طُمَأنينه | أيه وديع 💙

من مواقف الكليه اللي مش بتتنسي برضو واللي معلقه في قلبي بجد، في أول الترم في محاضرة الدكتور بتشرح كله بالانجليزي فمعظمنا مش فاهم، فكان قاعد ورايا بنتين صحاب واحده فيهم فاهمه الدكتور فبتسمع منها وتترجم لصاحبتها، كل ما الدكتور تقول حاجه تقعد تترجمها لصاحبتها وتشرحهلها حتى لو بتترجم حاجات غلط بس مصممه تفهم صاحبتها عشان تبقى قاعده مستوعبه الدكتور بتشرح في إيه، وحقيقي كان نفسي اقولها امسكي فيها بإيدك دي مش هتلاقي زيها بجد، وحقيقي مافيش ألطف من الحنيه والصحاب اللي قلبهم على قلب بعض بجد 🥺💙💙💙💙💙💙💙💙💙

بقالي كتير جدًا ما نشرتش حاجه هنا والحقيقه إني ممكن ما انشرش هنا تاني، فأنا في جروب الواتس طول اليوم بجد 😂🙂 فكل اللي مهتم ممكن يدخل فيه 💙.

السلام عليكم 💙

عمري ما تخيلت إني هلاقيه, فارس أحلامي مين غيره, لقيت في عنيه قلبي ولقيت فيه الحب اللي كنت بدور عليه, ازاي الحياه معاه حلوه كده كل حاجه بوجوده ليها طعم تاني, لما بنخرج ونتمشى وناكل ضره أو لب جمب النيل بحس إن هي دي أعلى مراحل السعاده بالنسبالي, هو ممكن السعاده تتلخص في وجود شخص يكونلك الدنيا كلها ولما بيغيب بحس إن كل حاجه مالهاش طعم, الدنيا بتتلخص في وجوده بل العالم من غيره ما يبقاش موجود بالنسبالي؛ فات سنه على جوازنا وكل اما أفتكر إني كنت بحبه في صمت في المكتبه بتضحك أوي عليا وإن من غير مريم كان قلبي حاله هيبقى غير الحال -بتقرأ إيه؟ -دي أول رواية أشتريتها منك من المكتبه -بتحب القراءة أوي كده عشان تحتفظ بيها كل الوقت ده؟ -بحبك إنتِ أكتر، ومحتفظ بيها عشان تعتبر أول حاجه اخدها منك والسبب إني عرفتك -خالد -نعم -انت ليه ما قولتليش إنك بتحبني وما تقوليش كنت خايف من ردة فعلك -عشان كنت خايف اخسرك يا ياسمين، انتِ عارفه إني كنت باجي المكتبه كل يوم عشان اشوفك كأني بشحن طاقتي وأمشي أواجه العالم وأنا معايا ضحكتك في قلبي، تخيلي قولتلك ورفضتي كنت هعمل إيه صدقيني ماكنتش هقدر أواجه العالم من غير وجودك حتى لو مجرد إني بشوفك بس ما عرفتش أرد وقتها لاني كنت حاسه إن قلبه اللي بيتكلم مش هو، بيواجه العالم بضحكتي وأنا بواجه العالم بيه عشان من غيره العالم ما يفرقليش، بصيتله وأنا بضحك كده -افرض كنت مشيت أو بعدت -كنت هاجي وراكي -مستعد تمشي كتير عشاني -أنا ألف العالم كله عشان اشوفك لحظه وهو العمر فيه قد إيه عشان أقضيه من غير ما ألمح طيفك -مش هتتعب -التعب هيبقى في بعدك يا ياسمين، أنا هأبقى ميت من غير روح لو بعدتي -أنا موجوده مش همشي -الونس بالنسبالي بيتلخص في وجودك والعالم بالنسبالي من غيرك ما يفرقليش "خُلقت منك يا شريك العمر، وكأنني خلقت منك ليرزقني الله بكَ" #خُلقت_منكَ #أيه_وديع

