Positive thought 🗣

የማየው ነገርና የሚሰማኝ ስሜት ግንኙነት! ደስ የማይል ስሜት ከተሰማችሁ፣ ስሜቱ እንዲመጣ ያደረገ ሃሳብ እንዳሰባች አትጠራጠሩ፡፡ ስለዚህ፣ ሃሳብ ስሜትን ይወልዳልና ስሜትን ለመቆጣጠር ሃሳብ ላይ መስራት የግድ ነው፡፡ ሃሳብ ላይ ለመስራት ደግሞ ሃሳብ ወደ አእምሯችን የሚገባባቸውን በሮች ማጤን ነው፡፡ ከእነዚህ በሮች መካል አይናችን አንዱ ነው፡፡ የምናያቸው ነገሮች በውስጣችን ሃሳብን ይዘራሉ፣ እነዚህ ሃሳቦች ደግሞ ወዲያውም ሆነ ሰንበትበት ብለው ስሜትን ያስከትላሉ፡፡ ለዛሬ የሚከተሉትን ላስታውሳችሁ . . . • አስፈሪና አሰቃቂ (horror) ፊልሞች ማየት የምታዘውትሩ ከሆነ ፈጠነም ዘገየም የፍርሃት ስሜትና የሌሊት ቅዠቶች ይከተላል • የተገኘውን ዜና ማየት የምታዘውትሩ ከሆነ እናንተ ብትጨነቁ ምንም ለውጥ በማታመጡት ነገር ሁሉ የመስጋት የመደንገጥ ስሜት ይከተላል • ወሲብ-ተኮር (Pornography) ፊልሞችን ማየት የምታዘውትሩ ከሆነ ልቅ የሆነ የወሲብ ስሜት ወይም ለትዳር አጋራችሁ የወሲብ ፍላጎት የማጣት ስሜት ይከተላል • በአካል የማታውቁት ሰው የሚልክላችሁን መልእክትና የእሱን ምስል በማሕበራዊ ሚዲያ ማየት የምታዘውትሩ ከሆነ የመሳብና የትስስር ስሜት ይከተላል • በማሕበራዊ ሚዲያ ላይ የሚሰነዘሩ የግለሰቦች ትችቶች (Comments) ማየት የምታዘውትሩ ከሆነ የተቺነትና የነቃፊነት ስሜት ይከተላል የምታዩትን ነገር በመቆጣጠር ሃሳባችሁንና ከዚያም ስሜታችሁን ሚዛናዊ በማድረግ ብቃት ማደግ ትችላላችሁ፡፡ ስሜታችሁ ሚዛናዊ ሲሆን ደግሞ ተግባራችሁ መልክ ይይዛል፡፡

Date: Jun 16, 2021 Subject: መቀስ መቀስ መቁረጥ እንጂ አያውቅም ቀጥሎ የአህያ ወዳጅ ከጅብ አያውቅም አስጥሎ ፍቅር የሌለበት ወጣገባ መንገድ ደርሶ ይጎረብጣል በጥባጭ መሐል እስካለ ንፁሁን ማን ይጠጣል ? ድፍርስ ነው ሰው ድፍርስ የተሰራውን የሚያፈርስ !!! እ@ናና:-15/10/2014 ---

አማራጩ መጠንከር ብቻ ሲሆን! ያላችሁ ምርጫ ብርቱና ጠንካራ መሆን ብቻ ሲሆን፣ ያን ጊዜ በእርግጥም ምን ያህል ብርቱና ጠንካራ ሰዎች እንደሆናችሁ ታውቁታላችሁ፡፡ ሁሉም ነገር ተስፋ አጥቶ፣ አንዱን ችግር ተወጣሁት ስትሉ ሌላው ችግር ሲተካና ግራ ሲያጋባችሁ፡፡ ከሰዎች የምትጠብቁትን መልካም ነገር ሳታገኙ ስትቀሩና የማትጠብቁትን ጥሩ ያልሆነ ነገር ስታገኙ፣ ያላችሁ አማራጭ መጠንከር ብቻ ነው፡፡ ያን ጊዜ ነው ምን ያህል ብርቱና ጠንካራ እንደሆናችሁ የምታውቁት፡፡ ሁሉም ነገር የከዳችሁና መስመር የሳተ ሲመስላችሁ ምን ያህል ጠንካራና ጎበዝ እንደሆናችሁ የምታውቁበት ጊዜ ነውና ተስፋ አትቁረጡ፡፡

