እንጌራ ዕለት ድምጺ ብስራት

ሰላም ኣምላኽ ይብዝሓልኩም ብሩኻት፡፡ ትማሊ (ቅድሚ ኣስታት 24 ሰዓታት) ናይ 2ይ መልእኽቲ ዮሃንስ መልእኽቲ ዛዚምና ኣሎና፡ ክብሪ ንጎይታ ይኹን፡፡ ጎይታ ፍቓዱ ኮይኑ ንሕናዉን እንተሎና ድማ፡ ሰኑይ 3ይ መልእኽቲ ዮሃንስ ብሰለስተ ክፋላት ክንሪኣ ኢና፡፡ ክሳብ ሽዕኡ ግን ከመይ ትምሃሩን ትከታተሉን ከምዘለኹም መታን ክፈልጥ ርእቶኹም ኣብታ ልምድቲ መውሃብ ርእይቶ ብጽሑፍ ወይ ብድምጺ ክትገድፉለይ እሓትት፡፡ ብተወሳኺ ንመጻኢ ኣብ ኢደይ ዘሎ ልዕሊ 1000 ዝኸዉን መጻሕፍቲ ኣብ ሰሙን ሓንቲ መዓልቲ ምናልባት ቀዳም ቀዳም ኣብ ቴሌግራም ክሰደልኩም ሓሲበ ኣለኹ፡፡ እዘን ብ PDF ኣዝየን እተወሰና ምናልባት ካብ 20- 25 ዘይበዝሓ መጻሕፍቲ ትግርኛ እንተ ዘይኮይነን፡ ዳርጋ እቲ ልዕሊ 1000 ዝኸዉን መጻሕፍቲ ገለ ክፋሉ ኣምሓርኛ ገለ ክፋሉ ድማ ኢንግሊዝኛ እዩ፡ እዚ ድማ ነቲ ትግርኛ ተዛራቢ ኮይኑ ህዝቡ ብቋንቁኡ ክብጽሕ ዝደሊ ትግርኛ ተዛራቢ ኣገልጋሊ/ት ኮይኑ ግና ኣምሓርኛን ኢንግሊሽን ዝፈልጥ ኣንባቢ ነቲ መጻሕፍቲ ክጥቀመሉ እሞ ንኻልኦት ትግርኛ ተዛረብቲ ናብ ትግርኛ እንዳተርጐመ ድማ ህዝቡ መታን ክጠቕመሉ ካብ ዝብል እዩ፡፡ ስለዚ ኣብዚ ጉዳይ ካባኻትኩም ዝደለያ ክልተ ዓበይቲ ነገራት 1ይቲ ዘለኩም ሓሰብን ርእይቶን ናብ ዋትሳብ ወይ ቴሌግራም ብ +251911891015 ብድምጺ ወይ ብጽሑፍ ብምልኣኽ ሓሳብኩም ምሃብ፡፡ 2ይቲ ድማ ንቕዱሳን ይጠቅምን ይሃንጽን እዩ እትብልዎ ኣብ ኢድኩም ዘሎ (እንተሎ) መንፈሳዊ ጽሑፋት ብምልኣኽ (ብፍላይ ድማ ብትግርኛ እተጻሕፈ) ኣብዚ ጉዳይ ምሳታፍ፡፡ ምስ ብዙሕ ፍቕሪ ሓውኹም ቴድሮስ እየ፡፡