يا كسفتك يا حازم, يارب الأرض تتشق وتبلعني يارب, إيه الإحراج ده, ظلمته يا حبيبي طلع مش خاين والا حاجه, ثانيه كده وأنا أعرف منين إن هو مش بيضحك عليا, لقيتني ببوصله كأني بستجوبه كده -وأنا أعرف منين إن هي أختك مش بتضحك عليا -هكدب عليكِ ليه يعني؟ وبعدين هتفرق معاكِ في إيه؟ بصيتله كده وعنيا دمعت هو ازاي يقولي كده إيه هتفرق معاكِ في إيه دي, سيبته ومشيت ورجعت لمريم تاني وأنا خلاص على تكه وأعيط -إيه اللي حصل يا ياسمين قالك إيه؟ -بيقولي هتفرق معاكِ في إيه لو عرفتي هي مين -طب ماهو عنده حق يا ياسمين -لا ما عندوش حق وبعدين بيضحك عليا وبيقولي أختي قال يعني أنا هبله وهصدق اللي بيقوله -إنتِ عبيطه طب ماهو قالك إن هي أخته اهو وماكدبش عليكِ والا حاجه ليه بتسمحي لتفكيرك يصورلك حاجات تانيه وبعدين يا ياسمين أنا مش عاجبني الوضع ده عماله ترفضي في عرسان وبتحبيه وهو ما يعرفش وماينفعش كده ومش راضيه تقوليله كمان -أصل مش هروح أقوله يعني لو هو بيحبني يجي يقولي لو مش بيحبني يجي يقولي برضو -طب ما أنا بحبك سمعت صوت جاي من ورايا يشبه صوته خايفه أوهم نفسي إن هو وأطلع بحلم في الاخر, لقيته جاي وقف قدامي وبيقولهالي تاني وأنا واقفه مزهوله, هو إيه اللي بيحصل ده لسه مهزقني من شويه جاي يقولي بحبك دلوقتي, ثانيه ثانيه كده بيحبني يعني إيه! ولما هو بيحبني ما قاليش ليه, أنا مش فاهمه حاجه -طب أنا هستأذن دلوقتي وهروح أقعد مع إسراء وإنت بقى يا خالد هديها كده -هي مريم عرفت اسمها منين وإيه اللي بيحصل ده أنا مش فاهمه حاجه؟ -أنا هفهمك يا ياسمين, كل الموضوع إن أنا مريم قالتلي إنك بتحبيني وأنا كمان بحبك وماجيتش المكتبه هنا كل يوم صدفه علفكرا لكن كنت خايف اقولك ولما مريم قالتلي كنت عاوز أجي أكلمك على طول لكن هي قالتي مش دلوقتي لما أتأكد الأول واتفقنا إني هجيب أختي معايا عشان تكلمك هي وتبقوا صحاب وتقولك لكن رد فعلك صدمتني وحسيت إن الموضوع مشي غير ما كنا مخططنله، فلما لقيتك زعلتي من كلامي ما اقدرتش أصبر بصراحه وكان لازم أجي أقولك على طول بعد ما خلص كلام قومت وقفت وسيبته ومشيت وأنا بعيط حسيت إن نفسي صعبانه عليا وإني عروسه لعبه بيختبروها في مشاعرها، ازاي مريم تحطني في الموقف ده وتروح تقوله من ورايا وازاي هو يدي لنفسه الحق إنه يختبر فيا حاجه أنا بس اللي من حقي أقرر هي موجوده وألا لا، مشاعر متلغبطه بين إنهم غلطانين وإن المفروض أفرح إن اللي كنت عوزاه اتحقق، فضلت ماشيه بعيط لحد ما وصلت البيت ودخلت الاوضه وقفلت الباب ونمت، لما بحب اهرب من الدنيا بنام هي دي الحاجه الوحيده اللي بتخليني أفقد السيطره على نفسي وعلى حزني صحيت الصبح على صوت مريم بتخبط على الباب -افتحي يا ياسمين نتكلم طايب وقوليلي زعلانه من إيه -......... -طب حقك عليا لو عملت حاجه تضايقك، أنا اسفه والله طبعًا عيطت على صوت عياطها وفتحت الباب ـ طب خبيتي عليا ليه؟ ما قولتليش إن كل ده هزار ليه, وإنتِ شيفاني بعيط قدامك؟ -كنت عاوزه اساعدك هو إنتِ مفكراني فرحانه وأنا بشوفك كل يوم بتتوجعي, يا ياسمين أنا لو سيبتك مية سنه كمان ما كنتيش هتقوليله, أنا عارفه إني غلطت لما ما عرفتكيش وأنا اسفه والله، لكن خسرتي إيه المهم إنك عرفتي إنه بيحبك، ما تزعليش مني بقى زعلك ما يهونش عليا والله يمكن قلبي متضايق من الموقف لكن سامحتها عشان عارفه إن هي خايفه عليا فعلاً، حضنتها وقعدنا نعيط إحنا الاتنين -كفايه عياط بقى عشان العريس على وصول -عريس إيه؟ -خالد ما هو اتأخر إمبارح على معاده في المكتبه عشان كان عندكوا هنا بيكلم بباكي -ده بجد ده والا بتضحكي عليا يا مريم -خليكي إنتِ واقفه كده بالبيجامه لحد ما هو يجي -طب هلبس إيه طايب؟ -أنا جيبالك كل حاجه معايا ما تقلقيش

