi hafta enamizni ko’ramiz! ✅ @allergiya

🔥 2026-yil allergologiya va klinik immunologiyadagi muhim yangiliklar 🔵 Remibrutinib yeryong‘oq (araxis) allergiyasida samaradorligini ko‘rsatdi 👆 Dunyo bo‘yicha avval surunkali spontan eshakemni (urtikariya) davolash uchun og‘iz orqali qabul qilinadigan preparat sifatida ro‘yxatdan o‘tgan remibrutinib II faza klinik tadqiqotida IgE vositachiligidagi yeryong‘oq allergiyasi bo‘lgan kattalarda platseboga nisbatan ancha yuqori samaradorlikni namoyish etdi. Kelgusida remibrutinib nafaqat surunkali urtikariya, balki oziq-ovqat allergiyasini davolash uchun ham qo‘llanilishi mumkin. Endi III faza tadqiqotlari natijalari kutilmoqda. ⸻ 🔵 Breztri ingalyatori bronxial astma uchun yangi dozada ro‘yxatdan o‘tkazildi 👆 Breztri (budesonid + glikopirroniy bromid + formoterol) 160 mkg + 14,4 mkg + 5,0 mkg/doza ko‘rinishida bronxial astmani davolash uchun ro‘yxatdan o‘tkazildi. Preparat: 18 yosh va undan katta bemorlarda; o‘rta yoki yuqori dozadagi inhalatsion glyukokortikosteroid va uzoq ta’sir qiluvchi β₂-agonist bilan davolashga qaramay kasalligi nazorat qilinmayotgan holatlarda; saqlovchi davolash hamda astma zo‘rayishlari xavfini kamaytirish uchun qo‘llaniladi. Avvalroq Breztri boshqa dozada **surunkali obstruktiv o‘pka kasalligi (SOO’K/XOBL)**ni davolash uchun ro‘yxatdan o‘tkazilgan edi. ⸻ 🔵 Irsiy angioedema (HAE) bo‘yicha yangi xalqaro konsensus e’lon qilindi 👆 Yangi hujjatda irsiy angioedemani: tashxislash, o‘tkir xurujlarni bartaraf etish, uzoq muddatli profilaktikani tanlash bo‘yicha zamonaviy xalqaro tavsiyalar jamlangan. Bu konsensus HAE bilan og‘rigan bemorlarni boshqarishda amaliy qo‘llanma sifatida xizmat qiladi.

Ajoyib xabar! Andijonda 5 nafar egizak tug’ildi!

🤧 Burun bitishi va tinimsiz aksirish bezovta qiladimi?

😣 Teringizda qichishuvchi toshmalar, eshak-yemi tez-tez paydo bo'ladimi?

😮‍💨 Bronxial astma, nafas qisishi, xirillash yoki allergiyaga bog'liq yo'tal bilan qiynalasizmi?

❗️Allergiya belgilarini e'tiborsiz qoldirmang! 🗓 24-iyul kuni Namangan shahridagi «Dr. Muyassar» klinikasida allergolog va klinik immunolog Jasur Davlatov tomonidan konsultatsiya o'tkaziladi. Qabul quyidagi muammolar bo'yicha:

✅

Allergik rinit

✅

Allergik konyunktivit

✅

Krapivnitsa (eshak yemi)

✅

Bronxial astma

✅

Atopik dermatit (diatez)

✅

Oziq-ovqat allergiyasi

🗓 Sana: 24-iyul (juma) ⏰ Vaqt: 07:00–15:00 👶 Bolalar va kattalar qabul qilinadi. 📍 Manzil: Namangan sh., G'irvonsoy 11-uy 🏦 Mo'ljal: «Anor Bank» ro'parasi 📞 Qabulga yozilish: +99878-707-70-80 ⚠️ Ulgurib qoling, joylar cheklangan!

🌿 ASIT terapiyasi bronxial astmani orqaga qaytara oladimi? Allergik rinit vaqtida davolanmasa, ayrim bemorlarda u bronxial astmaga o’tishi mumkin. Bu holat tibbiyotda “allergic march” (allergik yurish) deb ataladi. ❓Xo‘sh, ASIT (Allergen-spetsifik immunoterapiya) astmani butunlay davolaydimi? 🔬 Evidence-Based Medicine (EBM) tadqiqotlari quyidagilarni ko‘rsatadi: 1️⃣ ASIT – allergiyaning sababiga ta’sir qiluvchi yagona davolash usuli. U organizmni allergenga asta-sekin moslashtirib, immun tizimi javobini o‘zgartiradi. 2️⃣ Allergik riniti bo‘lgan bolalarda va kattalarda bronxial astma rivojlanish xavfini sezilarli kamaytiradi. Ayniqsa davolash erta boshlansa va kamida 3 yil davom ettirilsa, natijalar yaxshiroq bo‘ladi. 3️⃣ Agar bronxial astma allaqachon rivojlangan bo‘lsa, ASIT: ✅ astma simptomlarini kamaytiradi; ✅ xurujlar sonini kamaytiradi; ✅ inhalyatsion gormonal dorilarga ehtiyojni kamaytiradi; ✅ hayot sifatini yaxshilaydi; ✅ kasallikning rivojlanishini sekinlashtirishi mumkin. 4️⃣ Bolalarda ASIT samarasi odatda kattalarga nisbatan yuqoriroq. Chunki bronxlarda qaytmas o‘zgarishlar hali rivojlanmagan bo‘ladi. ⚠️ Muhim eslatma: ASIT bronxial astmani barcha bemorlarda to‘liq yo‘qotadi yoki “100% davolaydi” degan ilmiy xulosa mavjud emas. Ammo xalqaro tavsiyalarga ko‘ra, ASIT: ✔️ kasallikning tabiiy kechishini o‘zgartira oladigan; ✔️ allergik rinitning astmaga aylanishini kamaytiradigan; ✔️ uzoq muddatli remissiyaga erishish imkonini beradigan eng samarali usullardan biri hisoblanadi. ASIT qanchalik erta, ya’ni allergik rinit bosqichida yoki yengil allergik astmada boshlansa, natijasi shunchalik yaxshi bo‘ladi. Shu sababli allergiyani faqat simptomatik dorilar bilan emas, balki sababiga yo‘naltirilgan davolash usullari bilan ham baholash muhimdir.