Oʻzim haqimda birinchi bor gapirib bermoqchiman. Ismim Fazliddin. Yoshim 30da. Fargʻonalikman. Mutaxassisligim psixolog. Qiziqishlarim kitob oʻqish, blog yuritish, til oʻrganish, kino koʻrish. Bu blogni 4 yildan beri yuritaman. Avval psixologik postlar yuritishdan boshlanib keyinchalik bookblogga oʻtib ketganman. Rus tilini yaxshi, ingliz, turk, koreys tillarini oʻrta darajada bilaman. Hozir ham mustaqil tarzda oʻrganib boraman. Oʻqiydigan adabiy janrlarim rang-barang, lekin koʻproq kriminal-detektiv asarlar yoqadi. Asosan jahon adabiyotini oʻqiyman. Sevimli yozuvchimga kelsak, bittasini ajratib koʻrsata olmayman. Dostoyevskiy, Den Braun, Fredrik Bakman, Jek London, Remark, Agata Kristi... bu roʻyxatni yana davom ettirish mumkin. Yoshligimda oʻzim ham bir nimalar yozib koʻrganman. Birinchi marta 6-sinfimda oʻzimning ilk hikoyamni yozib koʻrganman. Esimda Ona tili ustozimiz 4-5ta gapdan tashkil topgan matn tuzishni vazifa qilib berganida 2 varoq tuzib borgandim. Hammasi oʻshandan boshlandi. Keyinchalik vaqt oʻtgan sayin ularning ham hajmi ortib bordi. Lekin ularni 1-2 yaqin tanishlarimdan boshqa hech kimga koʻrsatmaganman. Koʻnglim toʻlmadi. Hali ancha pishishim kerakligini, koʻproq oʻqib izlanishim lozim ekanligini angladim. Hozirgacha shu yoʻldaman. Sheʼr ham mashq qilib koʻrganman. Lekin ochigʻi nazmdan koʻra nasrda oʻzimni yaxshiroq his qilganman. Tarjimonlik sohasida ham oʻzimni sinab, 2ta asarni tarjima qilib koʻrganman. Introvertman. Nekbin boʻlishga harakat qilaman. Bu yil oʻzim uchun yaxshi natijalarga erishdim. Bookbloger sifatida oʻzimni koʻpchilikka tanita oldim. Koʻplab oʻzim kuzatib, havas qilib, kerak boʻlsa ulardan nimalarnidir oʻrgangan bookblogerlar bilan tanishdim, doʻstlashdim. Baʼzi loyihalarga taklif etildim. Bu men uchun katta yutuq. Chunki yaqingacha ham bular men uchun orzu edi. Tasavvur ham qilolmas edim. Lekin shunga amin boʻldimki, nimani yaxshi koʻrib qilsang, yaxshi bajara olsang, aslo tashlab qoʻymay davom etishing kerak ekan.
Suratni "Hammasi shunday boshlangan edi" deb nomladim.
@rakhmonalievs_blog