-هو مش اللي بيحب عنيه بتفضحه ازاي هو ماخدش باله لحد دلوقتي من إن عنيا فضحاني والا هو مش بيشوف يا مريم يعني؟ -استني بس يا ياسمين يا حبيبتي هو إنتِ قولتيله إنك بتحبيه رديت وأنا بخبي إيدي بوشي كده -لا -طب الواد يا عيني هيعرف منين برضو -لازم يحس يا مريم مش الواحد بيحس بالناس اللي بتحبه -ده في أفلام عبدالحليم اللي إنتِ بتسمعيها يا حبيبتي مش دلوقتي -طب اتخانق معاه لما يجي -يا أنهر أبيض هتتخانقي مع واحد يعتبر زبون في المكتبه بيجي يقرأ ويمشي وهتتخانقي معاه تقوليله إيه بقى, إنت ازاي يا بيه ما تجيش تقولي بحبك منك لنفسك كده, اعقلي شويه يمكن مريم معاها حق لكن الحل إيه دلوقتي أصل مش هروح أقوله يعني إيه الحلاوه دي يا خاطف قلبي إنت, إيه ده؟ إيه الكلام اللي أنا بقوله ده؟ أنا هتعامل معاه عادي يعني وبعدين أنا مش بحبه أصلا ده تعود بس عشان بشوفه كل يوم مش أكتر, فضلنا قاعدين أنا ومريم شويه مستنين البيه يشرف أصله اتأخر النهارده وهو مش متعود يتأخر كده, شويه ولقيته داخل ومعاه واحده شبه القلم الرصاص كده بس مش حلوه لا -شوفتي يا مريم اللي بيعمله مش كفايه جاي متأخر وسايب قلبي قلقان عليه لا وكمان جايب واحده معاه, والله ما هسكتله -اهدي بس كده وهدي أعصابك -إلحقي ده بيشدلها الكرسي عشان يقعدها لا بيفهم في الاتيكيت أوي وسايبني بولع هنا -هتعملي إيه يعني هتكرشيهم؟ -لا هكرشها هي, ممنوع دخول الكابل دي مكتبة محترمه مش كافيه هو يا ست مريم -يا بنتي عادي أي حد يدخل المكتبه -أنا مش قادره, أنا هروح أجيبها من شعرها مشيت كده ناحيتهم وكنت خايفه أصل مافيش سبب مقنع إني اتخانق معاه يعني, واحد بيجي يقرأ في المكتبه بتاعتنا بقاله سنتين وأنا بحبه وبغير عليه من غير ما يعرف هل ده سبب إني أروح أجيبها من شعرها وأقولها ما شوفكيش تقربي منه تاني، والا أعمله كوباية شاي وأكبها على وشها عشان تتشوه وأقولها غصب عني, أنا ازاي بفكر كده لا لا مافيش حاجه من دي هتحصل وإن شاء الله مش هتعصب لو فتحت بوقها قدامي, وقفت قدامهم كده لقيته بيقولي -ياسمين تعالي واقفه كده ليه؟ -إيه تعالي دي هو بيعزم عليا في شقتهم دي المكتبه بتاعتي كلمته وأنا بضغط على سناني كده -شكرًا ورايا شغل, أنا بس كنت جايه أقول للكتكوته دي تمشي عشان هي مش عامله كارت عضويه في المكتبه وممنوع دخول أشخاص غير مرحب بهم إيه يا بت يا ياسمين اللي قولتيه ده غير مرحب بهم إيه هي مرات أبوكي -ياسمين دي معايا في إيه؟ -إيه معاك دي يعني أختك, مامتك, خطيبتك, مراتك مثلا -أيوه إسراء أختي

- ماذا إن عدت معتذرًا؟ - لا وجود لشخصٍ فارق قلبي، لشخصٍ جعلني أتساءل في الدقيقة ألف مره: ماذا رأيت من قلبي لترحل؟ ماذا فعل لك قلبي لِتتركه هكذا؟ أهذا الجزاء الذي يستحقه قلبي بعد أن وقع في حب شخص مثلك؟ أهذا الحب الذي أنتظره؟ وإن عدت الآن بذلك الحب فمن يعيد لي قلبي؟ قلبي الآن لا وجود له، هذه الجملة القاسيه يستخدمونها تحت مسمى العودة والندم يفعلون ما يفعلون ويرحلون ثم.. ماذا إن عدت معتذرًا؟ لا فأنا أصبحت على دراية بكل ألاعيب قلبك، لا أستطيع تحمل رحيل آخر أصبحت مهلكه للحد الذي يجعلني أسقط إن نعتني أحد بالساذجه الذي أعطت قلبها لذلك اللص مرة آخرى.. "لا" أقولها وكل ما بي ينزف أقولها وقلبي خراب من الداخل يتملكه الحزن ويسيطر عليه الألم، أستجمع الان جميع قوايا الهالكه منذ رحيلك وأخبرك إنني لا أريد شخص مثلك ولا قلب مثل قلبك.. لا تعود فلا وجود لشخص فارق قلبي. #أيه_وديع

هل يقرأ قلبك رسائلي التي لا أرسلها إليك؟