Tehsil.im - Təhsil və İş Elanları

📢 Məktəbəhazırlıq qrupları üzrə məktəb seçiminə başlanılır! 2026–2027-ci tədris ili üzrə məktəbəhazırlıq qruplarına qəbul üzrə məktəb seçiminə başlanılır. Valideynlər 21 iyul saat 11:00-dan başlayaraq Bakı şəhəri istisna olmaqla, ölkənin digər rayon və şəhərlərində məktəb seçimini həyata keçirə bilərlər. Bakı şəhəri üzrə seçim prosesi 21 iyul saat 15:00-da, tədris digər dillərdə aparılan bölmələr üzrə isə 22 iyul saat 11:00-da başlayacaq. 📅 Qeydiyyat mektebeqebul.edu.az portalı üzərindən həyata keçirilir və 14 sentyabr saat 18:00-dək davam edəcək. 📌 Qeyd edək ki, məktəbəhazırlıq qruplarına yalnız 2021-ci il təvəllüdlü, yəni cari ildə 5 yaşı tamam olan uşaqlar qəbul olunur.

📢 Peşə təhsili müəssisələrinə ixtisas fənn müəllimləri və istehsalat təlimi ustalarının işə qəbulu üzrə müsabiqəyə start verilir. ⏳ Qeydiyyat tarixi: 17-30 iyul 2026 🔗 Qeydiyyat linki: https://portal.edu.az/ 🔗 Ətraflı: https://vet.edu.gov.az/news/content/1335/inner 🔗 Vakansiya siyahısı: https://shorturl.at/5CZoD #PeşəTəhsili #MüəllimlərinİşəQəbulu2026 #MİQ2026

“Zəfər” yay düşərgəsi keçiriləcək Elm və Təhsil Nazirliyinin “Elm və təhsil sahəsində ictimai təşəbbüslərin dəstəklənməsi” qrant müsabiqəsi çərçivəsində “Zəfər” Şəhid Ailələrinə Dəstək İctimai Birliyi tərəfindən yay düşərgəsi təşkil olunacaq. “Zəfər” yay düşərgəsi çərçivəsində 30 məktəbli şəhid övladı innovasiyalar sahəsində təcrübəli mütəxəssislərin iştirakı ilə keçiriləcək təlimlərə cəlb olunacaq. İştirakçılar qrup formatında təşkil ediləcək intellektual oyunlarda bilik və bacarıqlarını nümayiş etdirəcək, həmçinin idman və əyləncə proqramlarında iştirak edəcəklər. Layihə 21–24 avqust tarixlərində Şamaxı rayonunda yerləşən İqtisadiyyat Nazirliyi yanında Dövlət Vergi Xidmətinin Tədris Mərkəzində həyata keçiriləcək. Düşərgə ərzində iştirakçıların komanda işi, liderlik və rəqəmsal bacarıqlarının inkişafına dəstək göstəriləcək, innovasiya sahəsində uğur qazanmış tanınmış şəxslərlə görüşlər təşkil olunacaq.

📢 2026–2027-ci tədris ili üçün müəllimlərin işə qəbulu (MİQ) müsabiqəsinin test imtahanlarının keçiriləcəyi tarixlər açıqlanıb. 🗓️ Namizədlər gün ərzində şəxsi kabinetlərinə daxil olaraq imtahanın tarixi, saatı və keçiriləcəyi məkan barədə məlumatla tanış ola bilərlər. 📍  Qeyd edək ki, müəllimlərin işə qəbulu üzrə müsabiqənin test imtahanları 14-18 iyul tarixlərində ölkənin 19 şəhərində yerləşən 38 imtahan mərkəzində təşkil olunacaq. Müsabiqədə iştirak edəcək bütün namizədlərə uğurlar arzulayırıq!

📢 Lisey və gimnaziyalara qəbul imtahanının nəticələri açıqlanıb. Nəticələr iştirakçıların şəxsi kabinetlərinə göndərilib. 🗓️ Seçim prosesi 8 iyul saat 11:00-dan 14 iyul saat 12:00-dək davam edəcək. 💻 Lisey və gimnaziya seçimləri şəxsi kabinetlərdə yerləşən “İmtahanlar” bölməsinin “Lisey seçimi” hissəsi vasitəsilə həyata keçirilir. 📌 Bu mərhələdə: 🔹 Maksimum 3 lisey və ya gimnaziya seçmək mümkündür; 🔹 Yalnız  təhsil almağı planlaşdırdıqları lisey və ya gimnaziyanı seçmək tövsiyə olunur. ✅ Şagird seçdiyi lisey və ya gimnaziyaya qəbul olunduğu təqdirdə: 🔄 Şagirdlərin elektron yerdəyişmə sistemi aktivləşdiriləcək; 📋 Avtomatik yerdəyişmə sorğusu yaradılacaq. 📂 Uğur qazanan şagirdlərin sənədlərinin qəbulu prosesinin avqust ayının ilk yarısında həyata keçirilməsi nəzərdə tutulur.

