مكتبة العلاج النفسي

_الحياة الجنسية بيظهر على المريض سلوك جنسي مخالف لطبيعته من ادمان للعادة السرية ولا مانع من القيام بها أمام أفراد العائلة أو الكلام عنها بافصاح أو استعراض أعضاء الجنسية أو اغتصاب جنسي أو التصرفات الجنسية المختلة وممكن توصل أحيانا إلى الانحراف الجنسي أو العهر ثم محاولة للاعتداء على المحرمات مما يجعله عرضة للعقوبة والسجن أحيانا لعدم معرفة الناس بمرضه . ملحوظة مريض الفصام مش بيعاني من اي اضطرابات في الذاكرة أو التعرف على الأشخاص ودرجة الوعي بتاعة سليمة وواضحة الا في بعض الحالات الكاتاتونية كمان درجة ذكاىه بتبقى زي ما هي في حدود العادي ودة بتقدر نفرق من خلاله الفصام العضوي من الفصام الوظيفي .

الفصام الجزء الاخير هنتكلم عن آخر عرض وهو الهلاوس بكل انواعها الاول يعني اي هلاوس دي استجابات على منبه مش موجود اصلا يعني يسمع صوت او يشوف حاجة هي مش موجودة في الحقيقة والهلاوس مربوطة بالحواس فهتلاقي كل حاسة من الحواس الخمس ليهم هلاوس بيهم (هلاوس سمعية وبصرية وتذوقية وشمية ولمسية) اكتر الهلاوس انتشار عند مرضي الفصام هي الهلاوس السمعية وبتكون في الغالب هلاوس بتعلق على شكل المريض أو سلوك المريض أو حركاته أو بتديله أوامر يعملها أو بتشتمتة أو تهاجمة أو بتتهمة اتهامات شاذه ونادرا لما تكون الهلاوس فيها مدح أن تشجيع . وفي الغالب المريض بيقول أن الأصوات دي جاية من الناس في الشارع أو الجيران أو المحيطين بيه أو زملائه في العمل أو أنها جاية من التلفزيون أو الموبايل . وكتير من المرضي بيتشاجر مع الأصوات دي بصوت عالي فدة اللي بيخلي الأهل تتعجب وتقول هو ماله بيكلم نفسة وبيتخانق مع مين !؟ فتلاقي المريض بيقول فجاه اسكت بقى بلاش الكلام دة والله ما انا عامل كدة او يصرخ ابعد عني حرام عليكم انا مش كدة وغيرها من الكلام ومش هقدر نقول إن المريض مش بيسمع صوت لا طبعا هو بيسمع صوت فعلا بس مش موجود في الواقع .ومفيش حد يقدر يسمع الأصوات دي غيره احنا مش هنصدق التفسيرات اللي بيقولها عن مصدر الأصوات دي من الجيران ولا غيرهم بس هنصدق أن هو فعلا بيسمع اصوات وتقوله أنها من أعراض مرضية لازم تتعالج . أحيانا بتاخد الأصوات دي طابع جنسي فممكن الأصوات تتهمة بالفجور والشذوذ ومرة تتهمة بالدعارة أو أنها فقدت عذريتها أو في هيئة دينية وكأنه يسمع الملائكة أو الجن أو أنه مرسل لهداية الناس أو اعتقاده بالنبوة أو أحيانا أوامر بالقتل أو الانتحار . _ الهلاوس البصرية هي منتشرة بشكل كبير في الفصام العضوي ومش منتشرة قوي في أغلب حالات الفصام الا في الحالات الحادة فلما يكون درجات الوعي مختلطة