BuxMTI elektron kutubxonasi

Kitobxonlar uchun 10 eng yaxshi maslahat Salom, aziz kitobxonlar! Kitob o‘qish - bilim olish va dunyoqarashni kengaytirishning ajoyib usuli. Mana sizga kitob o‘qishni yanada maroqli va samarali qilish uchun 10 eng yaxshi maslahat: 1. Kunlik o‘qish odatini shakllantiring: Har kuni kamida 15-20 daqiqa kitob o‘qing. Bu odatni shakllantirish sizga yil davomida ko‘proq kitob o‘qishga yordam beradi. 2. Shaxsiy kutubxona yarating: Sevimli kitoblaringizni yig‘ib, ularni o‘zingiz uchun qulay va yoqimli joyda saqlang. Bu o‘qishga bo‘lgan qiziqishingizni oshiradi. 3. Turli formatlarni sinab ko‘ring: Bosma kitoblar, elektron kitoblar va audiokitoblarni sinab ko‘ring. Har xil formatlar o‘qishni yanada qulay va qiziqarli qiladi. 4. O‘qish uchun maxsus joy ajrating: Tinch, yorug‘lik yaxshi tushadigan va qulay joyda o‘qish uchun maxsus burchak ajrating. 5. O‘qish guruhlari yoki kitob klublariga qo‘shiling: Boshqa kitobxonlar bilan birgalikda kitoblar muhokamasida qatnashing. Bu sizga yangi kitoblar va mualliflarni kashf etishga yordam beradi. 6. Kitob tanlashda xilma-xillikka e’tibor bering: Faqat bir janrga yopishib qolmang. Turli janrlardagi kitoblarni o‘qing, bu dunyoqarashingizni kengaytiradi. 7. Eslatmalar yozib boring: O‘qiyotganingizda muhim fikrlar va qiziqarli joylarni belgilab qo‘ying yoki qisqa eslatmalar yozib boring. Bu keyinchalik o‘qiganlaringizni eslashda yordam beradi. 8. O‘qigan kitoblaringiz haqida fikr almashing: Kitoblar haqida blog yozing yoki ijtimoiy tarmoqlarda fikrlaringizni baham ko‘ring. Bu nafaqat o‘qiganlaringizni eslab qolishga, balki boshqa kitobxonlar bilan aloqada bo‘lishga ham yordam beradi. 9. Kitob yarmarkalariga boring: Mahalliy kitob yarmarkalari va savdolariga tashrif buyuring. Bu sizga arzon va qiziqarli kitoblar topishga imkon beradi. 10. Yangi mualliflarni sinab ko‘ring: Har doim sevimli mualliflaringizdan emas, balki yangi mualliflardan ham kitoblar o‘qing. Bu sizga yangi uslublar va fikrlarni kashf etishga yordam beradi. Kitob o‘qish nafaqat bilim olish, balki zavqlanish uchun ham ajoyib usuldir. Ushbu maslahatlar yordamida o‘qish jarayonini yanada yoqimli va samarali qilishingiz mumkin. Agar sizga ushbu maslahatlar yoqqan bo‘lsa va o‘qish tajribangizni yanada boyitishni istasangiz, kanalimizga obuna bo‘ling va do‘stlaringiz bilan ulashing! Yangi maqolalar, kitob tavsiyalari va foydali maslahatlarni birinchi bo‘lib olish uchun kanalimizni kuzatishda davom eting. O‘qishni seving va zavqlaning! 👉 @mutolaa_zavqdir

⚡️Axborot-resurs markazi xodimlari hamda Axborot-kommunikatsiya texnologiyalari, Ovqatlanishni tashkil etish va servis kafedralari a'zolari tomonidan 708-22 ATT guruh talabalariga Abdulla Qodiriy tavalludining 130 yilligi munosabati bilan “Abdulla Qodiriy yurt qayg'usi haqida bebaho asarlar” kitobi taqdimoti o'tkazildi. 🔹Taqdimotni markaz xodimi Maxsuma Barotova boshlab berdi va Abdulla Qodiriy hayoti va ijodi yuzasidan bir qator fikrlar aytib, asarning mazmun-mohiyati bilan talabalarni birma-bir tanishtirdi. 🔹Taqdimot davomida markaz xodimlari Shohista Hojiyeva, Muhabbat Teshayeva axborot-resurs markazining faoliyati va kitoblar katalogi haqida ma'lumotlar berdi. Telegram| Facebook| Instagram|bmti.uz

#Sahifalar Aql bu ishlarni idrok qilolmaydi. 📚 @e_kutubxona

⚡️Buxoro muhandislik-texnologiya institutida Axborot-resurs markazi xodimlari hamda ilmiy izlanuvchilar uchun “Jahon axborot-resurslari bazalaridan foydalanish usullari” mavzusida seminar o‘tkazildi. 🔹Seminarda Axborot-resurs markazi direktori Mavjuda Husenova jahon axborot-resurlari bazalari, turlari va foydalanish usullari haqida ma’lumot berdi. 🔹Shuningdek, axborot-resurs markazi Xorijiy axborot-resurslari bilan ishlash bo‘limi boshlig‘i Malika Tursunova tomonidan jahon axborot-resurslari bazalaridan biri Science Direct web-saytidan qanday foydalanish kerakligi bo‘yicha kerakli tavsiyalar berildi. Telegram| Facebook| Instagram|bmti.uz

