غلاي

ما عاد فيني جلادة ع أنصاف الحلول ‏اما تجي ع هوانا .. والا عساها م تجي.

حتى لو أن أوضاعنا دون في دون ‏والناس ثار سلاحها من .. يديها ‏بخير .. دام ان عندنا من يقولون ‏متى الصلاه وكم باقي .. عليها .

لولا الخطاء ماصار للعذر مقدار ‏ولولا الردى ماصار للطيب طاري .

اضحك ولا تهمك تفاهات الحياه ‏اللي يدقق في الحياة ... يـملّها .

رفيق القسا ودك تراكا على مركاه ‏ورفيق الرخا ودك تراكا على كبده .

اثر الشدايد تكشف الناس للناس ‏و يبين فيها اهل الحكي و الصمايل ‏ٰ ‏كم واحدٍ وقت الرخا تحسبه راس ‏ولا هبّته هوج العواصف تمايل .

من لاتقوده فعوله للمكان الرفيع ‏لو يرفعونه هل الامّداح ما يرتفع .

من تغلى … ما ترجينا غلاه ومن تعدانا ترانا قبل صده راحلين

كم من سليمً شكله معافا وتفكيره معاق ‏يمشي على البيدا برجلينه وعقله في يده ‏اليا انفتح للشر باب يصير كنه في سباق ‏واليا نصيته في مجال الخير كنك تطرده ‏الخير والمعروف مايجزا بصده وانشقاق ‏على الاقل اليا تجمل فيك احد لاتجحده.

لا تعطي لكل التفاصيل : قيمه ‏عشان ما تندم عليها مع الوقت .

يا ليت بعض الظنون تشوفها عيني ‏مليت احسن ظنوني وانصدم فيها

ماسفهـت من العقول الا الخـلي ‏وماحقـرت من الكلام الا النبيـح ‏والـعتــم لابــد يــوم يـنـجـلـي ‏وأسود النيه . . يجي يوم ويطيح

النفس لا طابت ترا ما بها طبّ ‏أصعب علاج .. علاج نفسٍ عزيزه

الوقت لا بده ليا شان واعياك ‏يسقيك من حلوه وتنسى هماجه ‏اصبر على الشدات مهما اتحداك ‏كم مزنةٍ يسبق مطرها عجاجه .

من عـاش عمره للمخاليق تبـاع ‏يشرب فـناجيـل الـغـبـن والمـذله ‏وراع المعزه لو من الـوقت يلتاع ‏ يعيش شامخ مـا انحنى غير لله .

انفوسنا رغم الخطا تحسن الظن ‏و اوجيهنا لو كشر الوقت سمحه .

من تذكرني على صفوة مزاجه ‏ينتظرني لين يصفى له مزاجي .

حتى الردي لا تردى ما ترديت فيه ‏علي من طيب راسي ما علي من رداه .

وقفاتنا ترهب .. عقول الحاقدين ‏وافعولنا وقت الزحام ادهى و امر ‏ٰ ‏ولا جات للنخوه .. وعون المستعين ‏« حنا مقر الطيب ,, ما حنا ممر ».

من يدور غيرنا .. يلقى كثير ‏ومن يدور مثلنا يبطي عظم .