🌴አንደበቴ🌴

ቃል ከረከሰበት ቅጥፈት ከበዛበት ከኔና ካንተ አለም የማለልን እንጂ የኖረልን የለም አላፊ እኔና አንተ ምን ብንዋደድም ዘላለም በሚል ቃል አንሸዋወድም ስሞ ያሞካሸኝ ዘላለም ላይረባኝ እስካሉ መውደድ ነው በጊዜ የገባኝ::

"ወዴት ነሽ?" ኃይሉ ከትናንት ተርፎ ዛሬን ወደሚሰርቀው ትዝታ! መጥፎ ሲሰሩበት ሊረሱት ግድ ወደሚያደርጉት ትዝታ! ሲከብሩበት ወደሚደሰኩሩት ትዝታ! የራስን ክፉነትና መልካምነት ወደሚያንፀባርቁበት አለም... ወደ ኋላ!

ሴትን ልጅ ወደህና ፈቅደህ ወደሂወትህ ካመጣሀት በሆአላ እንደአባት መካሪ እንደወንድም ተቆርቋሪ እንደእናት እንስፍስፍ ሁንላት እንጂ ፈፅሞ ፈፅሞ የእንባዋ መፍሰስ ምክንያት እንዳትሆን ነገ ለልጆችክ የምትነግራቸው ልዩና ዘመን የማይሽረው ፍቅር ና ክብር ይኑርህ::

<< በለሆሳስ የሚጮኹ እዬዬዎች አሉ። በፈገግታ የሚግሉ መከፋቶች አሉ። ትኩረት፣ እይታን በመፈለግ ውስጥ፣ በጥልቅ ላለመድከም የታይታ በራስ መተማመን በማሳየት ውስጥ የተሸሸጉ ግራ የሚያጋቡ ሰቃዥ ስሜቶች አሉ። ብዙ ነገሮች እንደምናያቸው አይደሉም። የአንዳንድ ሰዎች ሁኔታ እንዲህ ነው። ስል የሆነ ቢላዋ ላይ ቆሞ እንደ መደነስ፣ በስል ቢላዋ ላይ ሸርተቴ እንደ መጫወት፣ ደም እያንቆረቆሩ ላቤ ምነው ቀላ እንደማለት፣ በጥፍር ዳገትን እንደ መውጣት። >>

የወደድክ ግዜ  ጥሎህ የማይሄደውን ውደድ....ፍጥረታትን ስታፈቅር  ውዴታህን ከአይንህ አሳልፈህ ለልብህ ስጥ....የአይን ወዳጅህ  ከእይታህ ሲርቅ  በናፍቆት ይገድልሃል...የልብ ወዳጅ ግን ዝንተዐለም  ካንተ ጋር ይኖራል...! 🔗

የጊዜ ጉዳይ እንጂ በዳይ በዚህ ምድር ላይ የእጁን ያገኛል፡፡ ዛሬ ቢፈነድቅ ቢደሠት ለጊዜው ነው፡፡ ዛሬን ሳይቀጣ ቢያልፍ እንኳ ነገ ሌላ ኬላ አለበት፡፡ በትንሳኤ ቀን የሚጠብቀው መዓት ከባድ ነው፡፡ በቂያማ ቀን ለምርመራ ዋናው መርማሪ ፊት ይቆማል፡፡ መልካም ምንዳዉን ሁሉ ዐይኑ እያየ ይነጠቃል፡፡ የበደላቸዉን  ሰዎች እንዲክስ ይደረጋል፡፡ የሚክሰዉም ዱንያ ላይ ከሠራው የመልካም ሥራ ምንዳው እየተወሰደ ነው፡፡ ዐይን እያየ የራስን መልካም ሥራ አሳልፎ ከመስጠት በላይ ምን ህመም አለ!!፡፡  በዚህ መልኩ  የበደለዉን ሁሉ ይክሳል፤ የሰረቀዉን ሁሉ ሳይወድ በግዱ ይመልሳል፡፡ መልካም ሥራ ከሌለው ወይም ለተበዳዮች ተሠጥቶ ካለ ከተበዳይ መጥፎ ሥራ ተቀንሶ ዕዳ እንዲሸከም ይደረጋል፡፡ በደል የትንሳኤ ቀን ድርብርብ ጨለማ ነው፡፡ በዳይ ሰው ኪሳራው ብዙ ነው፡፡ ማረፊያዉም ጨለማ ነው፡፡ ለበዳይ ሰው እዘንለት እንጂ ተበደልኩ ብለህ አትማረር፡፡ የተበዳይ ዱዓ ምላሽ አለው፡፡ የተበዳይን ጉዳይ አላህ አይረሳም፡፡ አንድ ቀን ይመልስለታል፡፡ እንባዉን በማረ ሁኔታ ያብስለታል፡፡  በደል ጉዳት ቢመስልም ትርፍ አለው፡፡ እናም ምን አሳሰበህ … @ከአላህ ጋር መጽሐፍ

አካሉ ከአካሌ ቢርቅም ...አብሮኝ እንደሚውል ከሀሳቤ የማይጠፋ ...እንደ ቅርቤ ሁሉ ምቱን የማደምጠው ፥ አለ ሚናፍቀኝ🧡

እንኳን ለተከበረው ለረመዳን ወር በሰላም አደረሳቹ አደረሰን መልካም የኢባዳ ጊዜ ይሁንልን🌺

ሐራም ነገርን በሩቁ መጠየፍን የመሰለ ነገር የለም። ከተጠጉት ግን በሂደት ሳይታሰብ ይዞ ይሄዳል። እንደ ከባድ ወንጀል ሲታይ የነበረው ለዐይን ይቀላል። ከዚያ መሥራቱ ይገራል። ከዚያ መደጋገሙ ይለመዳል። ከዚያ ከሐላል ጋር ተመሳስሎ መለየቱ ይከብዳል። ከዚያ ኖርማልና ተራ ነገር ይሆናል። ከዚያ እንደ ሐላል ይወሰዳል። ቀልብ ይበልጥ እየደረቀ ሲሄድ ደግሞ ሐላልና ሐራምን መለየት ይሳነዋል። ይመር የነበረው ይጣፍጣል ፣ ያዝናናል። ከዚያ ሱስ ይሆናል። ከዚያ ማግኘቱ ያጓጋል። ቀልብ እንዲህ እስክትሆን መጠበቅ የሞት ሞት ነው። ሙእሚን በወንጀል ሊወድቅ ይችላል፣ ቢወድቅም ወድቆ አይቀርም አፈር ልሶ ይነሳል። ቢሸነፍና ድንገት ስህተት ቢሠራ ጥቂት ቆይቶ ይነቃል። የሚወቅሰው ህሊና፤ የምትቆጣው ነፍስ አለዉና ሽንፈቱን መቀበል ይከብደዋል። አላህም ተፀፃች ባርያውን ያግዛል።

ሳላይህ አመንኩብህ፣ ሳላይህ ሰገድኩልህ፣ ሳላይህ ለመንኩህ፣ ሳላይህ ተመካሁብህ፣ ያየኸኝ እና ያየሁህ ቀን እዘንልኝ፣ ካንተ መገናኘቴን አሳምርልኝ።😢 ያ ረብ። ሽይኽ ሸዕራዊ።