والتفكير مشوه يبدأ يشوف المريض اضواء باهرة واشكال حيوانات تزحف نحو زي في فيلم الفيل الازرق لما كان بيصحي على الاشكال دي . _ الهلاوس الشمية هي مش نادرة مع مرضي الفصام بس بتظهر بكترة في أمراض الفص الصدغي وفي الغالب بيشم المريض روائح كريهة تنبعث من حوله أو منه هو . فيقول د احمد عكاشة أن أحد المرضي كان يعاني من هلازس شمية وان بتطلع منه روائح كريهة بتخلي الناس تمشي من رصيف التاني وبيفسر اي حد عايز يولع سيجارة عشان يتخلص من ريحته ..ولو اي حد خرج منديل يبقى هو عشان يشد مناخيرة عشان مش يشم ريحته وبعد فتره انعزل في بيته _الهلاوس اللمسية بتظهر مع الفصام العضوي وإدمان الكوكايين وبتاخد شكل جنسي فمثلا المريضة اللي كانت بتصحي جوزها وتلومه أنه ازي سكت على التحرش اللي بيحصل ليها طول الليل وهي نائمه جنبه في السرير من غرباء ومريض يعتقد أن الناس بتلمس اعضاءة الحساسة في الشارع أو يحس أن العضو التناسلي غير موجود أو تغير حجم وشكله . ٦- اضطرابات السلوك كل الاضطرابات اللي فاتت بتأثر على سلوكه وبتخليه ينعزل وينسحب عن المجتمع فالمريض اللي عندة ضلالات الاضطهاد او هلاوس أو اضطرابات الإرادة بينتهي بيه الأمر لو متعالجش أنه هينعزل عن العالم ويبعد عن الأسرة ويعيش في عالم الخيال المستمر وأحيانا بيكون الانعزال هو بداية المرض قبل ظهور الأعراض الأخري من الفصام _ الحياة العائليه للمريض بيفقد الاهتمام بذاته والاهمال في نظافته الشخصية وبيطلق لحيته ولا يمشط شعرة أو يستحمي ولا يهتم بالاحداث اليومية في عائلته زي الأمراض والأحزان والافراح ويكون أحيانا عرضة لسلوك غريب عن طبيعة وتحصل معاه نوبات من الهياج أو العدوان أو النشوة دون أسباب واضحة . وأحيانا ليبدأ المرض الفصام بالاعراض دي في الاول ويعمل سلوكيات غريبة زي البنت اللي فجاه بقيت تعاكس الرجال وتمدح أجسامهم أمام ابوها المحافظ دينيا واجتماعيا لو المريضة اللي بتسرق الفراخ من التلاجة على الرغم أن أهلها مش هيمنعة اصلا أنها تأكل زي ما هي عايزة . او الشاب اللي أطلق لحيته وبطل يروح الدراسة وبدأ في التصوف زيارة المساجد ليلا ونهارا أو تلك الفتاه اللي حرقت لبسها فجاه وبدأت تلبس الثياب الاسود من أعلى لاسفل اتباعا لتعليم الدينية. _ الحياة الاجتماعية بيبدا المريض في الانعزال والتوقف عن الذهاب الى النوادي والمقاهي ودور العبادة ويفقد الاهتمام بأصدقائه ويحاول الابتعاد عنهم ويانف مشاركتهم كسابق عهدة ثم يبدأ في للاعتناق لمذاهب فلسفية أو دينية أو سياسية غامضة وشاذة. _العمل بيبدا يهمل في عملة أو دراسته وتقل قدراته ويعاني من صعوبات في التركيز وتتدهور قدراته .

