RFI ខេមរភាសា / RFI Khmer

អាល្លឺម៉ង់ដកក្រុមហ៊ុនចិន Huawei និង ZTE ពីប្រព័ន្ធ 5G ដើម្បីរក្សាសន្តិសុខជាតិ នៅថ្ងៃព្រហស្បតិ៍ ទី១១ កក្កដា អាល្លឺម៉ង់បានសម្រេចដកក្រុមហ៊ុនទូរគមនាគមន៍ចិន Huawei និងZTE ពីប្រព័ន្ធបច្ចេកវិទ្យា 5G នៅក្នុងប្រទេសខ្លួន ដើម្បីរក្សាសន្តិសុខជាតិ។ នេះបើយោងតាមសេចក្តីប្រកាសជាផ្លូវការរបស់រដ្ឋមន្រ្តីក្រសួងមហាផ្ទៃអាល្លឺម៉ង់។ 👉 អានអត្ថបទទាំងស្រុង៖ https://rfi.my/Am4U.g

បណ្តាញព័ត៌មានជាង​៦០​ ទាមទារ​ឲ្យអ៊ីស្រាអែលត្រូវតែបើក​ឲ្យ​អ្នកកាសែតចូលទៅ​តំបន់​ហ្កាហ្សា ដោយ​ឯករាជ្យ បណ្តាញ​ព័ត៌មាន​ និងទីភ្នាក់ងារព័ត៌មាន​ប្រមាណជាង​៦០ទូទាំងពិភពលោក បាន​រួមគ្នាផ្ញើលិខិតចំហមួយ ទៅកាន់រដ្ឋាភិបាលអ៊ីស្រាអែល ដើម្បីទាមទារ ឲ្យអ៊ីស្រាអែលលុបចេញជាបន្ទាន់ នូវការរឹងបន្តឹងយ៉ាងតឹងតែងទៅលើអ្នកសារព័ត៌មានបរទេស ដែលចង់ធ្វើដំណើរចូលទៅតំបន់ហ្កាហ្សា។ លិខិតនេះ បានទាមទារ​ថា ដល់ពេលហើយ ដែល​​អាជ្ញាធរអ៊ីស្រាអែល ត្រូវតែបើកផ្លូវ អនុញ្ញាត​ឲ្យ​អ្នកសារព័ត៌មានអន្តរជាតិ អាចចូលទៅតំបន់ហ្កាហ្សាដោយ​ឯករាជ្យ​។ 👉 អានអត្ថបទទាំងស្រុង៖ https://rfi.my/Am4E.g

អូតង់ប្រកាសបន្ថែមជំនួយ​យោធាដល់អ៊ុយក្រែន និងថាអ៊ុយក្រែន​កំពុងស្ថិតលើ​ផ្លូវឆ្ពោះក្លាយជាសមាជិក ប្រទេសសមាជិកអង្គការសម្ព័ន្ធមិត្តអាត្លង់ទិកខាងជើង ហៅកាត់ថា អូតង់ ឬណាតូ បានចាប់ផ្តើមជួបប្រជុំគ្នា​កាលពីថ្ងៃ​ពុធទី​១០​កក្កដាម្សិលមិញ នៅទីក្រុងវ៉ាស៊ីនតោន ​។ លទ្ធផល​នៃជំនួប​កំពូលនេះ បានផ្តល់ក្តីសង្ឃឹមច្រើនចំពោះ​​អ៊ុយក្រែន ដោយ​ក្រុមប្រទេសសមាជិកអូតង់បានសន្យា​កញ្ចប់ថវិកាថ្មីចំនួន​៤ម៉ឺនលានអឺរ៉ូ​ទៅឲ្យ​អ៊ុយក្រែន រួមទាំង​យន្តហោះចម្បាំង​ប្រភេទ​F-16 ជាច្រើនគ្រឿងទៀត។ មិនត្រឹមតែប៉ុណ្ណោះ អូតង់បានប្រកាសថា ចាប់ពីពេលនេះទៅ អ៊ុយក្រែន​នឹងស្ថិតនៅលើផ្លូវ ឆ្ពោះទៅក្លាយ​ជាសមាជិករបស់អូតង់ ដោយ​មិនអាចត្រឡប់ក្រោយ​វិញបានទេ​។ 👉 អានអត្ថបទទាំងស្រុង៖ https://rfi.my/Am0B.g