ሶስቱ “ማንነቶቼ” (“የማንነትህ መለኪያ” ከተሰኘው የደ/ር ኢዮብ ማሞ መጽሐፍ የተወሰደ) ከስነ-ልቦና እይታ አንጻር ሶስት አይነት ማንነት እንዳሉን ማሰብ እንችላለን፡- 1. ራሴ “እንዲህ ነኝ” ብዬ የማስበው እኔ በራሴ ላይ ያለኝ ተጽእኖ እጅግ ታላቅ ነው፡፡ ይህ ከሆነበት ምክንያቶች ዋነኛው ብዙውን ጊዜ ከራሴ ጋር ስለማሳልፍና ብዙ ነገሮችን ለራሴ የመናገር እድሉ ስላለኝ ነው፡፡ ይህ ልቀይረውና ሌላ አማራጭ ልፈልግለት የማልችለው እውነታ በመሆኑ በሚገባ ላስብበት ይገባኛል፡፡ በራሴ ላይ ያለኝ አመለካከት ራሴው በእኔው ላይ ከለጠፍኩበት ዋጋ አልፎ በመዝለቅ ወደ ትክክለኛው መስመር እስከሚገባ ድረስ ትክክለኛ መለኪያን እንዳላዳበርኩ አመልካች ነው፡፡ በሌላ አገላለጽ የሰውነቴ ዋጋ የማይለዋወጥ እንደሆነና እኔው በፈቃዴ ግን የተለያዩ የዋጋ ተመኖች እንዲለጠፉብኝ መፍቀድ እንደምችል ማስታወስ የግድ ነው፡፡ 2. ሰዎችና ሁኔታዎች “እንዲህ ነህ” ብለው የሚነግሩኝ ሰዎች ካለማቋረጥ መልእክትን ወደ እኛ ይልካሉ፡፡ አንዳንድ ጊዜ በቃል፣ ሌላ ጊዜ ደግሞ በሁኔታ፡፡ በተለይም የመደብ ልዩነት ከባህሉ ጋር ተገምዶ በሚገኝበት እንደኛው አይነት ማሕበረሰብ ውስጥ ጀርባችንን፣ የወቅቱ ሁኔታችንን፣ ያለንና የሌለንን በመደመርና በመቀነስ ካለማቋረጥ ማንነታችን ላይ ተመን ይለጥፋሉ፡፡ ይህ ዋጋ ደግሞ አንዴ ከፍ ይላል፣ ሌላ ጊዜ ደግሞ ዝቅ ይላል፡፡ ይህንን ሁኔታ በተገቢው ሚዛናዊነት የማስተናገዱ ግዴታ እኔው ላይ ነው ያለው፡፡ ሰዎች በእኔ ላይ የሚለጣጥፉት የዋጋ ውጣ ውረድ በማንነቴ ላይ ተጽእኖ የሚያመጣው እኔው ራሴ ስፈቅድለት ብቻ እንደሆነ ማስታወስ የግድ ነው፡፡ 3. እውነተኛውና ትክክለኛው ማንነቴ እውነተኛው ማንነቴ ማለት እኔው በራሴ ላይ ወይም ደግሞ ሌሎች ሰዎች የለጠፉብኝ ተመን (Price) ሳይሆን ሰው በመሆኔ ከፈጣሪ የተሰጠኝ ዋጋ (Value) ነው፡፡ ይህ የመጨረሻ ስልጣን ያለውና ሁሉንም ትቼ ላምነው፣ ላሰላስለውና ልለማመደው የሚገባኝ እውነት ነው፡፡ ይህ የማንነቴ ዋጋ በምንም ሁኔታ ሊቀንስም ሆነ ሊጨምር አይችልም፡፡ ይህንን ዋጋ በጥረቴ ልጨምረውም ሆነ ላሳድገው አልችልም፡፡ ለዚያ ሊቀነስም ሆነ ሊጨመር ለማይችለው ከፈጣሪዬ ለተቀበልኩት የከበረ ዋጋ ላለው ማንነቴ የሚመጥን አመለካከትና የኑሮ ዘይቤ የመከተሌ ሁኔታ ግን የምርጫ ጉዳይ ነው፡፡ እንግዲህ አንድ ሰው በራሱ ማንነት ላይ ያለው ዋጋ የተዛባ መሆኑን ለማወቅ ካሉን መመዘኛዎች መካከል አንዱ በችግሮቹ ላይ ያለውን አመለካከት በማጤን ነው፡፡ የተቃኘና ትክክለኛ ራስ-በራስ ምልከታ ያለው ሰው እለት በእለት በሚገጥመው ችግሩ ላይ ያለውም ምልከታ ሚዛናዊና አዎንታዊ ነው፡፡ በተቃራኒው ደግሞ ችግር ሲገጥመው የወደቀ አመለካከት ያለው ሰው በቅድሚያ በራሱ ላይ ያለው አመለካከት አለመስተካከሉን አመልካች ነው፡፡ የኑሯችሁ ሁኔታ በተለዋወጠ ቁጥር በማንነታችሁ ላይ ያለችሁን አመለካከትና ለራሳችሁ የምትሰጡትን ግምት አትለዋውጡ፡፡ በምንም ሁኔታ ውስጥ ብታልፉም የማንነታችሁ ዋጋ ያው ነው!