عايز يغير المدرسة بتاعته وبعد ما يحصل دة يقولك لا انا عايز ارجع للمدرسة القديمة واحيانا واحد يغير كليته وبعد فتره يرجع تاني عايز يرجع لنفس الكلية القديمة بدون أسباب منطقية وتحس من خلالها أنه متردد بشكل غريب ومش ثابت على رأي وبيحصل مع بعض البنات تبقى شايفة عريس مناسب وبعد فتره من الخطوبة وخلاص هيتجوزة تقول لا انا مش عايزة اتجوز ومش عايزة العريس دة وبعد ما تفركش الخطوبة بعد فتره ترجع تاني عايزة تتخطب لنفس العريس . 4- الإضطرابات المعرفية يعتبر دة اكتر اضطراب بيخلي مريض الفصام حياته بايظة والسبب بيكون عند طريق فشل في الدراسة أو في العمل وفي طريقة تفكيرة الغير منطقية . وبيظهر دة من خلال بيشتكي من صعوبة في التركيز ويشتكي من ضعف في الذاكرة وبيحصل عندة خلل في تقدير المسافة أو إدراك الزمن فتلاقية مش عارف الايام ولا الساعة كام ولا احنا ليل ولا نهار الخ . وبتبدا الأعراض دي قبل ما تبدأ الأعراض التانية من مرض الفصام أو نقدر نقول بكل بساطة دي العلامات اللي تقدر تقول هو في بداية المرض لو متعالجتش هيدخل في باقي الأعراض . ولو أهمل في اكتشاف المرض لمدة طويلة بيفقد المريض مع الوقت إرادته والاحساس بذاته واحيانا يعتقد في أنه بينتمي لعالم النباتات أو الحيوان أو الجماد . وفي بعض المرضي ممكن يكون شايف نفسه بينتمي لعالم الأسماك وتلاقية اغلب الوقت ماسي في الشارع كأنه بيعوم في الماء بعيد عن شخصيته الحقيقة وفي اللي يحس أنه بينتمي لأشعة الشمس وأنه جزء منها وهكذا . وهنكتفي باللي اتكلمنا فيه النهاردة ونكمل باقي الأعراض في بوست تاني

الفصام (الجزء الثاني ) صباح الخير هنكمل باقي الأعراض مرض الفصام اتكلمنا امبارح عن اضطراب التفكير النهاردة هنكمل باقي الأعراض هنتكلم النهاردة عن اضطرابات الوجدان بس قبل ما اقولك ايه حاجه في اضطرابات الوجدان حابب اوضحلك أن أي إنسان مننا لما يتعرض لموقف يثير جواه مشاعر سواء كانت حب او كره او قلق أو خوف أو غضب . من الطبيعي أن يكون في رد فعل أنه يزعل على المواقف اللي تزعل ويفرح على المواقف اللي تفرح . فتيجي السؤال امال فين الاضطراب الاضطراب بيكون في رد الفعل دة _أما بيدي رد فعل مش مناسب للموقف أو يدي رد فعل أقوي من الموقف أو ميديش رد فعل اصلا في وقت كان لازم يدي رد فعل . _خلي بالك الحته دي هتلاقي في اضطرابات كتيرة بتشترك فيها مش بس الفصام وممكن نقول إن الأمراض دي لو متعالجتش ممكن توصل للفصام وممكن يكون اصلا دة بدايات الفصام فناخد بالنا . _بيقولك هنا أن مريض الفصام بيمر بمراحل بتبدا أول مرحلة أنه يتأخر في الاستجابة للانفعال . يعني مثلا عارف اللي بيتخبط في الباب وبعد دقيقة يقول ااااااه أو اللي يتقال قدامه الكلام أو النكته وبعد ما الناس تضحك تلاقية هو ضحك اللي هو يخليك تحس أنه اخيرا وصلت . بعد فتره تلاقيه يبدأ تقل عندة القدرة على الانفعال فممكن تقوله كلام مدح أو زم تلاقية مش مدي اي ريأكشن لا متضايق ولا مبسوط وتحس أن وشه خالي من التعبيرات ويبدأ مع الوقت يحس أنه غريب في المكان ويقل عندة