កម្មវិធីព័ត៌មានប្រចាំថ្ងៃព្រហស្បតិ៍ ទី១១ ខែកក្កដា ឆ្នាំ២០២៤ 👉 អានអត្ថបទទាំងស្រុង៖ https://rfi.my/Am1m.g

យន្តហោះចម្បាំងចិន ៦៦គ្រឿង រំលោភចូលដែនអាកាសតៃវ៉ាន់សារជាថ្មី ក្រសួងការពារជាតិតៃវ៉ាន់បានអះអាងនៅថ្ងៃព្រហស្បតិ៍ ទី១១ កក្កដានេះ ថា យន្តហោះយោធាចិន ចំនួន៦៦គ្រឿង បានហោះឆ្វែល រំលោភចូលដែនអាកាសរបស់តៃវ៉ាន់ ក្នុងរយៈពេល២៤ម៉ោងចុងក្រោយ។ បើតាមក្រសួងការពារជាតិតៃវ៉ាន់ នេះជាចំនួនដ៏ច្រើនមិនធ្លាប់មានទេ គិតចាប់តាំងពីដើមឆ្នាំ២០២៤នេះ។ 👉 អានអត្ថបទទាំងស្រុង៖ https://rfi.my/Am01.g

ឆមាសទី១ ឆ្នាំ២០២៤៖ កម្ពុជាសម្រេចទំហំពាណិជ្ជកម្មអន្តរជាតិជាង២៦ពាន់លានដុល្លារ កើនជិត១៣% ក្នុងរយៈពេល៦ខែឆ្នាំ២០២៤ កម្ពុជាសម្រេចបានការនាំចេញនិងនាំចូលទំនិញជាមួយទីផ្សារអន្តរជាតិក្នុងទំហំទឹកប្រាក់សរុបជាង២៦ពាន់លានដុល្លារ កើន១២,៧% បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមតួលេខចេញផ្សាយដោយអគ្គនាយកដ្ឋានគយ និងរដ្ឋាករកម្ពុជានាថ្ងៃទី១០ ខែកក្កដា ឆ្នាំ២០២៤។ ជាមួយនឹងកំណើនសរុបជិត១៣%នេះ គយក៏បញ្ជាក់ថា ទំហំនាំចេញទំនិញរបស់កម្ពុជាទៅកាន់ទីផ្សារអន្តរជាតិកើនក្នុងរង្វង់១២,៦% និងការនាំចូលទំនិញពីក្រៅប្រទេសវិញក៏បន្តកើនឡើង១២,៨%ផងដែរ។ 👉 អានអត្ថបទទាំងស្រុង៖ https://rfi.my/Alz4.g

តំណាងកម្ពុជានៅUNចាត់ទុកការរិះគន់របស់UNHCRមកលើតុលាការកម្ពុជាថាគ្មានមូលដ្ឋានច្បាស់លាស់ ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ(UN) បានចេញមកច្រានចោលរាល់ការអត្ថាធិប្បាយរបស់អ្នកនាំពាក្យការិយាល័យឧត្តមស្នងការសិទ្ធិមនុស្សអន្តរជាតិជុំវិញការកាត់ទោសសកម្មជនបរិស្ថានចំនួន១០នាក់នៃចលនាមាតាធម្មជាតិ។ តាមរយៈសេចក្តីថ្លែងការណ៍នៅថ្ងៃទី១០ ខែកក្កដា ឆ្នាំ២០២៤ តំណាងកម្ពុជានៅUNចាត់ទុកការលើកឡើងរបស់អ្នកនាំពាក្យUNHCRកន្លងមកថា គ្មានមូលដ្ឋានពិតប្រាកដ បង្កើតការភ័ន្តច្រឡំ និងមានលក្ខណៈរើសអើងចំពោះការអនុវត្តច្បាប់របស់តុលាការខ្មែរ។ 👉 អានអត្ថបទទាំងស្រុង៖ https://rfi.my/AlwN.g