ወደራሳችን መለስ እንበል! • ስለሰዎች የግል ጉዳይና ሁኔታ ለማወቅ በሞከርን ቁጥር ራሳችንን የማወቅና የማሻሻል ብቃታችን እየቀነሰ ይሄዳል፡፡ • ስለሰዎች ጉዳይና ሁኔታ የመስማት ጥማታችን በጨመረ ቁጥር ራሳችንን የማድመጥና ከራሳችን ጋር የመግባባት ብቃታችን እየወረደ ይሄዳል፡፡ • ስለሰዎች ስኬትና ውድቀት የማውጣትና የማውረድ ፍላጎታችን በበዛ ቁጥር የራሳችንን የስኬት ደረጃ የማወቅና ከዚያ አንጻር የመስራት ምልከታችን ይጠፋብናል፡፡ • ስለሰዎች ማሰብንና ማውራትን በለመድን ቁጥር ሰዎች ስለ እኛ ስለሚያስቡትና ስለሚያወሩት ነገር መጨነቅና መናወጥ እንጀምራለን፡፡ • ሰዎች ያደረጉብንና ያላደረጉልንን እየቆጠርን መራራ በሆንን ቁጥር፣ ራሳችንን የምናደርጋቸው መልካም ነገሮች ላይ የማተኮር አቅማችንን እናስወስዳለን፡፡ ወደ ራሳችን መለስ እንበል!

Date: Mar 14, 2022 Subject: የከንፈር መዳጅ። የከንፈር ወዳጄ ፤የልብ ባለጋራ ያ ደጉ ሳምራዊ ውዱ ባልንጀራ የጨለማው ካህን፤ ያ የብርሃን ልጂ የተሞተለትን ገዳይ፤ ምላጅ አማላጅ የጭቃ ውስጥ እሾኽ የአሜኬላ ናሙና ሳይነፃ የሚያጥብ እድፋም ሳሙና ማየት የተሳነው የአይኑን ምሰሶ እራሱን የሚያገዝፍ ሰውን አሳንሶ ደጉ ጓደኛዬ የሸንጎ ሰውነት የህይወት ክምር አፈር የማይወለድ ፅንስ ሽል ሆኖ የሚቀር በፆም ቅቤ አጉራሽ የህይወት ፆምን አፍራሽ እጅን በሀረግ ይዞ ተረከዝ የሚወጋ ስል ቅጠለ ለምለም ደረቅ አጋም ቀጋ የከንፈር ወዳጄ የልቤ ባለጋራ በኔ እድፍ እጣቢ ራሱን የሚያጠራ የከንፈር ወዳጄ ውድቀቴን የሚመኝ በሰላሳ ዲናር ስሞ የሚሸጠኝ ይሁዳዬ ጓደኛዬ 🙏🙏 ኦ@ናና:-23/07/14 --- Shared using https://www.writediary.com/getapp