المشاعر زي العطف والحنان وتبدأ اول حاجه مع الاهل وأصدقائه ودة عكس طبيعته . _يعني مثلا يكون مشهور عنه أنه حنين وبيعطف على اخواته وأهله وأصحابه وبيشاركهم الاحزان والافراح . فتلاقي مثلا حصل موقف زعل وحزن على الأسرة وهو يبان أنه لا مبالي بالي بيحصل باللي حواليه . عارف انت الشخص اللي عندة لا مبالاه بعد ما كان بيشارك الناس أحزانها وافراحها وقلقها ويبدأ يفقد الاحساس دة ، اهو مريض الفصام كده وبعد الناس ممكن تقول دة بسبب الظروف اللي مر بيها لكن الظروف كانت عامل مفجر للاعراض مش اكتر . اول نوع من اضطرابات الوجدان قوة الانفعال زي ما قولنا أن المريض بيبدا مع الوقت يفقد القدرة على المشاركة مع المحيطين من الأهل والاصحاب لغاية ما يوصل لمرحلة الأخيرة وهي التجمد الانفعالي أو زي ما بسميها اللامبالاة الانفعالية . وفي مرحلة التجمد الانفعالي بينعدم التجاوب مع الأسرة بالعكف والحنان وبعد فتره ليظهر عظم التناسق الانفعالي . يعني يستجيب الاخبار الحزن بالضحك والفرح والاخبار الفرح بالحزن والبكاء . يعني ممكن سمع خبر وفاه حد من العيلة أو الأسرة تلاقية بيضحك . واحيانا بيضحك ويبكي ويبتسم بدون وجود منبه او بدون موقف اصلا . يعني يبقى قاعد لوحدة وتلاقية بيضحك ويبتسم وممكن يبكي بدون سبب ودي اشد مراحل الاضطراب . _النوع الثاني شكل الانفعال المريض هنا بيمر بتذبذب انفعالي مستمر يعني تلاقية فرحان ومزاجه رايق وبعد وقت قصير زعلان وخايف ومرعوب وعندة قلق واكتئاب وبتظهر الانفعالات بدون سبب ولوحدها كدة . على الرغم من أنه ممكن يكون عندة جمود انفعالي زي ما ذكرنا فوق . وبسبب الانفعالات دي ممكن يحصل اندفاعات ويعمل سلوكيات غير لائقة أو مناسبة وممكن يرتكب بعض الجرائم العنيفة واحيانا بتكون دي بداية المرض قبل ما تظهر باقي الأعراض . _النوع الثالث عدم التجاوب الانفعالي بتلاقيه مش قادر يحس بالالفه مع الناس ومش عارف ياخد عليهم ويتكلم معاه وتلاقية عايز ينعزل ويقعد لوحدة ومش عايز يختلط بالناس . واحيانا بيعمل كدة مع المعالج فيحس المريض أنه المريض بعيد عنه انفعاليا ومش عايز يتكلم معاه واللي هو أساسي في العلاج النفسي اصلا ودة اللي بيخلي العلاج النفسي صعب مع الحالات دي . وافتكر معايا مريض مش عايز يقعد مع حد ولو فكرت تضغط عليه تلاقية بعد شوية يرجع يقعد لوحدة وحتى لما تيجي انت تنكشه عشان يقعد معاك يقولك انا مرتاح وانا لوحدي . 3- اضطراب الإرادة اهم حاجة بتميز الاضطراب الفصام هو فقدان قوة الإرادة تلاقي المريض مش قادر ياخد اب قرار وبتلاقية سلبي جدا في تصرفاته ، ولما تيجي تكلمه لما ميديش رد فعل على حاجه بقولك اعذار ضعيفة وغامضة ومش سبب منطقي لسبيته فمثلا تيجي تقوله انت مستحمتش ليه بقولك اصل انا معنديش هدوم والميه ساقعة في حين الكلام دة مش صحيح ويكون عندة هدوم وفي سخان أو يقولك انا بستحمي عشان اعرف اعمل حمام لكن غير كدة انا مش بعرف استحمي . ولما تيجي تسأله على سلبيته دي زي مثلا ليه بتنام طول النهار في السرير ومش بتروح ليه الكلية أو المدرسة فيدي مبررات أنه عندة صداع أو أن الجو برد أو نفسيته تعبانه . وفي بعض الأحيان يبرر سلبيته أنه تحت تأثير قوي خارجية أو أنه تحت التنويم المستمر من إشعاعات أو السحر والاعمال مخلياه مش قادر يصحي أو أن العملاء بيدبره مؤامرات ضده عشان يفضل نايم . واحيانا بتجيله أوقات من العناد على رأي والتشبث بيه ويتنشن دماغة في راي زي مثلا

