መዳን በክርስቶስ ብቻ

“የእስራኤል ቅዱስ፥ ጌታ እግዚአብሔር እንዲህ ይላልና፦ በመመለስና በማረፍ ትድናላችሁ፤ በጸጥታና በመታመን ኃይል ይሆንላችኋል፤ እናንተም እንቢ አላችሁ፥” — ኢሳይያስ 30፥15 ኢሳይያስ 40 ¯¯¯¯¯¯¯¯¯¯ ²⁷ ያዕቆብ ሆይ፥ እስራኤልም ሆይ፦ መንገዴ ከእግዚአብሔር ተሰውራለች ፍርዴም ከአምላኬ አልፋለች ለምን ትላለህ? ለምንስ እንዲህ ትናገራለህ? ²⁸ አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ²⁹ ለደካማ ኃይልን ይሰጣል፥ ጕልበት ለሌለውም ብርታትን ይጨምራል። ³⁰ ብላቴኖች ይደክማሉ ይታክቱማል፥ ጐበዛዝቱም ፈጽሞ ይወድቃሉ፤ ³¹ እግዚአብሔርን በመተማመን የሚጠባበቁ ግን ኃይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፥ አይታክቱም፤ ይሄዳሉ፥ አይደክሙም። “ዕረፉ፥ እኔም አምላክ እንደ ሆንሁ እወቁ፤ በአሕዛብ ዘንድ ከፍ ከፍ እላለሁ፥ በምድርም ላይ ከፍ ከፍ እላለሁ።” — መዝሙር 46፥10

ኤፌሶን 1 ¯¯¯¯¯¯¯¯¯¯ ³ በክርስቶስ በሰማያዊ ስፍራ በመንፈሳዊ በረከት ሁሉ የባረከን የጌታችን የኢየሱስ ክርስቶስ አምላክና አባት ይባረክ። ⁴ ዓለም ሳይፈጠር፥ በፊቱ ቅዱሳንና ነውር የሌለን በፍቅር እንሆን ዘንድ በክርስቶስ መረጠን። ⁵ በበጎ ፈቃዱ እንደ ወደደ፥ በኢየሱስ ክርስቶስ ሥራ ለእርሱ ልጆች ልንሆን አስቀድሞ ወሰነን። … ¹⁸-¹⁹ ይህም የልባችሁ ዓይኖች ሲበሩ የመጥራቱ ተስፋ ምን እንዲሆን በቅዱሳንም ዘንድ ያለው የርስት ክብር ባለ ጠግነት ምን እንዲሆን ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤

Kenessa and Solomon Bula | ኬነሳ እና ሰለሞን ቡላ - ርስታችን 2022 Live Worship

“ነገር ግን [ከሁሉ የሚበልጠውን ስጦታ] በብርቱ ፈልጉ። ደግሞም ከሁሉ የሚበልጠውን መንገድ አሳያችኋለሁ።” — 1ኛ ቆሮንቶስ 12፥31 (አ.መ.ት) 1ኛ ቆሮንቶስ 13 (አዲሱ መ.ት) ¯¯¯¯¯¯¯¯¯¯ 8 ፍቅር ከቶ አይወድቅም፤ ነገር ግን ትንቢት ቢሆን ይሻራል፤ ልሳንም ቢሆን ይቀራል፤ ዕውቀትም ቢሆን ይሻራል። ⁹ ምክንያቱም የምናውቀው በከፊል ነው፤ ትንቢት የምን ናገረውም በከፊል ነው። ¹⁰ ነገር ግን ፍጹም የሆነው ሲመጣ በከፊል የነበረው ይሻራል። … ¹² አሁን የምናየው በመስተዋት ውስጥ እንደሚታይ በድንግዝግዝ ነው፤ በዚያን ጊዜ ግን ፊት ለፊት እናያለን። አሁን የማውቀው በከፊል ነው፤ በዚያን ጊዜ እኔ ራሴ ሙሉ በሙሉ የታወቅሁትን ያህል ዐውቃለሁ። ¹³ እንግዲህ እምነት፣ ተስፋ፣ ፍቅር እነዚህ ሦስቱ ጸንተው ይኖራሉ፤ [ከእነዚህም የሚበልጠው ፍቅር ነው።]

