✿ጥምር ጉባኤ✿

''ከልብ ለሚፈልጉኝ ሁሉ ሁሉ እገኛለሁ፤ከምድራውያን ወላጆች ጋር የማልነጻጸር መልካም አባት ነኝ ፤ለሚወዱኝ ዓይን ያላየው፣ጆሮ ያልሰማው ፣በሰው ልብ ያልታሰበ ታላቅ ሥጦታን እሰጣለሁ''                                               2ኛ ዜና መዋዕል 15:2 ዛሬ በዕለተ ሰንበት አንድ መልዕክት ወደ ስልኬ ገባ እናም በደንብ ስለሚያስተምረን  ላካፍላቹ ወደድኩ። የተለያየ ሀገር እና ቦታ ከሚገኙ ወንድሞቼ ዲያቆናት እና መልካም የቤተክርስቲያን ልጆች ጋር በመሆን  ሶሻል ሚድያን ወንድም እህቶቻችንን  ወደመልካምነት ወደ መንፈሳዊነት የሚመጡበትን ነገር የምንችለውን ነገር ለማድረግ በምናርገው ጥረት ላይ  አንድ ቀን አንዳንድ ነገሮችን በማይበት ጊዜ    በinstagram ላይ ያወኳት ህይወቷ እጅግ የተረበሸባት በተለያዮ ሱሶች የተያዘች፣ ቤተ እግዚአብሔርን ማሰብ እስከማትፈልግ ድረስ በመጥፎ ሃሳብ ተጠምዳ፣ ከሀገር ውጭ የምትገኝ፣ ከፀሎት እጅግ የራቀች ፣ሀዘን የምታበዛ ፣በጥቃቅን ነገር በማይሆን ነገር ደስታዋን፣ የምትፈልግ ሰው በምንም መልኩ እንዲመክራት የማትፈልግ  ....እህታችን ነበረች ።ግን instagram bio ላይ ''በብርሃን ፀዳል ተከባ እመቤቴ''  ይላል በዚህ ፍቅር እመብርሃን የምትወድ ልጅ ብዬ ውስጤ ተነካ story ላይ ባረገችው አንድ ፎቶ ምክንያት  መመካከር ጀመርን መጀመሪያ ብዙም ፍቃደኛ ባትሆንም በኋላ ግን በጥሩ አዳማጭ ወደ መሆን መጣች ። ብዙ ተመካከርን እግዚአብሔር ፈቃዱ  ሆኖ በቃሉ ላይ መንፈስ ቅዱስ አድሮበት ከፈቃደ ስጋ ይልቅ ፈቃደ ነፍስ እንዲገዛ ሆነ እመብርሃን ብርሃኗ ከቧት ቅዱስ ሚካኤል የሞት የመጥፋት ደብዳቤዋን ቀየረላት በፎቶ ላይ ያለውን መልዕክት ላከችልኝ  ፤''እግዚአብሔርን ፈልጉት፤ትጸናላችሁ ፤ሁል ጊዜ ፊቱን ፈልጉ ።''2ኛ ዜና መዋዕል 16:11እግዚአብሔርን የፈለገ ውድቀቱ መነሻ ይሆነዋል፣አለማወቁ እውቀት ይሆነዋል ፣ማጣቱ ማግኘት ይሆንለታል እርሱን እንያዝ ፤  ሰዎችን ከምንፈርድባቸው ይልቅ እናወያያቸው እናማክራቸው ይበልጥ የቤተክርስቲያን አገልጋዬች ከኢየሱስ ክርስቶስ ተምረን ዝቅ ብለን የወደቁትን እናንሳ የደከሙትን እናበርታ ያኔ በመስጠት ውስጥ ብዙ እናተርፋለን ።የእግዚአብሔር ቃል ያለምንም ጥቅማ ጥቅም መልካም ሰውን ይፈጥራል ፤ከመጥፎ ሃሳብ ሁሉ ወደ መልካም ይወስዳል ፤ብዙ መልካም ሰው ይፈጥራል ፤ወደ መልካሙ ያመጣል ።እናም አጅግ የሚያስደስት ነገር ነውና  ሁላችን እናስተውል ሁሉን ላደረገ ለልዑል እግዚአብሔር አምልኮት ፣ ክብር፣ምስጋና ይግባዉ   ፤ብርታቱን ሁሉ ላደለችን የእናትነት ፍቅሯ በሰፊው ላለበሰችን  ለእመቤታችን ቅድስት ድንግል ማርያም ክብር ይግባት አሁንም አትለየን፤ክፉውን ደብዳቤ ወደ መልካሙ የቀየረው ቅዱስ ሚካኤል አሁንም መጥፎውን ሁሉ ወደ መልካም ይቀይርልን ።                                          ዲ/ን አቤንኤዘር ሲሳይ                                                 29/01/2015