واللي بيخلي شكل تفكيرة شبه الشخص التاريخ وبيحلم وبتكون الحقيقة والخيال جزء واقعي من تفكيرة وحياته زي مثلا انت لما بتشوف في الحلم بتلاقي نفسك قاعد في مكان وفجاه بدأ الاكشن والمغامرات والهروب وبعدين تلاقي نفسك قاعد في مكان بتلعب بلياردو وبعدين روحت مكان تعرفة واحداث كتيرة لما تصحي من النوم تقول اي الحلم الغريب دة ، في احداث كتيرة ملهاش علاقة ببعض اهو المريض بيكون كدة بس وهو صاحي مش بيحلم . المريض مش بيقدر يفكر تجريديا وبيكون تفسيرة عيانيا فمثلا لو طلبت من المريض ايجاد المعني من أمثال شعبية زي اللي بيته زجاج ميحدفش الناس بالطوب . بتلاقي المريض بيفشل أن يلاقي المعني التجريدي من وراء المثل زي من يعاني من عيب لا يصح أن يغتاب غيرة وانما المريض الفصام يفسرة بطريقة ملموسة أو المعني الحرفي للكلمة فيقول لو ضربت الناس بالطوب بالزجاج هيتكسر . افتكر مرة كنت في تدريب المستشفي فكنت بشرح للمرضي الفصام المشاعر فحبيت ادي بالخطأ مثال لشيء ملموس قولتلهم يعني مثلا لو نتخيل مع بعض أن الكباية الشاي دي زي المشاعر وبدأت أشرح عليها أنه لما نسيب مشاعرنا فبتكون إزالتها اصعب زي الكباية الشاي لما يكون فيها تفل فقام واحد قالي ما تقوم تغسل الكباية عادي . والموضوع دة بياثر جدا علية لو كان طالب لأن اغلب اللي بنتعلمة محتاج فهم تجريدي فتلاقي الطلبة اللي عندها فصام بترسب في الامتحانات ولو كان شاكر تلاقي درجاته نزلت فجأة يعني يبقى بيجيب كل سنه امتيازات وفجاه تلاقية جاب صفر أو ضعيف جدا وبيكون بيذاكر . كمان لأن تفكيرة غامض بتلاقيه مهتم بالدراسات الغيبية زي الفلسفة والدين وعلم النفس وممكن ينتمي للأحزاب السياسية المتطرفة وطبعا المريض مبيبقاش واعي الكلام دة . بتلاقيه بيشكو من صعوبة في التركيز ومش قادر يفهم الموضوعات اللي بيدرسها وتلاقية متعلق بالتفاصيل التفاههه ومش قادر يأخذ قرارات . اضطراب مجري التفكير اول حاجة توقف التفكير تلاقي المريض وهو بيتكلم في موضوع بيوقف وبعدين يبدا يتكلم في موضوع تاني مختلف عن اللي كان بيتكلم زي ما شرحت فوق . _ضغط التفكير المريض هنا بيحس بزحمة في دماغة من الأفكار ولما تقولو اتكلم فميعرفش يتكلم عنها . ويبدأ يسقط الكلام دة على الغير فيقولك محدش فاهمني والدكتور مش فاهمني وأهلي وأصحابي مش فاهميني ومش قادرين يقدرة أوجاعي وانفعالاتي وأفكاري . تلاقية برضو بيشكو أن الدكتور مش بيدله وقت يسمعه مع ان لمعالج بقالة ساعات بيتكلم معاه . _اضطراب التحكم في التفكير اول حاجة السحب أو الحرمان من الأفكار بتلاقي المريض بيشكو أن افكارة حد بياخدها منه زي مثلا أجهزة الأمن والمخابرات عشان يحرمون منها لانها معلومات خطيرة . وان