👬abnayy1🍼

"تعديل سلوك" "مشكله العناد" -العناد يبدأ في نهايه السنه التانيه ويستمر الي ٦ سنين ...بيكون الطفل عاوز يثبت نفسه - العناد : هو سلوك مكتسب من البيئه و يورث عند الاطفال كاستعداد للسلوك و ليس السلوك نفسه و البيئة التي تثير هذا السلوك عند الطفل فيظهر . مثاااال : زي ما ناس بتقول لاطفالهم دماغه ناشفة زي باباه ومن الاسباب ::: ١- الظروف المحيطة والسن وترتيبه وسط اخواته ٢- التدليل الزائد ٣- الاب والام غير متفقين علي اسلوب العقاب ٤-شخصيه الاب والام تؤثر سلباً أو إيجابا علي الطفل ٥-قد يحدث بسبب أن الأم شخصية تسلطيه وكل كلامها صح ولازم يمشي دون الاهتمام بيه وبشخصيته كيفيه مواجهه العناد وعلاجه::::: ١-الاتفاقيات المتبادلة: -بتقلل المشاكل السلوكية بنسبه كبيره وخصوصا العند - مينفعش الام تقول علي الطفل أنه عنيد أمام الآخرين - الام لازم تكون متفقه مع الطفل علي كل حاجه قبل الخروج ٢- الفتره الزمنيه : تستخدم مع كل الناس العنيده ..لازم اديله فتره زمنيه أنهم ياخدوا قرار -مثاال : لو خارجين عند حد معين الام تقوله نقعد ربع ساعه ولا نص ساعه ٣- التخيير : - بحسس الطفل أن الأمر في أيده وهو المفروض يختار - البعد عن صيغه الأمر نهائياً -المدح بيهدي الطفل نفسياً -رفع الثقه بالنفس - الحب ؛ المشاركه في اللعب ؛ الاحتواء ؛ قراءه القصص -ممنوع ادي للطفل أوامر معقده :مثل ::الواجبات الكثيره لانه بيسبب ضغط نفسي ممنوع الضرب لانه بيزود من العناد

قواعد في تربية الاطفال الذكور !؟ ١- الولد من حقه يعيط ! الولد او بنت في النهاية هو طفل ربنا اداه مشاعر الحزن والفرح والغضب وكل حاجة زي باقي البشر ، من حقه يعيط ويعبر عن وجعه المهم نعلمه بس مدعى غلاوه مشاعره وبكائه علينا كأهل ! فبدل ما نقول متعيطش انت راجل !! نقول لما تحب تعيط او تحس انك زعلان تعالي قول لماما ، تعالي اتكلم مع بابا مافيش حاجة اسمها الولد ميعيطش والبنت تعيط ، والولد ينشف والبنت تدلع ، الاثنين اطفال والاثنين محتاجين الحب واحترام مشاعرهم ، عشان يكبر الولد يكون راجل قادر يحترم ويفهم ويقدر مشاعر ولاده ومشاعر زوجته ، مش انسان الي لا فاهم نفسه ولا فاهم الاخرين .. براحة على الولاد . ٢-الولد من حقه يتحضن ، اوعي تحرمي ابنك الولد من حضنك عشان بقي مراهق ! تربية الطفل الولد مش معناها ابدا عيب احضن ابني عشان هو ولد !! الطفل ولد او بنت بيحتاج ١٢ حضن يوميا على الاقل عشان يحس انه مقبول ومحبوب من الاهل . طفل صغير او مراهق الاثنين محتاجين الحضن والاحتواء والكلام دا بالذات للاطفال الي ابتدوا يقربوا من سن المراهقة امهات كثير بتقولي بتكسف احضنه بقول خلاص بقى كبير ! ودا غلط طفلك محتاج حضنك مش محتاج يحس ان اطرد من حضنك عشان بقي مراهق . ٣- الولد من حقه يلعب تربية الطفل الولد لا تعني حرمانه من اللعب بالدمي المختلفة زي البيبي او الرسم او اللعب الخيالي زي المطبخ وادوات الطبخ خاصة في السن اقل من ٧سنوات ، تلاقي الطفل ولد او بنت بيميل يلعب الدرامي اكثر ودا طبيعي جدا عشان دا سن التخيل الكبير وسن التقليد . ٤- الولد واجب نعلمه انه جزء من البيت واجب عليه يشارك في كل ما يتعلق في البيت مافيش فرق بين بنت ولد . لا خالص تربية الطفل الولد مهم جدا نعمله فيها ولد ولا بنت انت مسئول وجزء من البيت الي انت عايش فيه ، ربي طفلك يساعدك هيكبر يساعد نفسه واهل بيته ومافيش فرق بين بنت وولد في اعمال البيت دا بيتكم وانتم كلكم تحافظوا عليه نضيف ، كفاية تربوا اطفال ذكور شايفه نفسها انها اتخلقت عشان تتخدم ، ويكبروا يطلعوا لا بيساعدوا اهل بيتهم ولا بيقدروا مجهود اهل بيتهم . ٥- تربية الطفل الولد على فكرة القوامة والقوامه اول معني فيها هو العطاء ، زي مثلا يكون حنين على اخته مش متحكم في اخته ، ودا جزء كبير من فكرة القوامه بعدين لما يكون زوج .. القوامة معناها عطاء كبير فلو عندك اخ اكبر من اخته علموه يكون حنين عليها بدل ما يكون دوره في حياتها انه الشويش عطيه وهو متخيل ان دا اثبات كدا لكونه ولد ! ، ربي طفلك يكون متعاطف يكون مبادر يكون مفكر مش يكون بيشتم ويضرب عشان هوا ولد ! ٦- تربية الطفل الولد معناه اربي طفلي على الانضباط واول خطوة في الانضباط هي تدريبة على قواعد وروتين البيت في الاكل والنوم وتنظيم المنزل ، وتدريبية على الصلاة من اول ال٧ سنوات لانها اهم خطوة في الانضباط . طيب ازاي تربي طفلك صح بنت او ولد ؟ اكتبوا لينا تعليق ( تربية ) اسفل التعليقات وهرسل ليكم ٢٠ حلقة تربوية مهمة جدا في رحلتكم في تربية ولادكم من الطفولة الي المراهقة هتساعدكم جدا في يومكم مع اطفالكم 💙. اعملوا منشن لكل ام ولكل اب عندهم اطفال ولاد 💙 عايزين نرفع الوعي بين بعض بالصح في تربية ولادنا ساعدوني اني اوصل لكل بيت فيه اطفال . دعاء كرسون / اخصائية تعديل سلوك مدربة تربية ايجابية للوالدين موجهة منتسوري للطفولة المبكرة