MAUARA-NAHR ما وراء النهر

Құрбан айт осы айдың 17 нен басталады 16 МАУСЫМ – ҚҰРБАН АЙТ МЕРЕКЕСІНІҢ БІРІНШІ КҮНІ

“Құрбандық күніне дейін шаш, тырнақ алуға болмайды” деген үкім қажылықта жүрген кісілерге қатысты. Қажылықта емес адамдар шаш, тырнақтарын алуына болады. Кейбір ханафи ғалымдары қажылықта емес адамдардың құрбандық күніне дейін шаш, тырнақ алмауды мустахаб санаған. Бұл амал парыз яки сүннет емес.

https://youtu.be/sJE1tnhJV8U?si=GTwanaA9jfL0AlPD Алғашқы подкастымыз Ихсан орталығымен болды. Тыңдап қараңыздар. Қызықтың бәрі 50 минуттан кейін)

Ұстаздық қызмет күн астындағы ең қадірлі мамандықтардың бірі әрі бірегейі екені даусыз. Себебі бұл жол өзіне көп уақытты емес, барыңды салуды талап етеді. Жанкештілік пен сабыр, төзімділік дегеніңіздің бәрі осы жұмыстың негізгі кілті. Өмірін ұстаздыққа арнаған адамдарда, отбасы мен жақындарына уақыт табылмай жатады. Өйткені жұмыста барыңды беріп, үйге жеткенде сол шаршаудың бәрі шығатыны бар. Мұның бәрін өзім де шәкірт тәрбиелеп, практикадан өткізген соң сөз етіп отырмын. ‌Елімізде осынау мамандық иелеріне лайықты құрмет пен баға берілмейтінін де осы тұста айта кеткен жөн. Көп жағдайда ұстаз тәрбиелеген шәкіртінің көлеңкесінде қалып, еңбегі еленбей жатады. Тек шәкірт тәрбиелеумен шектелмей, көлеңкеде көрінбей қалатын қағазбастылық ол бар. Одан әрі әр дисциплинаға қойылған мазмұн мен міндеттерге орай өтілетін түрлі деңгейдегі сабақтар. Арагідік болса да ұйымдастырылатын іс-шаралар. Осының бәрінен бөлек еленбей қалатын ұсақ-түйек жұмыстар жетіп артылады. Бұлар да болса ұстаздардың еңбегін еш еткендегі ішкі мұңы деуге болар. Қанша жерден мамандықтың қиын екенін біліп, таңдап келсек те, адамдағы құлшыныс та ынталандыруға мұқтаж кездер болады. Себебі ұлы міндетті атқарып жүрген ұстаздар да, ет пен сүйектен жаралған пенде. Шәкірттерінен бөлек, өз балалары мен жақындары бар тұлға. Осы үшін де ұстаздарға еңбегі еленетін орта мен қоғамдық қолдау керек-ақ!

Мүфти Иорданияға сапарында мен оқыған — “Халықаралық ислам ғылымдары” университетіне арнайы ат басын тіреп, ұстазым шейх Салахбен кездесті.🔥😍

Мүфти Иорданияға сапарында мен оқыған — “Халықаралық ислам ғылымдары” университетіне арнайы ат басын тіреп, ұстазым шейх Салахбен кездесті.🔥😍

Сұрақ: қабірді кірпішпен қоршап, сәндеуге болады ма? Жауап: қабірді бағалы нәрсемен әшекейлеп, қоршау ысырапшылдық болғандықтан, тәхриман мәкруһке жатады. Алайда мәйіттің қабірiн жыртқыш немесе жануарлар таптап, зиян тигізбес үшін кішкене етіп қоршап қоюдың әбестігі жоқ. Имам Мұхаммедтен: «Егер мәйіт ғалым немесе танымал адам болса, қабірін биік етіп қоршауға рұқсат», - деген риуаят келген. «Раддуль Мухтар 2/123»

Сұрақ: демалыс орындарындағы "аппараттарға" ақша салып ойыншық т.б нәрселерді ұтып алудың үкімі қалай болады? Жауап: ондай ойын түрлері құмар болып саналады. Құмар дегеніміз — пайда көру мен зиян көрудің ортасында болған нәрсе. Осы қағидаға сай келген ойын түрлерінің бәрі — құмар болып есептеледі. Мұсылман адам ондай істерден аулақ болуы тиіс.