العملاء عايزين ياخدة افكارة عشان ينقذه البشرية وممكن يشكي أن هو معندهوش اي افكار لأن هما اخدوها منه وعملوله ضبط المصنع لدماغه فتلاقيه مش عال يركز في الشغل أن الدراسة _ ادخال الأفكار بتلاقي المريض بيقولك أن في ناس دخلت افكار في دماغة بس هي مش أفكاره عشان تسيطر عليه وهما عايزين يشغلوني معاهم غصب عني وبيشكي انه مش قادر يعمل حاجة رغم أنه بيحاول يطردها ويقولك الأفكار دي دخلت دماغة عن كيف الإشعاعات والعقول الإلكترونية أو أن أجهزة المخابرات زرعت شريحة في مخه للتحكم فيه ولو مش متعلم يقولك أن بسبب السحر والاعمال الخ . _ اذاعة الأفكار بيشكي المريض هنا من أن اتسرقت افكاره وانها بتتعرض على الراديو والتلفزيون أو السوشيال ميديا والجرائد والصفحات النت بتتكلم عنه والاقمار الصناعية وممكن يقولك أن هما بيقروا أفكاري واللي بيجي في بالي والاعتقاد دة بيخليه قاعد مرعوب لأن افكار دي بيكون فيها احيانا شر وان كدة اتفضح والناس كلها عرفت نواياه الشريرة واحيانا بيوصل لمرحلة أنه يحاول الانتحار . _اضطراب محتوي التفكير هنا بيكون المريض اسير لاعتقاداته الخاصة ووساوس مرضية وتوهم الأمراض الجسمية . فتلاقية بيلف على كل الدكاتره عشان شاكك أنه عندة ورم خبيث ولما يقولوه الدكتور أنه كويس بالأشعة والتحاليل يرفض يصدق ويروح يشوف دكتور تاني ويقولك الدكتور دة مش فاهم حاجه انا عندي مشكلة وهكذا . هنوقف لحد هنا ونكمل في بوست تاني باقي الأعراض وحابب اعرف رايكم في طريقة العرض ولو في حاجة مش واضحة أو حابب اقلل واختصر قوله في التعليقات

الفصام (سكيزوفرنيا) Schizophrenia قبل ما نبدا في شرح المرض حابب أوضح الفرق بين الفصام وانفصام الشخصية وأنهم مرضين مختلفين . انفصام الشخصية وهو أن يكون المريض شخصيتين مختلفين عن بعض او اكتر من شخصية زي فيلم split دة مرض تاني اسمو الهستيريا الانشقاقية (تعدد الشخصيات ) أما الفصام فدا مرض تاني خالص ليه أعراض وانواع وأسباب مختلفة . حابب أوضح أن مفيش حاجة في الطب النفسي اسمها الجنون وان اللفظ دة قانوني اكتر من أنه يكون طبي ، يلا بينا نبدا _في البداية هعلمكم تقسيمة للأمراض النفسية عشان نبقى عارفين المرض دة تبع انهي فئة خصوصا أن في أمراض نفسية وفي أمراض عقلية وفي اضطرابات شخصية . _الفرق بين الأمراض النفسية والأمراض العقلية أو العصاب والذهان _ابرز الفروق أن المريض العقلي مش بيبقى عارف أنه مريض ومش بيطلب العلاج عشان كدة بيرفضة العلاج وبيحتاجه أنهم يتحجزة في مصحات نفسية ومستشفيات ومن أمثلة الأمراض العقلية زي الفصام واضطراب ثنائي القطب وبعض الأمراض الذهانية الأخري . أما المريض النفسي فهو مريض عارف أنه مريض وعشان كدة بيروح يسعي لطلب المساعدة من الأطباء والمعالجين ومن أمثلة الأمراض دي زي الاكتئاب والقلق والفوبيا والرهاب الاجتماعي والوسوس القهري وغيرها من الأمراض _البداية دي كان لابد منها لانها هتبقى اولى المنشورات في سلسلة الأمراض النفسية والعقلية واضطراب الشخصية . هنبدا النهاردة بحاجات بسيطة عن مرض الفصام وهنكمل