Foydali LINK

Biz iloji boricha ko‘proq vaqt yosh va sog‘lom bo‘lishimiz uchun qanday yashashimiz nimalar qilishimiz kerak? Insoniyat uchun eng xavfli kasalliklardan biri bo‘lgan va kelib chiqish sabablari haligacha to‘la o‘rganilmagan saratonning davosi bormi? Virus va bakteriyalar qanday paydo bo‘ladi? Bu savollarga O‘zbekiston ilm-fanidagi buyuk shaxslardan biri, biofizik olim va biologiya fanlari doktori, akademik Ravshan Sobirov javob berdi. Inson tanasi sir-sinoatlarga to‘la, odam miyasi esa, hatto, olimlar hal qila olmagan ko‘plab jumboqlarni o‘zida saqlaydi. Oddiygina piyolaga choy quyib ichish uchun miya bir qancha murakkab operatsiyalarni amalga oshiradi, ammo biz biror a’zomizda og‘riq sezmaguncha, uning qanday ishlashi va nimaga kerakligi haqida o‘ylamaymiz. Podkastimizni tomosha qilgach esa bu jarayonlar mohiyati haqida o‘ylay boshlasangiz, ajabmas. Suhbatni imkon qadar xalqchil tilda olib borishga harakat qildik. Ko‘ring, baho bering, fikrlaringizni yozib qoldiring, biz uchun bu juda qadrli!