ከተቋቋሚነት (Coping) ወደ አባቢነት (Thriving) “ወደፊት እየተራመድኩኝ አይደለም፡፡ ባለሁበት እንቆምኩኝ ይሰማኛል” የሚሉ ሰዎችን አድምጣችሁ ከሆነ ይህን አባባላቸውን የሚጠቀሙበት ባጠቃላይ ህይወታቸው ወደፊት አልራመድ እንዳላቸውና ባሉበት የቀሩ እንደሚመስላቸው ለመግለጽ ነው፡፡ እንደ እውነቱ ከሆነ ግን አለም በሚያስገርም ፍጥነት በምትሮጥበት በዚህ ዘመን ባሉበት ቦታ መቆም የሚባል ነገር የለም፡፡ ወይ ወደፊት ነው የመንሄደው ወይም ደግሞ ወደኋለ ነው የምንንሸራተተው፡፡ ይህ የሚሆንበት ምክንያት እኛ እንደቆምን ብናምንም እንኳን በዙሪያችን ያለው ዓለም በፍጥነት እየገሰገሰ ስለሆነ እኛን ወደኋላ የማስቀረት ተጽእኖ ስላለው ነው፡፡ ወደ ኋላ ከመንሸራተት ወጥተን ወደ ፊት ወደ መገስገስ እነድንሸጋገር ካስፈለገ በተቋቋሚነትና (Coping) እና በአባቢነት (Thriving) መካከል ያለውን ልዩነት መገንዘብ አስፈላጊ ነው፡፡ 1. መቋቋም (Coping) መቋቋም (Coping) የሚያሳየን በአንድ ሁኔታ ውስጥ እንደምንም ጨክነን፣ ያለንን ይዘን፣ ሳንወድቅና ሳንጠፋ ለመኖር ስንታገል ያለንበትን ሁኔታ አመልካች ነው፡፡ አንዳንድ ጊዜ በከባድ ሁኔታዎች ውስጥ ስናልፍ እንደዚያ ማድረጋችን ምንም ችግር የሌለውና አንዳንዴም የግድ የመሆኑ እውነታ አይካድም፡፡ ሆኖም፣ የተለመደው የኑሮ ዘይቤያችንና አመለካከታችን እንደምንም ተቋቁሞ ኑሮን መግፋት ከሆነ ወደፊት የምንራመድ ሰዎች ሳንሆን ወደኋላ ተንሸራታቾች እንሆናለን፡፡ ይህ ልምምድና ምልከታ ሲኖረን . . . ሕይወት አሰልቺ ትሆንብናለች፣ ችግሮች እንቅፋት እንደሆኑ የማሰብና የመሰናከል ዝንባሌ ይኖረናል፣ በሰዎች ላይ ያለን አመለካከት እየተበላሸ ይሄዳል፣ የዝቅተኝነትና ወደኋላ የመቅረት ስሜት ይጫጫነናል፣ ደስተኞች ከምንሆንባቸው ጊዜያት ሃዘንተኛነታችን ይበዛል፡፡ 2. ማበብ (Thriving) ማበብ (Thriving) የሚያሳየን በምንም ሁኔታ ውስጥ ብናልፍ ከዋናው ዓካማችን አንጻር ከማሰብ፣ ከማቀድና ወደፊት ለመራመድ ከመንቀሳቀስ በፍጹም አለመገታትን ነው፡፡ አንዳንድ ጊዜ ሕይወት የማትገፋ እንደሆነች እንድናስብ የሚጫጫነን ስሜት የመምጣቱ እውነታ መኖሩ አይካድም፡፡ ሆኖም፣ የተለመደው የኑሮ ዘይቤያችንና አመለካከታችን ግፊያውንና የአካባቢን ጫና አልፎ የመሄድ ስለሆነ እየጠወለግን የምንሄድ ሳንሆን እያበብን የምንሄድ እንሆናለን፡፡ ይህ ልምምድና ምልከታ ሲኖረን . . . ሕይወት እጅግ የምታጓጓ ጉዞ እንደሆነች እናስባለን፣ ችግርን እንደ መሸጋገሪያ ድልድይና ትምህርትና ልምድ እንደመቅሰሚያ እድል አድርገን እንቆጥራለን፣ ከሰዎች ጋር ያለን ግንኙነት በአሉታዊነት የተሞላ ነው፣ ራሳችንን ከማሳደግ አልፎ ሌሎች ሰዎችን በሚጠቅም የተሞላ ራእይ ውስጣችን እንደሞላ ነው፣ እንደምንችል ውስጣችን ያውቀዋል፡፡ ከተቋቋሚነት (Coping) ወደ አባቢነት (Thriving) ተሸጋገሩ፡፡ ሽግግሩ የሚጀምረው አእምሮ ላይ ነውና ምልከታችሁን ዛሬውኑ ሞግቱና አስተካክሉ!

