IV Notes 💉

عندنا مريض عمره 56 سنة حضر بسبب sudden severe headache بدأ بشكل مفاجئ من حوالي ساعتين. المريض عنده history of hypertension و hyperlipidemia، ولا يعاني من أمراض أخرى مهمة معروفة. العلامات الحيوية عند الوصول كانت: Blood Pressure: 190/105 mmHg Heart Rate: 88 beats/min Respiratory Rate: 18 breaths/min المريض يصف الصداع بأنه "the worst headache of my life"، وبدأ بشكل مفاجئ ووصل لأقصى شدة خلال فترة قصيرة.

تحليل ال D-dimer في حالة ال pulmonary embolism بيكون good negative sign وليس good positive بمعنى لو شكيت إن الحالة دي PE وحاولت تجمع ال criteria بتاعتها على ال Well's score لقيتها low probability وكان ال D-dimer negative فساعتها تقدر تـ exclude pulmonary embolism بقلب مطمئن 😇 أما كون ال D-dimer إيجابي بشكل مستقل عن باقي ال criteria فده ليس له أي معنى لأن ال D-dimer يعتبر acute phase reactant ممكن يعلى لعشرين سبب أخر 🤷‍♂️ #IV_Notes #By_Dr_Mo

مش دايماً البلازما بتتنقل عشان محتاجين بلازما ❌ ساعات ممكن نتغصب على حاجات مش عايزينها زي مثلاً : - عيان Hypoalbuminemia ⬇️ يعني عيان عنده نقص في نوع محدد من ال plasma protein المنطق والعقل بيقول ايه ! بيقول إن اللي ناقص عند العيان أعوضهوله فقط من غير ما نوسع الدايرة ونديله حاجات أخرى 🤝بس للأسف الواقع فرض عليا عدم وجود albumin أياً كان السبب , فساعتها هعصر على نفسي لمونة وأنقله بلازما نظراً إنها بتحتوي على كافة ال plasma ptns ✅ - عيان ال vit K dependent clotting factors متعطلة عنده بسبب تناوله لدواء ال warfarin ماريفان يعني 🩸 لو حصل Marivan toxicity والمريض بينزف بشدة وحبيت تعوض هذا المريض عن ال clotting factors المتعطلة عنده , ايه رأيك تديله كل ال clotting factors ولا المتعطلين فقط ؟ 🤔 طبعااا المتعطلين فقط وأديهاله بشكل مركز كمان عشان يستفاد أكبر استفادة وده هيحصل في ال PCC ✅ بس تعالى تصور معايا بردو إني مش متوفر عندي PCC كما هو عند معظم الناس دلوقتي , هتعصر على نفسك لمونة وتنقله plasma برغم إن تركيز ال factors في ال PCC أكتر من ال plasma بحوالي 25 مرة , إلا أنني مغصوب أخاك 🥹 #IV_Notes #By_Dr_Mo

طيب ليه الأعراض دي بالذات اللي هتحصل ؟ Bony pain هو مش ال PTH عمال يفرغ العضم من الكالسيوم بتاعه لذلك هيجيلك عضمه واجعه Myalgia هو مش ال PTH عمال يرمي فوسفات في البول والفوسفات قل في الدم وال ATP اللي بيشغل العضلات ده بيتكون من فوسفات ولذلك نقص الفوسفات هيتعب العضلات ، وكمان الكالسيوم العالي ده بيتعب العضلات ، طب ليه ؟ مش العضلات عشان تنقبض محتاجه action potential معتمد بشكل أساسي على دخول الصوديوم جوة ال cell طيب لو أنا زودتلك كالسيوم في ال interstitium اللي هو شحنته positive تفتكر هيتخانق مع مين على بوابة دخول الخلية ؟ الصوديوم لأن هو كمان شحنته موجبة عشان كدة ال action potential هيحصل بصعوبة وبالتالي هيحصل خمول وضعف في العضلات Fatigue هيحصل لما كل اللي فوق ده يحصل منطقي Renal stones مش انت عمال ترمي شكاير من الفوسفات في البول ، وكميات الفوسفات دي فوق قدرة الكلى إنها تدوبها في الماء وبالتالي هتترسب وتكون حصاوي