Meysari Grand Hotel & SPA-da əlavə olunan vakansiyalar üzrə namizədlər tələb olunur. Uyğun namizədlər tanıyırsınızsa və ya maraqlanan şəxslər varsa, müraciət üçün aşağıdakı e-poçt ünvanına CV-lərini göndərmələrini xahiş edirik: 📧 careers.meysari@absheronhotelgroup.com 📍 İş yeri: Şamaxı, Meysari Grand Hotel & SPA.

🎓AZCON Holding və Azərbaycan Texniki Universitetinin (AzTU) əməkdaşlığı, Avropanın nüfuzlu Münxen Texniki Universitetinin (TUM) akademik dəstəyi ilə həyata keçirilən AZSET - beynəlxalq akademik standartları sənaye təcrübəsi ilə birləşdirən innovativ bakalavr təhsil proqramına qeydiyyat başlayıb! Təhsil proqramı hazırda kompüter elmləri ixtisası üzrə beynəlxalq səviyyəli mütəxəssislərin hazırlanmasına yönəlib. 📌 Kimlər müraciət edə bilər? * Təbiət, texniki, texnoloji və əlaqəli ixtisaslarda təhsil alan; * Birinci kursu uğurla başa vurmuş tələbələr. 🌍 Dil tələbi: * Minimum B2 səviyyəsində ingilis dili biliyi. 💻 Proqramın üstünlükləri: * Tamamilə ingilis dilində tədris; * TUM akademik yanaşması və kurikulumu; * Real layihələr üzərində praktiki təcrübə; * AZCON ekosistemində karyera imkanları. 🎓 Məzunlar əldə edəcəklər: * AzTU-nun dövlət nümunəli bakalavr diplomu; * “TUM International GmbH” sertifikatı. ✈️ Əlavə imkanlar: * Yüksək nəticə göstərən tələbələr üçün Münhen Texniki Universitetinə tədris səfərləri. 📅 Qeydiyyat üçün son tarix: 15 iyul 2026 🔗 Qeydiyyat və daha ətraflı məlumat üçün keçid: https://www.azsetedu.az/

📢 Məktəbəqədər təhsil müəssisələrinə uşaqların elektron qəbulu prosesinə başlanılır 🗓️ 07 iyul 2026-cı il saat 11:00-dan etibarən Regional Təhsil İdarələri və Naxçıvan Muxtar Respublikasının tabeliyində olan məktəbəqədər təhsil müəssisələrinə, 09 iyul 2026-cı il saat 11:00-dan etibarən isə Bakı şəhəri üzrə məktəbəqədər təhsil müəssisələrinə qəbul üçün elektron növbələrin yaradılmasına başlanılacaq. 🕚 2021 və 2022-ci il təvəllüdlü uşaqlar üçün növbələr saat 11:00-da, 2023, 2024 və 2025-ci il təvəllüdlü uşaqlar üçün isə saat 15:00-da aktiv olacaq. 📱 Nəzərinizə çatdırırıq ki, bu il ilk dəfə olaraq qəbul prosesi “myGov” platforması üzərindən həyata keçiriləcək. Belə ki, valideynlər (və ya qanuni nümayəndələr) qeyd olunan tarixlərdə “myGov” kabinetinə daxil olaraq “Xidmətlər” bölməsindən Elm və Təhsil Nazirliyinin “Məktəbəqədər təhsil müəssisələrinə qəbul” xidmətini seçməklə elektron müraciət prosesini həyata keçirə bilərlər. ℹ️ Qeyd edək ki, qəbul sistemi vasitəsilə bir uşaq üçün maksimum 3 məktəbəqədər təhsil müəssisəsi seçilə bilər. Yaradılmış növbə boş yer olduğu təqdirdə minimum 5 gündən sonra sorğuya çevriləcək. Sorğu yaradıldıqdan sonra valideyn (və ya qanuni nümayəndə) 7 gün ərzində tələb olunan sənədləri müvafiq məktəbəqədər təhsil müəssisəsinə təqdim etməlidir. Əks təqdirdə sorğu silinəcək və növbəli şəkildə başqa uşağın qəbulu aparılacaq. 📌 Ötən tədris ilində yaradılmış növbə və sorğular arxivləşdirilərək valideyn kabinetinə əlavə edilib. Həmin növbə və sorğular 2026–2027-ci tədris ili üzrə qəbul prosesində etibarlı hesab olunmur.