ብርቱ ሰዎች! ብርቱ ሰዎች ምንም ያህል ዋጋና መስዋእትነት ቢስከፍላቸውም ከሚጎዳቸውና ለህልውናቸው አስጊ ከሆነ ሰውና ሁኔታ የመለየት ቁርጠኝነቱም ሆነ አቅሙ አላቸው፡፡ ያስባሉ! ያመዛዝናሉ! ጊዜን ይወስዳሉ! ውስጣቸውን ያበረታሉ! ለአንዴና ለመጨረሻ ጊዜ ይቆርጣሉ! ብርቱ ሰዎች ምንም ያህል ዋጋና መስዋእትነት ቢያስከፍላቸውም ነገ ለመድረስ ወደሚፈልጉት የዓላማ ከፍታ ለመድረስ አስፈላጊውን እርምጃ ሁሉ ዛሬ የመውሰድ ቁርጠኝነቱም ሆነ አቅሙ አላቸው፡፡ ያያሉ! ያቅዳሉ! ይዘጋጃሉ! ይወስናሉ! ወደፊትም ይራመዳሉ! ብርቱ ሰዎች ምንም ያህል ዋጋና መስዋእትነት ቢያስከፍላቸውም በሕይወታቸው እየሆነ ያለውን እውነታ በመቀበል መቀየር የሚችሉትን ለመቀየር፣ ለመቀየር የማይችሉትን ደግሞ ተቀብሎ የመኖር ቁርጠኝነቱም ሆነ አቅሙ አላቸው፡፡ እውነታውን ያያሉ! እየሆነ ያለውን በሚገባ ያጤናሉ! ፍልሚያቸውን በሚገባ ይመርጣሉ! ከዚያም መታገል ያለባቸውን ይታገላሉ! ብርቱ ናችሁ! ትችላላችሁ!

#ድሮ_ቀረ : : የምን "ለምን"? የምን "እንዴት"? ድሮ ቀረ በቃ ንዴት። "ለምን" እና "እንዴት" ብዬ በመጠየቅ የተቸረኝ፣ "ይሁን" እና "እሺ" ማለት እንደሆነ መች ቸገረኝ።

ለራሳችሁ የምትናገሩት ነገር አቅም! “ሰዎች አንድን ነገር ሲናገሯችሁ ያንን ነገር የምትሰሙት አንድ ጊዜ ብቻ ነው፤ ለራሳችሁ አንድን ነገር ስትናገሩ ግን ያንን ነገር የምትሰሙት ሁለት ጊዜ ነው” (Unknown source)፡፡ በጉዳዩ ላይ በሚገባ እንድናስብበት የሚያስታውስ አባባል ነው፡፡ አንድን ነገር አንድ ሰው ሲናገረን ንግግሩ አንድ ጊዜ ወደ ጆሯችን ይገባል፡፡ አንድን ነገር ለራሳችን ስንናገር ግን በመጀመሪያ ያንን ሃሳብ ከአንደበታችን በማውጣት፣ ከዚያ ደግሞ ያንን በንግግር ያወጣነውን ነገር በመስማት ድርብ ተጽእኖን እናስተናግዳለን፡፡ ይህንን አባባል በአዎንታዊውም ሆነ በአሉታዊው ገጽታው ልንመለከተው እንችላለን፡፡ ለምሳሌ፣ “እኔ ምንም ነገር የማይሳካልኝ ሰው ነኝ” ብዬ በምናገርበት ጊዜ ማንነቴ ይህንን ሃሳብ በመናገርም ሆነ በማድመጥ ተሳታፊ በመሆኑ ምክንያት ያለመቻል ስሜት በእጥፍ ይጫነኛል፡፡ ከዚህ በተቃራኒ፣ “እኔ የሚሳካልኝ ሰው ነኝ! ያሰብኩትን ማድረግና ማሳካት እችላለሁ!” በምልበት ግዜ የዚህም መልካም ሃሳብ ተናጋሪውም፣ ሰሚውም በመሆነ ድርብ የመቻል ስሜትን አስተናግዳለሁ፡፡ ሰዎች፣ “አትችሉም” ሲሏችሁ፣ እናንተ ደግሞ በተቃራኒው፣ “እችላለሁ” ስትሉ የሚያሸንፈው የእናንተ ነው፡፡ ምክንያቱም የእናንተ ንግግር ድርብ አቅም ስላለው ማለት ነው፡፡ ሰዎች፣ “ትችላላችሁ” ቢሏችሁም፣ እናንተ ግን “አልችልም” ካላችሁ የእናንተ ሃሳብ በራሳችሁ ሁለቴ ስለሚደገም እንደማትችሉ ነው የምትቀበሉት፡፡ ለራሳችሁ የምትናገሩትን ነገር በጥንቃቄ አድርጉት!