#Tohir_Malik_gurunglari «Tohir Malik gurunglari» kitobidan: «Shaytanat» kitobi, kinosi, prototiplari va... hammasi haqida Shaytonlar turtki bo‘lgan asar Tohir Malik bilan 1-suhbat, 8-qism – Tohir aka, «Shaytanat» – keng qamrovli davomiy asar. Ayting-chi, uning nechanchi faslini yozish nisbatan qiyin kechdi? Qahramonlar-chi? O‘zingizga yoqmagan yoxud «ochib berish» mushkul kechgan obrazlar ham bo‘lganmi? – Birini osonroq, birini yengilroq yozganimni eslay olmayman. Yozish dardining og‘riqlari o‘zingizga ma’lum. Asadbek qizini sharmandali holda ko‘rgach, «o‘zingni os» degan ma’noda arqon tashlash holatini yozganimdan keyin bir necha hafta yozuv stoliga yaqinlashmaganman. Reja bo‘yicha Asadbekning bir o‘g‘li vafot etishi kerak edi. Shu holatni qanday yozar ekanman, ruh azoblarini ifoda eta olarmikanman deb taraddudlanib yurgan kezlarim birinchi nabiram yetti yoshga to‘lib, maktabga chiqishga tayyorgarlik ko‘rayotgan damda avtomashina urib yuborib vafot etdi. Qalb yarasi sal bitganday bo‘lganda, yana yozishga o‘tirdim. Asadbekdagi ruh azobi kaminada ham bor edi, qog‘ozga qay tarzda ko‘chgan, bahoni kitobxon beradi. Elchin bolasi o‘lik tug‘ilganida marsiya aytishi lozim edi. Shukur Qurbonga mavzuni aytib berdim. Bu she’r yozildi: Ay, bag‘rimni tig‘lagan bolam, Ay, dunyoga sig‘magan bolam, Ay, dunyoning bevafoligin Go‘daklikdan ilg‘agan bolam... Qaydan kelib, qayga yo‘qolding, Achchiq-achchiq o‘ylarga solding, Onangning yo mening gunohim, Qay birining kasriga qolding. She’r yozilgan qog‘oz stolim ustida edim. Yangangiz chang artmoqchi bo‘lganida olib o‘qibdi. Qarasam, yig‘lab o‘tiribdi. «Nabiramizga atab yozdingizmi?», — dedi. «Kitobdagi she’r», — deb tushuntirdim. Yangangiz kitobda ham o‘qisa yarasi yangilanmasin deb asarga kiritmadim. Lekin baribir ko‘nglim bo‘lmadi, she’rni tashlab yubormadim, Oradan yillar o‘tib, 5-kitobda berildi. 🔎 @detektivkitoblar

#Nazmiy ​​Sen gulsen-u men haqir bulbuldurmen, Sen shu'lasen-u ul shu'lag'a men kuldurmen. Nisbat yo‘qtur deb ijtinob aylamakim, Shohmen elga, vale sanga quldurmen. ✍ Zahiriddin Muhammad Bobur 📚 @kitoblar_pdf

#mutolaa_vaqti Тоҳир Малик (Ҳобилов Тоҳир Абдумаликович) 1946 йил 27 декабрда Тошкент шаҳрида туғилган. Ўзбекистон халқ ёзувчиси (2000). Тошкент университетининг журналистика факультетини тамомлаган (1969). Биринчи йирик асари – “Ҳикмат афандининг ўлими” (1972). “Фалак”, “Аёвсиз илон”, “Алвидо болалик”, “Бир кеча, бир кўча”, “Девона”, “Жиноятнинг узун йўли”, “Заҳарли ғубор”, “Иблис девори”, “Келинлар дафтарига”, “Меҳмон туйғулар”, “Мурдалар гапирмайдилар”, “Нафс кишанлари”, “Номус”, “Одам ови”, “Озод инсон ҳақида қўшиқ ёхуд Мирзакалон Исмоилийнинг сўнгги нафаси”, “Падаркуш”, “Самум”, “Сомон йўли элчилари”, “Соҳилсиз денгиз”, “Сўнгги ўқ”, “Талваса”, “Танланган асарлар” (9 жилдлик), “Тилла каламуш ёхуд йўққулобод ҳангомалари”, “Тириклик суви”, “Тош қалбларга зинҳор назар солинмас”, “Ушланг ўғрини”, “Чорраҳада қолган одамлар”, “Шайтанат” (5 та китоб), “Қалдирғоч”, “Ҳаловат”, “Ҳалол нимаю ҳаром нима” каби китоблари нашр этилган...

#Iqtibos 🖇 Kitobga oshiqlik ilmga oshiqlikdir. Ilmga oshiqlik esa kamolga oshiqlikdandir. ✍️ Husayn Buxoriy 📖 @kitoboqiuz 👈

#mutolaa ​​Juda koʻp kitoblar mutolaasida oʻquvchining aqli dam oladi. Sababi oddiy: chunki uni yozishda yozuvchining aqli ham dam olgan. © Charlz Kolton 📚 @kitoblar_pdf

​#iqtibos Aksariyat hollarda rejimning an’anaviy siyosatchilari faoliyatining oxirida qamalgan va xo‘rlangan bo‘lsa, dissidentlar esa avval qamalib keyin siyosiy faoliyatini boshlashi ko‘p uchraydi. ✍ Vatslav Gavel: "Kuchsizlar kuchi" 📚 @kitoblar_pdf