ADABIY MINBAR

➖ Nimani sog‘inding? ➖ Sovuq kunlarda bag‘ringizda isinishni. Sizchi, ona? ➖ Sovuq kunlarni, bolam... Nodir Qulmatov @adabiy_minbar

#yoz_yomg‘iri Yomg'ir yog'ar, shig'alab yog'ar, Tomchilar, tomchilar sochimga. Yomg'ir yog'ar, shig'alab yog'ar, Ham qayg'umga, ham quvonchimga... Yomg'ir yog'ar, shig'alab yog'ar, Men unga ochaman bag'rimni. Yomg'ir yog'ar, shig'alab yog'ar, Asta unutaman yomg'irni. Yomg'ir yog'ar, shig'alab yog'ar, Axir meni asir etar ul. Yomg'ir yog'ar, shig'alab yog'ar, Yog'a boshlar qog'ozga ko'ngil ! Rauf Parfi @adabiy_minbar

QADRDON SO'QMOQLAR HAR KIMNING TO'G'ILGAN SHAHRI MISR SHAHRI (maqol) Qizil kendir bilan shivirlashar tol, Turna uchib borar olis yoqlarga. Talay yo'llar bosib misoli shamol Yana qaytib keldim bu So'qmoqlarga. O'shbu tor So'qmoqqa qadam qo'yganda Qaytadan men bola bo'lib ketaman. Intiqqan yuragim kengayib shunda Chamamda qush bo'lib parvoz etaman. Mosh paykalda gala chumchuq chug'urlar, She'r o'qishib turgan yosh shoirlarday. Burilishda tanish qo'shig'in kuylab, Qo'shni qiz oldimdan chiqib qolarday. Biroq u bunda yo'q, u yiroqlarda... Bizning joylar o'rni hozir paxtazor. Nechog'lik monandsiz bizning yoqlarda, Deb doim maqtayman, so'rashsa agar. Gul terib, kapalak tergan sho'x vaqtim, Anov bedazorda yurgan toy dersa. Yo tavba, shu bitta qiyshiq so'qmoqning Dilga yaqinligin qanday aytarsan! * * * Cholga salom bersam o'sha so'qmoqda, <<"Kimsan?>>deb tanimay menga qaradi. Bir bola uchrasa sal nariroqda: — Kimning o'g'lisan? - deb man ham so'radim. * * * — Ota, narvon bo'pti anov qo'sh terak! — Bolam, terak emas, bu umr-ku, bu! — Inim, bog'ga nega bog'lading eshak? — S, anov chiriy deb qolgan olma-ku! Ibroyim Yusupov @adabiy_minbar

Alamim keladi, Alamim... E voh, Ortda qolib ketdi she'r bolalarim..! Bir kun qutqarmasa qalamim... E voh, Mushukka yem bo‘lar sher bolalarim! N.Q @adabiy_minbar

ГАПИР Оғамсан-ку, кел бундай Ҳасратларингдан гапир. Тескари тўнкарилган Қисматларингдан гапир. Онангни соғиндингми? - Кўзларинг титрамоқда... Отангни ғамгин кўрган Ғурбатларингдан гапир. Туғишганинг ҳар ёна Тарқадими, тарқоқсан? Тақдир - оёқ, чиноққа Етмаган бошбармоқсан. Aканг - раҳбар, сен уни Ҳафтада бир кўрмоққа Шанба-якшанба кутган Навбатларингдан гапир. Рўзғоринг -тешик қозон, Тўларми ҳеч замонда? Турмушдан ортган пулинг Бўларми ҳеч замонда? Ўғлинг "Фанта обберинг" Деб йиғласа дўконда, Туршакдан қилиб берган Шарбатларингдан гапир. Қизчанг дардга йўлиқди Начора, уч ёшида. Туғилгунча қисилиш Бўлган экан бошида. У учун пул қидириб Раҳбарингнинг қошида Эгилишларга рози Келбатларингдан гапир. Нега шунча қийналиб Замондан нолимайсан? Минг ёмонга йўлиқиб Ёмондан нолимайсан? Устингдан кулсалар ҳам Инсондан нолимайсан? Жавоби жеркиш бўлган Ҳурматларингдан гапир. Оғамсан-ку, кел бундай Ҳасратларингдан гапир. Тескари тўнкарилган Қисматларингдан гапир. Онангни соғиндингми? - Кўзларинг титрамоқда... Отангни ғамгин кўрган Ғурбатларингдан гапир. 10.2020 Jonibek Alijonov @adabiy_minbar

Футбол ўйинини жонли кўрган одам эртасига намойиш қилинаётганда жамоаси ютқазаётган бўлса ҳам хотиржам ўтиради. Чунки охирида клуби ютишини билади. Мусулмонларнинг хотиржамлигига сабаб ҳам шу. Улар охири зафар ким томондалигини биладилар. Ишонинг, тарих китобларини ўқиб, бошқаларда бу қадар юқори ишончни кўрмадим. Айни шу хотиржамлик, оқибатнинг қай тарафдалигига бўлган яқийн ишонч нариги томоннинг ғазабига сабаб бўлмоқда. Начора, "ўйин"нинг саксонинчи дақиқаси ўтиб бўлган, охирги декадада иродали жамоа ўз камбекини барибир нишонлайди. Ютқазишини биладиган жамоага нақадар оғир, а?! Xayrulla Hamidov Facebook'dan olindi @suhrob_ziyo1 🍁🍁🍁🍁🍁🍁🍁🍁🍁🍁🍁 https://t.me/joinchat/AAAAAFHmfjV_EQHVqR8Rcw 🍂🍂🍂🍂🍂🍂🍂🍂🍂🍂🍂

Men(siz, biz) tashqaridan eshitilgan ovoz salyut ekanligini anglab hotirjam uxlayotganim(iz)da, birodarlarimiz eshitayotgan otishmalar ovozlari salyutning ovozi bo‘lib qolishini orzu qilib uxlolmay chiqishyapti😢 @adabiy_minbar

Ishq dedim yurakka sachrab ketdi qon... Karim Bahriyev @adabiy_minbar

O‘zbek benksisining Toshkent ko‘chalaridagi ishlari @adabiy_minbar

O‘zgargan do‘stlarimning o‘zgarganidan, o‘zgarmagan do‘stlarimning o‘zgarmaganidan xursand bo‘lgan edim, lekin hozir ko‘pchiligini topolmayapman.