Elliptic៖ជីដូនមួយលោកហ៊ុន ម៉ាណែត​​ពាក់ព័ន្ធការរកស៊ីទីផ្សារអនឡាញខ្មៅងងឹតនៅអាស៊ីអាគ្នេយ៍ បងប្អូន​ជីដូនមួយលោកនាយករដ្ឋមន្ត្រី ហ៊ុន ម៉ាណែត​ ត្រូវបាន​ក្រុមហ៊ុនវិភាគកាក់ឌីជីថលរបស់អង់គ្លេស Elliptic លើកយកមកបង្ហាញ​ថាមានជាប់ពាក់ព័ន្ធ​នឹងការ​​​រកស៊ី​​ក្នុងទីផ្សារ​អនឡាញខ្មៅ​ងងឹតបង្កប់ឧក្រិដ្ឋកម្មលាងលុយកខ្វក់។ តាម​ Elliptic ចាប់តាំងពីឆ្នាំ២០២១ បណ្តាញទីផ្សារអនឡាញ​​ដ៏កខ្វក់នេះ​បាន​ប្រតិបត្តិការ​​នៅក្នុងតំបន់អាស៊ីអាគ្នេយ៍ដោយ​រកចំណូលបាន​យ៉ាងហោចណាស់ ​១១ពាន់លានដុល្លារ តាមរយៈការបោកប្រាស់តាមអនឡាញដូចជា ការបោកបញ្ឆោ​តក្នុង​ទំនាក់ទំនងស្នេហាផ្លូវភេទ ការ​​បោកប្រាស់ក្នុង​គម្រោងវិនិយោគ ​និងការចាប់ជំរិតជាដើម។ 👉 អានអត្ថបទទាំងស្រុង៖ https://rfi.my/AlxF.g

កម្មវិធីព័ត៌មានប្រចាំថ្ងៃពុធ ទី១០ ខែកក្កដា ឆ្នាំ២០២៤ 👉 អានអត្ថបទទាំងស្រុង៖ https://rfi.my/Alrp.g

ក្រុមប្រដាប់អាវុធភាគតិច​​ភូមា​​ប្រកាស​ដណ្តើម​យក​ទីតាំង​គន្លឹះ​នៅភាគ​ខាង​ជើង​ប្រទេស រដ្ឋាភិបាល​សឹក​ភូមា​រួញ​អំណាច​​ជា​លំដាប់ និង​​​របូតក្រុង​មួយ​ហើយ​មួយ​ទៀត​​ជា​បន្ត​បន្ទាប់ ពី​ដៃ។ នៅ​ថ្ងៃពុធនេះ កង​​​ប្រដាប់​អាវុធជនជាតិ​ភាគតិច​មួយ​ក្រុម​បាន​ប្រកាស​ដណ្តើមកាន់​កាប់​ទីក្រុង​ដ៏​សំខាន់​មួយ​​នៅរដ្ឋ​ស្ហាន​ បន្ទាប់​ពី​បាន​ប្រយុទ្ធ​តតាំង​ជាមួយ​កងទ័ព​រដ្ឋាភិបាល​អស់​ជា​ច្រើន​ថ្ងៃ។ ប្រឈម​នឹង​ស្ថានភាព​ហិង្សា​នេះ ប្រជាពលរដ្ឋ​បាន​សម្រុក​រត់​ចេញ​ដើម្បី​គេច​ពី​ជម្លោះ​ប្រដាប់​អាវុធ។ 👉 អានអត្ថបទទាំងស្រុង៖ https://rfi.my/AlrX.g