باقي في منشورات تانية . اول حاجة هنتكلم فيها في الفصام هو تعريفة الفصام دة مرض ذهاني يعني مش بيكون المريض واعي بالمرض بتاعة . بيكون في مجموعة من الأعراض النفسية والعقلية واللي لو متعالجتش من الاول بتعمل تدهور واضطراب في الشخصية والسلوك _ومن أهم الأعراض دي اضطراب التفكير ،والوجدان والإدراك والإرادة والسلوك وكل عنصر من دول ليه شرح بالتفصيل وعناصر جواه كبيرة كمان هنتكلم عن أسباب مرض الفصام وأنواعه وطرق علاجه والعلامات المبكرة اللي بتمهد للفصام. هنبدا المنشور ب أعراض مرض الفصام 1. اضطراب التفكير 2. اضطراب الوجدان 3. اضطراب الإرادة 4. الاضطراب المعرفي 5. الأعراض الكتاتونية او التصلبية 6. الضلالات 7. الهلاوس 8. اضطرابات السلوك وعلشان نقدر نقول إن الشخص دة يشخص فصام محتاجين بناءا على التصنيفات العالمية DSM 5 أن يكون عند المريض 3 أعراض من الأعراض الآتية 1- الضلالات 2- الهلاوس 3- تفكير غير مترابط 4- سلوك غير مترابط 5- عراض سلبية وهنتكلم في كل حاجة بالتفصيل عايز أوضح أن أعراض الفصام بتختلف من مريض التاني حسب شدة ومدة المرض فممكن نلاقي مريض عندة كل الإضطرابات ومريض تاني عندة عرض واحد . اغلب الدارسين للطب النفسي وعلم النفس بيكون شايف أن الأعراض المميزة لمريض الفصام هو الضلالات والهلاوس في حين أن الكلام دة مش صح وان اغلب الأعراض دي منتشرة في أنواع كتيرة من الأمراض الذهانية سواء كانت الوظيفية أو العضوية وان الأعراض المميزة لمريض الفصام هو اضطرابات التفكير والوجدان والإرادة والملكات المعرفية وكل اللي غير كدة حاجة ثانوية . نبدا باول عرض من أعراض مرض الفصام 1. اضطراب التفكير تنقسم اضطرابات التفكير إلى اضطراب التعبير عن التفكير اضطراب مجري التفكير اضطراب التحكم في التفكير اضطراب محتوي التفكير _اضطراب التعبير عن التفكير الاضطراب دة من الأعراض المميزة الفصام بيحس المريض بغموض وصعوبة في التعبير عن افكارة وبيظهر دة في قلة وعدم الترابط بين الأفكار فتلاقي المريض مش قادر يستمر الكلام في موضوع واحد لمدة طويلة وبتلاقية مش قادر يخلص الفكرة اللي بدا يتكلم فيها ومش قادر يربط الأفكار في بعض . يعني ممكن تكونه بتتكلمة في الكورة تلاقية دخل في اكتر من حاجه في نفس الوقت وبعدين ومش يخلص الموضوع وتلاقية دخل في موضوع تاني فيقولك المنتخب المدرب بتاعة مش كويس ومحمد صلاح كويس وليفربول دة مكان غريب وفرنسا فيها برج ايفل وانت عارف ان أمريكا مفهاش مساجد كتيرة والسعودية روحت جبت منها سبحة ومصلية والبيت عندي مش عايزني اروح اشوف عمي اللي مش راضي يخليني اروح اسافر القاهرة عشان اجيب هدومي من عند واحد صاحبي كان ساكن في اسكندرية وروحنا البحر وجبنا سندوتشات شاورما وامي بتقولي أن اخوية زعلان مني . وتلاقية كمان مش بيقدر يوصل المعني بسهولة لتلاقية زي ما انت شوفت بيتكلم في تفاصيل تافهه وتحس انه مش قادر يركز ولا يوصل المعني بسهولة ومش عارف يدخل في صميم الموضوع . كمان بيختلط الواقع مع الخيال والحاجات اللي بتحصل في يومه مع اضطراب تفكيرة