Məktəbəqədər təhsil sahəsində valideyn-dövlət-özəl əməkdaşlığı modeli dövlət hesabına maliyyələşəcək Azərbaycan Respublikası Prezidentinin Fərmanına (https://president.az/az/articles/view/72776) əsasən övladını müəyyən edilmiş qaydalar çərçivəsində özəl məktəbəqədər təhsil müəssisəsinə yerləşdirən valideynlərin ödədiyi aylıq təhsil haqqının bir hissəsi dövlət büdcəsi hesabına qarşılanacaq. Ətraflı: https://edu.gov.az/az/news-and-updates/23197-1

‼️Elm və təhsil naziri Emin Əmrullayev : Azərbaycanda 14 mindən çox müəllim 1500–2000 manat əməkhaqqı alır.

📢 Məktəblərdə mobil telefon və elektron cihazlardan istifadəyə dair yeni qaydalar təsdiqlənib Elm və təhsil naziri Emin Əmrullayevin imzaladığı qərara əsasən, məktəbəhazırlıq qruplarında və ümumi təhsil müəssisələrində dərs zamanı təhsilalanların mobil və elektron cihazlardan istifadəsi qadağandır. 🔹 Şagirdlərin məktəbə gətirdiyi mobil və elektron cihazlar dərslər başa çatanadək müəssisə rəhbərliyinin müəyyən etdiyi yerlərdə (mobil qutular, şkaflar və s.) söndürülmüş və ya səssiz rejimdə saxlanılacaq. 🔹 Dərs zamanı cihazlardan yalnız müəllimin icazəsi və nəzarəti altında tədris məqsədləri üçün istifadə edilə bilər. 🔹 Məktəb ərazisində mobil cihazlardan yalnız fövqəladə və zəruri hallarda (sağlamlıq, təbii fəlakət və s.) informasiya mübadiləsi üçün istifadə olunmasına icazə verilir. 🔹 Qaydaların pozulması halında valideynlər 1 iş günü ərzində məlumatlandırılacaq və profilaktik tədbirlər görüləcək.

Universitetlərdə diplomlar artıq elektron veriləcək.

📢 IT üzrə mütəxəssis VAKANSİYASI Dövlət təşkilatında IT mütəxəssisi vəzifəsi üzrə vakansiya elan edilir. Vəzifə öhdəlikləri: * Müəssisənin rəqəmsal sistemlərinin gündəlik işinə nəzarət etmək və davamlı fəaliyyətini təmin etmək. * Daxili struktur bölmələrin ehtiyaclarını analiz edərək yeni sistem tələblərini hazırlamaq. * Bu tələbləri texniki tapşırıqlara çevirib icra üçün İT mütəxəssislərinə yönləndirmək. * Sistemlərdə yaranan xətaları ilkin olaraq test edib aşkarlamaq və həlli üçün İT mütəxəssislərinə dəqiq məlumat vermək. * Rəhbərlik tərəfindən verilən digər tapşırıqların yerinə yetirilməsi. Namizədə dair tələblər: * İnformasiya texnologiyaları, kompüter elmləri, idarəetmə və ya əlaqədar sahədə ali təhsil. * Rəqəmsal layihələrin idarəedilməsi və ya İT biznes analitika sahəsində minimum 2 il iş təcrübəsi. * Texniki arxitektura və verilənlər bazası (SQL, API) üzrə ümumi biliklər. * Layihə və tapşırıq idarəetmə alətləri ilə sərbəst işləmək bacarığı. * Proseslərin modelləşdirilməsi (BPMN, UML) üzrə biliklərin olması arzuolunandır. * İngilis və rus dillərini bilmək üstünlükdür. Müraciət qaydası: Tələblərə uyğun namizədlər CV-lərini 10.07.2026-cı il tarixinədək ayanmammadova152@gmail.com elektron poçt ünvanına “IT mütəxəssis” başlığı ilə göndərə bilərlər.

🌞💻 RƏQƏMSAL YAY MƏKTƏBİ BAŞLAYIR! Yay tətilini həm əyləncəli, həm də faydalı keçirə bilərsiniz. 🚀 📢 Rəqəmsal Yay Məktəbinə qeydiyyat artıq açıqdır! Proqram çərçivəsində iştirakçılar: ✅ Kompüter və rəqəmsal bacarıqlar ✅ Süni intellekt və yeni texnologiyalar ✅ Komanda işi və layihə hazırlığı mövzularında bilik və bacarıqlar əldə edəcəklər. 📅 Başlanma tarixi: 1 iyul 2026-cı il       Müraciət üçün son tarix: 29 iyun 2026-cı il 📍 Məkan: Rəqəmsal Məktəb 📝 Qeydiyyat:  https://tinyurl.com/3usr4b5t 🌟 Gələcəyin texnologiyalarını bu gündən öyrən, yeni dostlar qazan və öz potensialını kəşf et! 📌 Yerlər məhduddur. Qeydiyyatdan keçməyə tələsin!