@artforchrist116🎧 @artforchrist116🎺 @artforchrist116🥁 @artforchrist116🎹

@artforchrist116🎧 @artforchrist116🎺 @artforchrist116🥁 @artforchrist116🎹

@artforchrist116🎧 @artforchrist116🎺 @artforchrist116🥁 @artforchrist116🎹

@artforchrist116🎧 @artforchrist116🎺 @artforchrist116🥁 @artforchrist116🎹

[ የዛሬ ዓመት የጻፍነውን "ቅኔ" እንከልስ አይደል? እና ደግሞ "መልካም ስቅለት" ይባላል እንዴ? ብቻ ስቅዩውን ሎሌ በሕይወታችን የምናነግስበት ዘመን ይምጣልን...] በሕዝቡ በደል ጦስ ሲቆጣ ጲላጦስ አጭቶን ለእንጦሮጦስ የንጉሡን ቁጣ ሕዝቡም አይቶ ሰምቶ በሰላሳ ዲናር ከመቅደስ ሸምቶ በዝምተኛው በግ ከናዝሬት ባመጣው ጲላጦስ በረደ ፣ ተግ አለ ከቁጣው ቢላ መጨበጡን ምን ንጉሥ ባይወደው ለ'ርቅ ያመጡት በግ እጁን ታጥቦ አረደው ፨ አርብ ዕለት ተሲያት አንድ ጉብል ሞቶ ሊገንዝ ቢመጣም ገናዥ ይሄን ሰምቶ አጠረው ከፈኑ ገናዡንም ከፋው ለበርባን ነበረ በልክ የተሰፋው ፨ ጎበዙ ሸማኔ ዛሬ አቀረቀረ ሕዝቡን ሸማ አልብሶ እሱ እርቃን ቀረ ፨ የአይሁድ ማር አንቢ አቤት ዕድላቸው! መች አቅምሰውት ነው የወደደላቸው? ይኸው ሲል ሰማነው "ማራቸው ማራቸው"! ፨ አጃኢብ ይኼ ሰው ጥበብ የተረፈው በፈተለው ጅራፍ እግዜርን ገረፈው ፨ ድንቅ መምህር ነው በቃል የከበረ ሰይጣንን እራሱ አስተምሮት ነበረ! ፨ የጫነውን አክሊል እያዩ ባይናቸው ምነው የማያምኑት ንጉስ ነኝ ሲላቸው? ፨ የአይሁድ ነቃ'ሽ ላይ ኧረ ማን ይደርሳል በተሳለ ሚስማር መዳፍ ይነቅሳል ፨ እጅግ ታመን ነበር አንዲት በለስ ጎርሰን መዳኒቱን ሥጋ አብልቶ ፈወሰን ፨ ፆም መፍቻ አጣን ብለን ልባችን ሲሰጋ ይኼው አፈሰክን ጎልጎታ አፋፉ ላይ በሰቀሉት ሥጋ ፨ በደህነኛ መዳፍ ብንተጋ፣ ብናብር ያልቻልነውን ስራ ፣ ያቃተንን ግብር ደም እስከሚያልበው እያብሰለሰለው እንዴት አ'ርጎ ሰራው በእጁ በቆሰለው ፨ ምን ሆኖ ነው እግሩ በደሙ የራሰው መታው ወይ እንቅፋት እግዜርን እንደሰው? ፨ ሄሮድስ ካባ ሰጠው የተንቆጠቆጠ እንደ በትረ መንግሥት መቃኑን ጨበጠ ጲላጦስ ጫነለት አስጎንጉኖ አክሊል ታዲያ ሕዝቡ ማነው "ንጉሥ አይደለም" ሊል? ፨ ከተራራው አፋፍ ገላህን አስጥታ ዓለም ጥሟ ረካ ደምህን ጠጥታ ቆርጥማ ጠገበች ከገላህ ላይ ዘግና ከወዴት ይገኛል ያንተ አይነቱ ጀግና በሞቱ በጣሩ የሞት ቀስት ይሰብራል በረቂቅ ዝምታው አገር ያሸብራል! ፨ በሰፊው ጎዳና ሄዳችሁ፣ ሠግራችሁ በመንገዱ አቧራ ቆሽሿል እግራችሁ ጉዞው ተገባዶ ስትደርሱ ከመሸ አይገባምና ሰው እግሩ የቆሸሸ ልጠበው ሲላችሁ ከቶ አትግደርደሩ ማንፃት ያውቅበታል ታጥባችሁ እደሩ ፨ እንጀራ አበላቸው "እሰይ" ብለው በሉ ዓሳንም ሰጣቸው ስቀው ተቀበሉ ከነፍስ ወይ ከስጋ ሳያጎድልባቸው ምነው ክፉ አሰበ ያ ድንጋይ ልባቸው ከእጁ እንዳልጠጡ ከእጁ እንዳልበሉ ምን አጉድሎባቸው "ስቀለው" ይላሉ? ፨ እዝኔ ስለሰማው "ኤሎሄ" እያለ ቅኔ ሲመሰጥር መሞቱ ነው ብዬ እንደምን ልጠርጥር ፨ ያ የደሃ ወዳጅ መንጦላዕት ቀዳጅ ጓዳውን ማሳየት ቸር ልቡ ቢወድደው ሰው የሰፋውን ጨርቅ መለኮት ቀደደው መቀስ ምላጭ ሳይል ያለምንም ስለት አንዱን መጋረጃ አደረገው ሁለት እነዳይ'ሰፋ አ'ርጎ አንዴ ተረተረው ታዲያ ሰው ሊጠቅም ምን አውተረተረው? በአምላክ ስራ ገብቶ ፍጡር ምን አለፋው ጌታ በቀደደው እሱ የሚሰፋው? ፨ ምን ነካው ያ ንጉሥ ይኼ ነው ወይ ወጉስ? ታየ አለማወቁ ከትላንቱም ብሶ እውነት ፊቱ ቆሞ ስጋና ደም ለብሶ እውነትን እራሱን በአካል እያየነው ብሎ ይጠይቃል "እውነት ግን ምንድነው?" ፨

ዮሐንስ 18 (አዲሱ መ.ት) ¯¯¯¯¯¯¯¯¯¯ ⁴ ኢየሱስም የሚደርስበትን ሁሉ ዐውቆ ወጣና፣ “የምትፈልጉት ማንን ነው?” አላቸው። … ¹¹ ኢየሱስም ጴጥሮስን፣ “ሰይፍህን ወደ ሰገባው መልስ! አብ የሰጠኝን ጽዋ አልጠጣምን?” አለው። … ¹⁴ ቀያፋም፣ ‘ለሕዝቡ ሲባል አንድ ሰው ቢሞት ይሻላል’ ብሎ አይሁድን የመከረ ነበር።