Mitti Farishta 🖇 || blogi
Відкрити в Telegram
🇰🇷Koreya hayoti 🕊Islomiy statuslar 📖Ma‘noli satrlar 🖇Psixologiya 🔗Mulohaza Hammasi o‘tib ketadi... Yaxshi kunlar hali oldinda... Adminka: Risliqoy💍 @Umr_Falsafasi @Risliqoy99
Показати більше558
Підписники
Немає даних24 години
-107 днів
-1730 днів
Архів дописів
Qanday yaxshi ekan bolalik,
Yodga olsam bosar hayajon.
Ming sogʻinib yodga olsam ham,
Yoshlik qaytmas ekan, Onajon.
✍Jumayev Zamonbek
🎙Abdukarim Mirzayev
Асли бир жуфт ширин сўз айтмоқлик ҳам бахт эрур,
Озоридил шаҳдингдан қайтмоқлик ҳам бахт эрур.
Ҳар тонг тирик уйғониб, қуёш ёнса кўзингда,
Бир кафт сувни бемалол, ютмоқлик ҳам бахт эрур.
Тўлқин уриб, тошса, ёр, ташлаб кетса бепарво,
Остонада уни зор, кутмоқлик ҳам бахт эрур.
Гуллар тутиб, ёлбориб, «Севдим», демоқ шарт эмас,
Бир табассум, бир нигоҳ, боқмоқлик ҳам бахт эрур.
Кимдир сени соғиниб, ёмғирдайин тўкилса,
Эшигини шамолдай, қоқмоқлик ҳам бахт эрур.
Отанг бўлса дуогўй, онанг-чи, балогардон,
Этакларин кўзингга суртмоқлик ҳам бахт эрур.
Ўғлинг шайдир хизматга, қизинг турса жилмайиб,
Улар учун яшаб- гир, ўтмоқлик ҳам бахт эрур.
Сиринг айтсанг ўртаниб, бориб сотса ғанимга,
Хоин дўстнинг бахридан кечмоқлик ҳам бахт эрур.
Ўраб қолса мушкулот, тушиб қолсанг домига,
Шу тугунни шу бугун ечмоқлик ҳам бахт эрур.
Дунё топсанг беҳисоб, дарё бўлиб оқса гар,
Бир ирмоғин ночорга очмоқлик ҳам бахт эрур.
Таъқиб қилса туну кун, қувса нафснинг балоси,
У нобакор дастидан қочмоқлик ҳам бахт эрур.
Кўкламдан то кузгача, жон-тер тўксанг заминга,
Ўз қўлинг-ла ҳосилинг, ўрмоқлик ҳам бахт эрур.
Миниб орзу тулпорин, қамчи боссанг шаҳдингга,
Ниятларинг тўйини кўрмоқлик ҳам бахт эрур.
Муз парчадир ўзга юрт, гарчи парқу тўшаги,
Ўз туфроқлик тошида ётмоқлик ҳам бахт эрур.
Шеърлар ёзсанг ўртаниб тилга олса эл номинг,
Ойдек кўнгил уфқига ботмоқлик ҳам бахт эрур.
Аллоҳ ўзи билгувчи, нима бахту қайси нақд,
Лек бахт ичра ўзингда қолмоқлик ҳам бахт эрур.
Фарид Афрўз, разм сол, чор тарафинг эрур бахт,
Ўз бахтингни ўзинг тан олмоқлик ҳам бахт эрур.
Фарида АФРЎЗ