عارفك ساعات بتتلخبط في الـ Ca regulating hormones زي الـ parathormone & calcitonin & Vit D ومش بتفتكر مين فيهم بيعمل ايه في الكالسيوم وبيعمله ازاي؟! 🦴 (( هو بيزوده في الدم ولا في العضم و بياخده من أكلي ولا من العضم ولا من الـ GIT )) 🤔 عايز أحللك المشكلة دي وأقولك خليك فاكر بس كل هرمون فيهم هدفه ايه وانت لوحدك هتستنتج دوره في كل مكان. ✅ نبدأ بالـ parathormone 🤚🏼 تعالى نتكلم إن حصل hyperparathyrodism ده هيكون تأثيره ايه؟! افتكر دايماً إن الـ PTH هدفه إنه يزود الكالسيوم في الدم، وبالتالي هياخد كالسيوم من كل مكان ويرميه في الدم. 💡 1️⃣ فهيكسر العضم عشان ياخد كالسيوم. 2️⃣ وهيزود رجوع الكالسيوم للدم من الكلى reabsorption. 3️⃣ وهيزود إمتصاص الكالسيوم absorption من الـ GIT. وبما أن الهرمون ده هدفه إنه يزود الـ Ca في الدم على قد ما يقدر، فهو كمان هيحاول يضرب أي حد تاني ممكن يضايق وجود الكالسيوم في الدم 😅 👈🏻 فهيقلل الـ phosphate reabsorption من الكلى، لأن الفوسفات هو أكتر عنصر بيحب يرتبط بالكالسيوم. ولذلك تفتكر الـ PTH receptors هتبقى موجودة فين بالظبط في الـ nephron؟ 🙄 🔹 الـ Distal tubules بتلعب دور في امتصاص الصوديوم والبوتاسيوم والكالسيوم وتنظيم الـ pH، لكن امتصاص الفوسفات فيها يكاد يكون منعدم. 🔹 الـ Loop of Henle بيمتص صوديوم وبوتاسيوم وماغنيسيوم وكالسيوم، لكن نصيب الفوسفات فيه قليل جداً. 🔹 أما الـ proximal tubules فهي المعقل الأساسي لإمتصاص الفوسفات، ليه بقى؟! لأن الـ PTH receptors موجودة هنا. ✅ 📌 في النهاية فرط الـ PTH ده هيجيبلي عيان شكله عامل ازاي في الأول؟ Bony pain Myalgia Fatigue Renal stones

مبدئياً إحنا بنسأل السؤال بصيغة most likely لأننا منقدرش نحلف على حاجة بس ليه العيانة دي غالباً مش هتطلع stroke ؟ لأن ال stroke بتبقى ضربت جزء من المخ فزي ما هيحصل مشكلة في ال facial nerve هتلاقي فيه شوية حاجات حواليه اتطلت معاه بردو ، فهتشوف focal deficits أخرى هتظهر معاك، عكس العيانة دي اللي معندهاش أي حاجة غير ال facial drop عايز تتمكن من الجزئية دي تحديداً، اسمع الفيديو ده https://www.facebook.com/share/v/1D3fmMUA5a/ طيب ليه العيانة دي مش سايكك ؟ عشان ده أخر الإحتمالات مش بفترضها قبل نفي كل التشخيصات الأخرى وما هو العمود المركزي لعلاج ال bell's palsy ؟ ال steroids هي الأساس وجنبها شوية مكملات

عندنا مريضة عمرها 32 سنة حضرت للعيادة بسبب sudden onset right-sided facial drooping بدأ من يوم واحد. المريضة free past medical history، وبتنفي وجود: Recent trauma Seizures أي previous neurological disease ال Vitals مستقرة: Blood Pressure: 125/80 mmHg Heart Rate: 78 beats/min Respiratory Rate: 16 breaths/min بالفحص مفيش أي focal neurological deficits أخرى، ولا توجد أي sensory abnormalities. التشخيص ؟ والعلاج الأساسي ؟

ليه لازم متبطلش مذاكرة و قراءة ؟ ليه الممارسة لوحدها مش كفاية ؟ ❌ لأن الإنسان يرى ما يعلم 👀 العيان اللي جاي بيشتكيلك من أي شكوى عامة صداع ولا إرتجاع ولا أي حاجة ممكن توصفله علاج للعرض اللي عنده وتمشيه وممكن وانت بتاخد هيستوري تلاحظ علامة في عينيه تفتكر ال xanthelasma اللي انت قرأت عنها من فترة وإنها علامة للـ hypercholesterolemia فتطلبله lipid profile وتمشيه على statin وتحميه من ال MI أو ال Stroke اللي كانت ممكن تحصله لولا توفيق ربنا اللي هداك لمذاكرة الجزئية دي وملاحظة العلامة دي ثم وصف العلاج ده 🤚🏼 لو أنت مكنتش بذلت مجهود في المذاكرة والقراءة واعتمدت على ممارستك فقط كان زمانك فاكر دي حباية بيضا في وش العيان عادي يعني، أو مكنتش هتلاحظها أصلاً لأن عقلك مش مترجم إن دي مشكلة هو فاكرها جزء من الخلفية بتاعة الوش مش أكتر، لأن الإنسان يرى ما يعلم 🤝 #By_Dr_Mo #IV_Notes

