Iffatli ayol

КЎНГИЛЛАРГА ОЗОР БЕРМАНГ Етимдан «ота-онанг қандай вафот этганлар?» деб сўраманг. Фарзандидан жудо бўлган ота-оналардан «фарзандингиз қандай вафот этган?» деб сўраманг. Ишсиз одамдан «сиз нима учун ишламайсиз?» деб одамлар орасида сўраманг. Ҳар доим мулоқотдан олдин ўзингизни шу инсонлар ўрнига қўйиб, уларнинг дил  оғриғини хис қилишга уриниб кўринг. Инсонларга бефарқ бўлманг,  кўнгилларни оғритманг, имкон қадар ёрдам беринг. Эвазига Аллох сизни яхшиликлари билан сийлайди. ✅ Албатта яқинларингизга ҳам юборинг https://t.me/iffatli_ayol

🧕 ​АЁЛ БОР БЎЛСИН Бизлар ухлаб ётган бир онда, Саҳарликка туриб азонда, Масаллиқни солиб қозонда, Таом қилган аёл бор бўлсин, Номалари савобга тўлсин. “Таом пишди, тур, ўғлим, қизим, Рўза тутинг, қувонсин кўзим, Гиргиттоним бўлайин ўзим”, — Деб илинган аёл бор бўлсин, Номалари савобга тўлсин. Таровеҳни кечаси ўқиб, Кундуз куни рўзани тутиб, Ишдан келган эрини кутиб, Эшик очган аёл бор бўлсин, Номалари савобга тўлсин. Ҳамир қориб, нонларни ёпиб, Шўх боласин ортидан чопиб, Барча ишни дўндириб ётиб, Чарчамаган аёл бор бўлсин, Номалари савобга тўлсин. Бир кўтарим кирларни поклаб, Йиртиқ жой бўлса гар чоклаб, Дазмол қилиб, жавонга тахлаб, Эринмаган аёл бор бўлсин, Номалари савобга тўлсин. Ҳақ сўрамай қилган ишига, Дарди бўлса, ютиб ичига, Эшик очмай бир ёт кишига, Пок яшаган аёл бор бўлсин, Номалари савобга тўлсин. ✍ Лутфуллоҳ Хўжаев. https://t.me/iffatli_ayol

Бахт оддий! Шикоят қилманг: муаммони бошқаларга айтиш қийинчилик сифатида унга бўлган муносабатни кучайтиради. Ўтмишда яшаманг - уни қайтариб бўлмайди. Бахтли одам олдинга интилади, лекин ҳозирги онни унутмайди. Унга ўтмишнинг юки ёки кечирилмаган шикоятлар лангари юкланмайди. Ҳаётингиз учун масъулиятни ўз зиммангизга олинг. Тақдирингиздаги ҳамма нарсани ўзгартириш мумкин эмас, лекин сиз ҳаётингизнинг кўп қисмини фикрларингиз билан яратасиз. Миннатдор бўлинг - ҳаётингизда тақдирга раҳмат айтишингиз мумкин бўлган жуда кўп нарса бор. Бахтли бўлиш табиийдир. Бахт ҳеч қандай яхшилик учун берилмайди - у аллақачон сизнинг ичингизда, сиз уни уйғотишингиз керак. https://t.me/iffatli_ayol

Дуо — бу банда ва Робби ўртасидаги ҳеч қандай воситасиз содир бўладиган энг самимий суҳбатдир. Бугун лабларингиз пичирлаб айтаётган, қалбингиз қаърида яширинган ҳар бир орзунгиз ижобат бўлсин. Аллоҳим, биз тил билан ифода этолмаган, лекин кўз ёшларимиз билан Сендан сўраганларимизни бергин. Сен шундай Карамли Зотсанки, сўраганга берасан, сўрамаганга ҳам раҳм қиласан. Бизнинг ожизлигимизни кучга, муҳтожлигимизни кифояга ва ғамларимизни шодликка айлантиргин. Жума кунининг файзи қалбингиздаги барча тугунларни ечиб юборсин, иншаАллоҳ. Яқинларингизнинг, дўстларингизнинг ҳаққига ҳам дуо қилишни асло унутманг. Илоҳим, дуоларимиз Аршга етиб, ҳаётимизда мўъжиза бўлиб намоён бўлсин. https://t.me/iffatli_ayol