ليه دي stroke ؟ عشان ال lateralization signs وال focal deficits sudden-onset left-sided weakness, dysarthria كمان عشان ال risk factors متوافقة معاها hypertension, hyperlipidemia, and smoking طيب ايه الخطة الجاية في اي عيان acute focal deficit ؟ ​ CT brain to rule out a hemorrhagic stroke and confirm ischemia. If ischemic stroke is confirmed, the patient may be a candidate for thrombolysis (IV tPA) if the symptoms began within the last 4.5 hours. ده طبعاً بإعتبار إنك عملت ال 1ry survey بتاعك وتحديداً قيست سكر العيان اللي هو قبل ال CT وقبل أي كلام طيب ليه مش رنين ؟ ارجع لنفس الرد على أخر case عملناها هتلاقي الرد لما كنا اختارنا فيها نعمل رنين وليس مقطعية اللي هو ده https://t.me/IV_NOTES/1287

عندنا مريض عمره 68 سنة عنده history of hypertension, hyperlipidemia, and smoking، وحضر الطوارئ بسبب ظهور مفاجئ لـ left-sided weakness و slurred speech. الأعراض بدأت بشكل حاد من حوالي 90 دقيقة. كان غير قادر على رفع ذراعه الشمال بشكل طبيعي، بالإضافة إلى صعوبة في الكلام بصورة واضحة ومفهومة. Blood Pressure: 180/95 mmHg Heart Rate: 80 beats/min Respiratory Rate: 16 breaths/min Left-sided hemiparesis Dysarthria لا يوجد facial droop المريض بينفي وجود: Headache Chest pain Recent trauma

الطبيعي انك لما تضغط على صوابع المريض الجزئية اللي ضغطت عليها هينحبس عنها الدم فتظهر بيضا، وأول ما تشيل صباعك هتلاقي الدم بيرجع يفرش فيها تاني في مدة أقل من ثانيتين ، لو الدم خد وقت أكتر من كدة يبقى هو قليل يبقى مش واصل كويس يبقى فيه shock

منظر الـ mottling of the skin اللي بيحصل في ال septic shock

لما تجيلك حالة في الطوارئ مشتبه فيها septic shock عايزك تركز على دورك انت وبس، في الحالات دي أفضلك تبص تحت رجليك وسيب المستقبل للمستقبل، يعني ايه ؟ 🙄 ١. الـ Vitals: مش محتاج أقولك إن الـ Tachycardia والـ Hypotension هما الـ classic signs لل shock، فخلي بالك منهم جداً. 🫀 ٢. الـ Perfusion: بص على الـ Capillary refill time لو prolonged، حس الـ Skin temperature وشوف الـ color لو فيه mottling، و الـ peripheral pulsation.🙌🏻 ساعتها تعمل ايه؟ IV Access: دي مفيهاش فصال ، لازم "Two large-bore IV cannulas" فوراً.💉 اسحب معامل: وأنت بتركب الكانيولات اسحب الـ Blood samples بتاعتك بالمرة عشان متضيعش وقت والمريض يلحق اللاب.🧪 الـ Fluid Resuscitation: ابدأ فوراً بـ IV fluid bolus من الـ crystalloid زي (1L Normal Saline) وبعدها اعمل Reassess للمريض بعد ما تكون بلغت الرعاية.👌🏻 السرعة والدقة في الـ Resuscitation هما اللي بينقذوا حياة المريض في الحالات دي مش التفكير الكتير. 🤚🏼

أنا ليه قلقان وخايف وداخل اعمل Neuroimaging في العيان ده مش هجرب أديله مسكن وخلاص ولو خف يبقى تمام ؟ بسبب وجود red flags زي: New-onset headache after age 50 Progressively worsening headache Focal neurological deficits (right-sided weakness) Mild aphasia (word-finding difficulty) طيب ده يخليني أفكر في أيه ؟ أي space-occupying lesion بقى ... tumor مثلاً طيب وده هكتشفه إزاي ؟ أشعة على المخ طيب يا ترى نوعها ايه ؟ مقطعية ولا رنين ؟ عظمة المقطعية في سرعتها، عشان كدة في حالات الطوارئ مفيش زي المقطعية هتلاقي قسم طوارئ النيورو قايم عليها أما عظمة الرنين في إنها بتجيب تفاصيل ال soft tissue كما لو كان المخ ده بين ايديك وبتلعب فيه عشان كدة في الطوارئ وخصوصاً حالات ال vascular فالمقطعية هي الأساس، أما في العيان ال chronic اللي ببقى شاكك في وجود brain soft tissue mass فالرنين طبعاً هو الكل في الكل